လံာ်ယံးရမံယၤ 49:10 - Sgaw Karen Common Bible

¹⁰ မ့မ့ၢ်ယဲဒၣ်, ယဂုာ်န့ၢ်ကွံာ် စီၤဧ့ၡီၤအစၢၤအသွဲၣ်တဖၣ်လၢာ်လၢာ်ဆ့ဆ့ ဒီး ယလီၣ်ဖျါအတၢ်အိၣ်ခူသူၣ်အလီၢ်တဖၣ်တုၤအဝဲသ့ၣ် အိၣ်ခူသူၣ်က့ၤဝဲ တသ့လၢၤဘၣ်န့ၣ်လံ. ကီၢ်အဒိၣ်အပှၤဂီၢ်မုၢ်ခဲလၢာ် ဘၣ်တၢ်မၤဟးဂီၤအီၤလံ. တအိၣ်လီၤတဲာ်နီတဂၤလၢၤဘၣ်.

လံာ်ယံးရမံယၤ 49:10 Iomraidhean Croise

စံးထီၣ်ပတြၢၤ 37:28

အဂ့ၢ်ဒ်အံၤ, ယွၤအဲၣ်တၢ်လၢအမ့ၢ်အတီ ဒီးတလဲၤသဒၣ်အပှၤစီဆှံနီတဘျီဘၣ်. အဝဲကဟုဘံၣ်ကယာ်ဘၢအဝဲသ့ၣ်လီၤစိၤလီၤထီ, ဘၣ်ဆၣ်ပှၤအၢပှၤသီအဖိအလံၤတဖၣ် ကဘၣ်တၢ်ဒီၣ်တဲာ်ကွံာ်အီၤလီၤ.

လံာ်ယၡါယၤ 17:14

လၢမုၢ်ဟါန့ၣ်, အဝဲသ့ၣ်မၤပျံၤမၤဖုးတၢ်, ဘၣ်ဆၣ်ဒီး, တုၤမုၢ်ဂီၤအကတီၢ်န့ၣ်, အဝဲသ့ၣ်လဲၤပူၤကွံာ်ဝဲလီၤ. တၢ်န့ၣ်မ့ၢ်ပှၤကိးဂၤဒဲးလၢအဂုာ်ဆူၣ်ပျီဆူၣ်ပထံပကီၢ်အတၢ် ဟဲဝံဟဲစိာ်န့ၣ်လီၤ.

လံာ်ယၡါယၤ 45:3

ယကဟ့ၣ်လီၤနၤတၢ်လုၢ်ဒိၣ်ပှ့ၤဒိၣ်တဖၣ်လၢ တၢ်လီၢ်ခူသူၣ်ခံးသူတဖၣ်အပူၤန့ၣ်လီၤ. အန့ၣ်တစု, နကသ့ၣ်ညါလၢယမ့ၢ်ယွၤ ဒီးအံၣ်စရ့လးအကစၢ်ယွၤလၢအကိးတ့ၢ်နၤလၢနမံၤန့ၣ်လီၤ.

လံာ်ယံးရမံယၤ 13:26

ယွၤအကစၢ်ဒၣ်ဝဲကဘ့ၣ်ကွံာ်နကူနကၤတဖၣ်ဒီးပာ်ဖျါနတၢ် အိၣ်ဘ့ၣ်ဆ့လၢနတၢ်မၤမဲာ်ဆှးနၤအဂီၢ်န့ၣ်လီၤ.

လံာ်ယံးရမံယၤ 23:24

ပှၤအိၣ်ခူသူၣ်လၢတၢ်လီၢ်ဖဲယထံၣ်အီၤတသ့, တအိၣ်နီတဂၤဘၣ်. မ့ၢ်သုတသ့ၣ်ညါဘၣ်လၢယအိၣ် လၢတၢ်လီၢ်ကိးပူၤဒဲးလၢမူခိၣ်ဒီးလၢဟီၣ်ခိၣ်န့ၣ်ဘၣ်ဧါ.

လံာ်သးသယုၢ်တၢ် 4:22

ဝ့ၢ်စံယိၣ်ဟ့ၣ်တ့ၢ်တၢ်အပှ့ၤလၢအတၢ်ဒဲးဘးအဂီၢ်လံ. ယွၤတပာ်ပှၤလၢတၢ်စိာ်မၢကဲကုၢ်အလီၢ် ယံာ်ယံာ်လၢၤဘၣ်. မ့မ့ၢ်ကီၢ်အဒိၣ်ဧၢ, ကစၢ်ယွၤကစံၣ်ညီၣ်နၤ, ကလီၣ်ဖျါထီၣ်နတၢ်မၤ, တၢ်သရူးကမၣ်တဖၣ်န့ၣ်လီၤ.

လံာ်ဧၤမိၣ် 9:3

အဝဲသ့ၣ်မ့ၢ်ပာ်ခူသူၣ်အသးလၢကစၢၢ်ကၢ်မ့ၤလးအဒီခိၣ်ဒၣ်လဲာ် ယကဃုထံၣ်အီၤဒီးဖီၣ်န့ၢ်အီၤလီၤ. အဝဲသ့ၣ်မ့ၢ်ပာ်တဒၢအသးလၢယမဲာ်ညါလၢပီၣ်လဲၣ်အခံဒးဒၣ်လဲာ် ယကမၤလိာ်ပီၣ်လဲၣ်အပယိၤအ့ၣ်အီၤန့ၣ်လီၤ.

လံာ်ဧိၤဘါဒယၤ 1:6

စီၤဧ့ၡီၤအစၢၤအသွဲၣ်, ပှၤအဒိၣ်ဖိသ့ၣ်ဧၢ, သုတၢ်ထူးတၢ်တီၤတဖၣ်ဘၣ်တၢ်ဂုာ်န့ၢ်ဆူၣ် အီၤလံ.

လံာ်ဧိၤဘါဒယၤ 1:9

ပှၤဒုးသုးဖိတဖၣ်လၢဝ့ၢ်တ့ၤမၣ်အပူၤကပျံၤတၢ် ဒီးကယဲၢ်ပှၤသုးဖိတဖၣ်လၢကီၢ်အဒိၣ်ပူၤန့ၣ်ကဘၣ်တၢ်မၤသံကွံာ် အီၤလီၤ.

ရိမ့ၤ 9:13

ဒ်တၢ်ကွဲးအသးစီဆှံစံးဝဲအသိး, “ယအဲၣ်စီၤယၤကိာ်, မ့မ့ၢ် စီၤဧ့ၡီၤန့ၣ်ယသးဟ့အီၤလီၤ” (မၤ ၁:၂-၃).