လံာ်ယံးရမံယၤ 50:3 - Sgaw Karen Common Bible

³ အဂ့ၢ်ဒ်အံၤ, ပှၤတကလုာ်လၢ ကလံၤစိး တခီဟဲဝဲဒ်သိးအကဒုးကီၢ်ဘၤဘူၤလိၣ်ဒီး ကဒုးကဲထီၣ်အီၤလၢ မဲးမုၢ်ခိၣ်တတီၤန့ၣ်လီၤ. ပှၤကညီဒီး ဆၣ်ဖိကီၢ်ဖိတဖၣ် ကဃ့ၢ်ကွံာ်ဒီး ပှၤတအိၣ်ဖဲန့ၣ်နီတဂၤလၢၤဘၣ်.”

လံာ်ယံးရမံယၤ 50:3 Iomraidhean Croise

လံာ်တၢ်ကဲထီၣ်အခီၣ်ထံး 6:7

တုၤဒၣ်လဲာ်အစံးဝဲ, “ယကတြူာ်ကွံာ်ပှၤဂီၢ်မုၢ်အံၤလၢယတ့ လီၤတ့ၢ်အီၤ, ဒီးဆၣ်ဖိကီၢ်ဖိဒီးထိၣ်ဖိလံၣ်ဖိသ့ၣ်တဖၣ်စ့ၢ်ကီးန့ၣ်လီၤ. အဂ့ၢ်ဒ်အံၤ, ယသးအုးလၢယတ့လီၤအဝဲသ့ၣ်တဂၤလၢ်လၢ်အဃိန့ၣ်လီၤ.”

လံာ်တၢ်ဟးထီၣ်ကွံာ် 12:12

လၢမုၢ်နၤအဝဲန့ၣ်ယကလဲၤခီဂာ်ကီၢ်အဲၤကူပတူးဒီးမၤသံကွံာ် ကယဲၢ်တၢ်အဝဲၢ်ကိအပိာ်ခွါမ့တမ့ၢ်အဖါလၢကီၢ်အဲၤကူပတူးအပူၤ လၢပှၤကညီတုၤလၢဆၣ်ဖိကီၢ်ဖိဒီးစံၣ်ညီၣ်ကီၢ်အဲၤကူပတူး အကစၢ်ခဲလၢာ်န့ၣ်လီၤ. ယဲဒၣ်အံၤယမ့ၢ်ယွၤလီၤ.

လံာ်ယၡါယၤ 41:25

ယဃုထၢတ့ၢ်လံပှၤတဂၤလၢအအိၣ်လၢမုၢ်ထီၣ် တခီလီၤ. ယကဟဲကိးအီၤလၢအကဒုးတၢ်လၢကလံၤစိး တခီလီၤ. အဝဲယီၢ်တံၢ်ပှၤပၢတၢ်တဖၣ်မၤသးဒ်အဝဲသ့ၣ်မ့ၢ်ကပံာ်အသိး, ဒ်ပှၤတ့သပၢၤဖိယီၢ်ဟီၣ်ခိၣ်ကပံာ်အသိးန့ၣ်လီၤ.

လံာ်ယၡါယၤ 45:1

ယွၤဃုထၢတ့ၢ်စီၤပၤကိရ့ၣ်လၢကမ့ၢ်စီၤပၤလီၤ. အဝဲဃုထၢပာ်ထီၣ်တ့ၢ်အီၤဒ်သိးကမၤနၢၤမၤဃၣ်ပှၤကလုာ်တ ဖၣ်လီၤ. အဝဲမၢလီၤအီၤဒ်သိးကဘ့ၣ်ကွံာ်စီၤပၤတဖၣ် အစိကမီၤလီၤ. ယွၤကအိးထီၣ်ဝ့ၢ်တဖၣ်အတြဲၤတဖၣ်လၢ အဝဲအဂီၢ်လီၤ. ယွၤစံးဘၣ်စီၤကိရ့ၣ်,

လံာ်ယံးရမံယၤ 21:6

ယကမၤသံကွံာ်ပှၤကိးဂၤဒဲးလၢအအိၣ်ဆိးလၢဝ့ၢ်အံၤအပူၤန့ၣ်လီၤ. ပှၤဂီၢ်မုၢ်မ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤကသံဝဲလၢတၢ်ဆါသံသတြိာ် လီၤပျံၤလီၤဖုးန့ၣ်လီၤ.

လံာ်ယံးရမံယၤ 50:9

ယကထိၣ်ဂဲၤထီၣ် ပှၤကလုာ်တကရူၢ်လၢအဂံၢ်ဆူၣ်လၢကလံၤစိးတခီဒိးပျဲအဝဲသ့ၣ် ဒုးကီၢ်ဘၤဘူၤလိၣ်န့ၣ်လီၤ. အဝဲသ့ၣ် ကရဲၣ်လီၤအသးလၢတၢ်ဒုးအပူၤထီဒါ ထံကီၢ်အံၤဒီးမၤနၢၤအီၤန့ၣ်လီၤ. အဝဲသ့ၣ်မ့ၢ် ပှၤခးတၢ်ဖိလၢ အသ့မးတဖၣ်ဒီး ပျၢ်တဖၣ်လၢ အခးဝဲန့ၣ်ဘၣ်တၢ်ပနီၣ်ကိးဘျီဒဲးန့ၣ်လီၤ.

လံာ်ယံးရမံယၤ 51:11

ယွၤထိၣ်ဂဲၤထီၣ်ကီၢ်မၤဒဲအစီၤပၤတဖၣ်အသး, မ့ၢ်လၢအဝဲတိာ်ပာ်လၢ ကမၤဟးဂီၤဘၤဘူၤလိၣ်အဃိန့ၣ်လီၤ. တၢ်န့ၣ်မ့ၢ်ကျဲလၢ အဟ့ၣ်ကၣ်က့ၤတၢ်လၢ တၢ်မၤဟးဂီၤတၢ်လုၢ်ဟံၣ်အဃိဒ်လဲၣ်န့ၣ်လီၤ. သုးခိၣ်တဖၣ်လၢ အထီၣ်ဒုးတၢ်ဟ့ၣ်လီၤအကလုၢ်စံးဝဲ, “မၤစူထီၣ်သုပျၢ်တဖၣ်, ကတဲာ်ကတီၤဃာ်သုကတီၤတဖၣ်တက့ၢ်.

လံာ်ယံးရမံယၤ 51:48

ကီၢ်ဘၤဘူၤလိၣ်မၤသံတ့ၢ်ပှၤဂီၢ်မုၢ်လၢ ဟီၣ်ခိၣ်ဒီဘ့ၣ်ညါ, ဒီးခဲကနံၣ်အံၤကီၢ်ဘၤဘူၤလိၣ်ကလီၤဝဲ, မ့ၢ်လၢအမၤသံတ့ၢ်ပှၤအံၣ်စရ့လးဖိအါမးအဃိန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 51:62

ဝံၤဒီး ဘါထုကဖၣ်တၢ်ဒီး စံးလၢ, ‘ယွၤဧၢ, နစံးတ့ၢ်လၢ နကမၤဟးဂီၤတၢ်လီၢ်အံၤ ဒ်သိးပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ တအိၣ်ဆိးလၢၤလၢအပူၤဘၣ်ဒီး ကလီၤဂာ်ဒီးတၢ်အိၣ်သယုၢ်အလီၢ်အစိၤစိၤအဃၣ်ဃၣ်န့ၣ်လီၤ.’

လံာ်ယံးရမံယၤ 7:20

လၢတၢ်န့ၣ်အဃိ, ယၤ, ယွၤလၢပၢဘၣ်တၢ်ခဲလၢာ်, ကလူလီၤဂၢ်လီၤယတၢ်သးကဲၤထီၣ်ဆူၣ် လၢယွၤအတၢ်လုၢ်ဟံၣ်အဖီခိၣ်လီၤ. ယကလူလီၤဂၢ်လီၤအီၤလၢပှၤဂီၢ် မုၢ်ဒီးဆၣ်ဖိကီၢ်ဖိတဖၣ်အဖီခိၣ်တမံၤဃီ, တုၤဒၣ်လဲာ်လၢသ့ၣ်တဖၣ် ဒီးတၤသူတၤသၣ်တဖၣ်အဖီခိၣ်န့ၣ်လီၤ. ယတၢ်သးကဲၤထီၣ်ကလီၤဂာ် ဒ်မ့ၣ်အူအီၣ်တၢ်လၢပှၤမၤလီၤပံာ်ကွံာ်တန့ၢ်နီတဂၤဘၣ် အသိးန့ၣ်လီၤ.

လံာ်ယံးရမံယၤ 9:10

ယစံးတ့ၢ်ယဲ, “ယကဟီၣ်တၢ်ယၢၤတၢ်လၢကစၢၢ်ကလိတဖၣ်အဃိ, ဒီးဟီၣ်လၢတၢ်အီၣ်ဆၣ်အလီၢ်တဖၣ်အဃိလီၤ. အဂ့ၢ်ဒ်အံၤ, အဝဲသ့ၣ်ဃ့ထီကွံာ်ဝဲ ဒီးပှၤတလဲၤခီဂာ်အဝဲသ့ၣ်နီတဂၤဘၣ်. ဆၣ်ဖိကီၢ်ဖိအဒၢအတၢ်ကိးထီၣ်အသီၣ်န့ၣ်တၢ်တနၢ်ဟူ လၢၤဘၣ်အီၤဘၣ်. ထိၣ်လၢတၢ်ဖးဖီတဖၣ်ယူၤကွံာ်ဝဲဒီးဆၣ်ဖိကီၢ်ဖိ အမံၤတဖၣ်ဟးကွံာ်ခဲလၢာ်လံ.”

လံာ်ယံးရမံယၤ 9:11

ယွၤစံးဝဲဒၣ်, “ယကဒုးကဲထီၣ်ဝ့ၢ်ယရူၤၡလ့ၣ်လၢတၢ်ဟးဂီၤတဖၣ် အတၢ်ပူၣ်ထီၣ်အသး, တၢ်လီၢ်တတီၤဖဲထွံၣ်ဟီၣ်ခိၣ်တဖၣ်အိၣ်ဆိးဝဲန့ၣ်လီၤ. ကီၢ်ယူဒၤအဝ့ၢ်တဖၣ်ကကဲထီၣ်မဲးမုၢ်ခိၣ်, တၢ်လီၢ်တတီၤဖဲပှၤတအိၣ်ဆိးနီတဂၤဘၣ်န့ၣ်လီၤ.”

လံာ်စဖါနယၤ 1:3

ကယဲၢ်ပှၤကညီဒီးဆၣ်ဖိကီၢ်ဖိ, ထိၣ်ဧိၤလံာ်ဧိၤဒီးဒ့ၣ်ဧိၤညၣ်ဧိၤ ခဲလၢာ်န့ၣ်လီၤ. ယကမၤတၢ်လၢပှၤအၢပှၤသီအခီၣ်ကဘၣ်တိၢ်ဒီးလီၤဃံၤအဂီၢ်လီၤ. ယကမၤဟးဂီၤကွံာ်ပှၤဟီၣ်ခိၣ်ဖိခဲလၢာ်ဒီးပှၤအမူတအိၣ်တ့ၢ်ဘၣ် နီတဂၤဘၣ်. ယၤ, ယွၤကတိၤလံတၢ်လံ.”