လံာ်ယံးရမံယၤ 49:24 - Sgaw Karen Common Bible

²⁴ ဝ့ၢ်ဒၤမ့ၤစ့းအပှၤဂီၢ်မုၢ်အဂံၢ်အဘါစၢ်ဝဲဒီးထွးထီၣ်ဃ့ၢ်ဝဲလၢ တၢ်ပျံၤတၢ်ဖုးအပူၤန့ၣ်လီၤ. ဒ်ပိာ်မုၣ်တဂၤလၢအဟုးဆါ ဝဲအသိးန့ၣ်, အဝဲသ့ၣ်အိၣ်လၢ တၢ်ဆူးတၢ်ဆါဒီး တၢ်သူၣ်ကိၢ်သးဂီၤအပူၤလီၤ.

လံာ်ယံးရမံယၤ 49:24 Iomraidhean Croise

လံာ်တၢ်ကဲထီၣ်အခီၣ်ထံး 3:16

ဒီးအဝဲစံးဘၣ်ပိာ်မုၣ်, “ယကမၤအါထီၣ်နတၢ်ကိၢ်တၢ်ဂီၤလၢနတၢ် ဒံၣ်ထီၣ်ဒၢထီၣ်အပူၤဒီးနတၢ်ဆိးကဲးလၢတၢ်ဆံးစၢ်ထီၣ်နဖိ အပူၤန့ၣ်လီၤ. တၢ်အံၤဒၣ်လဲာ်န့ၣ်နသးကအိၣ်ဒံးနဝၤဒီးအဝဲဒၣ်ကပၢနၤလီၤ.”

လံာ်ယၡါယၤ 13:8

အဝဲသ့ၣ်ခဲလၢာ်ကပျံၤတၢ်ဖုးတၢ်ဒီးတၢ်ဆိးကဲးကလုၣ်ဘၢအီၤ, ဒ်တၢ်ဆိးကဲးအိၣ်ဒီးပိာ်မုၣ်အဟုးဆါတဂၤအသိးန့ၣ်လီၤ. ကကွၢ်လိာ်အသးတဂၤဒီးတဂၤလၢတၢ်ပျံၤတၢ်ဖုးအပူၤ, ဒီးအမဲာ်သၣ်တဖၣ်ကကိၢ်ဝဲဒီးတၢ်မဲာ်ဆှးလီၤ.

လံာ်ယံးရမံယၤ 30:6

ခဲကနံၣ်အံၤဆိကတီၢ်, ဒီးဆိကမိၣ်တၢ်တက့ၢ်. ပှၤပိာ်ခွါတဂၤဆံးစၢ်ထီၣ်ဖိသၣ်တဂၤဘၣ် ကသ့ဧါ. ဘၣ်မနုၤအဃိ, ယထံၣ်ဘၣ်ပိာ်ခွါကိးဂၤဒဲးပာ် အစုလၢ အဟၢဖၢလိၤ, ဒ်ပိာ်မုၣ်တဂၤလၢ အဟုးဆါဝဲအသိးန့ၣ်လဲၣ်. ဘၣ်မနုၤအဃိ ပှၤကိးဂၤဒဲးအမဲာ်လီၤဝါထဲန့ၣ် ညါလဲၣ်.

လံာ်ယံးရမံယၤ 4:31

ယနၢ်ဟူတ့ၢ်တၢ်ကိးအသီၣ်တမံၤလီၤ ဂာ်ဒ်ပိာ်မုၣ်လၢအဟုးဆါတဂၤအသိး, တၢ်ကဲးကဒံကပျီၢ်တမံၤလီၤဂာ်ဒ်ပိာ် မုၣ်တဂၤလၢအဆံးစၢ်ထီၣ်အဖိအဆိ ကတၢၢ်အသိးလီၤ. မ့ၢ်ဝ့ၢ်ယရူၤၡလ့ၣ်အတၢ်ကိးပသူထီၣ်, ခီဖျိအဂုာ်သါထီၣ်ဝဲဒီးယူာ်ထီၣ်အစုဒီးစံးဝဲ, “ယဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်ဟဲဝဲလၢကမၤသံယၤအဂီၢ်လံ.”

လံာ်ယံးရမံယၤ 48:41

ဒီးဝ့ၢ်တဖၣ်ဒီးတိာ်ဧိၤတာ်ဧိၤတဖၣ်ကဘၣ်တၢ်ဒုးန့ၢ်ကွံာ်အီၤန့ၣ်လီၤ. ဒီၤလၢနံၤအဝဲန့ၣ်, ကီၢ်မိၤအးအသုးဖိတဖၣ်ကပျံၤတၢ်ဒ်ပိာ်မုၣ်တဂၤလၢ အဟုးဆါအသိးန့ၣ်လီၤ.

လံာ်ယံးရမံယၤ 49:22

ဒုၣ်ဒါကထီၣ်ဒုးဝ့ၢ်ဘိးစရၤဒ်လံာ်ကြီကြာ်တဘ့ၣ်သလၣ် ထီၣ် အဒံးဆ့တဖၣ်ဒီး ယူၤသဖှိလီၤဝဲအသိးန့ၣ်လီၤ. လၢမုၢ်နံၤအဝဲန့ၣ်, ကီၢ်အဒိၣ်အသုးဖိတဖၣ် ကပျံၤတၢ်ဖုးတၢ်ဒ်ပိာ်မုၣ်တဂၤလၢအအိၣ်လၢ တၢ်အဟုးဆါထီၣ်အပူၤအသိးန့ၣ်လီၤ.”

လံာ်ယံးရမံယၤ 49:29

ဟံးန့ၢ်အဒဲတဖၣ်ဒီး အသိအဖုအဂီၢ်တဖၣ်, အဒဲအယၣ်ဘျးသဒၢတဖၣ်ဒီး တၢ်ခဲလၢာ်လၢအအိၣ်လၢအဒဲတဖၣ်အပူၤန့ၣ်တက့ၢ်. စိာ်ကွံာ်အဝဲသ့ၣ်အကီၤလၤအူးတဖၣ်ဒီးတဲဘၣ်ပှၤဂီၢ်မုၢ်လၢ, တၢ်ပျံၤတၢ်ဖုးအိၣ်ဝးတရံးအီၤန့ၣ်တက့ၢ်.

လံာ်ယံးရမံယၤ 49:37

ယကဒုးပျံၤဘၣ်ဖုးဘၣ်ကီၢ်ဧ့ၤလၣ်အပှၤဂီၢ်မုၢ်လၢအဒုၣ်အဒါတဖၣ်လၢ အသးအိၣ်မၤသံအဝဲသ့ၣ်န့ၣ်လီၤ. လၢယတၢ်သးဒိၣ်ထီၣ် အပူၤန့ၣ်, ယကမၤဟးဂီၤကွံာ်ကီၢ်ဧ့ၤလၣ်အပှၤဂီၢ်မုၢ်ဒီး ဆှၢလီၤသုးမုၢ်တဖၣ်ထီဒါ အဝဲသ့ၣ်တုၤယမၤလၢာ်ကွံာ်အဝဲသ့ၣ်တစုန့ၣ်လီၤ.

လံာ်ယံးရမံယၤ 50:43

ကီၢ်ဘၤဘူၤလိၣ်အစီၤပၤနၢ်ဟူတၢ်ကစီၣ်ဒီးအစုတဖၣ်လီၤစၢ်ဝဲလီၤ. တၢ်သူၣ်ကိၢ်သးဂီၤလုၣ်ဘၢအီၤဒ် ပိာ်မုၣ်တဂၤလၢ အဟုးဆါဝဲအသိးန့ၣ်လီၤ.

လံာ်ယံးရမံယၤ 6:24

ပှၤဂီၢ်မုၢ်လၢဝ့ၢ်ယရူၤရှလ့ၣ်အပူၤစံးဝဲ, “ပနၢ်ဟူတ့ၢ်တၢ်ကစီၣ်န့ၣ်လံ, ဒီးပစုတဖၣ်လီၤစၢ်လီၤစဲၤဝဲလီၤ. ဒ်ပိာ်မုၣ်လၢအဟုးဆါတဂၤအသိးန့ၣ်, တၢ်ကိၢ်တၢ်ဂီၤဒီးတၢ် ဆူးတၢ်ဆါလီၤဘၣ်ပှၤလီၤ.

လံာ်ဟိၤၡ့ 13:13

ကီၢ်အံၣ်စရ့လးအိၣ်ဒီးတၢ်အခွဲးအယာ်တမံၤလၢ ကအိၣ်မူဝဲဘၣ်ဆၣ်အသးတဆးမးလၢကဟံးဃာ်အီၤအဂီၢ်, လီၤဂာ်ဒ်ဖိသၣ်တဂၤအသိးလၢကအိၣ်ဖျဲၣ်ထီၣ်, ဒီးဂ့ၢ်လိာ်လၢကဟးထီၣ်လၢအမိၢ်အဒၢလီၢ်ပူၤန့ၣ်လီၤ.

လံာ်မးသဲ 24:8

တၢ်တဖၣ်အံၤခဲလၢာ် မ့ၢ်ဒံးဒၣ်တၢ်လၢအလီၤဂာ်ဒီးပှၤဟုးဆါထီၣ်သီန့ၣ်လီၤ.

လံာ်မၢ်ကူး 13:8

ပှၤကလုာ်တဖၣ်ကဂဲၤဆၢထၢၣ်ထီဒါလိာ်အသး တကလုာ်ဒီး တကလုာ်, ဒီးထံကီၢ်ဘီမုၢ်တဖၣ်ကဒုးလိာ်အသးတဘီမုၢ်ဒီး တဘီမုၢ်လီၤ. ဟီၣ်ခိၣ်ကဟူးဝးဝဲလၢတၢ်လီၢ်သကုၤဆးဒး, ဒီးတၢ်သၣ်ဝံၤလီၤဒိတဖၣ်ကအိၣ်စ့ၢ်ကီးဝဲလီၤ. တၢ်တဖၣ်အံၤမ့ၢ်တၢ်နးတၢ်ဖှီၣ်အခီၣ်ထံးန့ၣ်လီၤ.