လံာ်ယံးရမံယၤ 49:2 - Sgaw Karen Common Bible

² ဘၣ်ဆၣ်ဒီး တၢ်ဆၢကတီၢ်ဟဲလံဝဲလၢ ယကဒုးနၢ်ဟူပှၤဂီၢ်မုၢ်အိၣ်လၢ ဝ့ၢ်ခိၣ်ရးဘး အပူၤလၢ တၢ်ဒုးတၢ်ယၤအသီၣ်, ဒီးဝ့ၢ်န့ၣ် ကဟးဂီၤကွံာ်ဒီး အသဝီတဖၣ်မ့ၣ်အူကအီၣ် ကွံာ်အီၤန့ၣ်လီၤ. အန့ၣ်ဒီး, ကီၢ်အံၣ်စရ့လးကဟံး န့ၢ်ကဒါက့ၤအကီၢ်လၢ ပှၤတဖၣ်လၢ အဟံးန့ၢ်ကွံာ် အီၤလၢ အဝဲသ့ၣ်အစုပူၤအအိၣ်န့ၣ်လီၤ.

လံာ်ယံးရမံယၤ 49:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 11:1

လၢခံတနံၣ်ဖဲတၢ်မဲထီၣ်သီအကတီၢ်, ဖဲတၢ်ဆၢကတီၢ်လၢ စီၤပၤညီနူၢ်လဲၤထီၣ်ဆူတၢ်ဒုးတၢ်ယၤအခါန့ၣ်, စီၤဒၤဝံးဆှၢလီၤစီၤယိၤအာ်ဃုာ်ဒီးအသုးခိၣ်သုးနၢ်တဖၣ် ဒီးကီၢ်အံၣ်စရ့လးအသုးမုၢ်လၢကလဲၤထီၣ်ဒုးတၢ်အဂီၢ်န့ၣ်လီၤ. အဝဲသ့ၣ်မၤနၢၤကွံာ်ပှၤဧၣ်မိၣ်ဖိတဖၣ်, ဒီးကဝီၤဃးဝ့ၢ်ရးဘၤ န့ၣ်လီၤ. ဘၣ်ဆၣ်ဒီးစီၤဒၤဝံးအကစၢ်ဒၣ်ဝဲအိၣ်တ့ၢ်ဒၣ်လၢဝ့ၢ်ယရူၤၡလ့ၣ် အပူၤလီၤ.

စံးထီၣ်ပတြၢၤ 48:11

မ်စံယိၣ်အပှၤဂီၢ်မုၢ်တဖၣ်ကသးခုဝဲဒၣ်န့ၣ်တက့ၢ်. နဟ့ၣ်တၢ်စံၣ်ညီၣ်တီလီၤ. မ်တၢ်သးခုကအိၣ်ဝဲဒၣ်လၢယူဒၤအဝ့ၢ် တဖၣ်အပူၤန့ၣ်တက့ၢ်.

စံးထီၣ်ပတြၢၤ 97:8

စံယိၣ်အပှၤဂီၢ်မုၢ်သူၣ်ခုသးခုဒီး ကီၢ်ယူဒၤအဝ့ၢ်တဖၣ်သူၣ်ဖှံသးညီ, မ့ၢ်ဒၣ်လၢနတၢ်စံၣ်ညီၣ်တဖၣ်အဃိလီၤ, ယွၤဧၢ

လံာ်ယၡါယၤ 11:14

အဝဲသ့ၣ်ကပာ်ဖှိၣ်အသးဒီးကဒုးတၢ်ထီဒါပှၤဖလ့ၡသးဖိလၢ မုၢ်နုာ်တခီဒီးဂုာ်ဆူၣ်ပျီဆူၣ်ပှၤလၢအအိၣ်လၢမုၢ်ထီၣ်တကပၤ န့ၣ်လီၤ. အဝဲသ့ၣ်ကမၤန့ၢ်မၤနၢၤပှၤအဒိၣ်ဒီးမိၤအး, ဒီးပှၤဧၣ်မိၣ်ဖိကစူၢ်အဝဲသ့ၣ်လီၤ.

လံာ်ယၡါယၤ 17:1

ယွၤစံးဝဲဒၣ်, “ဒၤမ့းစ့းတမ့ၢ်ဝ့ၢ်တဖျၢၣ်ယံာ်ယံာ်လၢၤဘၣ်. ကမ့ၢ်ဒၣ်တၢ်လီၤပှီၢ်ဟးဂီၤတဖၣ်အတၢ်ပာ်ဖှိၣ်ထီၣ်အသးအလီၢ် တတီၤလီၤ.

လံာ်ယံးရမံယၤ 4:19

တၢ်ဆါယၤနးမးလီၤ. ယတူၢ်တၢ်ဆါအံၤတကဲလၢၤဘၣ်. အိ, ယသူၣ်စံၣ်သးစံၣ်အၢအၢသီသီလီၤ. ယအိၣ်ဘှ့ၣ် အိၣ်ဘှီၣ်တသ့ဘၣ်. ယနၢ်ဟူကွဲၤအသီၣ်တဖၣ် ဒီးတၢ်ဒုးတၢ်ယၤအတၢ်ကိးသတြီထီၣ်တဖၣ်လီၤ.

လံာ်ယံးရမံယၤ 49:1

အအံၤမ့ၢ် တၢ်လၢယွၤစံးတ့ၢ်ဘၣ်ဃးကီၢ်ဧၣ်မိၣ်အဂ့ၢ်န့ၣ်လီၤ. “ကီၢ်အံၣ်စရ့လးအပှၤပိာ်ခွါတဖၣ် အိၣ်ဖဲလဲၣ်. ပှၤလၢ အကဟုကယာ်အကီၢ်တအိၣ်နီတဂၤလၢၤဘၣ်ဧါ. ဘၣ်မနုၤအဃိအဝဲသ့ၣ် ပျဲပှၤဂီၢ်မုၢ်လၢအဘါထီၣ် မိၤလးဟံးန့ၢ်ကွံာ်ပှၤကး အဒူၣ်အလီၢ်ကဝီၤဒီး အိၣ်ဆိးဝဲဖဲန့ၣ်, န့ၣ်လဲၣ်.

လံာ်ယဃ့းစက့လး 21:20

တၢ်ပနီၣ်တမံၤန့ၣ်ကဒုးနဲၣ်စီၤပၤအကျဲဆူပှၤဧၤမိၣ်ဖိအဝ့ၢ် ရးဘးအပူၤ, ဒီးအဂၤတမံၤန့ၣ်မ့ၢ်ဆူကီၢ်ယူဒၤ, ဆူဝ့ၢ်အိၣ်ဒီးအတိာ်ခၢၣ်သနၢၣ်ယရူၤၡလ့ၣ်န့ၣ်လီၤ.

လံာ်ယဃ့းစက့လး 21:25

နဲဒၣ်ကီၢ်အံၣ်စရ့လးအပှၤပၢတၢ်လၢအအၢအသီဒီးတစီတဆှံ တဂၤဧၢ, နမုၢ်တနံၤ, မုၢ်တနံၤလၢနတၢ်စံၣ်ညီၣ်လၢခံကတၢၢ်အဂီၢ် န့ၣ်ဟဲတုၤဃီၤဝဲလံ.

လံာ်ဧၤမိၣ် 1:14

မၤသးဒ်န့ၣ်ဒီးယဆှၢလီၤမ့ၣ်အူဆူဝ့ၢ်ရးဘးအခိၣ်ဒူဒီးဒွဲၣ်အူကွံာ် အတိာ်ဧိၤတာ်ဧိၤတဖၣ်န့ၣ်လီၤ. တုၤနုၤတစု, တၢ်ကိးပသူ တဖၣ်ကအိၣ်ထီၣ်လၢတၢ်ဒုးတၢ်ယၤအမုၢ်တနံၤဒီးတၢ်ဒုးလိာ်ယၤလိာ် ကဆူၣ်ဝဲဒ်ကလံၤသဝံးအသိးန့ၣ်လီၤ.

လံာ်ဧိၤဘါဒယၤ 1:19

ပှၤလၢကီၢ်ယူဒၤကလံၤထံးတဖၣ်ကမၤန့ၢ်က့ၤ ပှၤအဒိၣ်ဖိအကီၢ် ဒီးပှၤအိၣ်လၢမုၢ်နုာ်ကစၢၢ်အတၢ်ပၢၤထံးတဖၣ်ကမၤန့ၢ်က့ၤပှၤ ဖလ့ၡသးဖိအကီၢ်, ပှၤအံၣ်စရ့လးဖိတဖၣ်ကမၤန့ၢ်က့ၤအ့ဖရဲၣ်အကီၢ်, ၡၤမရံအကီၢ်ဒီးပှၤဘံၣ်ယၤမံၣ်ဖိကမၤန့ၢ်က့ၤကီၢ်ကံၤလဧး လီၤ.

လံာ်တၢ်ဂံၢ် 10:9

ဖဲသုဒုးတၢ်ယၤတၢ်လၢသုကီၢ်ပူၤ, ဒီးသုကဘၣ်ဒီဒၣ်သုသးထီ ဒါသုဒုၣ်သုဒါလၢအဟဲဒုးတၢ်ဒီးသုအခါန့ၣ်, အူထီၣ်တၢ်ဒုးသုးအတၢ်ပနီၣ်လၢကွဲၤတဖၣ်အံၤတက့ၢ်. ယၤ, ယွၤသုကစၢ်ယွၤကမၤစၢၤသုဒီးအုၣ်က့ၤခီၣ်က့ၤသုလၢသု ဒုၣ်သုဒါတဖၣ်အစုပူၤန့ၣ်လီၤ.

လံာ်တၢ်ဂံၢ် 21:25

မၤသးဒ်န့ၣ်ဒီး, ကီၢ်အံၣ်စရ့လးအပှၤဂီၢ်မုၢ်မၤန့ၢ်ကယဲၢ်ပှၤ အမိၢ်ဖိအဝ့ၢ်ခဲလၢာ်ဃုာ်ဒီးဝ့ၢ်ဃ့ၡဘိၣ်ဒီးကယဲၢ်ခူဧိၤဝ့ၢ်ဧိၤအိၣ် လၢအခိၣ်အဃၢၤဒီးသူၣ်လီၤဆီလီၤအသးလၢအပူၤန့ၣ်လီၤ.

လံာ်သိၣ်လီၤသီလီၤတၢ် 13:16

ဟဲစိာ်ဃီၤပှၤဂီၢ်မုၢ်လၢအအိၣ်ဖဲန့ၣ်တဖၣ်အတၢ်ဖိတၢ်လံၤခဲလၢာ် ဒီးပာ်ဖှိၣ်ထီၣ်အီၤဖဲဝ့ၢ်န့ၣ်အတၢ်လီၤပျီတက့ၢ်. ဒီးဆူးထီၣ်ကွံာ်ဝ့ၢ်န့ၣ်ဒီးတၢ်ခဲလၢာ်လၢအအိၣ်လၢအပူၤဒ်တၢ် လုၢ်တမံၤအသိးဆူယွၤသုကစၢ်ယွၤအအိၣ်တက့ၢ်. ဝ့ၢ်န့ၣ်ကဘၣ်တၢ်ပာ်တီၢ်အီၤလၢတၢ်ဟးဂီၤအပူၤလီၤထူလီၤယိာ် ဒီးတၢ်တဘှီထီၣ်က့ၤကဒီးအီၤနီတစုလၢၤဘၣ်န့ၣ်လီၤ.

လံာ်သိၣ်လီၤသီလီၤတၢ် 3:11

(စီၤပၤစီၤဧိာ်မ့ၢ်အစီၤပၤလၢခံကတၢၢ်တဂၤဖဲဝ့ၢ်ရးဘးန့ၣ်လီၤ. အဝဲအကျုာ်န့ၣ်ဘၣ်တၢ်မၤအီၤလၢလၢၢ်ဒီးအလဲၢ်အိၣ်လွံၢ်ပျၢ်ဒီး အထီအိၣ်ဝဲဃုပျၢ်ဃၣ်ဃၣ်ဒ်နီၣ်ထီၣ်အတီလၢတၢ်ပာ်လီၤအီၤအသိး န့ၣ်လီၤ. တၢ်န့ၣ်ဘၣ်တၢ်ထံၣ်အီၤသ့ဒံးဝဲတုၤခဲကနံၣ်အံၤ, လၢပှၤဧၣ်မိၣ်ဖိအဝ့ၢ်, ဝ့ၢ်ရးဘးအပူၤန့ၣ်လီၤ.)

လံာ်စီၤယိၤၡူ 17:11

လၢယံးစၣ်ကၢ်ဒီးအၤၡ့ၢ်အကီၢ်တဖၣ်အပူၤန့ၣ်, မနၤၡ့ၤအိၣ်ဒီးဝ့ၢ်ဘ့ၤသၡၣ်ဒီးဝ့ၢ်ယံးဘျၣ်ဃုာ်ဒီးဝ့ၢ်ဖိတဖၣ် လၢအအိၣ်ဝးတရံးအီၤ, ဃုာ်ဒီးဝ့ၢ်ဒိၢ်, (လၢပီၣ်လဲၣ်ကၢၢ်ခိၣ်) ဝ့ၢ်ဧ့ၣ်ဒိၢ်, ဝ့ၢ်တၤနး, ဝ့ၢ်မကံးဒိၤဒီးဝ့ၢ်ဖိတဖၣ်လၢအအိၣ်ဝးတရံးအီၤန့ၣ်လီၤ.

လံာ်စီၤယိၤၡူ 17:16

အဝဲသ့ၣ်စံးဆၢဝဲ, “ကစၢၢ်ကလိအကီၢ်အံၤတလၢလၢပဂီၢ်ဘၣ်. ဘၣ်ဆၣ်ဒီးပှၤကနၤဧၣ်ဖိလၢပျီတဖၣ်န့ၣ်အိၣ်ဒီးလ့ၣ်ကဟၣ်ထးဒီးဒ်န့ၣ်အသိး, ပှၤလၢအအိၣ်လၢဝ့ၢ်ဘ့ၤသၡၣ်ဒီးဝ့ၢ်ဖိဝးတရံးအီၤတဖၣ်ဒီးပှၤ လၢအအိၣ်လၢဝ့ၢ်ယံးစရ့လးအကစၢၢ်ကဆူးတဖၣ်န့ၣ်အိၣ်စ့ၢ်ကီးဒီး လ့ၣ်ကဟၣ်ထးလီၤ.”