လံာ်ယံးရမံယၤ 5:21 - Sgaw Karen Common Bible

²¹ သုဝဲပှၤဂီၢ်မုၢ်လၢအမၢးဒီးအသးတဆးတဖၣ်, ပှၤတဖၣ်လၢအအိၣ်ဒီးအမဲာ်ချံတဖၣ်ဘၣ်ဆၣ်ထံၣ်တၢ်တသ့ဘၣ်, ပှၤတဖၣ်လၢအအိၣ်ဒီးနၢ်တဖၣ်ဘၣ်ဆၣ်နၢ်ဟူတၢ်တသ့ဘၣ်သ့ၣ်ဧၢ, ပာ်သူၣ်ပာ်သးတက့ၢ်.

လံာ်ယံးရမံယၤ 5:21 Iomraidhean Croise

စံးထီၣ်ပတြၢၤ 94:8

ယပှၤဂီၢ်မုၢ်ဧၢ, သုကဲထီၣ်ပှၤဟးဂီၤဖိထဲသိးန့ၣ်ဧါ. သ့ဒ်လဲၣ်. သုကမၤလိန့ၢ်တၢ်အခါဖဲလဲၣ်.

တၢ်ကတိၤဒိ. 17:16

ပှၤဟးဂီၤဖိမၤလၢာ်စ့လၢတၢ်မၤလိမၤဒိးအဂီၢ်န့ၣ်တမၤဂ့ၤ ဘၣ်အီၤဘၣ်. အဂ့ၢ်ဒ်အံၤ, အတၢ်ဆိကမိၣ်ကွၢ်ထံကွၢ်ဆးတအိၣ်ဘၣ်အဃိလီၤ.

လံာ်ယၡါယၤ 27:11

သ့ၣ်အဒ့တဖၣ်ဃ့ထီဒီးကၢ်လီၤကွံာ်ဝဲ, ဒီးပိာ်မုၣ်တဖၣ်ထၢ ဖှိၣ်အီၤလၢသ့ၣ်မုၣ်ခံအဂီၢ်လီၤ. အဂ့ၢ်ဒ်အံၤ, ပှၤဂီၢ်မုၢ်တနၢ်ပၢၢ် တၢ်နီတမံၤဘၣ်. ကစၢ်ယွၤလၢအမ့ၢ်အဝဲသ့ၣ်အတၢ်ဘၣ် တ့ကစၢ်တသးကညီၤဘၣ်အဝဲသ့ၣ်မ့ၢ်ဂ့ၤတပာ်ဖျါအတၢ်ကွၢ်မဲာ် အဝဲသ့ၣ်မ့ၢ်ဂ့ၤဘၣ်.

လံာ်ယၡါယၤ 43:8

ကစၢ်ယွၤစံးဝဲ, “ကိးဖှိၣ်ပှၤဂီၢ်မုၢ်ဆူကွီၢ်ဘျီၣ်တက့ၢ်. အဝဲသ့ၣ်အမဲာ်ချံအိၣ်, ဘၣ်ဆၣ်အဝဲသ့ၣ်အမဲာ်ချံဘျီၣ်လီၤ. အဝဲသ့ၣ်အနၢ်အိၣ်, ဘၣ်ဆၣ်အဝဲသ့ၣ်အနၢ်တအၢလီၤ.

လံာ်ယၡါယၤ 44:18

ပှၤဒ်န့ၣ်သိးတဖၣ်ဟးဂီၤနးနးကလဲာ်လၢတသ့ၣ်ညါတၢ်လၢအဝဲသ့ၣ် မၤဝဲအဂ့ၢ်အဃိန့ၣ်လီၤ. အဝဲသ့ၣ်ဘံၣ်ဃးအမဲာ်ဒီးကးတံၢ်အသးတြီတၢ်မ့ၢ်တၢ်တီန့ၣ်လီၤ.

လံာ်ယံးရမံယၤ 10:8

အဝဲသ့ၣ်ခဲလၢာ်မ့ၢ်ပှၤအမၢးဒီးပှၤဟးဂီၤဖိတဖၣ်လီၤ. လၢတၢ်ဂီၤတၢ်ဖီၣ်တဖၣ်လၢတၢ်မၤအီၤလၢသ့ၣ်အအိၣ်န့ၣ်, အဝဲသ့ၣ်မၤလိန့ၢ်တၢ်မနုၤကသ့လဲၣ်.

လံာ်ယံးရမံယၤ 4:22

ယွၤစံးဝဲဒၣ်, “ယပှၤဂီၢ်မုၢ်တဖၣ်အံၤမၢးဒိၣ်မးဒီး တသ့ၣ်ညါယၤဘၣ်. အဝဲသ့ၣ်လီၤဂာ်ဒီးဖိသၣ်လၢသးတဆးတဖၣ် ဒီးအတၢ်သ့ၣ်ညါနၢ်ပၢၢ်တအိၣ်နီတမံၤဘၣ်. အဝဲသ့ၣ်မ့ၢ်ပှၤစဲၣ်နိးတဖၣ်, လၢတၢ်မၤတၢ်အၢအပူၤဘၣ် ဆၣ်လၢတၢ်မၤတၢ်ဂ့ၤန့ၣ်, အဝဲသ့ၣ်ဃၣ်ကွံာ်ဝဲလီၤ.”

လံာ်ယံးရမံယၤ 5:20

ယွၤစံးဝဲဒၣ်, “တဲဘၣ်စီၤယၤကိာ်အစၢၤအသွဲၣ်တဖၣ်, တဲဘၣ်ကီၢ်ယူဒၤအပှၤဂီၢ်မုၢ်တဖၣ်တက့ၢ်.

လံာ်ယံးရမံယၤ 5:4

အန့ၣ်ဒီးယဆိကမိၣ်ထီၣ်, “ပှၤသ့ၣ်တဖၣ်အံၤမ့ၢ်ဒၣ်ထဲပှၤအဖှီၣ် ဒီးပှၤတမၤလိမၤဒိးဘၣ်တၢ်လီၤ. အဝဲသ့ၣ်အိၣ်မူဒ်ပှၤဟးဂီၤဖိအသိးလီၤ. အကစၢ်ယွၤလိၣ်ဘၣ်တၢ်မနုၤလဲၣ်, ဒီးယွၤသးအိၣ်လၢအဝဲသ့ၣ်ကမၤတၢ်မနုၤလဲၣ်န့ၣ်, အဝဲသ့ၣ်တသ့ၣ်ညါဝဲဘၣ်.

လံာ်ယံးရမံယၤ 6:10

ယစံးဆၢတ့ၢ်အီၤ, “ယမ့ၢ်ကတိၤတၢ်ဒီးအဝဲသ့ၣ်ဒီးဟ့ၣ်ပလီၢ် အဝဲသ့ၣ်ဒီး, မ့ၢ်မတၤကဒိကနၣ်ယၤန့ၣ်လဲၣ်. အဝဲသ့ၣ်အခိၣ်ကိၤ ဒီးတဒိကနၣ်နတၢ်ကစီၣ်ဘၣ်. အဝဲသ့ၣ်နံၤဘၣ်ဖၣ်လဲတၢ်လၢ နမၢယစံးကတိၤန့ၣ်လီၤ.

လံာ်ယံးရမံယၤ 7:13

သုမၤတ့ၢ်တၢ်ဒဲးဘးတဖၣ်အံၤခဲလၢာ်, ဒီးယကတိၤတ့ၢ်တၢ်ဒီး သုတဘျီဝံၤတဘျီဒၣ်လဲာ်, သုတဒိကနၣ်ယၤဘၣ်. ဖဲယကိး ထီၣ်တ့ၢ်သုန့ၣ်, သုတစံးဆၢယၤဘၣ်.

လံာ်ယံးရမံယၤ 8:7

ထိၣ်ဒိၣ်ထီကိာ်တဖၣ်ဒၣ်လဲာ်သ့ၣ်ညါတၢ်ဆၢကတီၢ်လၢကဟဲက့ၤကဒါ က့ၤဝဲလီၤ. ထိၣ်လွံၢ်တဖၣ်, ထိၣ်ဘျ့ၣ်ဘျီၣ်တဖၣ်, ဒီးထိၣ်ယိးကွါတဖၣ်သ့ၣ်ညါတၢ်ဆၢက တီၢ်လၢအဝဲသ့ၣ်ကဘၣ်သုးလီၢ်သုးကျဲန့ၣ်လီၤ. ဘၣ်ဆၣ်ဒီးသုဝဲယပှၤဂီၢ်မုၢ်သ့ၣ်ဧၢ, ယပၢသုဒီးတၢ်စူၢ်တၢ်နာ်အတၢ် သိၣ်တၢ်သီမနုၤလဲၣ်န့ၣ်, သုတသ့ၣ်ညါဘၣ်.

လံာ်ဟိၤၡ့ 7:11

ကီၢ်အံၣ်စရ့လးမၤအသးဒံဝ့ၤဒံဝီၤဒ်ထိၣ်လွံၢ်လၢ အတၢ်သးဆးတအိၣ်တဘ့ၣ်အသိးလီၤ. အဆိကတၢၢ်အဝဲအပှၤဂီၢ်မုၢ်ဃ့တၢ်မၤစၢၤလၢကီၢ်အဲၤကူပတူးအအိၣ် ဝံၤဒီးအဝဲသ့ၣ်လဲၤဃ့ၢ်ဆူကီၢ်အၤၡူၢ်အအိၣ်န့ၣ်လီၤ.

လံာ်စကၤရယၤ 7:11

ဘၣ်ဆၣ်ယပှၤဂီၢ်မုၢ်ဂ့ၢ်လိာ်ဒိကနၣ်တၢ်အံၤလၢတၢ်ခိၣ်ကိၤအပူၤလီၤ. အဝဲသ့ၣ်ကးတံာ်အသးတဖၣ်,

လံာ်မၢ်ကူး 4:12

လၢတၢ်န့ၣ်အဃိအဝဲသ့ၣ်ကကွၢ်ဝံၤကကွၢ်က့ၤကဒီး, ဘၣ်ဆၣ် တထံၣ်ဝဲဘၣ်. အဝဲသ့ၣ်ကကနၣ်ဝံၤကနၣ်က့ၤကဒီး, ဘၣ်ဆၣ်တနၢ်ပၢၢ်ဝဲဘၣ်. အဂ့ၢ်ဒ်အံၤ, အဝဲသ့ၣ်မ့ၢ်ထံၣ်ဒီးနၢ်ပၢၢ်ဝဲတခီကဃၣ်က့ၤ အသးဆူကစၢ်ယွၤအအိၣ်, ဒီးအဝဲဒၣ်ကပျၢ်ကွံာ်အတၢ်သရူး အတၢ်ကမၣ်လီၤ.”

လံာ်မၢ်ကူး 8:18

သုအိၣ်ဒီးသုမဲာ်ချံကစီဒီ, မ့ၢ်သုတထံၣ်တၢ်ဘၣ်ဧါ. သုအိၣ်ဒီးသုနၢ်တဖၣ်ကစီဒီ, မ့ၢ်သုတနၢ်ဟူတၢ်ဘၣ်ဧါ. သုတသ့ၣ်နီၣ်လၢၤဘၣ်ဧါ.

လံာ်ယိၤဟၣ် 12:40

“ကစၢ်ယွၤမၤဘျီၣ်အဝဲသ့ၣ်အမဲာ်ချံတဖၣ် ဒီးမၤကိၤထီၣ်အဝဲသ့ၣ်အသး, ဒ်သိးအမဲာ်ချံတဖၣ်သုတထံၣ်တၢ်တဂ့ၤ ဒီးအသးအသုတနၢ်ပၢၢ်တၢ်တဂ့ၤ, ဒီးအဝဲသ့ၣ်အသုတဃၣ်အသးဆူအအိၣ် လၢအကမၤဘျါက့ၤအဝဲသ့ၣ်အဂီၢ်တဂ့ၤန့ၣ်လီၤ” (ၡါ ၆:၁၀).

မၤတၢ် 28:26

အဂ့ၢ်ဒ်အံၤ အဝဲဒၣ်စံးဝဲ, ‘လဲၤဆူပှၤတကလုာ်အအိၣ်ဒီးစံး, သုကဒိကနၣ်ဝံၤဒိကနၣ်က့ၤ, ဘၣ်ဆၣ်သုတနၢ်ပၢၢ်သုဝဲဘၣ်. သုကကွၢ်ဝံၤကွၢ်က့ၤဘၣ်ဆၣ်သုတထံၣ်တၢ်ဘၣ်.

ရိမ့ၤ 1:20

စးထီၣ်လၢကစၢ်ယွၤတ့လီၤဟီၣ်ခိၣ်လံၤလံၤန့ၣ်, အတၢ်စိကမီၤအထူအယိာ်ဒီးအတၢ်မ့ၢ်ကစၢ်ယွၤအန့ဆၢၣ်လၢ ပှၤထံၣ်အီၤတသ့ဘၣ်တဖၣ်အံၤန့ၣ်, ဘၣ်တၢ်သ့ၣ်ညါနၢ်ပၢၢ်အီၤဆှံဆှံသ့ဝဲခီဖျိတၢ်လၢကစၢ် ယွၤတ့လီၤဝဲသ့ၣ်တဖၣ်အပူၤန့ၣ်လီၤ. လၢတၢ်န့ၣ်အဃိ, အဝဲသ့ၣ်ကတိၤပူၤဖျဲးအသးတသ့ဘၣ်န့ၣ်လီၤ.

ရိမ့ၤ 11:8

ဒ်တၢ်ကွဲးအသးစံးဝဲအသိး, “ကစၢ်ယွၤဟ့ၣ်အဝဲသ့ၣ်လၢ တၢ်သူၣ်ဃၢသးဃၢဒီးတုၤမုၢ်မဆါတနံၤအံၤန့ၣ်အဝဲသ့ၣ် တထံၣ်တၢ်လၢအမဲာ်ချံဒီးတနၢ်ဟူတၢ်လၢအနၢ်ဒၣ်ဝဲဘၣ်.”

လံာ်သိၣ်လီၤသီလီၤတၢ် 29:3

သုထံၣ်တ့ၢ်တၢ်ဆါသံသတြိာ်လီၤပျံၤလီၤဖုးတဖၣ်, တၢ်ပနီၣ်လီၤလးတဖၣ်ဒီးတၢ်လီၤကမၢကမၣ်ဖးဒိၣ်တဖၣ်လၢယွၤမၤတ့ၢ်ဝဲန့ၣ်လီၤ.

လံာ်သိၣ်လီၤသီလီၤတၢ် 29:4

ဘၣ်ဆၣ်တုၤလီၤလၢမုၢ်မဆါတနံၤအံၤဒၣ်လဲာ်, အဝဲတပျဲဒံးသုနၢ်ပၢၢ်တၢ်လၢသုကထံၣ်ဘၣ်တ့ၢ်အီၤတဖၣ်န့ၣ်ဘၣ်.

လံာ်သိၣ်လီၤသီလီၤတၢ် 32:6

သုဝဲပှၤဟးဂီၤဖိ, ပှၤဂီၢ်မုၢ်လၢတဂိာ်တသီၣ်ဘၣ်တၢ်ဧၢ, တၢ်အံၤမ့ၢ်အမ့ၢ်ကျဲလၢသုကဘၣ်မၤဘၣ် ယွၤန့ၣ်ဧါ. အဝဲမ့ၢ်သုပၢ်, သုတၢ်တ့အကစၢ်, အဝဲဒုးကဲထီၣ်တ့သုလၢပှၤ တကလုာ်န့ၣ်လီၤ.