လံာ်ယံးရမံယၤ 49:19 - Sgaw Karen Common Bible

¹⁹ ဒ်ခ့ယုၢ်တဒုဟဲဟးထီၣ်လၢ သ့ၣ်ပှၢ်လၢ အတီၣ် လၢအအိၣ်လၢထံကျိယၢ်ဒ့ၣ်အသရ့ၤဆူ တၢ်အီၣ်ဆၣ်လီၢ် လါဟ့အပူၤအသိးန့ၣ်, ယကဟဲဒီး ဒုးဃ့ၢ်ကွံာ်ပှၤအဒိၣ်ဖိ တဖၣ်သတူၢ်ကလာ်လၢ အထံကီၢ်ဒၣ်ဝဲန့ၣ်လီၤ. အန့ၣ်ဝံၤဒီး ခိၣ်နၢ်လၢယဃုထၢအီၤန့ၣ်ကပၢပှၤကလုာ်န့ၣ်လီၤ. မ့ၢ်မတၤထိၣ်သတြီၤအသးဒီးယၤကသ့လဲၣ်. မ့ၢ်မတၤ, တၤယၤကဘူၣ်တဂၤလဲၣ်. မ့ၢ်မတၤလၢအပၢတၢ်ဒီး ထီဒါယၤကသ့တဂၤလဲၣ်.

လံာ်ယံးရမံယၤ 49:19 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 12:15

လၢလါအခီၣ်ထံးတလါဖဲထံကျိယၢ်ဒ့ၣ်အထံဒိၣ်ထီၣ်ဒီးလုၣ်ဘၢ ထံကၢၢ်ခိၣ်တဖၣ်အကတီၢ်န့ၣ်, အဝဲသ့ၣ်ခီဂာ်ထံကျိဒီးမၤလီၤပြံလီၤပြါကွံာ်ပှၤဂီၢ်မုၢ် လၢအအိၣ်ဝဲဆိးဝဲလၢကစၢၢ်ကဆူးဖဲထံကျိအမုၢ်ထီၣ်ဒီးထံကျိ အမုၢ်နုာ်ခံကပၤလိာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:6

ဒီးဘါထုကဖၣ်လၢအကလုၢ်ဖးဒိၣ်စံးဝဲ, “အိယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤဧၢ, နပၢတၢ်လၢမူခိၣ်, လၢကယဲၢ်ပှၤကလုာ်တဖၣ်လၢဟီၣ်ခိၣ်အံၤအဖီခိၣ်န့ၣ်လီၤ. နအိၣ်ဒီးတၢ်စိတၢ်ကမီၤဒီးနဂံၢ်ဆူၣ်ဘါဆူၣ်, ဒီးပှၤထီဒါနၤတသ့ဘၣ်နီတဂၤဘၣ်.

လံာ်စီၤယိၤဘး 41:10

ဖဲအဘၣ်တၢ်ထိၣ်ဂဲၤထီၣ်အီၤန့ၣ်, အၢထီၣ်သီထီၣ်ဝဲဒိၣ်ဒိၣ်ကလဲာ် ဒီးပှၤဆၢထၢၣ်လၢအမဲာ်ညါဘူၣ်တအိၣ်နီတဂၤဘၣ်.

လံာ်စီၤယိၤဘး 9:19

မ့ၢ်ယကြၢးသူ တၢ်စုဆူၣ်ခီၣ်တကးဧါ. တၢ်စုဆူၣ်ခီၣ်တကးလၢ ကစၢ်ယွၤအဖိခိၣ်န့ၣ်ဧါ. မ့ၢ်ယကြၢးလိာ်ဘၢလိာ်ကွီၢ်အီၤန့ၣ်ဧါ. မတၤမၢအဝဲလဲၤကသ့တဂၤလဲၣ်.

လံာ်စီၤယိၤဘး 9:21

ယတၢ်ကမၣ်မ့ၢ်တအိၣ် ဒၣ်လဲာ်န့ၣ်, ယတကိၢ်တၢ်လၢ ယဂီၢ်ဒၣ်ယဲဘၣ်. ယသးဘၣ်အၢလီၤက့ၤယတၢ်အိၣ်မူဒၣ်ယဲလီၤ.

စံးထီၣ်ပတြၢၤ 143:2

ပျဲယၤ, နခ့နပှၤ ဘၣ်တၢ်လိာ်ကွီၢ်တဂ့ၤ. လၢနမဲာ်ညါပှၤလၢအတၢ်ကမၣ်တအိၣ်ဘၣ်န့ၣ် တအိၣ်နီတဂၤဘၣ်.

စံးထီၣ်ပတြၢၤ 76:7

မ့မ့ၢ်, နဲဒၣ်ယွၤဧၢ, နဘၣ်တၢ်ပျံၤနၤလၢပှၤခဲလၢာ်လီၤ. တုၤနသးထီၣ်န့ၣ်ဒီး, ပှၤဆၢထၢၣ်လၢနမဲာ်ညါတသ့ဝဲနီတဂၤဘၣ်.

စံးထီၣ်ပတြၢၤ 76:8

နမၤသ့ၣ်ညါတ့ၢ်လံနတၢ်စံၣ်ညီၣ်လၢမူခိၣ်, ဒီးပှၤဟီၣ်ခိၣ်ဖိခဲလၢာ်ပျံၤတၢ်ဒီးအိၣ်ဘှီၣ်ဝဲဒၣ်,

စံးထီၣ်ပတြၢၤ 89:6

အဂ့ၢ်ဒ်အံၤ, မ့ၢ်မတၤအိၣ်လၢမူခိၣ်လၢပက ထိၣ်သတြီၤအီၤဒီးယွၤန့ၣ်လဲၣ်. လၢပှၤမူခိၣ်ဖိတဖၣ်အကျါန့ၣ်, မ့ၢ်မတၤလီၤဂာ်ဒီးယွၤန့ၣ်လဲၣ်.

စံးထီၣ်ပတြၢၤ 89:8

ယွၤ, သ့တၢ်လၢာ်အကစၢ်ယွၤဧၢ, မ့ၢ်မတၤအိၣ်ဒီးအစိအကမီၤဒ်နၤအသိးတဂၤလဲၣ်, ယွၤဧၢ, နတၢ်သူၣ်တီသးလိၤအိၣ်ဝးတရံးနၤလီၤ.

လံာ်တၢ်ဟးထီၣ်ကွံာ် 15:11

ယွၤဧၢ, လၢကစၢ်တဖၣ်အကျါန့ၣ်မ့ၢ်မတၤတဂၤလီၤဂာ်ဒ်သိးနၤန့ၣ်လဲၣ်. မ့ၢ်မတၤတဂၤလီၤဂာ်ဒ်သိးနၤလၢတၢ်လီၤလးအတၢ်စီဆှံအပူၤန့ၣ်လဲၣ်. မ့ၢ်မတၤတဂၤမၤတၢ်လီၤလးဒီးမၤတၢ်ဒိၣ်ဒိၣ်မုၢ်မုၢ်တဖၣ်ဒ်နမၤတ့ၢ်အသိးန့ၣ်သ့ဝဲလဲၣ်.

လံာ်ယၡါယၤ 40:25

တၢ်ထိၣ်သတြီၤကစၢ်ယွၤစီဆှံတဂၤအံၤဒီးမတၤကသ့န့ၣ်လဲၣ်. မ့ၢ်ပှၤလၢအလီၤဂာ်ဒီးအီၤအိၣ်ဒံးတဂၤဂၤဧါ.

လံာ်ယၡါယၤ 46:9

သ့ၣ်နီၣ်ထီၣ်က့ၤတၢ်လၢအမၤတ့ၢ်အသးလၢပျၢၤတက့ၢ်. အၢၣ်လီၤအီလီၤလၢထဲယၤတဂၤဧိၤန့ၣ်မ့ၢ်ကစၢ်ယွၤဒီးပှၤ အဂၤ ဒ်သိးယၤတအိၣ်ဝဲနီတဂၤဘၣ်န့ၣ်တက့ၢ်.

လံာ်ယံးရမံယၤ 12:5

ယွၤစံးဝဲဒၣ်, “စီၤယံးရမံယၤဧၢ, နမ့ၢ်လီၤဘှံးလီၤတီၤလၢ ပဃ့ၢ်ပြၢတၢ်ဒီးပှၤကညီအဃိဒီး, နဃ့ၢ်ပြၢတၢ်ဒီးကသ့ၣ်တဖၣ်ကသ့ဒ်လဲၣ်. နဆၢထၢၣ်လၢတၢ်လီၢ်လီၤပျီအပူၤမ့ၢ်တသ့ဘၣ်ဒီး, လၢယၢ်ဒ့ၣ်အကပၤသ့ၣ်ပှၢ်ပူၤန့ၣ် နမၤနဲကသ့ဒ်လဲၣ်.

လံာ်ယံးရမံယၤ 25:9

“ယကမၤလိာ်ကယဲၢ်ပှၤဂီၢ်မုၢ်လၢ ကလံၤစိးတခီ, ဒီးယခ့ယပှၤ ကီၢ် ဘၤဘူၤလိၣ်အစီၤပၤနဘူၤကးန့စၢ်န့ၣ်လီၤ. ယကမၢအဝဲသ့ၣ် ဟဲထီၣ်ဒီးဒုးတၢ်ထီဒါကီၢ်ယူဒၤဒီး ပှၤအိၣ်ဆိးလၢအပူၤတဖၣ်, ဒီးထီဒါစ့ၢ်ကီးပှၤကလုာ်ခဲလၢာ်လၢ အအိၣ်ဘူးအိၣ်တံၢ်ဒီးအီၤန့ၣ်လီၤ. ယကမၤဟးဂီၤကွံာ်ပှၤတကလုာ်အံၤဒီး ပှၤအိၣ်လၢ အဃၢၤတဖၣ် ဒီးပာ်တ့ၢ်အဝဲသ့ၣ်လၢတၢ်ဟးဂီၤအပူၤအစိၤစိၤ အဃၣ်ဃၣ်, ဒီးကကဲထီၣ်တၢ်ထံၣ်ဘၣ်တမံၤဘၣ်တမံၤလၢ အလီၤပျံၤလီၤဖုးဒီး လီၤကမၢကမၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 30:21

အဝဲသ့ၣ်အပှၤပၢတၢ် ကဟဲထီၣ်လၢ အပှၤကလုာ် ဒၣ်ဝဲအကျါ ဒီးအစီၤပၤဖိလၢ အပှၤဂီၢ်မုၢ်ဒၣ်ဝဲအကျါလီၤ. အဝဲကသုးဘူးအသးဆူ ယအိၣ်ဖဲ ယကွဲမုာ်အီၤလီၤ. အဂ့ၢ်ဒ်အံၤ, ယမ့ၢ်တကွဲမုာ်ဘၣ်ဒီး မ့ၢ်မတၤဟဲကဘူၣ်တဂၤလဲၣ်.

လံာ်ယံးရမံယၤ 4:7

ဒ်ခ့ယုၢ်တဒုဟဲထီၣ်လၢအတၢ်အိၣ်ခူသူၣ်အလီၢ်အသိးန့ၣ်, ပှၤတဂၤလၢကမၤဟးဂီၤပှၤကလုာ်တဖၣ်ဟဲဟးထီၣ်လံန့ၣ်လီၤ. အဝဲဒၣ်ဟဲဝဲလၢကမၤဟးဂီၤကီၢ်ယူဒၤအဂီၢ်လီၤ. ကီၢ်ယူဒၤအဝ့ၢ်တဖၣ်ကအိၣ်လီၤတဲာ်လၢတၢ်ဟးဂူာ် ဟးဂီၤအပူၤဒီးပှၤတအိၣ်လၢအဝဲသ့ၣ်အပူၤ နီတဂၤဘၣ်န့ၣ်လီၤ.

လံာ်ဒၤနံးယ့လး 7:4

အခီၣ်ထံးတဒုလီၤဂာ်ဒီးခ့ယုၢ်တဒု, ဘၣ်ဆၣ်အိၣ်ဒီးအဒံးဆ့ တဖၣ်ဒ်လံာ်ကြီကြာ်တဘ့ၣ်အသိးန့ၣ်လီၤ. ဖဲယခိးကွၢ်တၢ်အဖၢမုၢ်န့ၣ်အဒံးတဖၣ်ယာ်ဖျ့ကွံာ်ခဲလၢာ် လီၤ. ဒီးဆၣ်ဖိကီၢ်ဖိအၢအၢသီသီန့ၣ်ဘၣ်တၢ်ဝံၢ်ထီၣ် အီၤဒီးဒုးဆၢထၢၣ်အီၤဒ်ပှၤကညီတဂၤအသိးန့ၣ်လီၤ. အန့ၣ်ဝံၤဒီးဘၣ်တၢ်ဟ့ၣ်လီၤအီၤလၢပှၤကညီအသးန့ၣ်လီၤ.

လံာ်နၤဃူၣ် 1:6

မ့ၢ်မတၤကွၢ်ဆၢၣ်မဲာ်အတၢ်သးထီၣ်ကန့ၢ်တဂၤလဲၣ်. ဒီးမ့ၢ်မတၤတူၢ်အတၢ်သးကဲၤထီၣ်ကကဲဝဲတဂၤန့ၣ်လဲၣ်. လူလီၤဝဲအတၢ်သးကဲၤထီၣ်, ဒီးလၢၢ်ဧိၤလ့ဧိၤကၢ်လီၤကလဲကွံာ်ဆူဖၣ်ကမူၣ်လၢအမဲာ်ညါလီၤ.

လံာ်စကၤရယၤ 11:3

ပှၤပၢတၢ်တဖၣ်ဟီၣ်ပသူထီၣ်လၢတၢ်သးအုးအပူၤလီၤ. အဂ့ၢ်ဒ်အံၤ, အဝဲသ့ၣ်အလၤကပီၤလီၤမၢ်ကွံာ်လံ. ဒိကနၣ်ခ့ယုၢ်တဖၣ်အတၢ်ကညီၤထီၣ်န့ၣ်တက့ၢ်. အဂ့ၢ်ဒ်အံၤ, အဝဲသ့ၣ်အိၣ်ဆိးအလီၢ်လၢအအိၣ်ဝဲဖဲထံကျိ ယၣ်ဒ့ၣ်အသရ့ၤန့ၣ်ဘၣ်တၢ်မၤဟးဂီၤအီၤလံ.

လံာ်တၢ်ဂံၢ် 16:5

အန့ၣ်ဝံၤဒီးအဝဲဒၣ်စံးဘၣ်စီၤကိၤရး, ဒီးပှၤပိာ်အခံတဖၣ်, “ခဲမုၢ်ဆ့ၣ်ဂီၤခီန့ၣ်ယွၤကဒုးနဲၣ်ပှၤလၢမတၤမ့ၢ်ပှၤဘၣ်ဃး ဒီးအီၤလဲၣ်န့ၣ်လီၤ. အဝဲကပျဲပှၤတဂၤလၢအဘၣ်ဃးဒီးအီၤ, ဒ်ပစံးတၢ်အသိးပှၤလၢအဃုထၢတ့ၢ်ဝဲ, ကသုးဘူးအသးဆူအအိၣ်ဖဲတၢ်လုၢ်လီၢ်န့ၣ်လီၤ.

လံာ်စီၤယိၤၡူ 3:15

တုၤပှၤလုၢ်တၢ်အခိၣ်တဖၣ်အခီၣ်လီၤဘျၢလၢထံကျါန့ၣ်ဒီး

လံာ်လီၣ်ဖျါ 6:17

အဝဲသ့ၣ်အတၢ်သးထီၣ်အမုၢ်နံၤလီၤပျံၤလီၤဖုးတနံၤန့ၣ် တုၤအိၣ်ဝဲခဲကနံၣ်အံၤလံ. ဒီးမတၤကွၢ်ဆၢၣ်မဲာ်အီၤကသ့ တဂၤလဲၣ်.”