လံာ်ယံးရမံယၤ 49:7 - Sgaw Karen Common Bible

⁷ အအံၤမ့ၢ် တၢ်လၢယွၤသ့တၢ်လၢာ်စံးတ့ၢ်ဝဲဘၣ်ဃးဒီး ကီၢ်အဒိၣ်အဂ့ၢ်န့ၣ်လီၤ. “မ့ၢ်ကီၢ်အဒိၣ်အပှၤဂီၢ်မုၢ်တဖၣ် အသးလၢအသ့ နီၤဖးတၢ်ဂ့ၤဂ့ၤဘၣ်ဘၣ်န့ၣ်, လီၤမၢ်န့ၢ်အဝဲသ့ၣ်လံဧါ. မ့ၢ်အဝဲသ့ၣ်အပှၤဟ့ၣ်ကူၣ်ဟ့ၣ်ဖးတၢ်တဖၣ် တဲဘၣ်အဝဲသ့ၣ်တၢ်လၢ အကဘၣ်မၤဝဲန့ၣ်တသ့လၢၤဘၣ်ဧါ. မ့ၢ်အဝဲသ့ၣ် အတၢ်ကူၣ်သ့ တဖၣ်ဟါမၢ်လၢာ်လံဧါ.

လံာ်ယံးရမံယၤ 49:7 Iomraidhean Croise

လံာ်တၢ်ကဲထီၣ်အခီၣ်ထံး 25:30

ဒီးစံးဘၣ်စီၤယၤကိာ်, “ယသၣ်ဝံၤလီၤဒိလၢာ်လံ. ဟ့ၣ်ယၤလၢတၢ်အီၣ်ဖါဂီၤအံၤတနီၤတက့ၢ်.” (မၤသးဒ်န့ၣ်ဒီးပှၤကိးအမံၤလၢအဒိၣ်လီၤ.)

လံာ်တၢ်ကဲထီၣ်အခီၣ်ထံး 27:41

စီၤဧ့ၤၡီၤသးဟ့စီၤယၤကိာ်လီၤ. အဂ့ၢ်ဒ်အံၤ, အပၢ်ဟ့ၣ်လံစီၤယၤကိာ်လၢတၢ်ဆိၣ်ဂ့ၤအဃိန့ၣ်လီၤ. ဒီးဆိကမိၣ်ထီၣ်ဝဲ, “အကတီၢ်လၢတၢ်ဟီၣ်တၢ်ယၢၤလၢယပၢ်အတၢ်သံ အဂီၢ်အံၤဘူးထီၣ်လံ. တုၤနုၤတစု, ယကမၤသံစီၤယၤကိာ်လီၤ.”

လံာ်တၢ်ကဲထီၣ်အခီၣ်ထံး 32:3

စီၤယၤကိာ်မၢပှၤစိာ်တၢ်ကစီၣ်တဖၣ်လဲၤဆိလၢအမဲာ်ညါဆူ အဒီပုၢ်ဝဲၢ်ခွါစီၤဧ့ၡီၤအအိၣ်ဖဲကစၢၢ်စံဧ့ၢ်လၢကီၢ်အဒိၣ် အပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 36:11

ဒီးစီၤအလံဖးစးအိၣ်ဒီးအဖိခွါယဲၢ်ဂၤလၢအမ့ၢ်ဝဲစီၤတ့ၤ မၣ်, စီၤအိမၢ်, စီၤစဖိၤ, စီၤကၤတၣ်ဒီးစီၤကနးစးတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 36:15

အအံၤမ့ၢ်ပှၤအဒူၣ်တဖၣ်လၢအဟဲလီၤစၢၤလီၤသွဲၣ်လၢစီၤဧ့ၡီၤ န့ၣ်လီၤ. စီၤဧ့ၡီၤအဖိခွါအခီၣ်ထံးတဂၤလၢအမ့ၢ်စီၤအလံဖးစးမ့ၢ်ပှၤ အဒူၣ်လၢလာ်တဖၣ်အံၤအပၢ်လၢပျၢၤန့ၣ်လီၤ. ပှၤသ့ၣ်တဖၣ်အံၤမ့ၢ်ဝဲပှၤတ့ၤမၣ်အဒူၣ်, ပှၤအိမၢ်အဒူၣ်, ပှၤစဖိၤအဒူၣ်, ပှၤကနးစးအဒူၣ်, ပှၤကိးရးအဒူၣ်, ပှၤကၤတၣ်အဒူၣ်ဒီးပှၤဧမၤလ့းအဒူၣ်လီၤ.

လံာ်တၢ်ကဲထီၣ်အခီၣ်ထံး 36:34

စီၤဃူၡၣ်လၢကီၢ်တ့ၤမၣ်အလီၢ်ကဝီၤ, စီၤဘဒးအဖိခွါစီၤဟဒးလၢဝ့ၢ်ဧဝံး

လံာ်တၢ်ကဲထီၣ်အခီၣ်ထံး 36:8

လၢတၢ်န့ၣ်အဃိစီၤဧ့ၡီၤအိၣ်ဝဲဆိးဝဲလၢကစၢၢ်စ့ဧ့ၢ်လၢကီၢ် အဒိၣ်အပူၤဒီးဘၣ်တၢ်ကိးအီၤလၢစီၤအဒိၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 1:53

ပှၤကနးစး, ပှၤတ့ၤမၣ်, ပှၤမံးဘစၢ်,

လံာ်စီၤယိၤဘး 2:11

ဒီးတုၤစီၤယိၤဘးအတံၤသကိးသၢဂၤ, ပှၤတ့ၤမၣ်ဖိစီၤအလံ ဖးစး, ပှၤၡူၤဃးဖိစီၤဘံးလဒး, ဒီးပှၤနၤမးဖိစီၤစိဖၢ်နၢ်ဟူ ဝဲလၢကယဲၢ်တၢ်အၢလၢအဘၣ်အီၤဒီး, အဝဲသ့ၣ်ဟဲဝဲတဂၤ လၢအလီၢ်ဒၣ်ဝဲ, တဂၤလၢအလီၢ်ဒၣ်ဝဲန့ၣ်လီၤ. အဝဲသ့ၣ်ပာ်လီၤသကိးအသးလၢကဟဲ, ဒ်သိးကပာ်ဖျါထီၣ် အတၢ်သးအုးဃုာ်ဒီးအီၤဒီးမၤမုာ်ထီၣ်က့ၤအီၤလီၤ.

လံာ်စီၤယိၤဘး 4:1

အန့ၣ်ဒီးပှၤတ့ၤမၣ်ဖိစီၤအလံဖးစးစံးဝဲ, စီၤယိၤဘးဧၢ, ယမ့ၢ်ကတိၤတၢ်ဒီးနၤဒီးမ့ၢ်နသးကဘၣ်တံာ် တာ်ဧါ. ယအိၣ်ဃိကလာ်တကဲလၢၤဘၣ်.

စံးထီၣ်ပတြၢၤ 137:7

ယွၤဧၢ, သ့ၣ်နီၣ်ထီၣ်က့ၤတၢ်လၢပှၤအဒိၣ်ဖိတဖၣ် မၤတ့ၢ်အီၤဖဲ ဝ့ၢ်ယရူၤရှလ့ၣ်ဘၣ် တၢ်မၤနၢၤအီၤအနံၤန့ၣ်တက့ၢ်. သ့ၣ်နီၣ်ထီၣ်အဝဲသ့ၣ်စံးဝဲခဲအံၤခဲအံၤ မၤဟးဂီၤအီၤတုၤလၢ အခီၣ်ထံး” န့ၣ်တက့ၢ်.

လံာ်ယၡါယၤ 21:11

အအံၤမ့ၢ်တၢ်ကစီၣ်ဘၣ်ဃးကီၢ်အဒိၣ်အဂ့ၢ်န့ၣ်လီၤ. ပှၤတဂၤကိးဃီၤတၢ်ဆူယအိၣ်လၢကီၢ်အဒိၣ်တခီဒီးစံး, “ပှၤခိးတၢ်ဖိဧၢ, မုၢ်နၤကလၢာ်ကွံာ်ဝဲဖဲလဲၣ်အခါလဲၣ်. ကကတၢၢ်အခါဖဲလဲၣ်န့ၣ်တဲဘၣ်ယၤတက့ၢ်.”

လံာ်ယၡါယၤ 29:14

အဃိဒီး, ယကမၤဖုးမၤပျီၢ်ဒီးမၤလီၤထူၣ်အဝဲသ့ၣ်အသးလၢတၢ်လၢ အဝဲသ့ၣ်တမုၢ်လၢ်လၢအကဟဲဘၣ်အီၤတမံၤဝံၤတမံၤန့ၣ်လီၤ. ပှၤလၢအကူၣ်တၢ်သ့တဖၣ်ကကဲထီၣ်ကဒါက့ၤပှၤအမၢးတဖၣ်, ဒီးအတၢ်သ့တၢ်ဘၣ်ခဲလၢာ်န့ၣ်အဘျုးတအိၣ်လၢၤဘၣ်.”

လံာ်ယံးရမံယၤ 12:14

ယွၤစံးဝဲဒၣ်, “ယအိၣ်ဒီးတၢ်ဂ့ၢ်တနီၤလၢယကစံးဘၣ်တဲဘၣ်တၢ်ဘၣ်ဃးဒီးပှၤလၢ အံၣ်စရ့လးအဃၢၤတဖၣ်လၢအမၤဟးဂီၤ တ့ၢ်ထံကီၢ်လၢယဟ့ၣ်လီၤတ့ၢ်ယပှၤဂီၢ်မုၢ် အံၣ်စရ့လးန့ၣ်လီၤ. ယကဟံးထီၣ်ကွံာ်ပှၤအၢပှၤသီတဖၣ်န့ၣ် လၢအထံအကီၢ်တဖၣ်အပူၤလီၤဂာ်ဒ်တၢ်မုၢ်တၢ်ဘိ လၢအဘၣ်တၢ်ထဲးထီၣ်ကွံာ်အီၤအသိးဒီးယကမၤပူၤမၤဖျဲးကီၢ် ယူဒၤလၢအဝဲသ့ၣ်အစုပူၤန့ၣ်လီၤ.

လံာ်ယံးရမံယၤ 18:18

အန့ၣ်ဒီးပှၤဂီၢ်မုၢ်စံးဝဲဒၣ်, “မ်ပမၤတၢ်တမံၤမံၤဘၣ်ဃး စီၤယံးရမံယၤတက့ၢ်. ထီဘိန့ၣ်ပှၤလုၢ်တၢ်အခိၣ်တဖၣ်လၢ ကသိၣ်လိပှၤမ့ၢ်ဂ့ၤ, ပှၤကူၣ်တၢ်သ့တဖၣ်လၢကဟ့ၣ်ကူၣ်ဟ့ၣ်ဖးပှၤမ့ၢ်ဂ့ၤ, ဒီးဝံတဖၣ်လၢကစံးဘၣ်တဲဘၣ်ပှၤလၢကစၢ်ယွၤအတၢ်ကစီၣ် မ့ၢ်ဂ့ၤန့ၣ်ကအိၣ်ဝဲလီၤ. မ်ပလိာ်ကွီၢ်ထီဒါအီၤဒီးတၢ်လၢ အစံးဝဲန့ၣ်, မ်ပသုတဒိကနၣ်တဂ့ၤ.”

လံာ်ယံးရမံယၤ 25:21

ပှၤဂီၢ်မုၢ်ခဲလၢာ်လၢ ကီၢ်အဒိၣ်, ကီၢ်မိၤအး, ဒီးကီၢ်ဧၣ်မိၣ်,

လံာ်ယံးရမံယၤ 25:23

စီၤပၤခဲလၢာ်လၢ အအိၣ်လၢ ကီၢ်တဖၣ်လၢ 2 ပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်အဃၢၤ,

လံာ်ယံးရမံယၤ 25:9

“ယကမၤလိာ်ကယဲၢ်ပှၤဂီၢ်မုၢ်လၢ ကလံၤစိးတခီ, ဒီးယခ့ယပှၤ ကီၢ် ဘၤဘူၤလိၣ်အစီၤပၤနဘူၤကးန့စၢ်န့ၣ်လီၤ. ယကမၢအဝဲသ့ၣ် ဟဲထီၣ်ဒီးဒုးတၢ်ထီဒါကီၢ်ယူဒၤဒီး ပှၤအိၣ်ဆိးလၢအပူၤတဖၣ်, ဒီးထီဒါစ့ၢ်ကီးပှၤကလုာ်ခဲလၢာ်လၢ အအိၣ်ဘူးအိၣ်တံၢ်ဒီးအီၤန့ၣ်လီၤ. ယကမၤဟးဂီၤကွံာ်ပှၤတကလုာ်အံၤဒီး ပှၤအိၣ်လၢ အဃၢၤတဖၣ် ဒီးပာ်တ့ၢ်အဝဲသ့ၣ်လၢတၢ်ဟးဂီၤအပူၤအစိၤစိၤ အဃၣ်ဃၣ်, ဒီးကကဲထီၣ်တၢ်ထံၣ်ဘၣ်တမံၤဘၣ်တမံၤလၢ အလီၤပျံၤလီၤဖုးဒီး လီၤကမၢကမၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 49:20

အဃိဒီး, ဒိကနၣ်ယတၢ်ကူၣ်ကျဲၤလၢ ယမၤအီၤထီဒါ ကီၢ်အဒိၣ်အပှၤဂီၢ်မုၢ်ဒီး တၢ်လၢယတိာ်အီၤလၢယကမၤဘၣ် ဝ့ၢ်တ့ၤမၣ် အပှၤဂီၢ်မုၢ်န့ၣ်တက့ၢ်. အဝဲသ့ၣ်အဖိတဖၣ်ဒၣ်လဲာ် ကဘၣ်တၢ်တွံၢ်ထီၣ်ကွံာ်အီၤဒီး ပှၤကိးဂၤဒဲးကပျံၤတၢ်ဖုးတၢ် န့ၣ်လီၤ.

လံာ်ယံးရမံယၤ 8:9

သုပှၤကူၣ်သ့တဖၣ်ဘၣ်တၢ်မၤမဲာ်ဆှးအီၤလီၤ. အဝဲသ့ၣ်အသးကဒံကဒါဒီးလီၤကွံာ်ဆူပျံၤသ ကွီၤအပူၤန့ၣ်လီၤ. အဝဲသ့ၣ်ညိကွံာ်ယကလုၢ်ကထါတဖၣ်လီၤ. ခဲအံၤတၢ်ကူၣ်သ့မနုၤအိၣ်ဒံးဒီးအဝဲသ့ၣ်န့ၣ်လဲၣ်.

လံာ်သးသယုၢ်တၢ် 4:21

နံၤထီၣ်ဆူညါ, ကီၢ်အဒိၣ်ဒီးကီၢ်ဧူးစးအပှၤဂီၢ်မုၢ်သ့ၣ်ဧၢ, မ်သုသးခုဖဲသုမၤသ့ဒံးန့ၣ်တက့ၢ်. သုတၢ်နးတၢ်ဖှီၣ်ဟဲစ့ၢ်ကီးဝဲလံ. သုဝဲစ့ၢ်ကီးသုကကနုၤ ကဆဲဘ့ၣ်ဆ့လၢတၢ်မဲာ်တြီၢ်မဲာ်ဆှးအပူၤန့ၣ်လီၤ.

လံာ်ယဃ့းစက့လး 32:29

ကီၢ်အဒိၣ်အိၣ်ဖဲန့ၣ်ဃုာ်ဒီးအစီၤပၤတဖၣ်ဒီးအပှၤပၢတၢ်တဖၣ် န့ၣ်လီၤ. အဝဲသ့ၣ်တဖၣ်မ့ၢ်သုးဖိအဂံၢ်ဆူၣ်ဘါဆူၣ်, ဘၣ်ဆၣ် ခဲအံၤအဝဲသ့ၣ်မံလီၤလၢပှၤသံတဖၣ်အကီၢ်ပူၤဃုာ်ဒီးပှၤတဖၣ်လၢ အတဒိးဘၣ်တၢ်ကူးတရံးလၢအဘၣ်တၢ်မၤသံလၢတၢ်ဒုးအပူၤ န့ၣ်လီၤ.

လံာ်ဒၤနံးယ့လး 11:41

ကဟဲနုာ်လီၤဒုးဒၣ်လဲာ်ကီၢ်တၢ်စံးပာ်ဒီးမၤသံကွံာ်ပှၤလၢအကလး တဖၣ်လီၤ. မ့မ့ၢ်ထံကီၢ်ဒ်ကီၢ်အဒိၣ်, ကီၢ်မိၤအးဒီးတၢ်အိၣ် လီၤတဲာ်လၢကီၢ်ဧၣ်မိၣ်, တဖၣ်န့ၣ်ကပူၤဖျဲးဝဲလီၤ.

လံာ်ယိၤအ့လး 3:19

ကီၢ်အဲၤကူပတူးကကဲထီၣ်တၢ်ဃ့ထီအလီၢ်တတီၤ, ဒီးကီၢ်အဒိၣ်ကကဲထီၣ်တၢ်ဟးဂီၤအလီၢ်တပူၤန့ၣ်လီၤ. အဂ့ၢ်ဒ်အံၤ, အဝဲသ့ၣ်ထီဒါကီၢ်ယူဒၤဒီးမၤသံ အပှၤဂီၢ်မုၢ်လၢအတၢ်ဒဲးဘးတအိၣ်ဘၣ်န့ၣ်လီၤ.

လံာ်ဃဘးကူာ် 3:3

ကစၢ်ယွၤဟဲကဒီးလၢကီၢ်အဒိၣ်, ကစၢ်ယွၤလၢအစီဝဲဆှံဝဲတဂၤဟဲလီၤလၢပၤရၣ်အကစၢၢ်တဖၣ်လီၤ. အတၢ်လီၤဘီလီၤမုၢ်ကးဘၢမူကပိာ်လိၤတဖၣ် ဒီးဟီၣ်ခိၣ်ပှဲၤဝဲဒီးအတၢ်စံးထီၣ်ပတြၢၤလီၤ.

လံာ်သိၣ်လီၤသီလီၤတၢ် 23:7

သးဘၣ်အၢပှၤအဒိၣ်တဖၣ်တဂ့ၤ. အဝဲသ့ၣ်မ့ၢ်သုဘူးသုတံၢ်တဖၣ် န့ၣ်လီၤ. ဒီးသးဘၣ်အၢပှၤအဲၤကူပတူးဖိတဖၣ်န့ၣ်တဂ့ၤ, တဘျီန့ၣ်သုအိၣ်ဆိးတ့ၢ်လၢအဝဲသ့ၣ်အကီၢ်ပူၤန့ၣ်လီၤ.