လံာ်ယံးရမံယၤ 5:29 - Sgaw Karen Common Bible

²⁹ ဘၣ်ဆၣ်ဒီး, ယၤယွၤအံၤယကစံၣ်ညီၣ်အဝဲသ့ၣ်လၢ တၢ်သ့ၣ်တဖၣ်အံၤအဃိလီၤ. ယကဟ့ၣ်ကၣ်တၢ်လၢပှၤတကလုာ်အံၤ အဖီခိၣ်လီၤ.

လံာ်ယံးရမံယၤ 5:29 Iomraidhean Croise

လံာ်ယၡါယၤ 57:6

သုဟံးန့ၢ်လၢၢ်လၢအဘျ့တဖၣ်ဖဲန့ၣ်ဒီးဘူၣ်ထီၣ်ဘါထီၣ်အဝဲ သ့ၣ်ဒ်ကစၢ်တဖၣ်အသိးလီၤ. သုလူလီၤစပံးထံဒ်တၢ်မၤဘူၣ် ဆူအဝဲသ့ၣ်ဒီးဟဲစိာ်န့ၢ်အဝဲသ့ၣ်လၢဘုဧိၤဟုဧိၤဒ်တၢ်မၤဘူၣ် တဖၣ်အသိးလီၤ. မ့ၢ်သုဆိကမိၣ်လၢယကမုာ်သူၣ်မုာ်သးလၢ တၢ်အံၤခဲလၢာ်န့ၣ်ဧါ.

လံာ်ယၡါယၤ 65:7

လၢအဝဲသ့ၣ်အတၢ်ဒဲးဘးတဖၣ်အဂီၢ်ဒီးအမိၢ်ပၢ်ဖံဖုလၢပျၢၤ တဖၣ်အတၢ်ဒဲးဘးအဂီၢ်လီၤ. အဝဲသ့ၣ်ဆိၣ်ကဲၤတၢ်နၢမူ လၢပှၤတစူၢ်တနာ်ယွၤအတၢ်လုၢ်လီၢ်စီဆှံတဖၣ်ဒီးကတိၤ အၢကတိၤသီယၤလီၤ. လၢတၢ်န့ၣ်အဃိယကစံၣ်ညီၣ်အ ဝဲသ့ၣ်ဒ်အကြၢးဒီးအဝဲသ့ၣ်အတၢ်မၤလၢအပူၤကွံာ်တဖၣ် အသိးန့ၣ်လီၤ.”

လံာ်ယံးရမံယၤ 5:9

မ့ၢ်တကြၢးယစံၣ်ညီၣ်အဝဲသ့ၣ်လၢ တၢ်သ့ၣ်တဖၣ်အံၤအဃိ ဒီးဟ့ၣ်ကၣ်ပှၤဒ်သိးအံၤတကလုာ်န့ၣ်ဘၣ်ဧါ.

လံာ်ယံးရမံယၤ 6:6

ယွၤသ့တၢ်လၢာ်ဟ့ၣ်လီၤတ့ၢ်အကလုၢ်လၢစီၤပၤတဖၣ်အံၤကကူာ် လီၤသ့ၣ်တဖၣ်ဒီးမၤထီၣ်စိဟီၣ်ခိၣ်တဖၣ်လၢတၢ်ဝီၤတရံးဒုး ဝ့ၢ်ယရူၤရှလ့ၣ်အဂီၢ်န့ၣ်လီၤ. အဝဲစံးတ့ၢ်ဝဲ, “ယကစံၣ်ညီၣ်ဝ့ၢ်အံၤ မ့ၢ်လၢဝ့ၢ်အံၤပှဲၤဝဲဒီးတၢ်မၤအၢမၤနးအဃိလီၤ.

လံာ်ယံးရမံယၤ 9:9

လၢတၢ်သ့ၣ်တဖၣ်အံၤအဃိမ့ၢ်ယတဘၣ်စံၣ်ညီၣ်အဝဲသ့ၣ်ဘၣ်ဧါ. ပှၤဒ်အံၤတကလုာ်န့ၣ်, မ့ၢ်ယတဘၣ်ဟ့ၣ်ကၣ်အီၤဘၣ်ဧါ. ယၤ, ယွၤအံၤကတိၤလံတၢ်လံ.”

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

ယၤကိာ် 5:4

ပှၤလၢအမၤတၢ်လၢသုစံာ်ပျီပူၤတဖၣ်န့ၣ်, သုတဟ့ၣ်အီၤအဘူး အလဲဘၣ်. ဒိကနၣ်အဝဲသ့ၣ်အတၢ်ကဒူးကဒ့ၣ်တဖၣ်တက့ၢ်. ပှၤလၢအထၢဖှိၣ်ပာ်ဖှိၣ်သုဘုတဖၣ်အတၢ်ကိးပသူထီၣ်န့ၣ်, တုၤဃီၤလၢခဲအံၤဒိကနၣ်ယၤတက့ၢ်. ယွၤ, တၢ်သုးမုၢ်ဂီၢ်မုၢ်အကစၢ်အနၢ်ပူၤန့ၣ်လံ.