လံာ်ယံးရမံယၤ 50:34 - Sgaw Karen Common Bible

³⁴ ဘၣ်ဆၣ်ဒီး ပှၤတဂၤလၢကမၤပူၤဖျဲးအဝဲသ့ၣ်န့ၣ်အဂံၢ်ဆူၣ်အဘါ ဆူၣ်ဝဲဒီးအမံၤမ့ၢ်ဝဲ ယွၤသ့တၢ်လၢာ်န့ၣ်လီၤ. အဝဲအကစၢ်ဒၣ်ဝဲ ကဟံးထီၣ်အဝဲသ့ၣ်အကွီၢ်ဒီးကဟဲစိာ်တၢ်ဃူတၢ်ဖိးဆူ ဟီၣ်ခိၣ်, ဒီးတၢ်ကီတၢ်ခဲဆူဘၤဘူၤလိၣ်အပှၤဂီၢ်မုၢ်အအိၣ်န့ၣ်လီၤ.”

လံာ်ယံးရမံယၤ 50:34 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 6:39

ဒိကနၣ်လၢ်အဝဲသ့ၣ်အတၢ်ထုကဖၣ်တဖၣ်န့ၣ်တက့ၢ်. လၢနဟံၣ်လၢမူခိၣ်န့ၣ်ဒိကနၣ်လၢ်အဝဲသ့ၣ်, ဒီးသူၣ်ကညီၤသးက ညီၤလၢ်အဝဲသ့ၣ်ဒီးပျၢ်လၢ်ဘၣ်နပှၤဂီၢ်မုၢ်အတၢ်ဒဲးဘးခဲလၢာ် န့ၣ်တက့ၢ်.

လံာ်စီၤယိၤဘး 19:25

အဂ့ၢ်ဒ်အံၤ, ယသ့ၣ်ညါလၢယပှၤပှ့ၤက့ၤယၤတဂၤမူဝဲ, ဒီးလၢခံကတၢၢ်န့ၣ်ကဂဲၤဆၢထၢၣ်အုၣ်အသးလၢယဂီၢ်လၢ ဟီၣ်ခိၣ်အံၤန့ၣ်လီၤ.

စံးထီၣ်ပတြၢၤ 35:1

ယွၤဧၢ, ထီဒါပှၤလၢအထီဒါယၤ, ဒီးဒုးပှၤလၢအဒုးထီဒါယၤတက့ၢ်.

စံးထီၣ်ပတြၢၤ 43:1

ကစၢ်ယွၤဧၢ, နဲၣ်ဖျါထီၣ်လၢယတၢ်ကမၣ်တအိၣ်ဘၣ်, ဒီးဒီဒၣ်ယတၢ်ဂ့ၢ်တၢ်ကျိၤထီဒါ ပှၤတယူးတယီၣ်ယွၤန့ၣ်တက့ၢ်. မၤပူၤဖျဲးယၤလၢပှၤလီတၢ်ဒီး ပှၤအၢပှၤသီန့ၣ်တက့ၢ်.

လံာ်တၢ်ဟးထီၣ်ကွံာ် 6:6

လၢတၢ်န့ၣ်အဃိတဲဘၣ်ပှၤအံၣ်စရ့လးဖိတဖၣ်လၢယစံးဘၣ်အဝဲသ့ၣ်, ‘ယမ့ၢ်ယွၤလီၤ. ယကဒုးဟးထီၣ်ကွံာ်သုဒီးမၤထူၣ်ဖျဲးသုလၢပှၤ အဲၤကူပတူးဖိတဖၣ်အတၢ်မၢကဲကုၢ်သုန့ၣ်လီၤ. ယကယူာ်ထီၣ်ယစုဒုၣ်ဆူၣ်ဒီးဒုးလီၤဘၣ်တၢ်စံၣ်ညီၣ်လီၤ ပျံၤလီၤဖုးလၢအဝဲသ့ၣ်အလိၤဒီးယကအုၣ်က့ၤခီၣ်က့ၤသုလီၤ.

တၢ်ကတိၤဒိ. 22:23

ယွၤကလိာ်ကွီၢ်တၢ်လၢအဝဲသ့ၣ်အဂီၢ်ဒီးပှၤတဂၤလၢ်လၢ်လၢ အမၤပျံၤမၤဖုးအဝဲသ့ၣ်တဖၣ်အသးသမူန့ၣ်, ယွၤကမၤပျံၤမၤဖုးက့ၤအသးသမူလီၤ.

တၢ်ကတိၤဒိ. 23:11

ယွၤမ့ၢ်အဝဲသ့ၣ်အပှၤဒီဒၣ်တၢ်လၢအစိကမီၤဒိၣ်ဝဲ, ဒီးကကတိၤဂ့ၢ်လိာ်တၢ်လၢအဝဲသ့ၣ်အကွီၢ်အဂီၢ်ထီဒါနၤလီၤ.

လံာ်ယၡါယၤ 41:14

ယွၤစံးဝဲဒၣ်, “အံၣ်စရ့လးဧၢ, နဆံးဒီးနဂံၢ်နဘါစၢ်နာ်က့, ပျံၤတၢ်တဂ့ၤ. ယကမၤစၢၤနၤလီၤ. ယၤ, အံၣ်စရ့လးအကစၢ်ယွၤစီဆှံအံၤ, ယမ့ၢ်ပှၤတဂၤလၢအအုၣ်က့ၤ ခီၣ်က့ၤနၤလီၤ.

လံာ်ယၡါယၤ 43:14

ကီၢ်အံၣ်စရ့လးအကစၢ်ယွၤစီဆှံ, ယွၤလၢအအုၣ်က့ၤခီၣ်က့ၤသု စံးဝဲ, “လၢတၢ်ကအုၣ်က့ၤခီၣ်က့ၤသုအဂီၢ်, ယကဆှၢလီၤသုးမုၢ်တဖုထီ ဒါကီၢ်ဘၤဘူၤလိၣ်လီၤ. ယကမၤလီၤပှီၢ်ဝ့ၢ်အတြဲၤတဖၣ်, ဒီးအဝဲသ့ၣ်အပှၤဂီၢ်မုၢ်အတၢ်ကိးပသူထီၣ်တဖၣ်န့ၣ်, ကလဲလိာ်အသးဆူတၢ်ဟီၣ်တၢ်ယၢၤလီၤ.

လံာ်ယၡါယၤ 44:6

ယွၤလၢအပၢဒီးဒီဒၣ်အိၣ်ပှိၤကီၢ်အံၣ်စရ့လး, ယွၤသ့တၢ်လၢာ်အိၣ်ဒီးအတၢ်ကတိၤဒ်အံၤ, “ယဲဒၣ်အံၤယမ့ၢ်တၢ်အခီၣ်ထံး, ယဲဒၣ်အံၤယမ့ၢ်တၢ်အကတၢၢ်, ကစၢ်ယွၤထဲတဂၤဧိၤ, ဒီးယဲဒၣ်အံၤအမဲာ်ညါကစၢ်အဂၤတအိၣ်ဘၣ်.

လံာ်ယၡါယၤ 47:4

ကီၢ်အံၣ်စရ့လးအကစၢ်ယွၤစီဆှံမၤပူၤဖျဲးပှၤလီၤ. အမံၤန့ၣ်မ့ၢ်ယွၤသ့တၢ်လၢာ်လီၤ.

လံာ်ယၡါယၤ 49:25

ယွၤစံးဆၢဝဲ, “တၢ်လၢအကမၤအသးမ့ၢ်တၢ်ဒ်န့ၣ်လီၤ. ပှၤသုးဖိအပှၤဘၣ်စၢဃာ်လၢဃိာ်ပူၤတဖၣ်ကဘၣ်တၢ်စိာ်ကွံာ်အီၤ ဒီးပှၤပၢတၢ်ဖဲအသးအၢအၢသီသီတဂၤအတၢ်ဂုာ်န့ၢ်န့ၣ်ကဘၣ်တၢ် ဟံးန့ၢ်အီၤလီၤ. ယကဒုးတၢ်ထီဒါပှၤတဂၤလၢ်လၢ်လၢအဒုးတၢ်ထီဒါသုဒီးယကမၤပူၤ မၤဖျဲးသုဖိတဖၣ်လီၤ.

လံာ်ယၡါယၤ 51:22

ကစၢ်, သုကစၢ်ယွၤကဟုကယာ်သုဒီးစံးဝဲ, “ယကဟံးထီၣ်ကွံာ်လီခီလၢယဟ့ၣ်သု လၢယတၢ်သးဒိၣ်သးဖျိးအပူၤန့ၣ်လီၤ. သုတဘၣ်အီလၢၤစပံးထံလၢအဒုးလဲၤသု ကနူၤနူၤကပၤပၤန့ၣ်နီတစုဘၣ်.

လံာ်ယၡါယၤ 54:5

နတၢ်ဘၣ်တ့အကစၢ်ကလီၤဂာ်ဒ် ဝၤတဂၤအသိးလၢနဂီၢ်လီၤ. အဝဲအမံၤမ့ၢ်ဝဲယွၤသ့တၢ်လၢာ်န့ၣ်လီၤ. ကီၢ်အံၣ်စရ့လးအကစၢ်ယွၤစီဆှံကအုၣ်က့ၤခီၣ်က့ၤနၤလီၤ. အဝဲမ့ၢ်ပှၤပၢဟီၣ်ခိၣ်ဒီဘ့ၣ်န့ၣ်လီၤ.

လံာ်ယံးရမံယၤ 10:16

စီၤယၤကိာ်အကစၢ်ယွၤတလီၤဂာ်ဒီးအဝဲသ့ၣ်ဘၣ်. အဝဲမ့ၢ်ပှၤတဂၤလၢအတ့လီၤပာ်လီၤတၢ်ခဲလၢာ်, ဒီးအဝဲဃုထၢတ့ၢ်ပှၤအံၣ်စရ့လးဖိလၢကမ့ၢ်အဝဲအတၢ်န့ၢ်သါအပှၤဂီၢ် မုၢ်ဒၣ်ဝဲန့ၣ်လီၤ. သ့တၢ်လၢာ်ကစၢ်ယွၤ, မ့ၢ်အမံၤန့ၣ်လီၤ.

လံာ်ယံးရမံယၤ 15:21

ယကမၤပူၤမၤဖျဲးနၤလၢပှၤတတီတလိၤဒီးပှၤမၤတၢ်လၢတၢ်စုဆူၣ် ခီၣ်တကးတဖၣ်အတၢ်စိတၢ်ကမီၤအပူၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 30:20

ယကဟ့ၣ်ကဒါက့ၤ ပှၤကလုာ်လၢ အတၢ်စိတၢ် ကမီၤဒ် လၢပျၢၤအသိး, ဒီးဒုးအိၣ်ဂၢၢ်ဆိးကျၢၤက့ၤကဒီးအီၤန့ၣ်လီၤ. ကယဲၢ်ပှၤခဲလၢာ်လၢ အမၤအၢမၤနးအဝဲသ့ၣ် န့ၣ်ယကစံၣ်ညီၣ်အီၤလီၤ.

လံာ်ယံးရမံယၤ 31:11

ယမၤထူၣ်ဖျဲးလံ ကီၢ်အံၣ်စရ့လး အပှၤဂီၢ်မုၢ်, ဒီးအုၣ်က့ၤခီၣ်က့ၤ လံအဝဲသ့ၣ်လၢ ပှၤအဂံၢ်ဆူၣ် တကလုာ်အစုပူၤလီၤ.

လံာ်ယံးရမံယၤ 31:35

ယွၤဟ့ၣ်မုၢ်လၢကကပီၤထီၣ်လၢ မုၢ်ဆါခီ, ဒီးလါဒီး ဆၣ်တဖၣ်လၢ ကကပီၤထီၣ်လၢ မုၢ်နၤန့ၣ်လီၤ. အဝဲထိၣ်ဂဲၤထီၣ်ပီၣ်လဲၣ်ဒီး ဒုးသီၣ်ထီၣ်အလပီတဖၣ်ရုၢ်ရုၢ်လီၤ. အဝဲအမံၤမ့ၢ်ဝဲ ယွၤသ့တၢ်လၢာ်န့ၣ်လီၤ.

လံာ်ယံးရမံယၤ 32:18

နဒုးနဲၣ်တ့ၢ်တၢ်အဲၣ်တထံၣ်ဃီဆူ ပှၤအကထိတဖၣ်, ဘၣ်ဆၣ်ဒီး နစံၣ်ညီၣ်စ့ၢ်ကီၤပှၤဂီၢ်မုၢ်လၢ အမိၢ်အပၢ် တဖၣ် အတၢ်ဒဲးဘးတဖၣ်အဃိန့ၣ်လီၤ. နမ့ၢ်ကစၢ်ယွၤ လၢအဒိၣ်နီၢ်မးဒီး အစိအကမီၤဒိၣ်နီၢ်မးတဂၤန့ၣ်လီၤ. နမ့ၢ်ယွၤသ့တၢ်လၢာ်တဂၤလီၤ.

လံာ်ယံးရမံယၤ 48:15

ကီၢ်မိၤအးဒီး အဝ့ၢ်တဖၣ် ဘၣ်တၢ်မၤဟးဂီၤကွံာ်အီၤဒီး အပှၤပိာ်ခွါ သးစၢ်အဂ့ၤကတၢၢ်တဖၣ်ဘၣ်တၢ်မၤသံကွံာ်အီၤလံ. ယမ့ၢ်စီၤပၤ, ယွၤသ့တၢ်လၢာ်, ဒီးယကတိၤလံတၢ်လံ.

လံာ်ယံးရမံယၤ 51:19

စီၤယၤကိာ်အကစၢ်ယွၤ တဒ်သိးဘၣ်အဝဲသ့ၣ်ဘၣ်. အဝဲမ့ၢ်ပှၤတဂၤလၢ အတ့လီၤပာ်လီၤတၢ်ခဲလၢာ်, ဒီးအဝဲဃုထၢတ့ၢ်လံ အံၣ်စရ့လးလၢ ကမ့ၢ်အပှၤဂီၢ် မုၢ်ဒၣ်ဝဲန့ၣ်လီၤ. ယွၤသ့တၢ်လၢာ်မ့ၢ်အမံၤန့ၣ်လီၤ.

လံာ်ယံးရမံယၤ 51:36

မၤသးဒ်န့ၣ်ဒီး, ယွၤစံးဘၣ်ဝ့ၢ်ယရူၤရှလ့ၣ်အပှၤဂီၢ်မုၢ်, “ယကဟံးထီၣ်သုကွီၢ်, ဒီးမၢသုဒုၣ်သုဒါဟ့ၣ်ဆၢက့ၤတၢ် အပှ့ၤလၢတၢ်လၢအဝဲသ့ၣ်မၤဘၣ်တ့ၢ်သုအဂီၢ်န့ၣ်လီၤ. ယကမၤလီၤသံးကွံာ် ဝ့ၢ်ဘၤဘူၤလိၣ်အထံဟဲထီၣ် အဂံၢ်ထံးဒီး မၤဃ့ထီကွံာ်အထံကျိတဖၣ်န့ၣ်လီၤ.

လံာ်သးသယုၢ်တၢ် 3:58

နတုၤအိၣ်ယၤလၢတၢ်အုၣ်က့ၤခီၣ်က့ၤအဂီၢ်ဒီးယွၤဧၢ, နမၤပူၤဖျဲးယသးသမူလီၤ.

လံာ်ယိၤအ့လး 2:11

ယွၤဟ့ၣ်လီၤအကလုၢ်ဆူအသုးမုၢ်အအိၣ်န့ၣ်လီၤ. သုးမုၢ်သံၣ်ဘိတဖၣ်လၢဒိကနၣ်အီၤန့ၣ်အိၣ် ဂီၢ်မုၢ်ဂီၢ်ပၤဒီးအဂံၢ်အဘါဆူၣ်ဒိၣ်မးလီၤ. ယွၤအမုၢ်တနံၤန့ၣ်လီၤပျံၤလီၤဖုးဒိၣ်မး ဒီးမ့ၢ်မတၤပူၤဖျဲးသ့တဂၤလဲၣ်.

လံာ်မံကၤ 4:10

ဝ့ၢ်ယရူၤၡလ့ၣ်အပှၤဂီၢ်မုၢ်ဧၢ, ဝံာ်ပကံးန သးဒီးကအုကစွါဒ်ပိာ်မုၣ်တဂၤလၢအကဆံးစၢ်အသိးန့ၣ်တက့ၢ်. အဂ့ၢ်ဒ်အံၤ, ခဲကနံၣ်အံၤသုကဘၣ်ဟးထီၣ်လၢဝ့ၢ်ပူၤဒီးအိၣ်လၢတၢ်ပျီပူၤလီၤ. သုကဘၣ်လဲၤဆူကီၢ်ဘၤဘူၤလိၣ်, ဘၣ်ဆၣ်ဒီးဖဲန့ၣ်ယွၤကအုၣ်က့ၤခီၣ်က့ၤသုလၢသုဒုၣ်သုဒါတဖၣ်အစုပူၤလီၤ.

လံာ်မံကၤ 7:9

ပမၤတ့ၢ်တၢ်ဒဲးဘးထီဒါယွၤလီၤ. မၤသးဒ်န့ၣ်ဒီးခဲကနံၣ်အံၤပကဘၣ်တူၢ်အတၢ်သးဒိၣ်တစိၢ်တလီၢ် လီၤ. ဘၣ်ဆၣ်လၢခံကတၢၢ်န့ၣ်အဝဲဒၣ်ကလိာ်န့ၢ်ပကွီၢ်ဒီးမၤတၢ် စံၣ်ညီၣ်တီလၢပဂီၢ်လီၤ. အဝဲကဒုးဟဲထီၣ်ပှၤဆူတၢ်ကပီၤအပူၤ, ဒီးပကအိၣ်မူဒ်သိးပကထံၣ်ဘၣ်အတၢ်အုၣ်က့ၤခီၣ်က့ၤပှၤလီၤ.

လံာ်လီၣ်ဖျါ 18:8

လၢတၢ်တမံၤအံၤအဃိ, လၢတနံၤဃီအတီၢ်ပူၤ, အဝဲဒၣ်ကဘၣ်တၢ်မၤဘၣ်ဒိအီၤလၢ တၢ်သံသတြိာ်တဖၣ်, တၢ်ဆူးတၢ်ဆါ, တၢ်သူၣ်အုးသးအုး, ဒီးတၢ်သၣ်ဝံၤလီၤဒိ ဒီးအဝဲဒၣ်ကဘၣ်တၢ်ဒွဲၣ်အီၤလၢမ့ၣ်အူလီၤ. အဂ့ၢ်ဒ်အံၤ, ကစၢ်ယွၤလၢအစံၣ်ညီၣ်အီၤတဂၤ မ့ၢ်ပှၤလၢအစိဒိၣ်ကမီၤထီတဂၤလီၤ.”