လံာ်ယံးရမံယၤ 50:19 - Sgaw Karen Common Bible

¹⁹ ကဒုးအိၣ်ကဒါက့ၤ ကီၢ်အံၣ်စရ့လးအပှၤဂီၢ်မုၢ်လၢအထံလီၢ်ကီၢ်ပူၤလီၤ. အဝဲသ့ၣ်ကအီၣ်တၢ်အီၣ်လၢအမဲထီၣ်သၣ်ထီၣ်ဝဲ လၢကစၢၢ်ကၢ်မ့ၤလးအလိၤဒီးလၢအလီၢ်ကဝီၤတဖၣ်အပူၤဒီး အဝဲသ့ၣ်ကအီၣ်တၢ်ခဲလၢာ်လၢ အသးအိၣ်အီၣ်ဝဲ, လၢအမဲထီၣ်သၣ်ထီၣ်ဝဲလၢအ့ဖရဲၣ်ဒီးကံးလဧးအလီၢ်ကဝီၤတဖၣ် အပူၤန့ၣ်လီၤ.

လံာ်ယံးရမံယၤ 50:19 Iomraidhean Croise

လံာ်စီၤဧ့စြၤ 2:1

ပှၤအါဂၤလၢပှၤဘၣ်စိာ်မၢကဲကုၢ်အကျါဟးထီၣ်ကွံာ်လၢဘၤဘူၤ လိၣ်အကီၢ်ပူၤဒီးက့ၤကဒါက့ၤဆူဝ့ၢ်ယရူၤၡလ့ၣ်ဒီးကီၢ်ယူဒၤ, ဆူအဝ့ၢ်ဒၣ်ဝဲစုာ်စုာ်န့ၣ်လီၤ. အဝဲသ့ၣ်အဟံၣ်ဖိဃီဖိတဖၣ် အိၣ်ဆိးတ့ၢ်လံလၢတၢ်ကဲကုၢ်အပူၤလၢကီၢ်ဘၤဘူၤလိၣ် စးထီၣ်လၢစီၤပၤနဘူၤကးန့စၢ်စိာ်ထီၣ်ကွံာ်အဝဲသ့ၣ်ဖဲန့ၣ်ဒ် ပှၤဘၣ်တၢ်စၢဃာ်တဖၣ်အသိးန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 6:5

ဃၣ်ကွံာ်နမဲာ်ချံတဖၣ်လၢယအိၣ်တက့ၢ်, မ့ၢ်လၢအဝဲသ့ၣ်ဖီၣ်ဃးယၤဒ်ပှၤဘၣ်တၢ်စၢဃာ်အသိးအဃိလီၤ. နခိၣ်သူဒံဝ့ၤဝီၤမၤအသးဒ်မဲာ်တဲးလဲးတဖု လၢအဟဲဃ့ၢ်စံၣ်လီၤလၢကီၢ်ကံးလဧးအတၢ်လူၢ်တဖၣ်အလိၤအသိးန့ၣ် လီၤ.

လံာ်ယၡါယၤ 33:9

ထံဧိၤကီၢ်ဧိၤန့ၣ်အိၣ်ကလီဒီးအိၣ်သယုၢ်ဝဲလီၤ. ကီၢ်လဘၤနိၣ်အသ့ၣ်ဒိၣ်ပှၢ်တီၣ်တဖၣ်လီၤညွံးလီၤဘဲကွံာ်ဝဲ, ၡၤရိၣ်အတြီၤလၢဟီၣ်ခိၣ်ညၣ်ထ့ၣ်ဂ့ၤတဖၣ်လီၤဂာ်ဒ်မဲးမုၢ်ခိၣ် တပူၤအသိး, သ့ၣ်အထူၣ်တဖၣ်လၢကီၢ်ဘၤၡၣ်ဒီးကစၢၢ် ကၢ်မ့ၤလးအလိၤန့ၣ်အလၣ်တဖၣ်လီၤဆှုကွံာ်ဝဲလီၤ.

လံာ်ယၡါယၤ 35:2

မဲးမုၢ်ခိၣ်ကသူၣ်ဝံၣ်သးဆၢဒီးကိးထီၣ်လၢတၢ်သးခုလီၤ. ကဖျါဃံဖျါလၤဒ်လဘၤနိၣ်အကစၢၢ်ကလိတဖၣ်အသိး, ဒီးဟီၣ်ခိၣ်ညၣ်ထ့ၣ်ကဂ့ၤဝဲဒ်ကၢ်မ့ၤလးဒီးၡၤရိၣ်အပျီတဖၣ် အသိးလီၤ. ပှၤကိးဂၤဒဲးကထံၣ်ဘၣ်ယွၤအတၢ်လီၤဘီလီၤမုၢ်, အတၢ်ဒိၣ်တၢ်မုၢ်ဒီးအစိကမီၤန့ၣ်လီၤ.

လံာ်ယံးရမံယၤ 23:3

ယပှၤဂီၢ်မုၢ်လၢအအိၣ်တီၢ်ဒံးလၢထံကီၢ်တဖၣ်လၢယမၤလီၤပြံလီၤပြါတ့ၢ်အီၤအပူၤန့ၣ်, ယကပာ်ဖှိၣ်က့ၤအီၤဒီးယကဟဲက့ၤ စိာ်က့ၤအဝဲသ့ၣ်ဆူအထံအကီၢ်ဒၣ်ဝဲန့ၣ်လီၤ. အဝဲသ့ၣ်ကအိၣ်ဒီး အဖိအလံၤအါမးဒီးအနီၣ်ဂံၢ်ကအါထီၣ်ဂီၢ်ထီၣ်ဝဲန့ၣ်လီၤ.

လံာ်ယံးရမံယၤ 3:18

ကီၢ်အံၣ်စရ့လးကပာ်ဖှိၣ်ဃုာ်အသးဒီးကီၢ်ယူဒၤဒီးအဝဲသ့ၣ်ကဟဲဝဲ တပူၤဃီလၢတၢ်စိာ်မၢကဲကုၢ်အလီၢ်လၢကလံၤစိးတခီဒီးအဝဲသ့ၣ် ကဟဲက့ၤကဒါက့ၤဆူထံကီၢ်လၢယဟ့ၣ်န့ၢ်သါတ့ၢ်အမိၢ်ပၢ်ဖံဖု လၢပျၢၤတဖၣ်ဒ်အမ့ၢ်အတၢ်န့ၢ်သါအဂၢၢ်အကျၢၤအသိးန့ၣ်လီၤ.”

လံာ်ယံးရမံယၤ 30:10

ယပှၤဂီၢ်မုၢ်သ့ၣ်ဧၢ, ပျံၤတၢ်ဖုးတၢ်တဂ့ၤ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, အိၣ်ဒီး တၢ်ပျံၤတၢ်ဖုးတဂ့ၤ. ယကအုၣ်က့ၤခီၣ်က့ၤသုလၢ ထံကီၢ်လၢအယံၤဝဲန့ၣ်, ထံကီၢ်ဖဲသုမ့ၢ်ပှၤဘၣ်တၢ်စိာ်မၢကဲကုၢ်တဖၣ်န့ၣ်လီၤ. သုကဟဲက့ၤကဒါက့ၤဆူ ဟံၣ်ဒီး အိၣ်မုာ်အိၣ်ခုၣ် ဘၣ်န့ၣ်လီၤ. တၢ်အၢတဘၣ်သုဘၣ်ဒီး ပှၤတမၤပျံၤမၤဖုးသု နီတဂၤဘၣ်.

လံာ်ယံးရမံယၤ 30:18

ယွၤစံးဝဲဒၣ်, “ယကပာ်ကဒါက့ၤ ယပှၤဂီၢ်မုၢ်လၢ အကီၢ်ဒၣ်ဝဲ, ဒီးအိၣ်ဒီး တၢ်သးကညီၤလၢ ဒူၣ်ဖိထၢဖိကိးဒူၣ်ဒဲးအဖီခိၣ်န့ၣ်လီၤ. ဝ့ၢ်ယရူၤၡလ့ၣ် ကဘၣ်တၢ်ဘှီထီၣ်က့ၤအီၤ, ဒီးအနူၢ်အစီၤကဘၣ် တၢ်ပာ်ထီၣ်ကဒါက့ၤအီၤန့ၣ်လီၤ.

လံာ်ယံးရမံယၤ 30:7

တၢ်လီၤပျံၤလီၤဖုးအမုၢ်တနံၤဟဲဝဲလံ. မုၢ်နံၤအဂၤတၢ်ထိၣ်သတြီဒီး အီၤတသ့ဘၣ်. မ့ၢ်တၢ်ဆၢကတီၢ်အကိၢ်အဂီၤလၢ ယပှၤဂီၢ်မုၢ်အဂီၢ်လီၤ. ဘၣ်ဆၣ် အဝဲသ့ၣ်ကအိၣ်မူလီၤတဲာ်ဒံးဝဲလီၤ.”

လံာ်ယံးရမံယၤ 31:14

ယကဒုးအီၣ်ကုးအီၤပှဲၤပှၤလုၢ်တၢ် အခိၣ်တဖၣ်လၢတၢ်အီၣ်ဝံၣ်အီဆၢ, ဒီးမၤသးမံယပှၤဂီၢ်မုၢ် အတၢ်လိၣ်ခဲလၢာ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 31:25

ယကမၤဆူၣ်ထီၣ်က့ၤ ပှၤလၢသူၣ်လီၤဘှံးသးလီၤ တီၤတဖၣ်ဒီး ပှၤတဂၤလၢ်လၢ်လၢ အဂံၢ်အဘါစၢ်လီၤ ဝဲလၢ အသူၣ်ဝံၤသၣ်စ့ၤ အဃိန့ၣ်, ယကမၤသူၣ်မံသးမံ အဝဲသ့ၣ်ဒီး တၢ်အီၣ်တၢ်အီန့ၣ်လီၤ.

လံာ်ယံးရမံယၤ 31:6

မ့ၢ်လံ. တၢ်ဆၢကတီၢ်ဟဲလံဝဲဖဲ ပှၤပၢၤတၢ်ဖိတဖၣ် ကကိးထီၣ်လၢ ကီၢ်အ့ဖရဲၣ်အတၢ်လူၢ်တဖၣ် အဖီခိၣ် ဒီး စံးဝဲ, ‘မ်ပလဲၤထီၣ်သကိးဆူ ဝ့ၢ်စံယိၣ်, ဆူယွၤပကစၢ် ယွၤအအိၣ်တက့ၢ်န့ၣ်လီၤ.”

လံာ်ယံးရမံယၤ 32:37

ယကထၢဖှိၣ်က့ၤ ပှၤဂီၢ်မုၢ်တပူၤဃီလၢ ထံကီၢ်ခဲလၢာ်ဖဲ ယမၤလီၤပြံလီၤပြါတ့ၢ်အဝဲသ့ၣ်လၢ ယတၢ်သးဒိၣ်ဒီး သးကဲၤထီၣ် အပူၤ, ဒီးယကဟဲက့ၤစိာ်ကဒါက့ၤ အဝဲသ့ၣ်ဆူတၢ်လီၢ်အံၤဒီး ပျဲအအိၣ်ဆိးဖဲအံၤလၢ တၢ်ပူၤဖျဲးအပူၤန့ၣ်လီၤ.

လံာ်ယံးရမံယၤ 46:27

“ယပှၤဂီၢ်မုၢ်သ့ၣ်ဧၢ, ပျံၤတၢ်တဂ့ၤ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ပျံၤတၢ်ဖုးတၢ်တဂ့ၤ. ယကမၤထူၣ်ဖျဲးသုလၢ ထံကီၢ်လၢအယံၤတဘ့ၣ်, လၢထံကီၢ်တဘ့ၣ်ဖဲ တၢ်စိာ်မၢကဲကုၢ်သုန့ၣ်လီၤ. သုကဟဲက့ၤကဒါက့ၤ ဆူဟံၣ်ဒီးအိၣ်ဆိးလၢ တၢ်ဃူတၢ်ဖိးအပူၤန့ၣ်လီၤ. သုကအိၣ်ဂၢၢ်ဆိးကျၢၤဒီး ပှၤတမၤပျံၤဘၣ်သုနီတဂၤဘၣ်.

လံာ်ယံးရမံယၤ 50:6

ယပှၤဂီၢ်မုၢ်တဖၣ်န့ၣ်လီၤဂာ်ဒ်သိလၢ အပှၤကွၢ်သိတဖၣ် ပျဲအဝဲသ့ၣ်လီၤမၢ်ကွံာ်လၢ ကစၢၢ်ကလိတဖၣ်အကျါအသိး န့ၣ်လီၤ. အဝဲသ့ၣ်ဟးဝ့ၤဝီၤဒ်သိတဖၣ်အသိးလၢ ကစၢၢ်တဖျၢၣ်ဆူအဂၤတဖျၢၣ်, ဒီးအဝဲသ့ၣ်သးပ့ၤနီၣ်ကွံာ်အဟံၣ်အိၣ်ဖဲလဲၣ်န့ၣ်လီၤ.

လံာ်ယဃ့းစက့လး 11:17

လၢတၢ်န့ၣ်အဃိ, တဲဘၣ်အဝဲသ့ၣ်တၢ်လၢယၤ, ယွၤပၢဘၣ်တၢ်ခဲလၢာ် ကစၢ်စံးဝဲန့ၣ်တက့ၢ်. ‘ယကထုးထီၣ်က့ၤအဝဲသ့ၣ်လၢထံကီၢ်တဖၣ်လၢယမၤလီၤပြံလီၤပြါ တ့ၢ်အဝဲသ့ၣ်အပူၤ, ဒီးထၢဖှိၣ်ပာ်ဖှိၣ်က့ၤအီၤဒီးယကဟ့ၣ်လီၤက့ၤကီၢ်အံၣ်စရ့လး ဆူအဝဲသ့ၣ်အစုပူၤန့ၣ်လီၤ.

လံာ်ယဃ့းစက့လး 36:24

ယကဟံးန့ၢ်က့ၤသုလၢပှၤကိးကလုာ်ဒဲးအအိၣ်ဒီးထံကီၢ်ကိးဘ့ၣ်ဒဲး အပူၤဒီးဟဲက့ၤစိာ်က့ၤသုဆူသုကီၢ်ဒၣ်သုဝဲန့ၣ်လီၤ.

လံာ်ယဃ့းစက့လး 36:33

ယွၤပၢဘၣ်တၢ်ခဲလၢာ်ကစၢ်စံးဝဲ, “ဖဲယမၤကဆှီထီၣ်နၤလၢ ကယဲၢ်နတၢ်ဒဲးဘးတဖၣ်န့ၣ်, ယကဒုးအိၣ်ဆိးကဒီးက့ၤနၤလၢ နဝ့ၢ်တဖၣ်အပူၤဒီးပျဲနဘှီထီၣ်ကဒါက့ၤအတၢ်ဟးဂီၤတဖၣ်န့ၣ်လီၤ.

လံာ်ယဃ့းစက့လး 38:8

အါနံၣ်ဝံၤအလီၢ်ခံန့ၣ်, ယကမၢလီၤအီၤဒ်သိးကလဲၤနုာ်လီၤဒုး ထံကီၢ်တဘ့ၣ်ဖဲပှၤဂီၢ်မုၢ်ဘၣ်တၢ်ဟဲက့ၤ စိာ်ကဒါက့ၤအီၤတပူၤဃီလၢပှၤအါက လုာ်အကျါဒီးအိၣ်ဆိးဝဲတအိၣ်ဘၣ်ဒီးတၢ်ဒုးသုးအတၢ်ပျံၤတၢ်ဖုးဘၣ်န့ၣ်လီၤ. အဝဲကလဲၤထီၣ်ဒုးကီၢ်အံၣ်စရ့လးအကစၢၢ်ကလိတဖၣ်လၢအအိၣ် သယုၢ်လီၤဃီယံာ်တ့ၢ်လံဘၣ်ဆၣ်ခဲအံၤ, ပှၤဂီၢ်မုၢ်ဖဲန့ၣ်တဖၣ်အိၣ်ဆိး ဝဲလၢတၢ်ပူၤဖျဲးအပူၤန့ၣ်လီၤ.

လံာ်ယဃ့းစက့လး 47:18

မုၢ်ထီၣ်အကီၢ်ဆၢန့ၣ်လဲၤဝဲဆူကလံၤထံးတကပၤစးထီၣ်လၢ တၢ်လီၢ်တတီၤလၢအအိၣ်လၢဒၤမ့ၤစ့းအလီၢ်ကဝီၤဒီးဝ့ၢ်ဃၤရၣ် အဘၢၣ်စၢၤအိၣ်ဒီးထံကျိယၢ်ဒ့ၣ်ဒ်ကီၢ်အဆၢ, လၢအံၣ်စရ့လးအကီၢ်မုၢ်နုာ်တခီ, ဒီးကီၢ်ကံးလဧးလၢမုၢ်ထီၣ်တခီယံၤဝဲ တုၤလီၤလၢဝ့ၢ်တၤမၣ်လၢပီၣ်လဲၣ်သံအနံၤန့ၣ်လီၤ.

လံာ်မံကၤ 7:14

ယွၤဧၢ, မ့ၢ်နဲပှၤကွၢ်သိတဂၤလၢနပှၤဂီၢ်မုၢ်, ပှၤဂီၢ်မုၢ်လၢနဃုထၢအီၤအဂီၢ်တက့ၢ်. မ့ၢ်အိၣ်ဒၣ်ဝဲလၢပှၢ်မုၢ်ကနၢသနာ်က့ဟီၣ်ခိၣ်ညၣ်ထ့ၣ်ဂ့ၤ အကီၢ်တဖၣ်အိၣ်ဝးတရံးအီၤလီၤ. မ်အလဲၤဒီးအီၣ်တၢ်လၢကီၢ်ဘၤၡၣ်ဒီးကီၢ်ကံးလဧးအအီၣ်ဆၣ်လီၢ် လါဟ့တဖၣ်အပူၤဒ်အဝဲသ့ၣ်မၤတ့ၢ်လၢပျၢၤအသိးန့ၣ်တက့ၢ်.

လံာ်မံကၤ 7:18

ယွၤဧၢ, ကစၢ်လၢအဒ်သိးဒီးနၤတအိၣ်ဘၣ်နီတဂၤဘၣ်. နပျၢ်ကွံာ်နပှၤဂီၢ်မုၢ်လၢအအိၣ်မူတ့ၢ်တဖၣ်အတၢ်ဒဲးဘးတဖၣ်လီၤ. နသးတဒိၣ်တထံၣ်ဃီဘၣ်. မ့မ့ၢ်နသးမုာ်လၢတၢ်ဒုးနဲၣ်ပှၤနတၢ်အဲၣ်တပယူာ်ဃီန့ၣ်လီၤ.

လံာ်စကၤရယၤ 10:10

ယကဟဲက့ၤစိာ်က့ၤအဝဲသ့ၣ်ဆူဟံၣ်လၢ ကီၢ်အဲၤကူပတူးဒီးကီၢ်အၤၡူၢ်, ဒီးဒုးအိၣ်ဒုးဆိးအဝဲသ့ၣ်လၢအထံအကီၢ် ဒၣ်ဝဲအပူၤန့ၣ်လီၤ. ယကဒုးအိၣ်ဒုးဆိးအဝဲသ့ၣ်လၢကီၢ်ကံးလဧး, ဒီးလၢကီၢ်လဘၤနိၣ်စ့ၢ်ကီး, ဒီးကီၢ်ဒီတဘ့ၣ်ညါကပှဲၤဝဲဒီးပှၤဂီၢ်မုၢ်န့ၣ်လီၤ.

လံာ်တၢ်ဂံၢ် 32:1

ရူၤဘ့ၣ်အဒူၣ်ဒီးကးအဒူၣ်အိၣ်ဒီးဂီၤဘုၣ်ဂီၤဖံးအါအါကလဲာ် လီၤ. ဖဲအဝဲသ့ၣ်ထံၣ်ဘၣ်လၢကီၢ်ယၤစ့ၢ်ဒီးကီၢ်ကံးလဧးန့ၣ်ကြၢးဝဲ လၢဂီၤဘုၣ်ဂီၤဖံးအဂီၢ်ဒီး,

လံာ်တၢ်ဂံၢ် 32:4

လီၢ်ကဝီၤအံၤလၢယွၤမၤစၢၤတ့ၢ်ပှၤအံၣ်စရ့လးဖိလၢကမၤန့ၢ် ဝဲန့ၣ်, မ့ၢ်တၢ်လီၢ်ဂ့ၤဝဲလၢဂီၤဘုၣ်ဂီၤဖံးအဂီၢ်, ဒီးပအိၣ်ဒီးဂီၤဘုၣ်ဂီၤဖံးအါအါဂီၢ်ဂီၢ်လီၤ.

လံာ်စီၤယိၤၡူ 17:15

စီၤယိၤၡူစံးဆၢဝဲ, “သုမ့မ့ၢ်ပှၤအအါတဖုဒီးအ့ဖရဲၣ်အက စၢၢ်ကလိမ့ၢ်အံၣ်ကဲၣ်ဆိးလၢသုဂီၢ်ဒီး, လဲၤနုာ်ဆူသ့ၣ်ပှၢ်ကျါ ဒီးမၤပျီဟီၣ်ခိၣ်လၢသုဂီၢ်ဒၣ်သုဝဲလၢပှၤပရးစၤဖိဒီးပှၤနီၢ်ဒိၣ်ဖိ အကီၢ်ပူၤန့ၣ်တက့ၢ်.”