လံာ်ယံးရမံယၤ 49:31 - Sgaw Karen Common Bible

³¹ ဟဲဃီၤ, ပကလဲၤထီၣ်ဒုးပှၤဂီၢ်မုၢ်တဖၣ်လၢ အဆိကမိၣ် လီၤအသးလၢ အပူၤဖျဲးဒီးအိၣ်ဂၢၢ်ဆိးကျၢၤလံန့ၣ်တက့ၢ်. အဝဲသ့ၣ်အဝ့ၢ်တအိၣ်ဒီး တြဲၤတဖၣ်မ့ၢ်ဂ့ၤ နီၣ်ဝံာ်တံာ်တဖၣ်မ့ၢ်ဂ့ၤ ဘၣ်. ဒီးတၢ်ဒီဒၣ်အိၣ်ပှိၤအီၤတအိၣ်နီတမံၤဘၣ်.

လံာ်ယံးရမံယၤ 49:31 Iomraidhean Croise

စံးထီၣ်ပတြၢၤ 123:4

ပသးပှဲၤဆၢၣ်ကလာ်ဒီး ပှၤလၢအဘၣ်မုာ်ဘၣ်ခုၣ်တဖၣ် အတၢ်နံၤဘၣ်ဖၣ်လဲ ဒီးပှၤလၢအပာ်ထီၣ်ထီအသးတဖၣ် အတၢ်မၤတရီတပါန့ၣ်လီၤ.

စံးထီၣ်ပတြၢၤ 73:12

တၢ်န့ၣ်မ့ၢ်တၢ်လၢပှၤတတီတလိၤ ဘၣ်သူၣ်ဘၣ်သးဝဲန့ၣ်လီၤ. အဝဲသ့ၣ်အိၣ်ဒီးတၢ်လၢတၢ်ပှဲၤဒီး ဒိးန့ၢ်အါထီၣ်ဘၣ်တၢ်ထီဘိန့ၣ်လီၤ.

လံာ်ယၡါယၤ 32:11

သုအိၣ်မူတ့ၢ်တၢ်အိၣ်မူမံသူၣ် မုာ်သးဒၣ်သုဝဲဒီးတကိၢ်တဂီၤ တၢ်နီတမံၤဘၣ်. မ့မ့ၢ်, အခဲအံၤ ကနိးကစုာ်လၢတၢ်ပျံၤတၢ်ဖုးအပူၤတက့ၢ်. ဘ့ၣ်လီၤကွံာ်သုဆ့ကၤတဖၣ်ဒီးစၢဃာ်တၢ် ယာ်ဖျ့တဖၣ်လၢသုယီၢ်ဒ့အလိၤန့ၣ်တက့ၢ်.

လံာ်ယၡါယၤ 32:9

သုဝဲပိာ်မုၣ်လၢအအိၣ်မံသူၣ်မုာ်သးဒၣ်သုဝဲဒီးတကိၢ် တဂီၤတၢ်နီတမံၤသ့ၣ်သုဧၢ, ဒိကနၣ်တၢ်လၢယ စံးယဲန့ၣ်တက့ၢ်.

လံာ်ယၡါယၤ 42:11

မ်မဲးမုၢ်ခိၣ်ဒီးအဝ့ၢ်တဖၣ်စံးထီၣ်ပတြၢၤကစၢ်ယွၤတက့ၢ်. မ်က့ဒၢ်အပှၤဂီၢ်မုၢ်စံးထီၣ်ပတြၢၤအီၤတက့ၢ်. မ်ပှၤအိၣ်လၢဝ့ၢ်စ့လၤအပူၤတဖၣ်ကိးထီၣ်လၢတၢ်သးခုအဃိ လၢကစၢၢ်တဖၣ်အဒီခိၣ်န့ၣ်တက့ၢ်.

လံာ်ယၡါယၤ 47:8

ဒိကနၣ်တၢ်အံၤတက့ၢ်, ပှၤလၢအအဲၣ်တၢ်မုာ်တၢ်လၤ, ပှၤလၢအဆိကမိၣ်လၢအပူၤဖျဲးဒီးအိၣ်ဘံၣ်အိၣ်ဘၢတဂၤဧၢ. နစံးလၢနဒိၣ်ထဲသိးဒီးကစၢ်ယွၤဒီးပှၤအဂၤလၢအလီၤဂာ်ဒီးနၤ တအိၣ်နီတဂၤဘၣ်. နဆိကမိၣ်တ့ၢ်လၢနတကဲထီၣ်ဘၣ်မုၣ်ကမဲတဂၤနီတစုမ့ၢ်ဂ့ၤ, နတတူၢ်ဘၣ်နဖိသံလံၤသံအတၢ်ကိၢ်တၢ်ဂီၤမ့ၢ်ဂ့ၤဘၣ်န့ၣ်လီၤ.

လံာ်ယံးရမံယၤ 48:11

ယွၤစံးဝဲဒၣ်, “ကီၢ်မိၤအးအအိၣ်ဂၢၢ်ဆိးကျၢၤဝဲထီဘိ ဒီး တဘၣ်တၢ်စိာ်မၢကဲကုၢ်အီၤ နီတစုဘၣ်. ကီၢ်မိၤအးလီၤဂာ်ဒီး စပံးထံလၢတၢ်ပာ်အီၤဒီး တၢ်တမၤတံာ်တာ်အီၤအသိး, ဒီးတဘၣ်တၢ်လူလီၤအီၤလၢ ကတံၤတဖျၢၣ်ဆူအဂၤတဖျၢၣ်အပူၤနီတစုဘၣ်. အတၢ်ဝံၣ်တၢ်ဆၢန့ၣ်တဟးဂီၤကွံာ်နီတစုဘၣ်ဒီး အတၢ်ဘိၣ်တၢ်ဘဲ ဂ့ၤဒၣ်ထီဘိန့ၣ်လီၤ.

လံာ်ယဃ့းစက့လး 30:9

ဖဲမုၢ်နံၤအဝဲန့ၣ်ဟဲဃီၤဒီးကီၢ်အဲၤကူပတူးဘၣ်တၢ်မၤဟးဂီၤအီၤန့ၣ်, ယကဆှၢလီၤပှၤစိာ်တၢ်ကစီၣ်တဖၣ်လၢကဘီတဖၣ်အပူၤဒ်သိး ကထိၣ်ဂဲၤထီၣ်ကီၢ်ကူၤၡးအပှၤဂီၢ်မုၢ်လၢအတဆိကမိၣ်ထီၣ်တၢ် ကမၤအသးဒ်အံၤတဖၣ်ဒီးအဝဲသ့ၣ်ကပျံၤတၢ်ဖုးတၢ်န့ၣ်လီၤ. မုၢ်နံၤအဝဲန့ၣ်ဟဲလံဝဲလံ.”

လံာ်ယဃ့းစက့လး 38:11

နကပာ်လီၤနသးလၢနကလဲၤထီၣ်ဒုးထံကီၢ်တဘ့ၣ်လၢအမၤစၢၤ လီၤအသးတသ့ဘၣ်, ဖဲပှၤဂီၢ်မုၢ်အိၣ်ဆိးဝဲလၢတၢ်ဃူတၢ်ဖိးဒီးတၢ်ဘံၣ်တၢ်ဘၢအပူၤ, လၢဝ့ၢ်တဖၣ်လၢအခိၣ်ဒူတအိၣ်ဘၣ်ဒီး တအိၣ်ဒီးတၢ်ဒီသဒၢအီၤနီတမံၤဘၣ်အပူၤန့ၣ်လီၤ.

လံာ်ယဃ့းစက့လး 39:6

ယကစးထီၣ်မၢမ့ၣ်အူအီၣ်တၢ်လၢကီၢ်မကိးလၢအပူၤဒီးလၢပီၣ်လဲၣ် ကၢၢ်နံၤတဖၣ်ဖဲပှၤဂီၢ်မုၢ်အိၣ်ဆိးဝဲတအိၣ်ဒီးတၢ်မၤတံာ်တာ်အီၤ ဘၣ်ဒီးပှၤကိးဂၤဒဲးကသ့ၣ်ညါဝဲလၢယမ့ၢ်ယွၤန့ၣ်လီၤ.

လံာ်မံကၤ 7:14

ယွၤဧၢ, မ့ၢ်နဲပှၤကွၢ်သိတဂၤလၢနပှၤဂီၢ်မုၢ်, ပှၤဂီၢ်မုၢ်လၢနဃုထၢအီၤအဂီၢ်တက့ၢ်. မ့ၢ်အိၣ်ဒၣ်ဝဲလၢပှၢ်မုၢ်ကနၢသနာ်က့ဟီၣ်ခိၣ်ညၣ်ထ့ၣ်ဂ့ၤ အကီၢ်တဖၣ်အိၣ်ဝးတရံးအီၤလီၤ. မ်အလဲၤဒီးအီၣ်တၢ်လၢကီၢ်ဘၤၡၣ်ဒီးကီၢ်ကံးလဧးအအီၣ်ဆၣ်လီၢ် လါဟ့တဖၣ်အပူၤဒ်အဝဲသ့ၣ်မၤတ့ၢ်လၢပျၢၤအသိးန့ၣ်တက့ၢ်.

လံာ်နၤဃူၣ် 1:12

တၢ်အံၤမ့ၢ်တၢ်လၢယွၤစံးဘၣ်အပှၤဂီၢ်မုၢ်အံၣ်စရ့လး, “ပှၤအၤၡူၢ်ဖိသ့ၣ်တဖၣ်အဂံၢ်အဘါမ့ၢ်ဆူၣ်ဒီးမ့ၢ်အါဝဲဂီၢ်ဝဲဘၣ်ဆၣ်, အဝဲသ့ၣ်ကဘၣ်တၢ်မၤဟးဂီၤကွံာ်အီၤဒီးကဟါမၢ်ကွံာ်ဝဲဒၣ်န့ၣ်လီၤ. ယပှၤဂီၢ်မုၢ်ဧၢ, ယမၤနးမၤဖှီၣ်တ့ၢ်သုဘၣ်ဆၣ်ယတမၤကဒီးလၢၤဘၣ်.

လံာ်စဖါနယၤ 2:15

တၢ်န့ၣ်မ့ၢ်တၢ်ကမၤအသးဒီးဝ့ၢ်လၢအပာ်ကဖၢလၢ အသးလၢအစိအကမီၤဒၣ်ဝဲဒီးဆိကမိၣ်လီၤအသးလၢ အပူၤဖျဲးလံန့ၣ်လီၤ. အပှၤဝ့ၢ်ဖိသ့ၣ်တဖၣ်ဆိကမိၣ်ဝဲလၢအဝဲသ့ၣ်အဝ့ၢ်မ့ၢ်တၢ်အဒိၣ် ကတၢၢ်လၢဟီၣ်ခိၣ်ချၢလီၤ. ကကဲထီၣ်တၢ်အိၣ်သယုၢ်အလီၢ်တတီၤဖဲဆၣ်ဖိကီၢ်ဖိအမံၤတဖၣ်အိၣ် ဘှံးအိၣ်သါဝဲန့ၣ်လီၤ. ကယဲၢ်ပှၤလၢအလဲၤတြူာ်အီၤကိးဂၤဒဲးကသံးက့ၤအသးဆူအလီၢ်ခံ လၢတၢ်ပျံၤတၢ်ဖုးအပူၤန့ၣ်လီၤ.

လံာ်တၢ်ဂံၢ် 23:9

လၢလ့ဖးထီတဖၣ်အဒီခိၣ်န့ၣ်ယထံၣ်ဘၣ်အဝဲသ့ၣ်သ့ဝဲ, ယခိးကွၢ်အဝဲသ့ၣ်လၢတၢ်လူၢ်တဖၣ်အဖီခိၣ်သ့ဝဲလီၤ. အဝဲသ့ၣ်မ့ၢ်ပှၤတကလုာ်လၢအအိၣ်ဒၣ်အတၢ်ဒၣ်ဝဲ, အဝဲသ့ၣ်သ့ၣ်ညါဝဲလၢအဘၣ်ဆိၣ်ဂ့ၤအါန့ၢ်ဒံးပှၤကလုာ်ဂၤ တဖၣ်တက့ၢ်န့ၣ်လီၤ.

လံာ်သိၣ်လီၤသီလီၤတၢ် 33:28

လၢတၢ်န့ၣ်အဃိ, စီၤယၤကိာ်အစၢၤအသွဲၣ်တဖၣ်အိၣ်ဝဲ ဆိးဝဲလၢတၢ်ဃူတၢ်မုာ်အပူၤ, အိၣ်ပူၤအိၣ်ဖျဲးဝဲလၢကီၢ် တဘ့ၣ်လၢအပှဲၤဒီးဘုဧိၤဟုဧိၤဒီးစပံးထံအပူၤ, ဖဲပစီၤထံလၢမူကပိာ်လိၤတဖၣ်မၤဘၣ်စီၣ်ဟီၣ်ခိၣ်န့ၣ်လီၤ.