လံာ်ယံးရမံယၤ 49:37 - Sgaw Karen Common Bible

³⁷ ယကဒုးပျံၤဘၣ်ဖုးဘၣ်ကီၢ်ဧ့ၤလၣ်အပှၤဂီၢ်မုၢ်လၢအဒုၣ်အဒါတဖၣ်လၢ အသးအိၣ်မၤသံအဝဲသ့ၣ်န့ၣ်လီၤ. လၢယတၢ်သးဒိၣ်ထီၣ် အပူၤန့ၣ်, ယကမၤဟးဂီၤကွံာ်ကီၢ်ဧ့ၤလၣ်အပှၤဂီၢ်မုၢ်ဒီး ဆှၢလီၤသုးမုၢ်တဖၣ်ထီဒါ အဝဲသ့ၣ်တုၤယမၤလၢာ်ကွံာ်အဝဲသ့ၣ်တစုန့ၣ်လီၤ.

လံာ်ယံးရမံယၤ 49:37 Iomraidhean Croise

လံာ်ယံးရမံယၤ 30:24

တချုးလၢယွၤမၤဝံၤကွံာ် ကယဲၢ်တၢ်လၢ အဝဲတိာ်ပာ် မၤဝဲတဖၣ်ဒံးဘၣ်န့ၣ်, ကလံၤမုၢ်အံၤတဆိကတီၢ်အသး ဘၣ်. လၢမုၢ်နံၤတဖၣ်လၢ အကဟဲဝဲအပူၤန့ၣ်, အပှၤဂီၢ်မုၢ် ကနၢ်ပၢၢ်တၢ်အံၤ ထံထံဆးဆးန့ၣ်လီၤ.

လံာ်ယံးရမံယၤ 48:2

ကီၢ်မိၤအးအတၢ်လီၤဘီလီၤမုၢ်တအိၣ်ဘၢၤဘၣ်. ဒုၣ်ဒါဒုးန့ၢ်ကွံာ်လံ ဝ့ၢ်ဃ့ၡဘိၣ် ဒီးကူၣ်ထီၣ်ဝဲလၢ ကမၤဟးဂီၤကွံာ် ကီၢ်မိၤအးအပှၤကလုာ်န့ၣ်လီၤ. ဝ့ၢ်မးဒမၣ်ကဘၣ်တၢ်မၤဘှ့ၣ်ဘှီၣ်ကွံာ်အီၤ, သုးမုၢ်တဖၣ်ကလဲၤထီၣ်ဒုးတၢ်ထီဒါအီၤလီၤ.

လံာ်ယံးရမံယၤ 48:39

ဟီၣ်တၢ်ယၢၤတၢ်တက့ၢ်. ကီၢ်မိၤအးဘၣ်တၢ်မၤလီၤ ကလဲကွံာ်အီၤလံ. အိၣ်လၢတၢ်ဟးဂီၤအပူၤလံ. ဒီးပှၤ ကလုာ်အိၣ်ဝးတရံးအီၤတဖၣ် ကတိၤဒုၣ်ဒွဲၣ်အီၤလီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 49:22

ဒုၣ်ဒါကထီၣ်ဒုးဝ့ၢ်ဘိးစရၤဒ်လံာ်ကြီကြာ်တဘ့ၣ်သလၣ် ထီၣ် အဒံးဆ့တဖၣ်ဒီး ယူၤသဖှိလီၤဝဲအသိးန့ၣ်လီၤ. လၢမုၢ်နံၤအဝဲန့ၣ်, ကီၢ်အဒိၣ်အသုးဖိတဖၣ် ကပျံၤတၢ်ဖုးတၢ်ဒ်ပိာ်မုၣ်တဂၤလၢအအိၣ်လၢ တၢ်အဟုးဆါထီၣ်အပူၤအသိးန့ၣ်လီၤ.”

လံာ်ယံးရမံယၤ 49:24

ဝ့ၢ်ဒၤမ့ၤစ့းအပှၤဂီၢ်မုၢ်အဂံၢ်အဘါစၢ်ဝဲဒီးထွးထီၣ်ဃ့ၢ်ဝဲလၢ တၢ်ပျံၤတၢ်ဖုးအပူၤန့ၣ်လီၤ. ဒ်ပိာ်မုၣ်တဂၤလၢအဟုးဆါ ဝဲအသိးန့ၣ်, အဝဲသ့ၣ်အိၣ်လၢ တၢ်ဆူးတၢ်ဆါဒီး တၢ်သူၣ်ကိၢ်သးဂီၤအပူၤလီၤ.

လံာ်ယံးရမံယၤ 49:29

ဟံးန့ၢ်အဒဲတဖၣ်ဒီး အသိအဖုအဂီၢ်တဖၣ်, အဒဲအယၣ်ဘျးသဒၢတဖၣ်ဒီး တၢ်ခဲလၢာ်လၢအအိၣ်လၢအဒဲတဖၣ်အပူၤန့ၣ်တက့ၢ်. စိာ်ကွံာ်အဝဲသ့ၣ်အကီၤလၤအူးတဖၣ်ဒီးတဲဘၣ်ပှၤဂီၢ်မုၢ်လၢ, တၢ်ပျံၤတၢ်ဖုးအိၣ်ဝးတရံးအီၤန့ၣ်တက့ၢ်.

လံာ်ယံးရမံယၤ 49:38

ယကမၤဟးဂီၤအဝဲသ့ၣ်အစီၤပၤတဖၣ်ဒီး အခိၣ်အနၢ် တဖၣ်ဒီး ယကပာ်လီၤယလီၢ်ပစိာ်ဖဲန့ၣ်လီၤ.

လံာ်ယံးရမံယၤ 49:5

ယကဒုးလီၤဘၣ်တၢ်ပျံၤတၢ်ဖုးလၢ အဟဲလၢတၢ်လီၢ်ကိးကပၤဒဲးန့ၣ်လၢသုလိၤလီၤ. သုကဃ့ၢ်ကွံာ်ခဲလၢာ်လီၤ. ပှၤတဂၤဘၣ်တဂၤ ကဃ့ၢ်လၢ အသးသမူအဂီၢ်ဒီးပှၤကထၢဖှိၣ်ပာ်ဖှိၣ်က့ၤ ကဒီးသုးမုၢ်သံၣ်ဘိတဖၣ်တအိၣ်နီတဂၤလၢၤဘၣ်.

လံာ်ယံးရမံယၤ 50:36

မ်တၢ်သံကဘၣ်အဝံလၢ အလီအတၢ်တဖၣ်တက့ၢ်. အဝဲသ့ၣ်မ့ၢ်မးပှၤဟးဂီၤဖိတဖၣ်န့ၣ်လီၤ. မ်တၢ်သံကဘၣ်အပှၤသုးဖိတဖၣ်န့ၣ်တက့ၢ်. အဝဲသ့ၣ်ကပျံၤတၢ်ဖုးတၢ်ဒိၣ်မးလီၤ.

လံာ်ယံးရမံယၤ 6:19

ဒိကနၣ်တၢ်တက့ၢ်, ဟီၣ်ခိၣ်ဧၢ, ယဟဲစိာ်တၢ်ဟးဂီၤလၢပှၤဂီၢ် မုၢ်သ့ၣ်တဖၣ်အံၤအဖီခိၣ်ဒ်တၢ်စံၣ်ညီၣ်လၢအဝဲသ့ၣ်အတၢ်ကူၣ် အကျဲတဖၣ်အဂီၢ်အသိးန့ၣ်လီၤ. အဂ့ၢ်ဒ်အံၤ, အဝဲသ့ၣ်ညိကွံာ်ယတၢ် သိၣ်လိသီလိဒီးတစူၢ်တ့ၢ်ဘၣ်ယတၢ်ကတိၤတဖၣ်ဘၣ်.

လံာ်ယံးရမံယၤ 9:15

လၢတၢ်န့ၣ်အဃိ, ဒိကနၣ်တၢ်လၢယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ကမၤဝဲန့ၣ်တက့ၢ်. ယကဟ့ၣ် ယပှၤဂီၢ်မုၢ်တၢ်မုၢ်တၢ်ဘိအခၣ်တဖၣ်လၢကအီၣ်ဝဲအဂီၢ်, ဒီးစုၣ်လၢကအီဝဲအဂီၢ်န့ၣ်လီၤ.

လံာ်ယံးရမံယၤ 9:16

ယကမၤပြံ မၤပြါအဝဲသ့ၣ်လၢပှၤကလုာ်တဖၣ်အကျါ, ပှၤကလုာ်တဖၣ်လၢအဝဲသ့ၣ်မ့ၢ်ဂ့ၤ, အမိၢ်ပၢ်ဖံဖုလၢပျၢၤတဖၣ်မ့ၢ်ဂ့ၤတနၢ်ဟူသ့ၣ်ညါဝဲအဂ့ၢ်, ဒီးယကဆှၢလီၤသုးမုၢ်တဖၣ်ထီဒါအဝဲသ့ၣ်တုၤ ယမၤဟးဂီၤကွံာ်အဝဲသ့ၣ်လၢာ်လၢာ်ဆ့ဆ့တစုန့ၣ်လီၤ.”

လံာ်ယဃ့းစက့လး 12:14

ယကမၤလီၤပြံလီၤပြါကယဲၢ်ပှၤလၢအအိၣ်လၢအနူၢ်ဧိၤစီၤဧိၤအဂၢၤပူၤ, ဒီးအပှၤဟ့ၣ်ကူၣ်တၢ်တဖၣ်ဒီးအပှၤခိးအသးသမူတဖၣ် ဆူတၢ်လီၢ်ကိးကပၤဒဲး, ဒီးပှၤဂီၢ်မုၢ်ကဃုအဝဲသ့ၣ်လၢကမၤ သံအဝဲသ့ၣ်အဂီၢ်န့ၣ်လီၤ.

လံာ်ယဃ့းစက့လး 32:23

ဒီးအဝဲသ့ၣ်အသွၣ်ခိၣ်တဖၣ်အိၣ်ဝဲလၢတၢ်သံအကီၢ်အယိာ်ကတၢၢ် အလီၢ်န့ၣ်လီၤ. အဝဲအပှၤသုးဖိခဲလၢာ်လီၤဃံၤတ့ၢ်လၢတၢ်ဒုး အပူၤဒီးအဝဲသ့ၣ်အသွၣ်ခိၣ်တဖၣ်အိၣ်ဝးတရံးအဝဲအသွၣ်ခိၣ်အပူၤ န့ၣ်လီၤ. တဘျီန့ၣ်အဝဲသ့ၣ်မ့ၢ်ဒၣ်လဲာ်ပှၤလၢအမၤပျံၤမၤဖုး ပှၤမူတဖၣ်အကီၢ်န့ၣ်လီၤ.

လံာ်ယဃ့းစက့လး 5:12

နပှၤဂီၢ်မုၢ်သၢပူတပူကသံဝဲလၢတၢ်ဆူးတၢ်ဆါဒီးတၢ်သၣ်ဝံၤ လီၤဒိအဃိလၢဝ့ၢ်ပူၤလီၤ. သၢပူတပူကဘၣ်တၢ်ကျီကွံာ်အီၤလၢနးတဖၣ်လၢဝ့ၢ်အချၢ, ဒီးလၢခံကတၢၢ်သၢပူတပူန့ၣ်, ယကမၤလီၤပြံပြါအီၤလၢကလံၤကျါဒီးလူၤထွဲအဝဲသ့ၣ်အခံလၢ နးတဘ့ၣ်န့ၣ်လီၤ.

လံာ်ယဃ့းစက့လး 5:2

တုၤတၢ်ကဝီၤဃာ်ဝ့ၢ်ဝံၤဝဲဒီး, သၢပူတပူၤန့ၣ်ဆူးထီၣ်ကွံာ် အီၤလၢဝ့ၢ်အသးကံၢ်ပူၤတက့ၢ်. ဟံးန့ၢ်အဂၤသၢပူတပူၤဒီးဒီၣ်တဲာ်ကွံာ်အီၤလၢနနးဖဲနသုး ထီၣ်သုးလီၤနသးဝးတရံးဝ့ၢ်အချၢအခါန့ၣ်တက့ၢ်. အိၣ်တီၢ်သၢပူတပူန့ၣ်, မၤလီၤပြံလီၤပြါအီၤလၢကလံၤကျါ, ဒီးယကလူၤထွဲအီၤလၢယနးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:33

ဒီးယကဟဲစိာ်တၢ်ဒုးတၢ်ယၤဒီးသုကလီၤပြ လီၤပြါဆူပှၤကလုာ်ဂၤအကျါလီၤ. သုထံဧိၤကီၢ်ဧိၤကအိၣ်သယုၢ်ဒီးသုဝ့ၢ်တဖၣ်ကအိၣ်လၢတၢ်ဟးဂီၤ အပူၤန့ၣ်လီၤ.