လံာ်ယံးရမံယၤ 5:22 - Sgaw Karen Common Bible

²² ယမ့ၢ်ယွၤလီၤ. သုတပျံၤယၤဘၣ်မနုၤအဃိလဲၣ်. ဘၣ်မနုၤအဃိသုကကနိးကစုာ်လၢယမဲာ်ညါန့ၣ်လဲၣ်. ယပာ်လီၤတ့ၢ်မဲးဧိၤဟီၣ်ဧိၤဒ်ပီၣ်လဲၣ်အဆၢအသိး, တၢ်အဆၢအဂၢၢ်အကျၢၤလၢတၢ်ခီဂာ်အီၤတသ့ဘၣ်လီၤ. ပီၣ်လဲၣ်မ့ၢ်စံၣ်ပီပုဘၣ်ဆၣ်, လဲၤပျံကွံာ်အီၤတသ့ဘၣ်. လပီတဖၣ်မ့ၢ်သီၣ်ထီၣ်ရူၢ်ရူၢ်ဘၣ်ဆၣ်, လဲၤခီပတာ်အီၤတသ့ဘၣ်.

လံာ်ယံးရမံယၤ 5:22 Iomraidhean Croise

လံာ်တၢ်ကဲထီၣ်အခီၣ်ထံး 1:9

ဒီးကစၢ်ယွၤခါလီၤအကလုၢ်, “မ်ထံလၢမူခိၣ်အဖီလာ်ပာ်ဖှိၣ် အသးလၢအလီၢ်တပူၤဃီဒ်သိးခိကအိၣ်ဖျါတက့ၢ်.” ဒီးတၢ်မၤအသးဒ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 13:28

ဒီးအဝဲဒိးထီၣ်ကသ့ၣ်ယီၤဒီးဟးထီၣ်, ဒီးထံၣ်ဘၣ်ဝဲဝံအစိၣ် န့ၣ်အိၣ်မံလီၤလၢကျဲအဖီခိၣ်, အိၣ်ဒီးကသ့ၣ်ယီၤဒီးခ့ယုၢ်ဆၢထၢၣ်ဒံးဒၣ်ဖဲအဃၢၤန့ၣ်လီၤ. ခ့ယုၢ်တအီၣ်ကွံာ်ဘၣ်တၢ်စိၣ်မ့ၢ်ဂ့ၤမၤဒၢၣ်ကသ့ၣ်ယီၤမ့ၢ်ဂ့ၤ, န့ၣ်ဘၣ်.

လံာ်စီၤယိၤဘး 26:10

အဝဲပာ်လီၤတၢ်ပနီၣ်လၢမူထံးအိၣ်ဝဲလၢပီၣ်လဲၣ်အထံဖံးခိၣ် ဒ်သိးအကနီၤဖးတၢ်ကပီၤဒီးတၢ်ခံးအဆၢန့ၣ်လီၤ.

လံာ်စီၤယိၤဘး 37:24

မၤသးဒ်န့ၣ်ဒီးပှၤကိးဂၤဒဲးဆၢထၢၣ်လၢတၢ်ပျံၤတၢ်ယူး ယီၣ်အီၤအပူၤ, ဒီးတကနၣ်ဃုာ်ဝဲပှၤသ့ၣ်တဖၣ်လၢအစံးလီၤ အသးလၢအအိၣ်ဒီးတၢ်ကူၣ်သ့န့ၣ်ဘၣ်လီၤ.

လံာ်စီၤယိၤဘး 38:8

ဖဲပီၣ်လဲၣ်အထံပုာ်ထီၣ်ယွၤလီၤလၢဟီၣ်ခိၣ်အဒၢလီၢ်ပူၤအကတီၢ် န့ၣ်မ့ၢ်မတၤကးတံၢ်တ့ၢ်တြဲၤတဖၣ်လၢကတြီအီၤလဲၣ်.

စံးထီၣ်ပတြၢၤ 104:9

နပာ်လီၤတၢ်အဆၢတဖၣ်လၢအဝဲသ့ၣ်သုတလဲၤခီဂာ်ဝဲ နီတစုတဂ့ၤ ဒီးဒ်သိးအသုတဟဲက့ၤလုၣ်ဘၢကဒီး ဟီၣ်ခိၣ်တဂ့ၤအဂီၢ်န့ၣ်လီၤ.

စံးထီၣ်ပတြၢၤ 119:120

ယညၣ်ကနိးလၢတၢ်ပျံၤနၤအဃိ, ဒီးယပျံၤနတၢ်စံၣ်ညီၣ်တဖၣ်လီၤ.

စံးထီၣ်ပတြၢၤ 33:7

ပာ်ဖှိၣ်ပီၣ်လဲၣ်အထံခဲလၢာ်လၢတၢ်လီၢ်တပူၤဃီ ဒီးပာ်ပီၣ်လဲၣ်အထံယိာ်လၢ တၢ်ပာ်ဖှိၣ်အလီၢ်တဖၣ်န့ၣ်လီၤ.

စံးထီၣ်ပတြၢၤ 46:3

ထံတဖၣ်မ့ၢ်သီၣ်ထီၣ်ဒီးအသဘှဲထီၣ်ဘၣ်ဆၣ်, ကစၢၢ်ကလိတဖၣ်မ့ၢ်ဟူးဝးဝဲလၢအတၢ်သီၣ်ဘၣ်ဆၣ် ပတပျံၤဘၣ်တၢ်ဘၣ်. စ့လၤ

စံးထီၣ်ပတြၢၤ 99:1

ယွၤပၢတၢ်, မ်ပှၤကလုာ်တဖၣ်ကနိးကစုာ်တက့ၢ်. အဝဲဆ့ၣ်နီၤပၢတၢ်လၢခ့ရူာ်တဖၣ်အဖီခိၣ်, မ်ဟီၣ်ခိၣ်ဟူးဝးတက့ၢ်.

တၢ်ကတိၤဒိ. 8:29

ဒီးဖဲအဟ့ၣ်လီၤတ့ၢ်အကလုၢ်လၢပီၣ်လဲၣ်အထံတဖၣ်အသုတဟဲ ထီၣ်အါန့ၢ်အစံးပာ်တ့ၢ်ဝဲတဂ့ၤအဂီၢ်န့ၣ်လီၤ. ယအိၣ်လံဖဲန့ၣ်, ဖဲအဝဲပာ်လီၤဟီၣ်ခိၣ်အခီၣ်ထံးတဖၣ်န့ၣ်လီၤ.

လံာ်ယၡါယၤ 50:2

ဘၣ်မနုၤယပှၤဂီၢ်မုၢ်တဟူးတဂဲၤဖဲယလဲၤတ့ၢ်ဆူ အဝဲသ့ၣ်အအိၣ်လၢယကအုၣ်က့ၤခီၣ်က့ၤအီၤ အခါန့ၣ်လဲၣ်. ဘၣ်မနုၤအဝဲသ့ၣ်တကိးဆၢဖဲယကိးထီၣ်အီၤန့ၣ်လဲၣ်. မ့ၢ်ယဂံၢ်စၢ်ဘါစၢ်ကဲာ်ဆိးလၢယကအုၣ်က့ၤခီၣ်က့ၤအီၤအဂီၢ်န့ၣ်ဧါ. ယမၤဃ့ထီကွံာ်ပီၣ်လဲၣ်လၢယကလုၢ်တဘီဒၣ်လဲာ်သ့ဝဲဒီးယဘိး ကဒါကွံာ်ထံကျိတဖၣ်ဆူမဲးမုၢ်ခိၣ်, ဒ်သိးညၣ်လၢထံကျိပူၤတဖၣ်ကသံဝဲလၢထံတအိၣ်ဘၣ်အဃိလီၤ.

လံာ်ယၡါယၤ 64:2

အဝဲသ့ၣ်ဟူးဝးဝဲဒ်ထံကလာ်ထီၣ်ဝဲလၢမ့ၣ်အူကိၢ်အဖီခိၣ် အသိးန့ၣ်လီၤ. ဟဲဒီးလီၣ်ဖျါထီၣ်နစိနကမီၤဆူနဒုၣ်နဒါတဖၣ်, ဒီးဒုးကနိးကစုာ်ပှၤကလုာ်တဖၣ်လၢနမဲာ်ညါန့ၣ်တက့ၢ်.

လံာ်ယၡါယၤ 66:5

သုဝဲပှၤလၢအပျံၤယွၤဒီးစူၢ်အီၤသ့ၣ်ဧၢ, ဒိကနၣ်တၢ်လၢယွၤစံးဝဲန့ၣ် တက့ၢ်. “မ့ၢ်လၢသုသးတီဒီးယၤအဃိ, ပှၤတနီၤလၢသုပှၤဂီၢ်မုၢ်ဒၣ်ဝဲအကျါသးဟ့သုဒီးတမၤဘၣ်ဃး အသးဒီးသုနီတမံၤဘၣ်. အဝဲသ့ၣ်ဒုၣ်ဒွဲၣ်သုဒီးစံးဝဲ, ပျဲယွၤဒုးနဲၣ်အတၢ်ဒိၣ်တၢ်မုၢ်ဒီးအုၣ်က့ၤခီၣ်က့ၤသုဒ်သိး ပကထံၣ်ဘၣ်သုသူၣ်ဖှံသးညီန့ၣ်, ဘၣ်ဆၣ်ဒီးအဝဲသ့ၣ်အကစၢ် ဒၣ်ဝဲကဘၣ်တၢ်မၤမဲာ်ဆှးအီၤလီၤ.

လံာ်ယံးရမံယၤ 10:7

ပှၤကလုာ်ခဲလၢာ်အစီၤပၤဧၢ, ပှၤလၢကယူးယီၣ်မၤလၤကပီၤ နၤန့ၣ်မ့ၢ်မတၤလဲၣ်. နကြၢးဒီးတၢ်မၤလၤကပီၤန့ၣ်လီၤ. လၢပှၤကူၣ်သ့ခဲလၢာ်လၢပှၤကလုာ်တဖၣ်အကျါမ့ၢ်ဂ့ၤ, လၢ အဝဲသ့ၣ်အစီၤပၤတဖၣ်အကျါမ့ၢ်ဂ့ၤ, ပှၤဒ်သိးနၤတအိၣ်ဘၣ် နီတဂၤဘၣ်.

လံာ်ယံးရမံယၤ 2:19

နတၢ်အၢတၢ်သီဒၣ်နဲကစံၣ်ညီၣ်နၤ, ဒီးနတၢ်ဃၣ်ကွံာ်နသးလၢယၤ ကစံၣ်ညီၣ်ဃၣ်နၤ, နတၢ်လဲၤသဒၣ်ကွံာ်ယၤဒီးနတၢ်သူၣ်တီသးရၤဒီး ယၤလၢအတအိၣ်လၢၤဘၣ်န့ၣ်, ကဒုးမၤလိန့ၢ်နၤ, တၢ်လၢအခၣ် နးမးဒီးကမၣ်ဝဲန့ၣ်လီၤ. ယၤ, ယွၤပၢဘၣ်တၢ်ခဲလၢာ်ဒီး သ့တၢ်လၢာ်ကစၢ်, ကတိၤလံတၢ်လံ.”

လံာ်ယံးရမံယၤ 31:35

ယွၤဟ့ၣ်မုၢ်လၢကကပီၤထီၣ်လၢ မုၢ်ဆါခီ, ဒီးလါဒီး ဆၣ်တဖၣ်လၢ ကကပီၤထီၣ်လၢ မုၢ်နၤန့ၣ်လီၤ. အဝဲထိၣ်ဂဲၤထီၣ်ပီၣ်လဲၣ်ဒီး ဒုးသီၣ်ထီၣ်အလပီတဖၣ်ရုၢ်ရုၢ်လီၤ. အဝဲအမံၤမ့ၢ်ဝဲ ယွၤသ့တၢ်လၢာ်န့ၣ်လီၤ.

လံာ်ဒၤနံးယ့လး 6:26

ယဟ့ၣ်လီၤယကလုၢ်ဆူယဘီယမုၢ်ဒီဘ့ၣ်ညါအပူၤလၢပှၤကိး ဂၤဒဲးကဘၣ်ပျံၤဒီးယူးယီၣ်ပာ်ကဲစီၤဒၤနံးယ့လး အကစၢ်ယွၤန့ၣ်လီၤ. အဝဲမ့ၢ်ကစၢ်ယွၤလၢအမူဝဲ, အိၣ်ဝဲဆိးဝဲအစိၤစိၤအဃၣ်ဃၣ်လီၤ. အဝဲအဘီအမုၢ်န့ၣ်တဟးဂီၤနီတစုဘၣ်, ဒီးအစိအကမီၤန့ၣ် အကတၢၢ်တအိၣ်ဘၣ်.

လံာ်ဧၤမိၣ် 4:12

မၤသးဒ်န့ၣ်ဒီး, ပှၤကီၢ်အံၣ်စရ့လးဖိသ့ၣ်ဧၢ, ယကစံၣ်ညီၣ်သု ဒ်န့ၣ်လီၤ. ဒီးမ့ၢ်လၢယကမၤတၢ်အံၤအဃိ, အိၣ်ကတဲာ်ကတီၤသုသး လၢသုကကွၢ်ဆၢၣ်မဲာ်ယတၢ်စံၣ်ညီၣ်တက့ၢ်.

လံာ်ဧၤမိၣ် 9:6

ယွၤသူၣ်ထီၣ်အဒၢးထီၣ်ထီတဖၣ်လၢမူခိၣ်အလီၢ်တဖၣ်, ဒီးကျၢၢ်လီၤဝဲမူခိၣ်ဒ်တၢ်အခိၣ်ဒုးလၢဟီၣ်ခိၣ်အဖီခိၣ်လီၤ. အဝဲကိးထီၣ်ထံလၢပီၣ်လဲၣ်ပူၤဒီးလူလီၤဝဲလၢဟီၣ်ခိၣ်လိၤ န့ၣ်လီၤ. အမံၤမ့ၢ်ယွၤလီၤ.

လံာ်ယိၤနါ 1:16

တၢ်အံၤမၤပျံၤပှၤကဘီဖိတဖၣ်လၢယွၤဒိၣ်ဒိၣ်ကလဲာ်တုၤအဝဲ သ့ၣ်မၤတၢ်လုၢ်ဒီးအၢၣ်လီၤအသးလၢကမၤယွၤအတၢ်န့ၣ်လီၤ.

လံာ်နၤဃူၣ် 1:4

အဝဲမၤလိာ်ဝဲပီၣ်လဲၣ်ဒီးပီၣ်လဲၣ်ဃ့ထီကွံာ်ဝဲဒီးမၤလီၤ သံးကွံာ်ဝဲထံကျိတဖၣ်န့ၣ်လီၤ. ဘၤၡၣ်အပျီတဖၣ်လီၤညွံးကွံာ်ဝဲ, တၤသၣ်လီၢ်လၢကစၢၢ်ကၢ်မ့ၤလးလီၤဘဲကွံာ်ဝဲ ဒီးဖီတဖၣ်လၢကီၢ်လဘၤနိၣ်ဒံကွံာ်ဝဲလီၤ.

လံာ်မးသဲ 10:28

တဘၣ်ပျံၤပှၤလၢအမၤသံပနီၢ်ခိဘၣ်ဆၣ်မၤသံပသးတသ့ဘၣ်န့ၣ်တဂ့ၤ. မ့မ့ၢ်ပျံၤကစၢ်ယွၤလၢအမၤဟးဂီၤပနီၢ်ခိဒီးပသးလၢလရာ် အပူၤသ့ဝဲတဂၤန့ၣ်တက့ၢ်.

လံာ်မၢ်ကူး 4:39

ယ့ၣ်ၡူးဂဲၤဆၢထၢၣ်ဒီးဒူကလံၤအလိၤဒီးစံးဘၣ်ပီၣ်လဲၣ်ဒီးလပီန့ၣ်, “အိၣ်ဘှီၣ်ဒီးအိၣ်ဂၢၢ်တက့ၢ်.” ဒီးကလံၤမုၢ်န့ၣ်တုာ်ဝဲဒီးတၢ်ခဲလၢာ်အိၣ်က့ၤဂၢၢ်တပၢၢ်လီၤ.

လံာ်လူၤကၣ် 12:5

ယကဒုးနဲၣ်သုပှၤလၢသုကဘၣ်ပျံၤအီၤန့ၣ်လီၤ. ပျံၤကစၢ်ယွၤလၢအမၤသံပှၤဝံၤအလီၢ်ခံအိၣ်ဒီးတၢ်စိတၢ် ကမီၤလၢအကတ့ၢ်လီၤပှၤဆူလရာ်အပူၤတဂၤန့ၣ်တက့ၢ်. မ့ၢ်လီၤ. ယစံးဘၣ်တဲဘၣ်သု, ပျံၤအဝဲဒၣ်န့ၣ်တက့ၢ်.

လံာ်သိၣ်လီၤသီလီၤတၢ် 28:58

သုမ့ၢ်တစူၢ်ဘၣ်ကယဲၢ်ကစၢ်ယွၤအတၢ်သိၣ်လိတဖၣ်လၢအအိၣ်ကွဲးလီၤ အသးလၢလံာ်အံၤအပူၤလၢတၢ်သးတီ, ဒီးသုမ့ၢ်တယူးယီၣ်ပာ်ကဲဘၣ်ယွၤ, သုကစၢ်ယွၤအမံၤလၢအလီၤ လိၢ်လီၤလးဒီးလီၤပျံၤလီၤပာ်ကဲဘၣ်န့ၣ်,

လံာ်လီၣ်ဖျါ 15:4

မတၤကအိၣ်ဝဲတဂၤလၢအတပျံၤ ဒီးတယူးယီၣ်နၤန့ၣ်လဲၣ်, ကစၢ်ယွၤဧၢ. မတၤတဂၤကဂ့ၢ်လိာ်လၢအကဘိးဘၣ်သ့ၣ်ညါ ဒီးတဲဖျါထီၣ်နတၢ်ဒိၣ်တၢ်မုၢ်အဂ့ၢ်န့ၣ်လဲၣ်. ထဲနၤတဂၤဧိၤ နစီဝဲဆှံဝဲလီၤ. ကယဲၢ်ထံဧိၤကီၢ်ဧိၤတဖၣ် ကဟဲဝဲဒီးဘူၣ်ထီၣ်ဘါထီၣ်နၤ, အဂ့ၢ်မ့ၢ်လၢနတၢ်ဖံးတၢ်မၤအတီအလိၤတဖၣ်ဘၣ်တၢ်ထံၣ် အီၤလၢပှၤကိးဂၤဒဲးအဃိန့ၣ်လီၤ.”