လံာ်ယံးရမံယၤ 49:17 - Sgaw Karen Common Bible

¹⁷ ယွၤစံးဝဲ, “တၢ်မၤဟးဂီၤလၢကလီၤဘၣ် ကီၢ်အဒိၣ်အံၤ ကလီၤပျံၤလီၤဖုးတုၤ ဒၣ်လဲာ် ပှၤကိးဂၤဒဲးလၢ အလဲၤတြူာ်ဘၣ်အီၤန့ၣ်, ကကမၢကမၣ်ဝဲဒီး ကပျံၤ တၢ်ဖုးတၢ်န့ၣ်လီၤ.

လံာ်ယံးရမံယၤ 49:17 Iomraidhean Croise

လံာ်စီၤပၤအခီၣ်ထံးတဘ့ၣ် 9:8

ယွၤအတၢ်လုၢ်ဟံၣ်အံၤကကဲထီၣ်တၢ်ဟးဂီၤအပူၣ်တပူၣ်, ဒီးကယဲၢ်ပှၤတဂၤလၢ်လၢ်လၢအလဲၤခီဂာ်အီၤန့ၣ်ကသူၣ်ပျံၤသးဖုး ဒီးကမၢကမၣ်ဝဲဒီးကစံးဝဲ, ယွၤမၤကီၢ်အံၤဒီးယွၤအတၢ်လုၢ်ဟံၣ်အံၤဒ်သိးအံၤ, ဘၣ်မနုၤလဲၣ်.

လံာ်ယံးရမံယၤ 18:16

အဝဲသ့ၣ်ဒုးကဲထီၣ်တ့ၢ်ကီၢ်အံၤလၢတၢ် လီၤပျံၤလီၤဖုးအလီၢ်တတီၤ, လၢတၢ်ကသးဘၣ်အၢအီၤလီၤထူလီၤယိာ် အဂီၢ်န့ၣ်လီၤ. ကယဲၢ်ပှၤလၢအလဲၤခီဘၣ်ဖဲန့ၣ်, ကကမၢကမၣ်ဒီးသူၣ်ပျံၤသးဖုး လၢတၢ်လၢအဝဲသ့ၣ်ထံၣ်ဘၣ်ဝဲအဃိန့ၣ်လီၤ. အဝဲသ့ၣ်ကဂံၤဂုၤအခိၣ်လၢ တၢ်ကမၢကမၣ်အပူၤန့ၣ်လီၤ.

လံာ်ယံးရမံယၤ 49:13

ယကစၢ်ဒၣ်ယဲ ယဆိၣ်တၢ်လၢ ဝ့ၢ်ဘိးစရၤကကဲ ထီၣ်တၢ်ထံၣ်အလီၢ်တတီၤလၢ အလီၤပျံၤလီၤဖုးဒီး မဲးမုၢ်ခိၣ်တတီၤန့ၣ်လီၤ. ပှၤဂီၢ်မုၢ် ကကတိၤဒုၣ်ဒွဲၣ် အီၤဒီး သူ အမံၤဒ်တၢ်ဆိၣ်အၢတမံၤအသိးန့ၣ်လီၤ. သဝီတဖၣ်လၢ အအိၣ်ဘူးအိၣ်တံၢ်ကအိၣ်လၢ တၢ် ဟးဂီၤအပူၤလီၤထူလီၤယိာ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 50:13

မ့ၢ်လၢယသးဒိၣ်ထီၣ်အဃိ, ပှၤတအိၣ်ဆိးဘၣ်လၢ ကီၢ်ဘၤဘူၤလိၣ်အပူၤနီတဂၤဘၣ်. ကအိၣ်တ့ၢ်လၢတၢ်ဟးဂီၤ အပူၤဒီးပှၤလၢအလဲၤတြူာ်ဘၣ်အီၤခဲလၢာ် ကကမၢကမၣ်ဒီးအသးကလီၤကတုၤဝဲလီၤ.

လံာ်ယံးရမံယၤ 51:37

ထံကီၢ်န့ၣ် ကကဲထီၣ်တၢ်ဟးဂီၤတဖၣ်အတၢ်ပူၣ် ထီၣ်အသးတပူၣ်ဖဲဆၣ်ဖိကီၢ်ဖိအမံၤတဖၣ်အိၣ်ဆိး ဝဲန့ၣ်လီၤ. ကမ့ၢ်တၢ်ထံၣ်အလီၢ်လၢ အလီၤပျံၤလီၤဖုးဝဲ တတီၤလီၤ. ပှၤကအိၣ်ကဆိးဖဲန့ၣ် တအိၣ်နီတဂၤဘၣ်. ဒီးပှၤလၢ အထံၣ်ဘၣ်အီၤခဲလၢာ်န့ၣ်, ကပျံၤတၢ်ဖုးတၢ်လီၤ.

လံာ်ယဃ့းစက့လး 25:13

ခဲကနံၣ်အံၤ, ယဘိးဘၣ်သ့ၣ်ညါလၢယကစံၣ်ညီၣ်ကီၢ်အဒိၣ်ဒီးမၤသံ ကွံာ်ကယဲၢ်ပှၤကညီဒီးဆၣ်ဖိကီၢ်ဖိခဲလၢာ်န့ၣ်လီၤ. ယကဒုးကဲထီၣ်အီၤလၢတၢ်အိၣ်သယုၢ်အလီၢ်တတီၤစးထီၣ်လၢဝ့ၢ်တ့ၤ မၣ်တုၤဆူဝ့ၢ်ဒံဒၣ်ဒီးပှၤဂီၢ်မုၢ်ကဘၣ်တၢ်မၤသံအီၤ လၢတၢ်ဒုးပျီပူၤန့ၣ်လီၤ.

လံာ်ယဃ့းစက့လး 27:36

နတအိၣ်လၢၤဘၣ်. နဟါမၢ်ကွံာ်လီၤစိၤ လီၤထီလံ, ဒီးကယဲၢ်ပှၤကူၣ်တၢ်ကၤတၢ်ဖိလၢ ဟီၣ်ခိၣ်ဒီဘ့ၣ်သူၣ်ပျံၤသးဖုး, ပျံၤတၢ်ဖုးတၢ်လၢ နတၢ်ဟဲဝံအၢအံၤ ကဘၣ်ဘၣ်ဖုးအဝဲသ့ၣ်န့ၣ်လီၤ.”

လံာ်ယဃ့းစက့လး 35:15

ဒ်သိးဒၣ်, သုသူၣ်ဖှံသးညီသုဝဲလၢကီၢ်အံၣ်စရ့လးလၢအမ့ၢ်ယတၢ် ဒၣ်ယဲအတၢ်မၤဟးဂူာ်ဟးဂီၤအဃိန့ၣ်လီၤ. စ့ဧၢ်အကစၢၢ်ကလိတဖၣ် မ့ၢ်မး, ကီၢ်အဒိၣ်ဒီဘ့ၣ်ညါမ့ၢ်ဂ့ၤကအိၣ်သယုၢ်လီၤဃီန့ၣ်လီၤ. အန့ၣ်တစုပှၤကိးဂၤဒဲးကသ့ၣ်ညါဝဲလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 35:3

တဲဘၣ်ပှၤဂီၢ်မုၢ်, တၢ်လၢယၤ, ယွၤပၢဘၣ်တၢ်ခဲလၢာ်ကစၢ် ကစံးဝဲန့ၣ်တက့ၢ်. ကီၢ်အဒိၣ်အကစၢၢ်ကလိသ့ၣ်ဧၢ, ယမ့ၢ်သုဒုၣ်သုဒါန့ၣ်လီၤ. ယကဒုးကဲထီၣ်သုလၢတၢ် လီၢ်အိၣ်သယုၢ်လီၤဃီတတီၤန့ၣ်လီၤ.

လံာ်ယဃ့းစက့လး 35:7

ယကဒုးကဲထီၣ်ကီၢ်အဒိၣ်အတၢ်လူၢ်တၢ်တြီၤအကီၢ်လၢတၢ်လီၢ် တတီၤလၢအဘျုးတအိၣ်ဘၣ်, ဒီးမၤသံပှၤကိးဂၤဒဲးလၢ အလဲၤခီဂာ်အီၤန့ၣ်လီၤ.

လံာ်မံကၤ 6:16

တၢ်အံၤကမၤအသးလီၤ. အဂ့ၢ်ဒ်အံၤ, သုမၤထွဲတ့ၢ်စီၤပၤစီၤဧိၢ်ရံၤဒီးအဖိခွါစီၤပၤစီၤ အၤဃာ်အလုၢ်အၢလၢ်သီတဖၣ်အခံလီၤ. သုလဲၤတၢ်လၢအဝဲသ့ၣ်အတၢ်သိၣ်တၢ်သီအကျဲတဖၣ်အပူၤဒီးတဆိ တ့ၢ်ဘၣ်သတးဒီးယကမၤဟးဂီၤသု ဒီးပှၤကိးဂၤကစူးကွံာ်ညိကွံာ်သုလီၤ. ဒီးယပှၤဂီၢ်မုၢ်လၢတၢ်လီၢ်ကိးပူၤဒဲးကသးဘၣ်အၢသုလီၤ.” revised 16-2-98

လံာ်စဖါနယၤ 2:15

တၢ်န့ၣ်မ့ၢ်တၢ်ကမၤအသးဒီးဝ့ၢ်လၢအပာ်ကဖၢလၢ အသးလၢအစိအကမီၤဒၣ်ဝဲဒီးဆိကမိၣ်လီၤအသးလၢ အပူၤဖျဲးလံန့ၣ်လီၤ. အပှၤဝ့ၢ်ဖိသ့ၣ်တဖၣ်ဆိကမိၣ်ဝဲလၢအဝဲသ့ၣ်အဝ့ၢ်မ့ၢ်တၢ်အဒိၣ် ကတၢၢ်လၢဟီၣ်ခိၣ်ချၢလီၤ. ကကဲထီၣ်တၢ်အိၣ်သယုၢ်အလီၢ်တတီၤဖဲဆၣ်ဖိကီၢ်ဖိအမံၤတဖၣ်အိၣ် ဘှံးအိၣ်သါဝဲန့ၣ်လီၤ. ကယဲၢ်ပှၤလၢအလဲၤတြူာ်အီၤကိးဂၤဒဲးကသံးက့ၤအသးဆူအလီၢ်ခံ လၢတၢ်ပျံၤတၢ်ဖုးအပူၤန့ၣ်လီၤ.

လံာ်သိၣ်လီၤသီလီၤတၢ် 29:22

လၢစိၤလၢအကဟဲတဖၣ်အပူၤန့ၣ်, သုစၢၤသုသွဲၣ်တဖၣ်ဒီးပှၤတခီဘီမုၢ်ဖိတဖၣ်လၢထံကီၢ်အယံၤတဖၣ်, ကထံၣ်တၢ်တတၢးတနါတဖၣ်ဒီးတၢ်နးတၢ်ဖှီၣ်တဖၣ်လၢယွၤဒုးလီၤဘၣ် အီၤလၢသုထံသုကီၢ်အဖီခိၣ်န့ၣ်လီၤ.