လံာ်ယံးရမံယၤ 50:37 - Sgaw Karen Common Bible

³⁷ မ်တၢ်မၤဟးဂီၤကွံာ်အကသ့ၣ်တဖၣ်ဒီး အလ့ၣ်ကဟၣ်တဖၣ်တက့ၢ်. မ်တၢ်သံကဘၣ်အသုးဖိတဖၣ်လၢ အဒိးလဲဝဲတက့ၢ်. အဝဲသ့ၣ် အဂံၢ်အဘါကစၢ်ဆံးဒိၣ်လဲၣ်. မ်တၢ်မၤဟးဂီၤကွံာ်အတၢ်လုၢ်ဒိၣ်ပှ့ၤဒိၣ်တဖၣ်, ဒီးဂုာ်ဆူၣ်ပျီဆူၣ်ဒီး ဟံးန့ၢ်ဆူၣ်အီၤတက့ၢ်.

လံာ်ယံးရမံယၤ 50:37 Iomraidhean Croise

စံးထီၣ်ပတြၢၤ 46:9

အဝဲဆိကတီၢ်တၢ်ဒုးတၢ်ယၤသ့ၣ်တဖၣ်လၢ ဟီၣ်ခိၣ်ချၢ, ဘိးကၢ်ကွံာ်ပျၢ်သ့ၣ်တဖၣ်, မၤဟးဂီၤကွံာ်ဘီသ့ၣ်တဖၣ်ဒီးဒွဲၣ်အူထီၣ်ကွံာ် လ့ၣ်ကဟၣ်သ့ၣ်တဖၣ်လၢမ့ၣ်အူန့ၣ်လီၤ.

စံးထီၣ်ပတြၢၤ 76:6

စီၤယၤကိာ်အကစၢ်ယွၤဧၢ, တုၤနသိၣ်ဃီၣ်အဝဲသ့ၣ်တဖၣ်န့ၣ်ဒီး ကသ့ၣ်ဒီးပှၤဒိးကသ့ၣ်တဖၣ်လီၤဃံၤသံဝဲန့ၣ်လီၤ.

လံာ်ယၡါယၤ 19:16

တၢ်ဆၢကတီၢ်ဟဲဝဲဖဲပှၤအဲၤကူပတူးဖိတဖၣ်ကပျံၤတၢ်ဒ်ပိာ် မုၣ်တဖၣ်အသိးလီၤ. အဝဲသ့ၣ်ကကနိးကစုာ်လၢတၢ်ပျံၤတၢ် ဖုးဖးဒိၣ်အပူၤဖဲအဝဲသ့ၣ်ထံၣ်ဝဲလၢယွၤသ့တၢ်လၢာ်ကစၢ်ယူာ် ထီၣ်အစုလၢကစံၣ်ညီၣ်အဝဲသ့ၣ်အဂီၢ်အခါန့ၣ်လီၤ.

လံာ်ယၡါယၤ 45:3

ယကဟ့ၣ်လီၤနၤတၢ်လုၢ်ဒိၣ်ပှ့ၤဒိၣ်တဖၣ်လၢ တၢ်လီၢ်ခူသူၣ်ခံးသူတဖၣ်အပူၤန့ၣ်လီၤ. အန့ၣ်တစု, နကသ့ၣ်ညါလၢယမ့ၢ်ယွၤ ဒီးအံၣ်စရ့လးအကစၢ်ယွၤလၢအကိးတ့ၢ်နၤလၢနမံၤန့ၣ်လီၤ.

လံာ်ယံးရမံယၤ 25:20

ကီၢ်အဲၤကူပတူးအစီၤပၤ, အပဒိၣ်ပပှၢ်တဖၣ်ဒီး အခိၣ်အနၢ်တဖၣ်, ဒီးပှၤအဲၤကူပတူးဖိခဲလၢာ်, ပှၤတခီဘီမုၢ်ဖိတဖၣ်လၢ အအိၣ်လၢ ကီၢ်အဲၤကူပတူးအပူၤ ကီၢ်ဧူးစးအစီၤပၤခဲလၢာ်, စီၤပၤခဲလၢာ်လၢ ကီၢ်ဖလ့ၡသးအဝ့ၢ်တဖၣ်လၢ အမ့ၢ်ဝဲ အၤၡကလိၣ်, ဂါစၤဒီးဧ့ကြိၣ်အပူၤ, ဒီးဝ့ၢ်အၤစဒိးအပှၤအိၣ် လီၤတဲာ်တဖၣ်.

လံာ်ယံးရမံယၤ 25:24

ကယဲၢ်ဝ့ၢ်တဖၣ်လၢ အမ့ၢ်ဝဲဒၣ်, တ့မၤဒီးဘူဒး, ပှၤဂီၢ်မုၢ်ခဲလၢာ်လၢ အတံာ်ဖုၣ်အခိၣ်သူ,

လံာ်ယံးရမံယၤ 48:41

ဒီးဝ့ၢ်တဖၣ်ဒီးတိာ်ဧိၤတာ်ဧိၤတဖၣ်ကဘၣ်တၢ်ဒုးန့ၢ်ကွံာ်အီၤန့ၣ်လီၤ. ဒီၤလၢနံၤအဝဲန့ၣ်, ကီၢ်မိၤအးအသုးဖိတဖၣ်ကပျံၤတၢ်ဒ်ပိာ်မုၣ်တဂၤလၢ အဟုးဆါအသိးန့ၣ်လီၤ.

လံာ်ယံးရမံယၤ 50:10

ကီၢ်ဘၤဘူၤလိၣ်ကဘၣ်တၢ်ဂုာ်ဆူၣ်ပျီဆူၣ်အီၤ, ဒီးပှၤတဖၣ်လၢ အဂုာ်ဆူၣ်ပျီဆူၣ်အီၤ, ကဟံးန့ၢ်တၢ်ခဲလၢာ်လၢ အသးလီဝဲန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 50:26

လဲၤထီၣ်ဒုးအီၤလၢ ကိးကပၤဒဲးဒီးအိးထီၣ်ကွံာ်တၢ်လီၢ်တဖၣ်လၢ အဘုဟုတဖၣ်ဘၣ်တၢ်ပာ်ဖှိၣ်အီၤန့ၣ်တက့ၢ်. ပူၣ်ထီၣ်တၢ်ဂုာ်န့ၢ် တဖၣ်ဒ်ဘုဟုအပူၤတဖၣ်အသိးန့ၣ်တက့ၢ်. မၤဟးဂီၤကွံာ်ထံကီၢ်တက့ၢ်. ပာ်တီၢ်တၢ်နီတမံၤတဂ့ၤ.

လံာ်ယံးရမံယၤ 51:21

လၢတၢ်မၤဟးဂီၤကသ့ၣ်တဖၣ်ဒီး ပှၤဒိးအီၤတဖၣ်, လၢတၢ်မၤဟးဂီၤ လ့ၣ်ကဟၣ်ဒီး ပှၤဝီအီၤတဖၣ်,

လံာ်ယံးရမံယၤ 51:22

လၢတၢ်မၤသံပိာ်ခွါဒီး ပိာ်မုၣ်တဖၣ်, လၢတၢ်မၤသံပှၤသးပှၢ်ဒီး ပှၤသးစၢ်, လၢတၢ်မၤသံပိာ်ခွါဖိသၣ်တဖၣ်ဒီး ပိာ်မုၣ်ဖိသၣ်တဖၣ်,

လံာ်ယံးရမံယၤ 51:30

ကီၢ်ဘၤဘူၤလိၣ်အသုးဖိတဖၣ် ဆိကတီၢ်ဒုးတၢ်ဒီး အိၣ်ဒၣ်လၢအတိာ်တဖၣ်အပူၤန့ၣ်လီၤ. အဝဲသ့ၣ် အတၢ်သးဒူဟးသဒၣ်ကွံာ်အီၤဒီး ကဲထီၣ်ဒ်ပိာ်မုၣ်တဖၣ် အသိးန့ၣ်လီၤ. ဝ့ၢ်အတြဲၤတဖၣ်ဘၣ်တၢ်မၤလီၤပှီၢ် ကွံာ်အီၤဒီး ဟံၣ်တဖၣ်မ့ၣ်အူအီၣ်ကွံာ်လံ.

လံာ်ယံးရမံယၤ 51:4

အဝဲသ့ၣ်ကဘၣ်ဒိဘၣ်ထံးဒီး သံလၢအဝဲသ့ၣ် အဝ့ၢ်တဖၣ်အကျဲဘိတဖၣ်အပူၤန့ၣ်လီၤ.

လံာ်ယဃ့းစက့လး 30:5

တၢ်ဒုးအဝဲန့ၣ် ကမၤသံကွံာ်စ့ၢ်ကီးသုးဖိတဖၣ် လၢအဘၣ်တၢ်ဒိးလဲအီၤလၢ ကီၢ်ကူၤၡး, ကီၢ်လံးဘယၣ်, ကီၢ်အရ့ဘယၣ်, ကီၢ်လူၤဒံ, ကီၢ်ကူာ်ဒီးလၢယပှၤဂီၢ်မုၢ်ဒၣ်ယဲအကျါဒၣ်လဲာ်န့ၣ်လီၤ.”

လံာ်ယဃ့းစက့လး 39:20

လၢယစီၢ်နီၢ်ခိၣ်န့ၣ်, အဝဲသ့ၣ်ကအီၣ်ကူးအီပှဲၤဒီး ကယဲၢ်တၢ်လၢအဖီၣ်န့ၢ်ဝဲသ့ဒ်ကသ့ၣ်တဖၣ်ဒီးပှၤတဖၣ်လၢ အဒိးအဝဲသ့ၣ်ဒီးပှၤသုးဖိတဖၣ်ဒီးပှၤဒုးတၢ်ပိာ်ခွါတဖၣ်န့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.”

လံာ်နၤဃူၣ် 2:13

ယွၤသ့တၢ်လၢာ်စံးဝဲဒၣ်, “ယမ့ၢ်နဒုၣ်နဒါလီၤ. ယကဒွဲၣ်အူကွံာ်နလ့ၣ်ကဟၣ်ဒုးသုးတဖၣ်လီၤ. နပှၤသုးဖိတဖၣ်ကဘၣ်တၢ်မၤသံကွံာ်အီၤလၢတၢ်ဒုးတၢ်ယၤအပူၤ, ဒီးယကဟံးထီၣ်ကွံာ်ကယဲၢ်တၢ်ခဲလၢာ်လၢန ဟံးန့ၢ်လၢပှၤဂၤတဖၣ်အအိၣ်န့ၣ်လီၤ. ဒီးနပှၤဃ့ၢ်စိာ်ဆှၢတၢ်ကစီၣ်အကလုၢ်န့ၣ်, တၢ်တနၢ်ဟူလၢၤဘၣ်အီၤနီတစုဘၣ်.”

လံာ်နၤဃူၣ် 3:13

နပှၤသုးမုၢ်သံၣ်ဘိလီၤဂာ်ဒ်ပိာ်မုၣ်ပိာ်မၢၤအသိး, ဒီးနထံနကီၢ်ကဆၢထၢၣ်လၢနဒုၣ်နဒါတဖၣ်အမဲာ်ညါတအိၣ်ဘၣ်ဒီးတၢ် ဒီသဒၢအီၤဘၣ်လီၤ. မ့ၣ်အူကမၤဟးဂီၤကွံာ်နတြဲၤတဖၣ်အနီၣ်ဘိ တဖၣ်န့ၣ်လီၤ.

လံာ်ဃးကဲ 2:22

ဒီးမၤနၢၤကွံာ်ဘီမုၢ်တဖၣ်ဒီးမၤကတၢၢ်ကွံာ်အဝဲသ့ၣ်အစိအ ကမီၤလီၤ. ယကမၤလီၤတကျၢၢ်ကွံာ်လ့ၣ်ကဟၣ်သုးဒီးအပှၤနီၣ်တၢ်တဖၣ်, ကသ့ၣ်တဖၣ်ကသံဝဲ, ဒီးအပှၤဒိးအီၤတဖၣ်ကမၤသံလိာ်အသးတဂၤဒီး တဂၤလီၤ.