လံာ်ယံးရမံယၤ 50:43 - Sgaw Karen Common Bible

⁴³ ကီၢ်ဘၤဘူၤလိၣ်အစီၤပၤနၢ်ဟူတၢ်ကစီၣ်ဒီးအစုတဖၣ်လီၤစၢ်ဝဲလီၤ. တၢ်သူၣ်ကိၢ်သးဂီၤလုၣ်ဘၢအီၤဒ် ပိာ်မုၣ်တဂၤလၢ အဟုးဆါဝဲအသိးန့ၣ်လီၤ.

လံာ်ယံးရမံယၤ 50:43 Iomraidhean Croise

လံာ်ယံးရမံယၤ 30:6

ခဲကနံၣ်အံၤဆိကတီၢ်, ဒီးဆိကမိၣ်တၢ်တက့ၢ်. ပှၤပိာ်ခွါတဂၤဆံးစၢ်ထီၣ်ဖိသၣ်တဂၤဘၣ် ကသ့ဧါ. ဘၣ်မနုၤအဃိ, ယထံၣ်ဘၣ်ပိာ်ခွါကိးဂၤဒဲးပာ် အစုလၢ အဟၢဖၢလိၤ, ဒ်ပိာ်မုၣ်တဂၤလၢ အဟုးဆါဝဲအသိးန့ၣ်လဲၣ်. ဘၣ်မနုၤအဃိ ပှၤကိးဂၤဒဲးအမဲာ်လီၤဝါထဲန့ၣ် ညါလဲၣ်.

လံာ်ယံးရမံယၤ 49:22

ဒုၣ်ဒါကထီၣ်ဒုးဝ့ၢ်ဘိးစရၤဒ်လံာ်ကြီကြာ်တဘ့ၣ်သလၣ် ထီၣ် အဒံးဆ့တဖၣ်ဒီး ယူၤသဖှိလီၤဝဲအသိးန့ၣ်လီၤ. လၢမုၢ်နံၤအဝဲန့ၣ်, ကီၢ်အဒိၣ်အသုးဖိတဖၣ် ကပျံၤတၢ်ဖုးတၢ်ဒ်ပိာ်မုၣ်တဂၤလၢအအိၣ်လၢ တၢ်အဟုးဆါထီၣ်အပူၤအသိးန့ၣ်လီၤ.”

လံာ်ယံးရမံယၤ 49:24

ဝ့ၢ်ဒၤမ့ၤစ့းအပှၤဂီၢ်မုၢ်အဂံၢ်အဘါစၢ်ဝဲဒီးထွးထီၣ်ဃ့ၢ်ဝဲလၢ တၢ်ပျံၤတၢ်ဖုးအပူၤန့ၣ်လီၤ. ဒ်ပိာ်မုၣ်တဂၤလၢအဟုးဆါ ဝဲအသိးန့ၣ်, အဝဲသ့ၣ်အိၣ်လၢ တၢ်ဆူးတၢ်ဆါဒီး တၢ်သူၣ်ကိၢ်သးဂီၤအပူၤလီၤ.

လံာ်ယံးရမံယၤ 51:31

ပှၤစိာ်တၢ်ကစီၣ်တဂၤဝံၤတဂၤဃ့ၢ်ဝဲဒ်သိးကတဲဘၣ်ကီၢ်ဘၤဘူၤလိၣ် အစီၤပၤလၢအထံၣ်, ဝ့ၢ်ဘၣ်တၢ်မၤလီၤပှီၢ်ကွံာ်ကိးကပၤလံန့ၣ်လီၤ.

လံာ်ယံးရမံယၤ 6:24

ပှၤဂီၢ်မုၢ်လၢဝ့ၢ်ယရူၤရှလ့ၣ်အပူၤစံးဝဲ, “ပနၢ်ဟူတ့ၢ်တၢ်ကစီၣ်န့ၣ်လံ, ဒီးပစုတဖၣ်လီၤစၢ်လီၤစဲၤဝဲလီၤ. ဒ်ပိာ်မုၣ်လၢအဟုးဆါတဂၤအသိးန့ၣ်, တၢ်ကိၢ်တၢ်ဂီၤဒီးတၢ် ဆူးတၢ်ဆါလီၤဘၣ်ပှၤလီၤ.