လံာ်ယံးရမံယၤ 50:5 - Sgaw Karen Common Bible

⁵ အဝဲသ့ၣ်ကသံကွၢ်ကျဲလဲၤဆူ ဝ့ၢ်စံယိၣ်ဝံၤဒီးလဲၤပိာ်ကျဲအဝဲန့ၣ်လီၤ. အဝဲသ့ၣ်ကမၤတၢ်အၢၣ်လီၤအီလီၤအထူအယိာ်တမံၤဒီးယၤဒီး တမၤဟးဂီၤဝဲနီတစုဘၣ်.

လံာ်ယံးရမံယၤ 50:5 Iomraidhean Croise

လံာ်တၢ်ကဲထီၣ်အခီၣ်ထံး 17:7

ယကဟံးဃာ်ယတၢ်အၢၣ်လီၤအီလီၤဒီးနၤ, ဒီးနစၢၤနသွဲၣ်လၢခါဆူညါအစိၤသ့ၣ်တဖၣ်ဒ်တၢ်အၢၣ်လီၤအီလီၤ အထူအယိာ်တမံၤအသိးန့ၣ်လီၤ. ယမ့ၢ်နကစၢ်ယွၤဒီးပှၤလီၤစၢၤလီၤသွဲၣ်လၢနၤတဖၣ်အကစၢ်ယွၤန့ၣ် လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:5

ဒီးတၢ်န့ၣ်မ့ၢ်ကစၢ်ယွၤကဆိၣ်ဂ့ၤယစၢၤယသွဲၣ်တဖၣ် ဒ်လဲၣ်ဒ်လဲၣ်အဂ့ၢ်, မ့ၢ်လၢအဝဲမၤတ့ၢ်တၢ်အၢၣ်လီၤအီလီၤအထူအယိာ်တမံၤဒီးယၤ, ဒီးတၢ်အၢၣ်လီၤခံခီယၢ်ခီတမံၤလၢအဟးဂီၤကွံာ်အီၤတသ့ဘၣ်, တၢ်အၢၣ်လီၤတမံၤလၢတၢ်လဲလိာ်ကွံာ်တသ့ဘၣ်န့ၣ်လီၤ. တၢ်န့ၣ်မ့ၢ်တၢ်ခဲလၢာ်လၢယမိၢ်န့ၢ်သးလီၤအီၤန့ၣ်လီၤ. တၢ်န့ၣ်ကမ့ၢ်ယတၢ်မၤနၢၤ, ဒီးကစၢ်ယွၤကမၤလၢထီၣ်ပှဲၤထီၣ်အီၤသပှၢ်တၢၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 19:10

အဝဲစံးဆၢဝဲ, “ယွၤ, သ့တၢ်လၢာ်ကစၢ်ယွၤဧၢ, ထီဘိယမၤတ့ၢ်နတၢ်မၤဒီးမၤဒၣ်ထဲတဂၤဧိၤအတၢ်မၤန့ၣ်လီၤ. မ့မ့ၢ်ကီၢ်အံၣ်စရ့လးအပှၤဂီၢ်မုၢ်မၤဟးဂီၤကွံာ်အတၢ်အၢၣ်လီၤ ဒီးနၤ, မၤလီၤပှီၢ်ကွံာ်နတၢ်လုၢ်လီၢ်တဖၣ်ဒီးမၤသံကွံာ်လံနဝံခဲလၢာ် န့ၣ်လီၤ. ယမ့ၢ်ပှၤထဲတဂၤဧိၤလၢအအိၣ်လီၤတဲာ်, ဒီးအဝဲသ့ၣ်ကျဲးစၢးမၤ သံယၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 19:14

အဝဲစံးဆၢဝဲ, “ယွၤ, သ့တၢ်လၢာ်ကစၢ်ယွၤဧၢ, ထီဘိယမၤဒီးမၤဒၣ်တ့ၢ်နတၢ်မၤထဲနၤတဂၤဧိၤအတၢ်မၤန့ၣ်လီၤ. မ့မ့ၢ်ကီၢ်အံၣ်စရ့လးအပှၤဂီၢ်မုၢ်မၤဟးဂီၤကွံာ်အတၢ်အၢၣ်လီၤ ဒီးနၤ, မၤလီၤပှီၢ်ကွံာ်နတၢ်လုၢ်လီၢ်တဖၣ်, ဒီးမၤသံကွံာ်နဝံခဲလၢာ် န့ၣ်လီၤ. ယမ့ၢ်ပှၤထဲတဂၤဧိၤလၢအအိၣ်လီၤတဲာ်, ဒီးအဝဲသ့ၣ်ကျဲးစၢးမၤသံယၤန့ၣ်လီၤ.”

စံးထီၣ်ပတြၢၤ 84:7

အဝဲသ့ၣ်တဖၣ်န့ၣ်ဒံးလဲၤတၢ်, အဂံၢ်အဘါဒံးဆူၣ်ထီၣ် ဒီးအဝဲသ့ၣ်ကထံၣ်ဘၣ်ကစၢ်တဖၣ် အကစၢ်ယွၤ လၢစံယိၣ်န့ၣ်လီၤ.

လံာ်ယၡါယၤ 35:8

ကျဲမုၢ်ဖးဒိၣ်တဘိလၢအဘၣ်တၢ်ကိးအီၤလၢ, “တၢ်စီဆှံအကျဲ” ကအိၣ်ထီၣ်ဝဲလီၤ. ပှၤတၢ်ဒဲးဘးဖိတလဲၤတၢ်လၢကျဲအဝဲန့ၣ်နီတဂၤနီတစုဘၣ်. ပှၤဟးဂီၤဖိတဖၣ်လၢအကဆှၢကမၣ်ဘၣ်ပှၤတဖၣ်လၢအပိာ်ကျဲ အဝဲန့ၣ်တအိၣ်နီတဂၤဘၣ်.

လံာ်ယၡါယၤ 55:3

ဒိကနၣ်ခဲအံၤ, ယပှၤဂီၢ်မုၢ်သ့ၣ်ဧၢ, ဒီးဟဲဆူယအိၣ်တက့ၢ်. ဟဲဆူယအိၣ်ဒီးသုကန့ၢ်ဘၣ်တၢ်မူလီၤ. ယကမၤတၢ်အၢၣ်လီၤအီလီၤအထူအယိာ်ဒီးသု ဒီးဟ့ၣ်သုတၢ်ဆိၣ်ဂ့ၤတဖၣ်လၢယအၢၣ်လီၤတ့ၢ်စီၤဒၤဝံးန့ၣ်လီၤ.

လံာ်ယံးရမံယၤ 3:18

ကီၢ်အံၣ်စရ့လးကပာ်ဖှိၣ်ဃုာ်အသးဒီးကီၢ်ယူဒၤဒီးအဝဲသ့ၣ်ကဟဲဝဲ တပူၤဃီလၢတၢ်စိာ်မၢကဲကုၢ်အလီၢ်လၢကလံၤစိးတခီဒီးအဝဲသ့ၣ် ကဟဲက့ၤကဒါက့ၤဆူထံကီၢ်လၢယဟ့ၣ်န့ၢ်သါတ့ၢ်အမိၢ်ပၢ်ဖံဖု လၢပျၢၤတဖၣ်ဒ်အမ့ၢ်အတၢ်န့ၢ်သါအဂၢၢ်အကျၢၤအသိးန့ၣ်လီၤ.”

လံာ်ယံးရမံယၤ 31:21

ပာ်ထီၣ်တၢ်ပနီၣ်တဖၣ်ဒီး မၤနီၣ်ကျဲမုၢ်န့ၣ်တက့ၢ်. ဃုက့ၤကဒီးကျဲလၢ သုဟးထီၣ်ကွံာ်န့ၣ်တက့ၢ်. ဟဲက့ၤကဒါက့ၤတက့ၢ်, ကီၢ်အံၣ်စရ့လး အပှၤဂီၢ်မုၢ်သ့ၣ်ဧၢ, ဟဲက့ၤဆူ ဟံၣ်ဆူဝ့ၢ်တဖၣ်လၢ သုဟးထီၣ်ဒီး ပာ်တီၢ်အီၤန့ၣ်တက့ၢ်.

လံာ်ယံးရမံယၤ 31:6

မ့ၢ်လံ. တၢ်ဆၢကတီၢ်ဟဲလံဝဲဖဲ ပှၤပၢၤတၢ်ဖိတဖၣ် ကကိးထီၣ်လၢ ကီၢ်အ့ဖရဲၣ်အတၢ်လူၢ်တဖၣ် အဖီခိၣ် ဒီး စံးဝဲ, ‘မ်ပလဲၤထီၣ်သကိးဆူ ဝ့ၢ်စံယိၣ်, ဆူယွၤပကစၢ် ယွၤအအိၣ်တက့ၢ်န့ၣ်လီၤ.”

လံာ်ယံးရမံယၤ 32:40

ယကမၤတၢ်အၢၣ်လီၤအီလီၤ အထူအယိာ်တမံၤဒီး အဝဲသ့ၣ်န့ၣ်လီၤ. ယတဆိကတီၢ်ယတၢ်မၤဂ့ၤ တဖၣ်တၢ်လၢ အဝဲသ့ၣ်အဂီၢ်နီတစုဘၣ်, ဒီးယကမၤပှဲၤ အဝဲသ့ၣ် အသးဒီး တၢ်ပျံၤယၤဒ်သိး အဝဲသ့ၣ်အသုတဃၣ်ကွံာ်အသးလၢ ယၤနီတစုတဂ့ၤအဂီၢ်န့ၣ်လီၤ.

လံာ်ယံးရမံယၤ 6:16

ယွၤစံးဘၣ်တ့ၢ်အပှၤဂီၢ်မုၢ်, “ဆၢထၢၣ်ဖဲကျဲဘၣ်သဂၢၢ်လိာ်သးဒီးကွၢ်တၢ်တက့ၢ်. သံကွၢ်က့ၤကျဲဖိလၢပျၢၤတဖၣ်ဒီး, ကျဲမုၢ်အဂ့ၤကတၢၢ်အိၣ်ဝဲဖဲလဲၣ်န့ၣ်တက့ၢ်. လဲၤတၢ်လၢအပူၤဒီး သုကအိၣ်မူဘၣ်လၢတၢ်ဃူတၢ်မုာ်အပူၤန့ၣ်လီၤ.” ဘၣ်ဆၣ်ဒီးအဝဲသ့ၣ်စံးဝဲ, “ပတလဲၤပိာ်ဘၣ်.”

လံာ်ယဃ့းစက့လး 16:61

နကသ့ၣ်နီၣ်ထီၣ်က့ၤလၢနမၤတ့ၢ်တၢ်ဒ်လဲၣ်ဒီးမဲာ်ဆှးလၢတၢ်န့ၣ် အဃိဖဲနမၤန့ၢ်က့ၤနဝဲၢ်မုၣ်ဒီးနပုၢ်မုၣ်အဆၢကတီၢ်န့ၣ်လီၤ. ယကပျဲအဝဲသ့ၣ်ကဲထီၣ်ဒ်ဖိမုၣ်တဖၣ်အသိးလၢနဂီၢ်, ဖဲတၢ်အံၤမ့တမ့ၢ်တၢ်လၢအအိၣ်လၢယတၢ်အၢၣ်လီၤအီၤလီၤဒီးနၤ အပူၤဒၣ်လဲာ်န့ၣ်လီၤ.

လံာ်ယဃ့းစက့လး 37:22

ယကပာ်ဖှိၣ်အဝဲသ့ၣ်ဆူပှၤတကလုာ်ဃီလၢကီၢ်ပူၤ, လၢ ကီၢ်အံၣ်စရ့လးအကစၢၢ်တဖၣ်အဒီခိၣ်န့ၣ်လီၤ. အဝဲသ့ၣ်ကအိၣ် ဒီးစီၤပၤတဂၤလၢကပၢအဝဲသ့ၣ်ဒီးအဝဲသ့ၣ်တအိၣ်လီၤဖးလိာ် အသးဆူပှၤကလုာ်ခံကလုာ်မ့ၢ်ဂ့ၤ, လီၤဖးကွံာ်ဆူဘီမုၢ်ခံ ဘ့ၣ်မ့ၢ်ဂ့ၤလၢၤဘၣ်.

လံာ်ဟိၤၡ့ 1:11

ကီၢ်ယူဒၤအပှၤဂီၢ်မုၢ်ဒီးကီၢ်အံၣ်စရ့လးအပှၤဂီၢ်မုၢ်သ့ၣ်တဖၣ် ကပာ်ဖှိၣ်က့ၤကဒီးအသးန့ၣ်လီၤ. အဝဲသ့ၣ်ကဃုထၢပှၤအခိၣ်တ ဂၤလၢအဂီၢ်ဒၣ်ဝဲဒီးအဝဲသ့ၣ်ကဒိၣ်ထီၣ်အါထီၣ်ကဒီးအသီတ ဘျီဒီးကဘီၣ်ထီၣ်ညီထီၣ်လၢအထံအကီၢ်အပူၤန့ၣ်လီၤ. မ့ၢ်လီၤ, ယံးစရ့လးအမုၢ်တနံၤကမ့ၢ်မုၢ်နံၤအဒိၣ်တနံၤန့ၣ်လီၤ.

လံာ်ဟိၤၡ့ 3:5

ဘၣ်ဆၣ်ဒီးတၢ်ဆၢကတီၢ်ကဟဲတုၤဃီၤဝဲဖဲကီၢ် အံၣ်စရ့လးအပှၤဂီၢ်မုၢ်ကဃၣ်ကဒါက့ၤကဒီးအသးတဘျီဆူယွၤ, အကစၢ်ယွၤအအိၣ်ဒီးဆူအဝဲသ့ၣ်အစီၤပၤစီၤဒၤဝံးအစၢၤအသွဲၣ် တဂၤအအိၣ်န့ၣ်လီၤ. ဒီးဖဲန့ၣ်အဝဲသ့ၣ်ကအိၣ်ဒီးတၢ်ပျံၤယွၤဒီးကဒိးန့ၢ်ဘၣ်အဝဲ အတၢ်ဟ့ၣ်အဂ့ၤတဖၣ်န့ၣ်လီၤ.

လံာ်ဟိၤၡ့ 6:1

ပှၤဂီၢ်မုၢ်စံးဝဲဒၣ်, မ်ပကဃၣ်ကဒါက့ၤပသးဆူယွၤအအိၣ်တက့ၢ်. အဝဲမၤဆါတ့ၢ်ပှၤဘၣ်ဆၣ်အဝဲကမၤဘျါက့ၤပှၤသပှၢ်ကတၢၢ်, အဝဲမၤဘၣ်ဒိဘၣ်ထံးပှၤဘၣ်ဆၣ်ကဘိၣ်ဘံထီၣ်ပပူၤလီၢ်တ ဖၣ်လီၤတမ့ၢ်ဘၣ်ဧါ.

လံာ်ယိၤဟၣ် 7:17

ပှၤတဂၤဂ့ၤတဂၤဂ့ၤအသးမ့ၢ်အိၣ်လၢကမၤဘၣ်ကစၢ်ယွၤ အတၢ်ဘၣ်အသးဒီး, အဝဲကသ့ၣ်ညါဝဲလၢယတၢ်သိၣ်လိသီလိအံၤဟဲလၢ ကစၢ်ယွၤအအိၣ်ဧါ, မ့တမ့ၢ်ဒီးလၢယကတိၤဒၣ်တၢ်လၢယစိကမီၤဒၣ်ယဲလဲၣ်န့ၣ်လီၤ.

မၤတၢ် 11:23

ဖဲအဝဲဒၣ်လဲၤတုၤဒီးထံၣ်ကစၢ်ယွၤအတၢ်ဆိၣ်ဂ့ၤဘၣ်ပှၤတဖၣ်အံၤန့ၣ်, အဝဲသူၣ်ခုသးခုဒီးသဆၣ်ထီၣ်အဝဲသ့ၣ်ခဲလၢာ်အခံဒ်သိးအသး ကတီဒီးကစၢ်လၢအသးဒီဖျၢၣ်ညါန့ၣ်လီၤ.

၂ ကရံၣ်သူး 8:5

မ့ၢ်တၢ်လၢအဒိၣ်န့ၢ်အါန့ၢ်တၢ်လၢပမုၢ်လၢ်ပဝဲကသ့တက့ၢ်လီၤ. အဆိကတၢၢ်အဝဲသ့ၣ်ဟ့ၣ်လီၤအသးဆူကစၢ်အအိၣ်, ဒီး အန့ၣ်ဝံၤအလီၢ်ခံ, လၢကစၢ်ယွၤအတၢ်ဘၣ်အသးအပူၤ, ဟ့ၣ်လီၤအသးဆူပအိၣ်စ့ၢ်ကီးန့ၣ်လီၤ.