လံာ်ယံးရမံယၤ 50:39 - Sgaw Karen Common Bible

³⁹ သတးဒီး ကီၢ်ဘၤဘူၤလိၣ် ကဘၣ်တၢ်မၤတံာ်တာ် မၤပျံၤမၤဖုးအီၤလၢ တၢ်ဝံတၢ်နါဒီး သးလၢအတ ကဆှီတဖၣ်, ဒီးလၢထိၣ်လၢအတကဆှီတဖၣ်န့ၣ်လီး. ပှၤဂီၢ်မုၢ်တအိၣ်လၢၤ ကဒီးဖဲန့ၣ်နီတစုဘၣ်. အစိၤစိၤဃၣ် ဃၣ်န့ၣ် ပှၤတအိၣ်ဘၣ်ဖဲန့ၣ်ဘၣ်.

လံာ်ယံးရမံယၤ 50:39 Iomraidhean Croise

လံာ်ယၡါယၤ 14:23

ယကဒုးကဲထီၣ်ကီၢ်ဘၤဘူၤလိၣ်လၢတၢ်ကပျၢၤအပူၤတပူၤဒီးဒိ ကအိတဖၣ်ကအိၣ်ဖဲန့ၣ်လီၤ. ယကခွဲသိၣ်ကီၢ်ဘၤဘူၤလိၣ်လၢ နီၣ်ခွဲသိၣ်တဘိလၢအကခွဲပျီကွံာ်တၢ်ခဲလၢာ်န့ၣ်လီၤ. ယၤ, ယွၤသ့တၢ်လၢာ်ကစၢ်, စံးတ့ၢ်လံဝဲလီၤ.”

လံာ်ယံးရမံယၤ 25:12

တၢ်န့ၣ်ဝံၤအလီၢ်ခံ, ယကစံၣ်ညီၣ်ကီၢ်ဘၤဘူၤလိၣ်ဒီးအစီၤပၤလၢ အဝဲသ့ၣ်အတၢ်ဒဲးဘးအဃိန့ၣ်လီၤ. ယကမၤဟးဂီၤထံကီၢ်အဝဲန့ၣ်ဒီး ဒုးအိၣ်လီၤတဲာ်အီၤလၢတၢ်ဟးဂီၤအပူၤ အစိၤစိၤအဃၣ်ဃၣ်န့ၣ်လီၤ.

လံာ်ယံးရမံယၤ 50:3

အဂ့ၢ်ဒ်အံၤ, ပှၤတကလုာ်လၢ ကလံၤစိး တခီဟဲဝဲဒ်သိးအကဒုးကီၢ်ဘၤဘူၤလိၣ်ဒီး ကဒုးကဲထီၣ်အီၤလၢ မဲးမုၢ်ခိၣ်တတီၤန့ၣ်လီၤ. ပှၤကညီဒီး ဆၣ်ဖိကီၢ်ဖိတဖၣ် ကဃ့ၢ်ကွံာ်ဒီး ပှၤတအိၣ်ဖဲန့ၣ်နီတဂၤလၢၤဘၣ်.”

လံာ်ယံးရမံယၤ 51:26

လၢၢ်တဖၣ်လၢ နတၢ်ဟးဂီၤအပူၤန့ၣ်, တၢ်တသူကဒါကဒီးအီၤ နီတဖျၢၣ်လၢတၢ်သူၣ်ထီၣ်ဘှီထီၣ်အဂီၢ်ဘၣ်. နကမၤနသးဒ် မဲးမုၢ်ခိၣ်အသိးလီၤစိၤလီၤဃၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 51:43

ဝ့ၢ်တဖၣ်ကဲထီၣ်တၢ်ထံၣ်ဘၣ်လၢ အလီၤပျံၤလီၤ ဖုးဒီး မၤအသးဒ် မဲးမုၢ်ခိၣ်လၢ ထံတအိၣ်ဘၣ်, ဖဲပှၤတအိၣ်ဆိးနီတဂၤမ့ၢ်ဂ့ၤ, ပှၤတလဲၤတၢ် က့ၤတၢ်ဒၣ်လဲာ်လၢ အပူၤမ့ၢ်ဂ့ၤအသိးန့ၣ်လီၤ.

လံာ်လီၣ်ဖျါ 18:2

အဝဲဒၣ်ကိးထီၣ်လၢအကလုၢ်ဖးဒိၣ်, “လီၤပှီၢ်လံဘၤဘူၤ လိၣ်ဖးဒိၣ်လီၤပှီၢ်လံ. ခဲကနံၣ်အံၤ, အဝဲဒၣ်ဘၣ်တၢ်မၤတံာ်တာ်မၤပျံၤမၤဖုးအီၤလၢတၢ်ဝံတၢ်နါ, ဒီးသးလၢအတကဆှီတဖၣ်, ထိၣ်လၢအဘၣ်အၢဘၣ်သီဒီးအလီၤသးဟ့အကလုာ်ကလုာ် အိၣ်ဝဲဆိးဝဲလၢအပူၤလီၤ.