လံာ်ယံးရမံယၤ 50:2 - Sgaw Karen Common Bible

² တဲဘၣ်ပှၤကလုာ်တဖၣ်လၢ တၢ်ကစီၣ်တက့ၢ်. “တဲဖျါထီၣ်အီၤတက့ၢ်. ဟ့ၣ်လီၤတၢ်ပနီၣ်ဒီးဘိးဘၣ်သ့ၣ်ညါတၢ်ကစီၣ် တဖၣ်တက့ၢ်. တဘၣ်ပာ်အီၤဒ်တၢ်ခူသူၣ်တမံၤအသိးတဂ့ၤ. ကီၢ်ဘၤဘူၤလိၣ်အတၢ်ဂီၤတၢ်ဖီၣ်တဖၣ်ဘၣ်တၢ်မၤမဲာ်ဆှးကွံာ်အီၤလံ. အတၢ်ဂီၤတၢ်ဖီၣ်လၢ အလီၤသးဘၣ်အၢတဖၣ်ဘၣ် တၢ်မၤလီၤသဘှံးကွံာ်အီၤလီၤ.

လံာ်ယံးရမံယၤ 50:2 Iomraidhean Croise

စံးထီၣ်ပတြၢၤ 64:9

အန့ၣ်ဒီး ပှၤခဲလၢာ်ကပျံၤတၢ်လီၤ. အဝဲသ့ၣ်က ဆိကမိၣ်ဝဲတၢ်လၢယွၤမၤတ့ၢ်ဝဲဒီး တဲဖျါထီၣ်ကစၢ်ယွၤအတၢ်မၤတဖၣ်န့ၣ်လီၤ.

စံးထီၣ်ပတြၢၤ 96:3

တဲဖျါထီၣ်အလၤကပီၤလၢပှၤကလုာ်တဖၣ်အကျါ, ဒီးအတၢ်မၤလီၤလးတဖၣ်လၢ ပှၤဂီၢ်မုၢ်ခဲလၢာ်အကျါတက့ၢ်.

စံးထီၣ်ပတြၢၤ 97:7

ကယဲၢ်ပှၤလၢအဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်, ကဘၣ်တၢ်မၤမဲာ်ဆှးအီၤလီၤ. ကယဲၢ်ကစၢ်ခဲလၢာ် ကချံးခီၣ်တီၤလီၤလၢယွၤအမဲာ်ညါလီၤ.

လံာ်ယၡါယၤ 12:4

မုၢ်တနံၤကဟဲဝဲဖဲပှၤကသးဝံၣ်ထီၣ်, “ဟ့ၣ်ထီၣ်တၢ်စံးဘျုးစံးဖှိၣ်ဆူယွၤအအိၣ်တက့ၢ်. ကိးထီၣ်အီၤလၢကမၤစၢၤနၤအဂီၢ်တက့ၢ်. တဲဘၣ်ပှၤကလုာ်ခဲလၢာ်လၢတၢ်လၢအဝဲမၤတ့ၢ်ဝဲတက့ၢ်. တဲဘၣ်အဝဲသ့ၣ်လၢယွၤအံၤဒိၣ်ဝဲထဲလဲၣ်ထဲလဲၣ်န့ၣ်တက့ၢ်.

လံာ်ယၡါယၤ 13:2

ထူၣ်ထီၣ်တၢ်ဒုးအနီၣ်တယၣ်လၢကစၢၢ်လ့ၤခိၣ်တဖျၢၣ်အဒီခိၣ်တက့ၢ်. ကိးပသူထီၣ်ဆူသုးဖိတဖၣ်အအိၣ်ဒီးယူာ်ထီၣ်နစုဒုၣ်စုတီၤဒ် တၢ်ပနီၣ်လၢအဝဲသ့ၣ်ကလဲၤထီၣ်ဒုးတၢ်ဖဲဝ့ၢ်လၢအပာ်ထီၣ် ထီအသးအကျဲစၢၤတဖၣ်န့ၣ်တက့ၢ်.

လံာ်ယၡါယၤ 21:9

သတူၢ်ကလာ်, လၢအံၤအဝဲသ့ၣ်ဟဲဝဲလံ. ပှၤဒိးကသ့ၣ်ခံဂၤခံဂၤ စုာ်စုာ်လီၤ. ပှၤခိးတၢ်ဖိဆှၢတၢ်ကစီၣ်, “ကီၢ်ဘၤဘူၤလိၣ်လီၤကွံာ်လံ. တၢ်ဂီၤတၢ်ဖီၣ်တဖၣ်လၢအဝဲသ့ၣ် ဘူၣ်ထီၣ်ဘါထီၣ်ဝဲခဲလၢာ်ကၢ်လီၤကလဲဒီးဒါလီၤ အသးလၢဟီၣ်ခိၣ်လိၤလီၤ.”

လံာ်ယၡါယၤ 37:19

ဒီးဒွဲၣ်အူထီၣ်ကွံာ်အကစၢ်တဖၣ်, လၢတမ့ၢ်ကစၢ်တဖၣ်လ့ၤတက့ၤဘၣ်. မ့ၢ်ဒၣ်တၢ်အက့ၢ်အဂီၤတဖၣ်လၢသ့ၣ်ဒီးလၢၢ်ဧိၤလ့ဧိၤလၢပှၤကညီ မၤအီၤလၢအစုဒၣ်ဝဲန့ၣ်လီၤ.

လံာ်ယၡါယၤ 39:1

ဖဲအဆၢကတီၢ်ဝဲန့ၣ်, ကီၢ်ဘၤဘူၤလိၣ်အစီၤပၤဘၤလဒၣ်အဖိခွါ စီၤမရိဒးဘၤလဒၣ်နၢ်ဟူတ့ၢ်ဝဲလၢစီၤပၤဃံးစကံယၤဘၣ်န့ၢ် တၢ်ဆူးတၢ်ဆါအဃိဆှၢလီၤန့ၢ်အီၤလံာ်ပရၢတဘ့ၣ်ဒီးတၢ်ဟ့ၣ် တမံၤန့ၣ်လီၤ.

လံာ်ယၡါယၤ 46:1

တၢ်အံၤမ့ၢ်တၢ်အကတၢၢ်လၢကီၢ်ဘၤဘူၤလိၣ်အကစၢ်တဖၣ်အဂီၢ်လီၤ. ဘ့လးဒီးနဘိတဖၣ်, တဘျီဘၣ်တၢ်ဘူၣ်ထီၣ်ဘါထီၣ်တ့ၢ်အီၤ, ဘၣ်ဆၣ်ဒီးခဲအံၤန့ၣ်ဘၣ်တၢ်ပဒၢးထီၣ်အီၤလၢကသ့ၣ်ယီၤတဖၣ် အလိၤ ဒီးမ့ၢ်တၢ်ဝံဃၢလၢဆၣ်ဖိကီၢ်ဖိလၢအလီၤဘှံးလီၤတီၤတဖၣ် အဂီၢ်န့ၣ်လီၤ.

လံာ်ယၡါယၤ 48:20

ဟးထီၣ်လၢဝ့ၢ်ဘၤဘူၤလိၣ်တက့ၢ်. ဟးထီၣ်လၢတၢ်သဘျ့ အပူၤတက့ၢ်. ကိးပသူထီၣ်တၢ်ကစီၣ်လၢတၢ်သးခုအပူၤဒီးဘိးဘၣ်သ့ၣ်ညါအီၤ လၢတၢ်လီၢ်ကိးပူၤဒဲးတက့ၢ်. “ယွၤအုၣ်က့ၤခီၣ်က့ၤတ့ၢ်အခ့အပှၤအံၣ်စရ့လးလံ.”

လံာ်ယၡါယၤ 48:6

ကယဲၢ်တၢ်လၢယတဲဆိပာ်စၢၤတဖၣ်, ခဲအံၤမၤအသးလံ. သုကဘၣ်အၢၣ်လီၤလၢယတၢ်ကတိၤဆိပာ်စၢၤတဖၣ်မ့ၢ်တၢ်အဘၣ်လီၤ. ခဲအံၤ, ယကတဲဘၣ်သုတၢ်အသီတဖၣ်လၢအကဟဲ, တၢ်မၤအသးတဖၣ်, လၢယတလီၣ်ဖျါတ့ၢ်အီၤလၢညါဘၣ်န့ၣ်လီၤ.

လံာ်ယံးရမံယၤ 10:11

(သုဝဲပှၤဂီၢ်မုၢ်, ကဘၣ်တဲဘၣ်အဝဲသ့ၣ်လၢကစၢ်တဖၣ်လၢ အတတ့လီၤဘၣ်ဟီၣ်ခိၣ်ဒီးမူခိၣ်န့ၣ်ကဘၣ်တၢ်မၤဟးဂီၤကွံာ်အီၤန့ၣ်လီၤ. အဝဲသ့ၣ်တအိၣ်လၢၤဘၣ်လၢဟီၣ်ခိၣ်အံၤနီတစုနီတတီၤ ဘၣ်န့ၣ်လီၤ.)

လံာ်ယံးရမံယၤ 10:15

အဝဲသ့ၣ်အလုၢ်အပှ့ၤတအိၣ်ဘၣ်ဒီးကြၢးဘၣ် တၢ်သးဘၣ်အၢအီၤလီၤ. ဖဲကစၢ်ဟဲလၢကသဂၢၢ်လိာ်အသးဒီးအဝဲသ့ၣ်န့ၣ်, အဝဲသ့ၣ်ကဘၣ်တၢ်မၤဟးဂီၤကွံာ်အီၤန့ၣ်လီၤ.

လံာ်ယံးရမံယၤ 31:10

ယွၤစံးဝဲဒၣ်, “ပှၤကလုာ်သ့ၣ်ဧၢ, ဒိကနၣ်ယၤဒီး တဲဖျါထီၣ် ယတၢ်ကတိၤ တဖၣ်လၢ ပီၣ်လဲၣ်နံၤလၢ ကီၢ်အယံၤတဖၣ်န့ၣ်တက့ၢ်. ယမၤလီၤပြံလီၤပြါတ့ၢ် ယပှၤဂီၢ်မုၢ်, ဘၣ်ဆၣ်ယကထၢဖှိၣ်က့ၤ အဝဲသ့ၣ်, ဒီးကဟုကယာ် အဝဲသ့ၣ်ဒ် ပှၤကွၢ်သိတဂၤ ဟုကယာ်အသိတဖုအသိးန့ၣ်လီၤ.

လံာ်ယံးရမံယၤ 4:16

အဝဲသ့ၣ်ဟဲတ့ၢ်ဝဲလၢကဟ့ၣ်ဒုးပလီၢ်ပှၤကလုာ်တဖၣ်ဒီးကတဲဘၣ် ဝ့ၢ်ယရူၤၡလ့ၣ်လၢဒုၣ်ဒါတဖၣ်ဟဲလံဝဲလၢထံကီၢ်လၢအယံၤတဘ့ၣ် န့ၣ်လီၤ. ဒုၣ်ဒါတဖၣ်အံၤကကိးထီၣ်တၢ်ထီဒါကီၢ်ယူဒၤအဝ့ၢ်တဖၣ် န့ၣ်လီၤ.

လံာ်ယံးရမံယၤ 4:6

နဲၣ်ဃီၤကျဲဆူဝ့ၢ်စံယိၣ်တက့ၢ်. ဃ့ၢ်ထီၣ်လၢတၢ်ပူၤဖျဲးအဂီၢ်တက့ၢ်. သုးဆၢသုးကတီၢ်တဂ့ၤ. အဂ့ၢ်ဒ်အံၤ, ယွၤဟဲစိာ်တၢ်တတၢးတနါ ဒီးတၢ်ဟးဂီၤဖးဒိၣ်လၢကလံၤစိးတခီလီၤ.

လံာ်ယံးရမံယၤ 46:14

“တဲဖျါထီၣ်တၢ်အံၤ လၢကီၢ်အဲၤကူပတူးအဝ့ၢ်တဖၣ်လၢ အမ့ၢ်မံးကဒိးလး, မဲဖံး, ဒီးဝ့ၢ်တၤပါန့ၤအပူၤတက့ၢ်. ကတဲာ်ကတီၤထီၣ်သုသးလၢ နကဒီဒၣ်လီၤသုသးအဂီၢ်တက့ၢ်. တၢ်လၢအအိၣ်ဒီး သုခဲလၢာ်န့ၣ် ကဘၣ်တၢ်မၤဟးဂီၤကွံာ်အီၤလၢ တၢ်ဒုးတၢ်ယၤအပူၤန့ၣ်လီၤ.

လံာ်ယံးရမံယၤ 50:46

ဖဲဝ့ၢ်ဘၤဘူၤလိၣ်လီၤပှီၢ်ကွံာ်ဝဲန့ၣ်, တၢ်အသီၣ်ဖးဒိၣ်တမံၤက ဟူထီၣ်ဝဲတုၤဒၣ်လဲာ်ဟီၣ်ခိၣ်ဒီဘ့ၣ်ကဟူးဝးဝဲ, ဒီးပှၤကလုာ် အဂၤတဖၣ် ကနၢ်ဟူဘၣ်တၢ်ပျံၤတၢ်ဖုးအတၢ်ကိးထီၣ်တဖၣ်န့ၣ်လီၤ.”

လံာ်ယံးရမံယၤ 51:12

ဟ့ၣ်လီၤတၢ်ပနီၣ်လၢ တၢ်ကထီၣ်ဒုးဝ့ၢ်ဘၤဘူၤလိၣ်အခိၣ်ဒူတဖၣ် အဂီၢ်န့ၣ်တက့ၢ်. မၤဆူၣ်ထီၣ်ပှၤပၢၤတၢ်ဖိအတိၤ, ဒီးပာ်လီၤပှၤခိးတၢ်ဖိတဖၣ်တက့ၢ်. ကတဲာ်ကတီၤပှၤခိးခူ သူၣ်တၢ်တဖၣ်တက့ၢ်. ယွၤမၤတ့ၢ်လံတၢ်လၢ အဝဲစံးဝဲလၢ ကမၤဘၣ်ကီၢ်ဘၤဘူၤလိၣ် အပှၤဂီၢ်မုၢ်န့ၣ်လီၤ.”

လံာ်ယံးရမံယၤ 51:27

ဟ့ၣ်တၢ်ပနီၣ်လၢ တၢ်ကထီၣ်ဒုးတၢ်အဂီၢ်တက့ၢ်. အူထီၣ်ကွဲၤဒ်သိး ပှၤကလုာ်တဖၣ်နၢ်ဟူဝဲကသ့အဂီၢ်တက့ၢ်. ကတဲာ်ကတီၤပှၤကလုာ်တဖၣ်လၢ တၢ်ဒုးတၢ်ထီဒါ ကီၢ်ဘၤဘူၤလိၣ်အဂီၢ်တက့ၢ်. တဲဘၣ်ဘီဧိၤမုၢ်ဧိၤတဖၣ်လၢအမ့ၢ် ဝဲအရၤရး, မံးနံး, ဒီးအၤၡကံနးလၢ ကလဲၤထီၣ်ဒုးတၢ်အဂီၢ်တ က့ၢ်. ဃုထၢပာ်လီၤသုးခိၣ်တဂၤလၢ ကဆှၢတၢ်လၢတၢ်ဒုး အဂီၢ်တက့ၢ်. ဒုးဟဲထီၣ်ကသ့ၣ်တဖၣ်ဒ်ဒွဲၣ်အဖုအဂီၢ်အသိးန့ၣ်တက့ၢ်.

လံာ်ယံးရမံယၤ 51:31

ပှၤစိာ်တၢ်ကစီၣ်တဂၤဝံၤတဂၤဃ့ၢ်ဝဲဒ်သိးကတဲဘၣ်ကီၢ်ဘၤဘူၤလိၣ် အစီၤပၤလၢအထံၣ်, ဝ့ၢ်ဘၣ်တၢ်မၤလီၤပှီၢ်ကွံာ်ကိးကပၤလံန့ၣ်လီၤ.

လံာ်ယံးရမံယၤ 51:44

ယကစံၣ်ညီၣ်ဘၤဘူၤလိၣ်အယွၤဘ့လးဒီး မၢအဟ့ၣ်က့ၤတၢ်ဖိတၢ်လံၤလၢ အဟုၣ်တ့ၢ်ဝဲတဖၣ်လီၤ. ပှၤကလုာ်တဖၣ်တဘူၣ်ထီၣ်ဘါထီၣ်လၢၤအီၤနီတစုလၢၤဘၣ်. ဝ့ၢ်ဘၤဘူၤလိၣ်အခိၣ်ဒူတဖၣ်လီၤပှီၢ်လံ.

လံာ်ယံးရမံယၤ 51:47

လၢတၢ်န့ၣ်အဃိ, တၢ်ဆၢကတီၢ်ဟဲလံဝဲလၢ ယကမၤ ဘၣ်ဒိဘၣ်ထံး ကီၢ်ဘၤဘူၤလိၣ်အတၢ်ဂီၤတၢ်ဖီၣ်တဖၣ် န့ၣ်လီၤ. ထံကီၢ်ဒီဘ့ၣ်ညါကဘၣ်တၢ်မၤမဲာ်ဆှးအီၤ, ဒီးအပှၤဂီၢ်မုၢ်ခဲလၢာ် ကဘၣ်တၢ်မးသံအီၤန့ၣ်လီၤ.

လံာ်ယံးရမံယၤ 51:52

လၢတၢ်န့ၣ်အဃိဒီး, ယစံးယဲလၢတၢ်ဆၢကတီၢ်တုၤအိၣ်လံဝဲလၢ, ယကမၤဘၣ်ဒိဘၣ်ထံးကီၢ်ဘၤဘူၤလိၣ်အတၢ်ဂီၤတၢ်ဖီၣ်တဖၣ်, ဒီးပှၤလၢအဘၣ်ဒိဘၣ်ထံးတဖၣ် ကကအုကစွါထီၣ်ဝဲလၢထံကီၢ်ဒီ ဘ့ၣ်ညါအပူၤန့ၣ်လီၤ.

လံာ်ယံးရမံယၤ 51:8

သတူၢ်ကလာ်, ကီၢ်ဘၤဘူၤလိၣ်လီၤပှီၢ်ဝဲဒီး ဘၣ်တၢ်မၤဟးဂီၤ အီၤလံ. ဟီၣ်တၢ်ယၢၤတၢ်လၢအဃိတက့ၢ်. မၤန့ၢ်ကသံၣ်ကသီလၢအပူၤလီၢ်ပူၤကျဲတဖၣ်အဂီၢ်, ဒီးဘၣ်သ့ၣ်သ့ၣ်, ဘျါက့ၤဝဲကသ့လီၤ.

လံာ်ယံးရမံယၤ 52:31

နံၣ်လၢစီၤအ့ဝလးမရၤဒိးကဲထီၣ်စီၤပၤလၢ ကီၢ်ဘၤဘူၤလိၣ်အပူၤန့ၣ်, အဝဲဒုးနဲၣ်တၢ်သးကညီဆူ ကီၢ်ယူဒၤအစီၤပၤယဟိၤယါခံၣ်ခီဖျိတၢ်ပျၢ်ဖျဲးကွံာ်အီၤလၢ ဃိာ်ပူၤန့ၣ်လီၤ. တၢ်အံၤမၤအသးဖဲ စီၤယဟိၤယါခံၣ်ဘၣ်တၢ်စိာ်ကွံာ် အီၤဒ်ပှၤဃိာ်ဖိတဂၤအသိးပှဲၤထီၣ်သၢဆံနွံနံၣ်, တဆံခံလါတလါ, လါထီၣ်ခံဆံယဲၢ်သီတသီနံၤန့ၣ်လီၤ.

လံာ်ယံးရမံယၤ 6:18

အန့ၣ်ဒီးယွၤစံးဝဲ, “ဒိကနၣ်တၢ်တက့ၢ်, သုဝဲပှၤကလုာ်သ့ၣ် ဧၢ, ဒီးမၤလိန့ၢ်တၢ်လၢအကမၤအသးဒီးယပှၤဂီၢ်မုၢ်န့ၣ်တက့ၢ်.

လံာ်ဒၤနံးယ့လး 1:2

ဒီးယွၤဟ့ၣ်လီၤကွံာ်ကီၢ်ယူဒၤအစီၤပၤစီၤယဟိၤယါကံၣ်ဆူအစု ပူၤဃုာ်ဒီးတၢ်လုၢ်ဒိၣ်ပှ့ၤဒိၣ်တနီၤလၢယွၤအတၢ်လုၢ်ဟံၣ်အပူၤ န့ၣ်လီၤ. ဒီးက့ၤဖီၣ်န့ၢ်ဝဲပှၤယူဒၤဖိတနီၤဆူကီၢ်ၡံနၢ်ဒီးပာ်ဝဲလီခီ ထူလီခီစ့တဖၣ်န့ၣ်, လၢအကစၢ်တဖၣ်အဟံၣ်အတၢ်ပာ်ဖှိၣ် အလီၢ်ပူၤန့ၣ်လီၤ.

လံာ်ဒၤနံးယ့လး 3:14

ဒီးစီၤပၤနဘူၤကးန့စၢ်စံးဘၣ်အဝဲသ့ၣ်, “စီၤၡၤဒရး, စီၤမ့ၤၡး, စီၤဧဘ့ၤဒနကိၤသ့ၣ်ဧၢ, သုဂ့ၢ်လိာ်တၢ်ဘူၣ်ထီၣ်ဘါထီၣ်ယကစၢ် ဒီးတချံးခီၣ်တီၤလီၤဘၣ်ဆူတၢ်ဂီၤထူ လၢယတ့ထီၣ်ဆီလီၤအီၤန့ၣ်မ့ၢ်သပှၢ်တၢၢ်ဧါ.

လံာ်စဖါနယၤ 2:11

ယွၤကမၤပျံၤမၤဖုးအဝဲသ့ၣ်လီၤ. အဝဲကမၤဆံးလီၤစှၤလီၤကစၢ်တဖၣ်လၢဟီၣ်ခိၣ်ချၢဒီဘ့ၣ်ဆူတၢ် နီတမံၤအပူၤန့ၣ်လီၤ. တုၤနုၤတစုပှၤကလုာ်ခဲလၢာ်ကဘူၣ်ထီၣ်ဘါထီၣ်အီၤလၢအထံအကီၢ် ဒၣ်ဝဲအပူၤန့ၣ်လီၤ.

လံာ်လီၣ်ဖျါ 18:2

အဝဲဒၣ်ကိးထီၣ်လၢအကလုၢ်ဖးဒိၣ်, “လီၤပှီၢ်လံဘၤဘူၤ လိၣ်ဖးဒိၣ်လီၤပှီၢ်လံ. ခဲကနံၣ်အံၤ, အဝဲဒၣ်ဘၣ်တၢ်မၤတံာ်တာ်မၤပျံၤမၤဖုးအီၤလၢတၢ်ဝံတၢ်နါ, ဒီးသးလၢအတကဆှီတဖၣ်, ထိၣ်လၢအဘၣ်အၢဘၣ်သီဒီးအလီၤသးဟ့အကလုာ်ကလုာ် အိၣ်ဝဲဆိးဝဲလၢအပူၤလီၤ.