လံာ်ယံးရမံယၤ 50:32 - Sgaw Karen Common Bible

³² နပှၤကလုာ်လၢ အပာ်ထီၣ်ထီအသးန့ၣ် အခီၣ်ကဘၣ်တိၢ်ဒီး ကလီၤဃံၤဝဲလီၤ. ဒီးပှၤလၢကဝံၣ်ဆၢထၢၣ်က့ၤအီၤတအိၣ် နီတဂၤဘၣ်. ယကဒွဲၣ်အူထီၣ်နဝ့ၢ်တဖၣ်လၢ မ့ၣ်အူဒီး တၢ်အိၣ်ဝးတရံးနၤခဲလၢာ်ကဘၣ်တၢ်မၤဟးဂီၤအီၤန့ၣ်လီၤ.”

လံာ်ယံးရမံယၤ 50:32 Iomraidhean Croise

စံးထီၣ်ပတြၢၤ 119:78

မ်ပှၤပာ်ထီၣ်ထီအသးန့ၣ်ကဘၣ်တၢ်မၤမဲာ်ဆှးအီၤ မ့ၢ်လၢမၤအၢယၤလၢ တၢ်ကဘျံးကဘျၣ်အဃိန့ၣ်တက့ၢ်. မ့မ့ၢ်ယဲဒၣ်အံၤယကဆိကမိၣ်တၢ်လၢ နတၢ်မၤလိာ်တဖၣ်န့ၣ်လီၤ.

တၢ်ကတိၤဒိ. 16:18

တၢ်ပာ်ထီၣ်ထီသးန့ၣ်ဆှၢပှၤဆူတၢ်ဟးဂီၤ, ဒီးတၢ်ပာ်ကဖိသးန့ၣ်ဆူတၢ်လီၤပှီၢ်လီၤ.

တၢ်ကတိၤဒိ. 18:12

တချုးအဘၣ်တၢ်မၤဟးဂီၤအီၤဒံးဘၣ်ဒီးပှၤတဂၤပာ်ထီၣ်ထီ အသးလီၤ. မ့မ့ၢ်တၢ်ဆီၣ်လီၤသးန့ၣ်အိၣ်ဆိန့ၢ်တၢ်လၤကပီၤ တက့ၢ်လီၤ.

လံာ်ယံးရမံယၤ 21:14

ဘၣ်ဆၣ်ဒီးယကစံၣ်ညီၣ်နၤလၢတၢ်လၢနမၤတ့ၢ်အီၤတဖၣ်အဃိလီၤ. ယကဒွဲၣ်အူထီၣ်နနူၢ်ဧိၤစီၤဧိၤလၢမ့ၣ်အူ, ဒီးမ့ၣ်အူန့ၣ်ကအီၣ်ကွံာ်တၢ်ခဲလၢာ်လၢအအိၣ်ဝးတရံးအီၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 49:27

ယကဒွဲၣ်အူကွံာ်ဝ့ၢ်ဒၤမ့ၤစ့းအဝ့ၢ်ခိၣ်ဒူတဖၣ်လၢ မ့ၣ်အူ, ဒီးဒွဲၣ်ကွံာ်စီၤပၤဘ့ၣ်ဟဒးအနူၢ်တဖၣ်လီၤ. ယၤ, ယွၤ, ယွၤသ့တၢ်လၢာ်, ကတိၤလံတၢ်လံ.”

လံာ်ယံးရမံယၤ 51:26

လၢၢ်တဖၣ်လၢ နတၢ်ဟးဂီၤအပူၤန့ၣ်, တၢ်တသူကဒါကဒီးအီၤ နီတဖျၢၣ်လၢတၢ်သူၣ်ထီၣ်ဘှီထီၣ်အဂီၢ်ဘၣ်. နကမၤနသးဒ် မဲးမုၢ်ခိၣ်အသိးလီၤစိၤလီၤဃၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 51:64

ဒီးစံး, ‘တၢ်အံၤမ့ၢ် တၢ်လၢအကမၤအသးဒီး ကီၢ်ဘၤဘူၤလိၣ်န့ၣ် လီၤ. ကလီၤဒးဝဲဒီၤ တထီၣ်ဖီကဒီးလၢၤ နီတစုဘၣ်, မ့ၢ်လၢတၢ်ဟးဂီၤလၢ ယွၤကဒုးလီၤဘၣ်အီၤလၢအလိၤအဃိန့ၣ်လီၤ.’ ” စီၤယံးရမံယၤ အတၢ်ကတိၤတဖၣ် ကတၢၢ်ကဝဲဖဲအံၤလီၤ.

လံာ်ဒၤနံးယ့လး 5:20

ဘၣ်ဆၣ်ဒီးအဝဲပာ်ထီၣ်ထီအသး, ပာ်ဆူၣ်အကိာ်ဒီးအၢသီဝဲဒၣ်အဃိ, အဝဲဘၣ်တၢ်သုးကွံာ်အီၤလၢအစီၤလိၣ်စီၤပၤအလီၢ်ပစိာ်ဒီးအလၤ ကပီၤအလီၢ်လီၤမၢ်ကွံာ်ဝဲန့ၣ်လီၤ.

လံာ်ဧၤမိၣ် 1:10

မၤသးဒ်န့ၣ်ဒီးယကဆှၢလီၤမ့ၣ်အူဆူဝ့ၢ်ထါယၢၣ်အခိၣ် ဒူတဖၣ်အလိၤဒီးဒွဲၣ်အူကွံာ်အတိာ်ဧိၤတာ်ဧိၤတဖၣ်န့ၣ်လီၤ.”

လံာ်ဧၤမိၣ် 1:12

မၤသးဒ်န့ၣ်ဒီးယကဆှၢလီၤမ့ၣ်အူဆူဝ့ၢ်တ့ၤမၣ်ဒီးဒွဲၣ်အူကွံာ် အတိာ်ဧိၤတာ်ဧိၤလၢဘိးစရၤတဖၣ်န့ၣ်လီၤ.”

လံာ်ဧၤမိၣ် 1:14

မၤသးဒ်န့ၣ်ဒီးယဆှၢလီၤမ့ၣ်အူဆူဝ့ၢ်ရးဘးအခိၣ်ဒူဒီးဒွဲၣ်အူကွံာ် အတိာ်ဧိၤတာ်ဧိၤတဖၣ်န့ၣ်လီၤ. တုၤနုၤတစု, တၢ်ကိးပသူ တဖၣ်ကအိၣ်ထီၣ်လၢတၢ်ဒုးတၢ်ယၤအမုၢ်တနံၤဒီးတၢ်ဒုးလိာ်ယၤလိာ် ကဆူၣ်ဝဲဒ်ကလံၤသဝံးအသိးန့ၣ်လီၤ.

လံာ်ဧၤမိၣ် 1:4

မၤသးဒ်န့ၣ်ဒီးယဆှၢလီၤမ့ၣ်အူဆူနီလၢအဘၣ်တၢ်ဘှီအီၤလၢ စီၤပၤဃစ့လးအဖီခိၣ်ဒီးယကဒွဲၣ်အူကွံာ်စီၤပၤဘ့ၣ်ဟဒး အတိာ်ဧိၤတာ်ဧိၤတဖၣ်န့ၣ်လီၤ.

လံာ်ဧၤမိၣ် 1:7

မၤသးဒ်န့ၣ်ဒီးယကဆှၢလီၤမ့ၣ်အူဆူဝ့ၢ်ဂါစၤအခိၣ်ဒူတဖၣ် အလိၤဒီးဒွဲၣ်အူကွံာ်အတိာ်ဧိၤတာ်ဧိၤတဖၣ်န့ၣ်လီၤ.

လံာ်ဧၤမိၣ် 2:2

ယကဆှၢလီၤမ့ၣ်အူဆူပှၤမိၤအးဖိအကီၢ်ဒီးဒွဲၣ်အူကွံာ်ဝ့ၢ်ကရံ ယိးအတိာ်ဧိၤတာ်ဧိၤတဖၣ်န့ၣ်လီၤ. ပှၤကီၢ်မိၤအးဖိတဖၣ်ကသံကွံာ်ဝဲလၢတၢ်ဒုး တၢ်ယၤအတၢ်သီၣ်အပူၤဖဲပှၤသုးဖိသ့ၣ်တဖၣ်ကိးပသူထီၣ်ဒီးကွဲၤ တဖၣ်ဘၣ်တၢ်အူထီၣ်အီၤအခါန့ၣ်လီၤ.”

လံာ်ဧၤမိၣ် 2:5

မၤသးဒ်န့ၣ်ဒီးယကဆှၢလီၤမ့ၣ်အူဆူကီၢ်ယူဒၤအဖီခိၣ်ဒီးဒွဲၣ်အူ ကွံာ်ဝ့ၢ်ယရူၤရှလ့ၣ်အတိာ်ဧိၤတာ်ဧိၤတဖၣ်န့ၣ်လီၤ.”

လံာ်ဧၤမိၣ် 5:2

ကီၢ်အံၣ်စရ့လးအပှၤမုၣ်လိၤဘိလီၤဃံၤလံ. တဂဲၤဆၢထၢၣ်လၢၤနီတစုဘၣ်. ဘၣ်တၢ်ညိကွံာ်တ့ၢ်အီၤလၢအကီၢ်ဒၣ်ဝဲအပူၤ ဒီးပှၤဝံၣ်ဆၢထၢၣ်အီၤတအိၣ်ဘၣ်နီတဂၤဘၣ်.

လံာ်သိၣ်လီၤသီလီၤတၢ် 32:22

ယတၢ်သးဒိၣ်ကမၤသးဒ်မ့ၣ်အူကဲၤထီၣ် ဒီးအီၣ်ကွံာ်ကယဲၢ်တၢ်ခဲလၢာ်လၢဟီၣ်ခိၣ်အသိးန့ၣ်လီၤ. တၢ်န့ၣ်ကတုၤဃီၤဆူဟီၣ်ခိၣ်လာ်ဒီးအီၣ်လၢာ်ဂီၤကွံာ် ကစၢၢ်ကလိတဖၣ်အခီၣ်ထံးတဖၣ်န့ၣ်လီၤ.

လံာ်လီၣ်ဖျါ 18:8

လၢတၢ်တမံၤအံၤအဃိ, လၢတနံၤဃီအတီၢ်ပူၤ, အဝဲဒၣ်ကဘၣ်တၢ်မၤဘၣ်ဒိအီၤလၢ တၢ်သံသတြိာ်တဖၣ်, တၢ်ဆူးတၢ်ဆါ, တၢ်သူၣ်အုးသးအုး, ဒီးတၢ်သၣ်ဝံၤလီၤဒိ ဒီးအဝဲဒၣ်ကဘၣ်တၢ်ဒွဲၣ်အီၤလၢမ့ၣ်အူလီၤ. အဂ့ၢ်ဒ်အံၤ, ကစၢ်ယွၤလၢအစံၣ်ညီၣ်အီၤတဂၤ မ့ၢ်ပှၤလၢအစိဒိၣ်ကမီၤထီတဂၤလီၤ.”