လံာ်ယံးရမံယၤ 49:39 - Sgaw Karen Common Bible

³⁹ ဘၣ်ဆၣ်ဒီး လၢခံက့ၤန့ၣ်, ယကဒုးဘီၣ်ထီၣ်ညီထီၣ်ကဒီးကီၢ်ဧ့ၤလၣ်အပှၤဂီၢ်မုၢ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 49:39 Iomraidhean Croise

လံာ်စီၤယိၤဘး 42:10

တုၤစီၤယိၤဘးဘါထုကဖၣ်တၢ်လၢအတံၤသကိးသၢဂၤ အဂီၢ်ဝံၤအလီၢ်ခံန့ၣ်, ယွၤမၤဘီၣ်ထီၣ်ညီထီၣ်ကဒါက့ၤကဒီး အီၤ, ဒီးဟ့ၣ်အီၤတၢ်လၢအအိၣ်တ့ၢ်ဒီးအီၤလၢညါခံစးန့ၣ်လီၤ.

လံာ်ယၡါယၤ 2:2

လၢမုၢ်နံၤလၢအကဟဲတဖၣ်အပူၤန့ၣ်, ကစၢၢ်လၢယွၤအတၢ်လုၢ်ဟံၣ်အိၣ်ဆၢထၢၣ်န့ၣ် ကမ့ၢ်ကစၢၢ်အထီကတၢၢ်လၢအကစီၤ ထီၣ်ဒိၣ်ဘၢကစၢၢ်ခဲလၢာ်န့ၣ်လီၤ. ပှၤကလုာ်တဖၣ်ကဟဲယွၤနုာ်လီၤဝဲဆူအအိၣ်,

လံာ်ယံးရမံယၤ 12:15

ဘၣ်ဆၣ်ဒီးဖဲယဟံးထီၣ်ကွံာ်အဝဲသ့ၣ်ဝံၤအလီၢ်ခံန့ၣ်, ယသးကညီၤဘၣ်က့ၤအဝဲသ့ၣ်, ဒီးယကဟဲစိာ်က့ၤပှၤ တကလုာ်ဘၣ်တကလုာ်စုာ်စုာ်ဆူအလီၢ်အိၣ်လီၢ်ဆိးဒၣ်ဝဲဒီး အထံအကီၢ်ဒၣ်ဝဲန့ၣ်လီၤ.

လံာ်ယံးရမံယၤ 48:47

ဘၣ်ဆၣ်လၢ မုၢ်နံၤတဖၣ်လၢ အကဟဲဝဲအပူၤန့ၣ်, ယွၤကဒုးဘီၣ်ထီၣ်ညီထီၣ် ကီၢ်မိၤအးကဒီးတဘျီန့ၣ်လီၤ. ကယဲၢ်တၢ်ခဲလၢာ်အံၤမ့ၢ် တၢ်လၢယွၤစံးတ့ၢ်ဝဲ လၢကမၤအသးဒီး ကီၢ်မိၤအးန့ၣ်လီၤ.

လံာ်ယံးရမံယၤ 49:38

ယကမၤဟးဂီၤအဝဲသ့ၣ်အစီၤပၤတဖၣ်ဒီး အခိၣ်အနၢ် တဖၣ်ဒီး ယကပာ်လီၤယလီၢ်ပစိာ်ဖဲန့ၣ်လီၤ.

လံာ်ယံးရမံယၤ 49:6

ဘၣ်ဆၣ်ဒီး လၢခံက့ၤန့ၣ်, ယကဒုးဘီၣ်ထီၣ်ညီထီၣ်က့ၤကဒီး ကီၢ်ဧၣ်မိၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 29:14

ဒီးယကဒုးအိၣ်ဆိးအဝဲသ့ၣ်လၢကီၢ်အဲၤကူပတူးကလံၤထံး, လၢအမ့ၢ်အဝဲသ့ၣ်အဟံၣ်အဃီ အဂံၢ်ထံးန့ၣ်လီၤ. ဖဲန့ၣ်အဝဲသ့ၣ်ကမ့ၢ်ဘီမုၢ်လၢ အဂံၢ်စၢ်ဘါစၢ်တဘ့ၣ်,

လံာ်ယဃ့းစက့လး 38:16

နကလဲၤထီၣ်ဒုးယပှၤဂီၢ်မုၢ်အံၣ်စရ့လးဒ်ကလံၤမုၢ်လၢအအူ တၢ်သကုၤကီၢ်ဒီဘ့ၣ်ညါအသိးန့ၣ်လီၤ. ဖဲတၢ်ဆၢကတီၢ်န့ၣ်တုၤဃီၤဒီး, ယကဆှၢနၤလၢနကလဲၤနုာ်လီၤဒုးယကီၢ်, ဒ်သိးယကဒုးနဲၣ်ပှၤကလုာ်တဖၣ်လၢယမ့ၢ်မတၤလဲၣ်, ဒ်သိးယကဒုးနဲၣ် ယတၢ်စီတၢ်ဆှံခီဖျိတၢ်လၢယမၤအီၤခီဖျိနၤန့ၣ်လီၤ.

လံာ်ယဃ့းစက့လး 39:25

ယွၤ, ပၢဘၣ်တၢ်ခဲလၢာ်ကစၢ်စံးဝဲဒၣ်, “မ့မ့ၢ်ခဲကနံၣ်အံၤ, ယကသူၣ်ကညီၤသးကညီၤစီၤယၤကိာ်အစၢၤအသွဲၣ်တဖၣ်, ကီၢ်အံၣ်စရ့လးအပှၤဂီၢ်မုၢ်, ဒီးမၤဘီၣ်ထီၣ်ညီထီၣ်ကဒီးအဝဲ သ့ၣ်န့ၣ်လီၤ. ယကဒီဒၣ်အိၣ်ပှိၤယမံၤစီဆှံန့ၣ်လီၤ.

လံာ်ဒၤနံးယ့လး 10:14

ယဟဲတ့ၢ်ယဲဒ်သိးယကတဲနၢ်ပၢၢ်နၤလၢတၢ်ကမၤအသးဒီး နပှၤဂီၢ်မုၢ်လၢခါဆူညါအဂ့ၢ်န့ၣ်လီၤ. အအံၤမ့ၢ်တၢ်ထံၣ်လၢညါခီဘၣ်ဃးဒီးခါဆူညါအဂ့ၢ်န့ၣ်လီၤ.”

လံာ်ဒၤနံးယ့လး 2:28

ဘၣ်ဆၣ်ဒီးကစၢ်ယွၤလၢအမၤဖျါထီၣ်အတၢ်ခူသူၣ်အဒိၣ်အ ယိာ်အိၣ်ဝဲဒၣ်လၢမူခိၣ်တဂၤလီၤ. အဝဲလီၣ်ဖျါထီၣ်တ့ၢ်တၢ်ကမၤအ သးလၢမုၢ်နံၤလၢခံတဖၣ်အဂ့ၢ်န့ၣ်ဆူနၤ, စီၤပၤနဘူၤကးန့စၢ်အအိၣ်န့ၣ်လီၤ. ခဲကနံၣ်အံၤယကတဲဘၣ်နၤတၢ်မံမီၢ်ဒီးတၢ်ထံၣ်လၢညါခီလၢ နထံၣ်ဘၣ်တ့ၢ်ဖဲနမံသပ့ၤဘၣ်နသးအခါန့ၣ်လီၤ.

လံာ်ဟိၤၡ့ 3:5

ဘၣ်ဆၣ်ဒီးတၢ်ဆၢကတီၢ်ကဟဲတုၤဃီၤဝဲဖဲကီၢ် အံၣ်စရ့လးအပှၤဂီၢ်မုၢ်ကဃၣ်ကဒါက့ၤကဒီးအသးတဘျီဆူယွၤ, အကစၢ်ယွၤအအိၣ်ဒီးဆူအဝဲသ့ၣ်အစီၤပၤစီၤဒၤဝံးအစၢၤအသွဲၣ် တဂၤအအိၣ်န့ၣ်လီၤ. ဒီးဖဲန့ၣ်အဝဲသ့ၣ်ကအိၣ်ဒီးတၢ်ပျံၤယွၤဒီးကဒိးန့ၢ်ဘၣ်အဝဲ အတၢ်ဟ့ၣ်အဂ့ၤတဖၣ်န့ၣ်လီၤ.

လံာ်ဧၤမိၣ် 9:14

ယကဆှၢကဒါက့ၤယပှၤဂီၢ်မုၢ်ဆူအကီၢ်ဒၣ်ဝဲလီၤ. အဝဲသ့ၣ်ကသူၣ်ထီၣ်ကဘှီထီၣ်က့ၤအဝ့ၢ်တဖၣ်လၢအဟးဂီၤဒီးအိၣ်ဝဲ လၢအပူၤ, ကသူၣ်လီၤစပံးလီၢ်သ့ၣ်တဖၣ်ဒီးအီစပံးထံ, ကသူၣ်လီၤတၢ်လၢတၤသၣ်လီၢ်တဖၣ်ဒီးအီၣ်တၢ်လၢအသူၣ်လီၤဝဲန့ၣ်လီၤ.

လံာ်မံကၤ 4:1

လၢမုၢ်နံၤလၢအကဟဲတဖၣ်အပူၤန့ၣ်, ကစၢၢ်ဖဲတၢ်လုၢ်ဟံၣ်အိၣ်သူၣ်လီၤအသးန့ၣ်ကမ့ၢ်ကစၢၢ်အထီကတၢၢ် လၢကစၢၢ်ခဲလၢာ်အကျါဒီးအိၣ်ထီၣ်ထီလၢတၢ်လူၢ်ခဲလၢာ်အဖီခိၣ် လီၤ. ပှၤအါကလုာ်ကဟဲဖှိၣ်ဆူအအိၣ်လီၤ.