လံာ်ယံးရမံယၤ 50:27 - Sgaw Karen Common Bible

²⁷ မၤသံအဝဲသ့ၣ်အသုးဖိလၢ အလီၤဂာ်ဒ် ကျီၢ်ဖါဖိခဲလၢာ် တက့ၢ်. မၤသံမၤဝီအဝဲသ့ၣ်တက့ၢ်. ကီၢ်ဘၤဘူၤလိၣ်အပှၤ ဂီၢ်မုၢ်ဘၣ် တၢ်စံၣ်ညီၣ်ဃါမနၤလီၤ. တၢ်ဆၢကတီၢ်ဟဲတုၤလံ ဝဲလၢအဝဲသ့ၣ်အဂီၢ်လၢ ကဘၣ်တၢ်စံၣ်ညီၣ်အီၤန့ၣ်လီၤ.”

လံာ်ယံးရမံယၤ 50:27 Iomraidhean Croise

လံာ်စီၤယိၤဘး 18:20

စးထီၣ်လၢမုၢ်ထီၣ်တုၤဆူ မုၢ်နုာ်န့ၣ်, ပှၤလၢအနၢ်ဟူဘၣ်အဝဲ အတၢ်ဟဲဝံခဲလၢာ်, ကဖံးတကုၣ်ခီတကုၣ်ဒီး ကနိးကစုာ်လၢ တၢ်ပျံၤတၢ်ဖုးအပူၤလီၤ.

စံးထီၣ်ပတြၢၤ 22:12

ဒုၣ်ဒါအါဂၤကဝီၤဃာ်ယၤဒ်ဂီၤဖံးဖါတဖၣ်အသိး, အဝဲသ့ၣ်အိၣ်ဝးတရံးယၤဒ်ဂီၤဖံးဖါလၢအအၢ လၢအအိၣ်လၢကီၢ်ဘၤၡၣ်အသိးန့ၣ်လီၤ.

စံးထီၣ်ပတြၢၤ 37:13

ဘၣ်ဆၣ်ယွၤနံၤဘၣ်ပှၤအၢပှၤသီ, အဂ့ၢ်မ့ၢ်လၢအဝဲထံၣ်သ့ၣ်ညါဝဲလၢ အမုၢ်နံၤဟဲလံလီၤ.

လံာ်ယၡါယၤ 21:12

ယစံးဆၢအီၤ, “မုၢ်ဂီၤဟဲဝဲလံ, ဘၣ်ဆၣ်မုၢ်နၤကဟဲကဒီး လီၤ. နမ့ၢ်အဲၣ်ဒိးသံကွၢ်ကဒီးန့ၣ်, ဟဲက့ၤကဒါက့ၤဒီးသံကွၢ် တက့ၢ်.”

လံာ်ယၡါယၤ 34:6

အနးကဘၣ်အၢပှဲၤဒီးအဝဲသ့ၣ်အသွံၣ်ဒီးအသိ, ဒ်သိဖိဒီးမဲာ်တဲးလဲးတဖၣ်အသွံၣ်ဒီးအသိလၢတၢ်လုၢ်ထီၣ် အီၤအသိးလီၤ. ယွၤကလုၢ်ထီၣ်တၢ်လုၢ်အံၤလၢဝ့ၢ်ဘိးစရၤအပူၤလီၤ. အဝဲကဒုးကဲထီၣ်တၢ်အံၤလၢတၢ်မၤသံဖးဒိၣ်လၢကီၢ်အဒိၣ် အပူၤန့ၣ်လီၤ.

လံာ်ယၡါယၤ 34:7

ပှၤဂီၢ်မုၢ်တဖၣ်ကလီၤဃံၤသံဝဲဒ်ကျီၢ်ဖါမံၤတဖၣ်ဒီးဂီၤဖံးဖါဖိ တဖၣ်အသိး, ဒီးဟီၣ်ခိၣ်ကဂီၤဝဲဒီးတၢ်သွံၣ်ဒီးဘၣ်အၢပှဲၤဒီး တၢ်အသိလီၤ.

လံာ်ယံးရမံယၤ 12:3

ဘၣ်ဆၣ်ဒီးယွၤဧၢ, နသ့ၣ်ညါယၤလီၤ. နထံၣ်တၢ်လၢယမၤ ဒီးယအဲၣ်နၤဒ်လဲၣ်န့ၣ်လီၤ. တွံၢ်ယံၤကွံာ်ပှၤအၢပှၤသီတဖၣ်အံၤ ဒ်သိလၢအဘၣ်တၢ်မၤသံအီၤအသိး ဒီးပၢၤဃာ်အီၤတုၤအကတီၢ် ဘၣ်ဝဲလၢတၢ်ကမၤသံအီၤအဂီၢ်န့ၣ်တက့ၢ်.

လံာ်ယံးရမံယၤ 25:34

သုဝဲပှၤခိၣ်ပှၤနၢ်သ့ၣ်ဧၢ, ဟီၣ်ပသူထီၣ်တက့ၢ်. သုဝဲယပှၤဂီၢ်မုၢ် အပှၤ ကွၢ်သိသ့ၣ်ဧၢ, ကိးပသူထီၣ်ဖးဒိၣ်တက့ၢ်. ဟီၣ်တၢ်ယၢၤတၢ်ဒီး က လိာ်ကနွၢ်သုသးလၢ ဖၣ်ဆါကျါတက့ၢ်. တၢ်ဆၢကတီၢ်တုၤလံဝဲလၢ တၢ်ကမၤသံသုအဂီၢ်ဒီး သုကဘၣ်တၢ်ကျီသု တကူာ်တကူာ်ဒ် တၢ်ကျီသိဖါတဖၣ်အသိးဒီး သ့ၣ်ဖးကွံာ်ဒ်သပၢၤ ဟီၣ်ခိၣ်လၢ အဂ့ၤအသိးန့ၣ်လီၤ.

လံာ်ယံးရမံယၤ 27:7

ပှၤကလုာ်ခဲလၢာ် ကမၤအဝဲအတၢ်, ဒီးအဝဲသ့ၣ် ကမၤအဝဲအဖိခွါဒီး အဝဲအလံၤအတၢ်တုၤလီၤလၢ တၢ်ဆၢကတီၢ် ဟဲတုၤဝဲလၢ အဝဲအပှၤကလုာ်ဒၣ်ဝဲ ကလီၤပှီၢ်န့ၣ်လီၤ. ဝံၤဒီး အဝဲအပှၤကလုာ်ကမၤ ပှၤကလုာ်ဒိၣ်စိဒိၣ်ကမီၤတဖၣ် ဒီး စီၤပၤဖးဒိၣ်တဖၣ် အတၢ်န့ၣ်လီၤ.

လံာ်ယံးရမံယၤ 46:21

အသုးဖိတဖၣ်လၢ အဒိးလဲန့ၢ်ဝဲဒၣ်လဲာ် မၤစၢၤလီၤက့ၤအသးတသ့ဘၣ်ဒ် ဂီၤဖံးဖိတဖၣ်အသိးန့ၣ်လီၤ. အဝဲသ့ၣ် တဆၢထၢၣ်ဒီး ဒုးတၢ်ဘၣ်. အဝဲသ့ၣ်ခဲလၢာ်ဃၣ်အသးဒီး ဃ့ၢ်ကွံာ်ဝဲလီၤ. တၢ်စံၣ်ညီၣ်ဃါမနၤအမုၢ်တနံၤတုၤ အိၣ်အဝဲသ့ၣ်လံ. မ့ၢ်အဝဲသ့ၣ်အတၢ်ဟးဂီၤအဆၢကတီၢ်န့ၣ်လီၤ.

လံာ်ယံးရမံယၤ 48:10

(ပှၤတဂၤလၢအတမၤယွၤအတၢ်မၤ လၢအသးဒီ ဖျၢၣ်ညါန့ၣ်, မ်အဘၣ်တၢ်ဆိၣ်အၢတက့ၢ်. ပှၤတဂၤလၢ အတကျီဒီး မၤသံတၢ်ဘၣ်န့ၣ်, မ်အဘၣ်တၢ်ဆိၣ်အၢတက့ၢ်.)

လံာ်ယံးရမံယၤ 48:15

ကီၢ်မိၤအးဒီး အဝ့ၢ်တဖၣ် ဘၣ်တၢ်မၤဟးဂီၤကွံာ်အီၤဒီး အပှၤပိာ်ခွါ သးစၢ်အဂ့ၤကတၢၢ်တဖၣ်ဘၣ်တၢ်မၤသံကွံာ်အီၤလံ. ယမ့ၢ်စီၤပၤ, ယွၤသ့တၢ်လၢာ်, ဒီးယကတိၤလံတၢ်လံ.

လံာ်ယံးရမံယၤ 48:44

ပှၤတဂၤဂ့ၤတဂၤဂ့ၤလၢ အကျဲးစၢးဃ့ၢ်ပူၤဖျဲးကွံာ်လၢ တၢ်မၤပျံၤမၤဖုးအံၤန့ၣ်, ကလီၤတဲာ်နုာ်ဆူတၢ်ပူၤတဖၣ်, ဒီးပှၤတဂၤဂ့ၤတဂၤဂ့ၤလၢ အပှာ်ထီၣ်က့ၤလၢ တၢ်ပူၤန့ၣ်, ကဘၣ်တၢ်ဖီၣ်န့ၢ်အီၤလၢ ပျံၤသကွီၤတဖၣ်န့ၣ်လီၤ. အဂ့ၢ်ဒ်အံၤ, ယွၤပာ်လီၤတၢ်ဆၢကတီၢ်လၢ ကီၢ်မိၤအးအတၢ်ဟးဂီၤအဂီၢ်လီၤ.

လံာ်ယံးရမံယၤ 50:11

ယွၤစံးဝဲဒၣ်, “ကီၢ်ဘၤဘူၤလိၣ်အပှၤဂီၢ်မုၢ်သ့ၣ်ဧၢ, သုဂုာ်ဆူၣ်ပျီဆူၣ်တ့ၢ်ယပှၤကလုာ်န့ၣ်လီၤ. သုသူၣ်ဖှံသးညီဒီး သူၣ်ခုသးခုဒီး သုဝ့ၤဝီၤသုသးဒ်ဂီၤဖံးမိၢ်တဒုလၢ အယီၢ်ဘုအသိးမ့ၢ်ဂ့ၤ, ကသ့ၣ်လၢအကဟဲးမ့ၢ်ဂ့ၤ

လံာ်ယံးရမံယၤ 50:31

ကီၢ်ဘၤဘူၤလိၣ်ဧၢ, နပှဲၤဒီးတၢ်ပာ်ထီၣ်ထီနသးလီၤ. လၢတၢ်န့ၣ်အဃိ, ယၤ, ယွၤပၢဘၣ်တၢ်ခဲလၢာ်ကစၢ်ယွၤသ့တၢ်လၢာ်ထီဒါနၤလီၤ. တၢ်ဆၢကတီၢ်ဟဲတုၤလံလၢယဂီၢ်လၢယကစံၣ်ညီၣ်နၤန့ၣ်လီၤ.

လံာ်ယံးရမံယၤ 51:40

ယကလဲၤစိာ်အဝဲသ့ၣ်လၢ တၢ်ကမၤသံအီၤအဂီၢ်ဒ်သိဖိတဖၣ်, မဲာ်တဲးလဲးတဖၣ်, ဒီးသိဖါတဖၣ်အသိးန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်သးသယုၢ်တၢ် 1:21

ဒိကနၣ်လၢ်ယတၢ်ကအုကစွါတက့ၢ်. ပှၤလၢကမၤမုာ်ထီၣ်ယၤတအိၣ်ဘၣ် နီတဂၤဘၣ်. ယဒုၣ်ယဒါတဖၣ်သးခုဝဲလၢနဟဲစိာ်တၢ်နးတၢ်ဖှီၣ်လၢယလိၤအဃိ လီၤ. ဟဲစိာ်မုၢ်တနံၤလၢနအၢၣ်လီၤအီလီၤတ့ၢ်ဒီးဒုးတူၢ်ဘၣ်ယဒုၣ် ယဒါတဖၣ်ဒ်ယတူၢ်ဘၣ်တၢ်အသိးတက့ၢ်.

လံာ်လီၣ်ဖျါ 18:10

အဝဲသ့ၣ်အိၣ်ဆၢထၢၣ်ဝဲလၢအယံၤ, အဂ့ၢ်မ့ၢ်လၢအဘၣ်ယိၣ်ဝဲလၢအကတူၢ်ဘၣ်ဃုာ်တၢ်ဒီးအီၤ အဃိလီၤ. အဝဲသ့ၣ်စံးဝဲ, “လီၤပျံၤလီၤဖုးဆံးဒိၣ်လဲၣ်. နးဝဲဖှီၣ်ဝဲဆံးဒိၣ်လဲၣ်. ဝ့ၢ်ဘၤဘူၤလိၣ်လၢအဒိၣ်ဝဲသွါဝဲ ဒီးအဂံၢ်ဆူၣ်ဘါဆူၣ်တဖျၢၣ် အံၤဧၢ, ထဲလၢတနၣ်ရံၣ်အတီၢ်ပူၤနဘၣ်တၢ်စံၣ်ညီၣ်နၤလံ.”

လံာ်လီၣ်ဖျါ 19:17

အန့ၣ်ဝံၤအလီၢ်ခံယထံၣ်ကလူးတဂၤအိၣ်ဆၢထၢၣ်လၢမုၢ် အဖီခိၣ်လီၤ. အဝဲဒၣ်ကိးထီၣ်လၢအကလုၢ်ဖးဒိၣ်ဆူကယဲၢ်ထိၣ်လၢ အယူၤလၢတၢ်ဖးဖီတဖၣ်, “ဟဲဒီးပာ်ဖှိၣ်သုသးတပူၤဃီလၢကစၢ်ယွၤအမူးဖးဒိၣ် အဂီၢ်န့ၣ်တက့ၢ်.