လံာ်ယံးရမံယၤ 49:12 - Sgaw Karen Common Bible

¹² ပှၤတဖၣ်လၢ အတကြၢးတၢ်စံၣ်ညီၣ်အီၤဒၣ်လဲၣ်, မ့ၢ်ဘၣ်အီၤတၢ်လၢ တၢ်စံၣ်ညီၣ်အလီခီပူၤဒီး, မ့ၢ်သုဆိကမိၣ်လၢ သုကပူၤဖျဲးဒီးတၢ်စံၣ်ညီၣ်န့ၣ်ဧါ. တပူၤဖျဲးဘၣ်. သုကဘၣ်အီတၢ်လၢလီခီန့ၣ်အပူၤလီၤ.

လံာ်ယံးရမံယၤ 49:12 Iomraidhean Croise

တၢ်ကတိၤဒိ. 17:5

နမ့ၢ်နံၤဘၣ်ဖၣ်လဲပှၤဖှီၣ်ဖိယာ်ဖိဒီးနဒုၣ်ဒွဲၣ်ကစၢ်ယွၤလၢ အတ့လီၤအဝဲသ့ၣ်လီၤ. နမ့ၢ်သးခုလၢပှၤအဂၤတဂၤအတၢ်ဟဲဝံတဂ့ၤတဘၣ်ဒီး, နကဘၣ်တၢ်စံၣ်ညီၣ်လီၤ.

လံာ်ယံးရမံယၤ 25:15

ယွၤ, အံၣ်စရ့လး အကစၢ်ယွၤ, စံးဘၣ်တ့ၢ်ယၤ, “အအံၤမ့ၢ် စပံးထံအလီခီတဖျၢၣ်လၢ အပှဲၤဒီးယတၢ်သးကဲၤထီၣ်န့ၣ်လီၤ. ပှၤကလုာ်ခဲလၢာ်လၢယမၢလီၤနၤဒ်သိး နကလဲၤဆူအအိၣ်န့ၣ်, လဲၤစိာ်န့ၢ်အီၤဒီး မၢအဝဲသ့ၣ်အီအီၤတက့ၢ်.

လံာ်ယံးရမံယၤ 30:11

ယကဟဲဆူသုအိၣ်ဒီး အုၣ်က့ၤခီၣ်က့ၤသုန့ၣ်လီၤ. ယတမၤဟးဂီၤကွံာ်သုဘၣ်. ယတပျဲပူၤသုလၢ တၢ်စံၣ်ညီၣ်ဘၣ်. ဘၣ်ဆၣ်ဖဲယစံၣ်ညီၣ်သုန့ၣ်, ယကမၤအီၤဖဲ အတီအဘၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 46:27

“ယပှၤဂီၢ်မုၢ်သ့ၣ်ဧၢ, ပျံၤတၢ်တဂ့ၤ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ပျံၤတၢ်ဖုးတၢ်တဂ့ၤ. ယကမၤထူၣ်ဖျဲးသုလၢ ထံကီၢ်လၢအယံၤတဘ့ၣ်, လၢထံကီၢ်တဘ့ၣ်ဖဲ တၢ်စိာ်မၢကဲကုၢ်သုန့ၣ်လီၤ. သုကဟဲက့ၤကဒါက့ၤ ဆူဟံၣ်ဒီးအိၣ်ဆိးလၢ တၢ်ဃူတၢ်ဖိးအပူၤန့ၣ်လီၤ. သုကအိၣ်ဂၢၢ်ဆိးကျၢၤဒီး ပှၤတမၤပျံၤဘၣ်သုနီတဂၤဘၣ်.

လံာ်ဧိၤဘါဒယၤ 1:16

အဂ့ၢ်ဒ်အံၤ, ဒ်သုအီတ့ၢ်တၢ်စံၣ်ညီၣ်အလီခီလၢ ယကစၢၢ်စီဆှံအလိၤအသိးန့ၣ်, ပှၤကလုာ်အိၣ်ဝးတရံးခဲလၢာ်စ့ၢ်ကီးကအီဝဲလီၤ. ကအီဝဲဒီးယူၢ်လီၤဝဲဆၢထၢၣ်တကျၢၤလၢၤဘၣ်ဒီးကဟါမၢ်ကွံာ် ဝဲဒ်ပှၤလၢအတအိၣ်တ့ၢ်ဘၣ်နီတစုအသိးန့ၣ်လီၤ.

လံာ်မးသဲ 20:22

ဘၣ်ဆၣ်ယ့ၣ်ၡူးစံးဆၢအဝဲသ့ၣ်ဒီးစံး, “သုဃ့တၢ်မနုၤမနုၤ လဲၣ်န့ၣ်, သုတသ့ၣ်ညါဘၣ်. တၢ်နးတၢ်ဖှီၣ်အလီခီလၢယကဘၣ်အီန့ၣ်, မ့ၢ်သုအီကကဲကစီဒီဧါ.” အဝဲသ့ၣ်စံးဆၢအီၤ, “ကဲကစီဒီလီၤ.”