လံာ်ယံးရမံယၤ 49:34 - Sgaw Karen Common Bible

³⁴ စီၤစံးဒကံယၤကဲထီၣ်စီၤပၤလၢ ကီၢ်ယူဒၤဝံၤတယံာ်ဘၣ်ဒီး, ယွၤသ့တၢ်လၢာ်ကတိၤတၢ်ဒီးယၤဘၣ်ဃးကီၢ်ဧ့ၤလၣ်အဂ့ၢ်န့ၣ်လီၤ.

လံာ်ယံးရမံယၤ 49:34 Iomraidhean Croise

လံာ်တၢ်ကဲထီၣ်အခီၣ်ထံး 10:22

ဒီးစီၤၡ့ၣ်အဖိခွါတဖၣ်န့ၣ်မ့ၢ်ဝဲ, စီၤဧ့ၤလၣ်, စီၤအၤၡူၢ်, စီၤအၢ်ဖးၡး, စီၤလူးဒီးစီၤအရၣ်လီၤ. အဝဲသ့ၣ်မ့ၢ်ပၢ်လၢ ပျၢၤတဖၣ်လၢအပှၤဂီၢ်မုၢ်စိာ်အဝဲသ့ၣ်တဖၣ်အမံၤန့ၣ်လီၤ.

လံာ်တၢ်ကဲထီၣ်အခီၣ်ထံး 14:1

ဒီးတၢ်မၤအသးလၢစီၤပၤလွံၢ်ဂၤလၢအမ့ၢ်ကီၢ်ဘၤဘူၤလိၣ်အစီၤ ပၤစီၤအးမရၤဖ့လး, ပှၤအ့းလးစၢ်အစီၤပၤစီၤအၤရယိာ်, ပှၤဧ့ၤလၣ်အစီၤပၤစီၤကဒၢ်လဧိမ့ၢ်ဒီးပှၤကလုာ်တဖၣ်အစီၤပၤ စီၤတံးဒၤလးသ့ၣ်တဖၣ်န့ၣ်,

လံာ်တၢ်ကဲထီၣ်အခီၣ်ထံး 14:9

ပှၤဧ့ၤလၣ်အစီၤပၤစီၤကဒၢ်လဧိမ့ၢ်, ပှၤကလုာ်တဖၣ်အစီၤပၤစီၤ တံးဒၤလး, ပှၤၡံနၢ်အစီၤပၤစီၤအးမရၤဖ့လးဒီးပှၤအ့းလးစၢ်အစီၤပၤ စီၤအၤရယိာ်လီၤ. မ့ၢ်စီၤပၤယဲၢ်ဂၤအတၢ်ထီဒါစီၤပၤလွံၢ်ဂၤန့ၣ်လီၤ.

လံာ်စီၤဧ့စြၤ 4:9

“လၢပဒိၣ်ဖးဒိၣ်စီၤရဃူၣ်, ကီၢ်အပှၤကွဲးလံာ်စီၤၡံးမၡဲ, ပှၤမၤသဃဲၤတၢ်သ့ၣ်တဖၣ်, စံၣ်ညီၣ်ကွီၢ်သ့ၣ်တဖၣ်, ဒီးကယဲၢ်ပဒိၣ်ပပှၢ်အဂၤတဖၣ်လၢအိၣ်ပာ်တ့ၢ်လၢဝ့ၢ်အ့ရ့း, ဝ့ၢ်ဘၤဘူၤလိၣ်ဒီးဝ့ၢ်ၡူၡၣ်လၢကီၢ်ဧ့ၤလၣ်အပူၤလၢပျၢၤလံၤ လံၤ,

လံာ်ယၡါယၤ 11:11

ဖဲမုၢ်နံၤန့ၣ်ဟဲတုၤဝဲဒီး, ယွၤကသူကဒီးအစိကမီၤတဘျီ ဒီးဟဲက့ၤစိာ်က့ၤအပှၤဂီၢ်မုၢ်ဆူဟံၣ်အပှၤဂီၢ်မုၢ်လၢအအိၣ် လီၤတဲာ်လၢကီၢ်အၤၡူၢ်ဒီးကီၢ်အဲၤကူပတူးကလံၤထံး, ဒီးလၢကီၢ်အဲၤကူပတူးကလံၤစိးပၤသြိၣ်, ကီၢ်ကူၤၡး, ကီၢ်အံၣ်ရး, ကီၢ်ဘၤဘူလိၣ်, ကီၢ်ဆၣ်ဃမါသး, ဒီးလၢပီၣ်လဲၣ်ကၢၢ် နံၤတဖၣ်ဒီးလၢပီၣ်လဲၣ်အကီးတဖၣ်အပူၤန့ၣ်လီၤ.

လံာ်ယၡါယၤ 21:2

ယထံၣ်တ့ၢ်တၢ်ထံၣ်လၢညါခီဘၣ်ဃးတၢ်မၤအသးအၢအၢ သီသီတဖၣ်, တၢ်ထံၣ်လၢညါခီဘၣ်ဃးတၢ် ဟ့ၣ်လီၤကွံာ်ဒီးတၢ်မၤဟးဂီၤတၢ်လီၤ. ကီၢ်ဧ့ၤလၣ်အသုးမုၢ်ဧၢ, လဲၤဒုးတၢ်တက့ၢ်. ကီၢ်မၤဒဲအသုး မုၢ်ဧၢ, ကဝီၤဃာ်ဝ့ၢ်တဖၣ်န့ၣ်တက့ၢ်. ကစၢ်ယွၤကမၤကတၢၢ် ကွံာ်တၢ်နးတၢ်ဖှီၣ်လၢကီၢ်ဘၤဘူၤလိၣ်ဒုးအိၣ်ထီၣ်ဝဲန့ၣ်လီၤ.

လံာ်ယံးရမံယၤ 25:25

ကီၢ်ဧ့ရ့းအစီၤပၤခဲလၢာ်, မဲးမုၢ်ခိၣ်အဒူၣ်တဖၣ် အစီၤပၤခဲလၢာ်,

လံာ်ယံးရမံယၤ 28:1

တနံၣ်ဃီအဝဲန့ၣ်, လၢစီၤစံးဒယံယၤကဲထီၣ်သီစီၤပၤပှဲၤထီၣ် လွံၢ်နံၣ်တနံၣ်, လၢလါယဲၢ်လါတလါအပူၤန့ၣ်, ပှၤဝ့ၢ်ကံး ဘိၣ်ဖိ စီၤဧၤစူၢ်အဖိခွါ ဝံဃနၤနယၤကတိၤတၢ်ဒီး ယၤလၢယွၤအတၢ်လုၢ်ဟံၣ်အပူၤန့ၣ်လီၤ. လၢပှၤလုၢ်တၢ်အခိၣ်တဖၣ်ဒီး ပှၤဂီၢ်မုၢ်အမဲာ်ညါန့ၣ်, အဝဲဒၣ်တဲဘၣ်ယၤလၢ,

လံာ်ဒၤနံးယ့လး 8:2

လၢတၢ်ထံၣ်လၢညါခီအံၤအပူၤယထံၣ်လီၤက့ၤယသးသတူၢ် ကလာ်လၢယအိၣ်လၢကီၢ်ဧ့ၤလၣ်အဝ့ၢ်ခိၣ်ဝ့ၢ်ၡူၡၣ်အပူၤန့ၣ်လီၤ. ယဆၢထၢၣ်တ့ၢ်ဖဲထံကျိဖးဒိၣ်အူလဲၤအကၢၢ်နံၤန့ၣ်လီၤ.

မၤတၢ် 2:9

ပဝဲသ့ၣ်တဖၣ်ပမ့ၢ်ပှၤပၢ်သ့ၤဖိ, ပှၤမၤဒဲဖိ, ပှၤဧ့ၤလၣ်ဖိ, ပှၤမ့းစပတၤမံဖိ, ပှၤယူဒၤဖိ, ပှၤကပၤဒကံဖိ, ပှၤပီၣ်တူးဖိ, ပှၤအၤစံဖိ,