လံာ်ယံးရမံယၤ 48:9 - Sgaw Karen Common Bible

⁹ သူၣ်ထီၣ်တၢ်သွၣ်ခိၣ်အလၢၢ်ထူၣ်တထူၣ်လၢ ကီၢ်မိၤအးအဂီၢ်တက့ၢ်. တယံာ်လၢၤဘၣ်ဒီး တၢ်ကမၤဟးဂီၤကွံာ်အီၤလီၤ. အဝ့ၢ်တဖၣ် ကအိၣ်သယုၢ် ဒီးပှၤတအိၣ်ဆိးဝဲ ကဒီးဘၣ်လၢ အပူၤနီတဂၤဘၣ်.”

လံာ်ယံးရမံယၤ 48:9 Iomraidhean Croise

စံးထီၣ်ပတြၢၤ 11:1

ယသန့ၤယသးလၢယွၤလၢတၢ်ပူၤဖျဲးအဂီၢ်န့ၣ်လီၤ. နမ့ၢ်မးပှၤဟးဂီၤဖိဖဲနစံးဘၣ်ယၤ, “ယူၤကွံာ်ဒ်ထိၣ်တဘ့ၣ်အသိးဆူကစၢၢ်န့ၣ်တက့ၢ်.

စံးထီၣ်ပတြၢၤ 55:6

ဒီးယစံး, မ်ယအိၣ်ဒီးဒံးဆ့ဒ်ထိၣ်လွံၢ်အသိးန့ၣ်တ က့ၢ်. ယကယူၤထီၣ်ကွံာ်ဒီးအိၣ်ဘှံးအိၣ်သါလီၤ.

လံာ်ယၡါယၤ 16:2

အဝဲသ့ၣ်အိၣ်ခိးတၢ်ဖဲထံကျိအၤနိၣ် အကၢၢ်ခိၣ်ဒီးသုးအသးဖဲအံၤဖဲနုၤ လၢတၢ်တိာ်တအိၣ်ဘၣ်အပူၤ, ဒ်ထိၣ်တဖၣ်လၢအဘၣ် တၢ်နီၣ်ထီၣ်ကွံာ်အီၤလၢအသွံပူၤအသိးန့ၣ်လီၤ.

လံာ်ယံးရမံယၤ 44:22

အအံၤတနံၤအံၤဒၣ်လဲာ်, သုထံသုကီၢ်အိၣ်လီၤ တဲာ်လၢ တၢ်ဟးဂူာ်ဟးဂီၤအပူၤ, ဒီးပှၤတအိၣ်ဆိးလၢ အပူၤနီတဂၤလၢၤဘၣ်. တၢ်န့ၣ်ကဲထီၣ်တၢ်ထံၣ်အလီၢ်တတီၤလၢ အလီၤပျံၤလီၤဖုးဒီၤ ပှၤဂီၢ်မုၢ်သူအမံၤဒ်တၢ်ဆိၣ်အၢတမံၤအသိး, မ့ၢ်လၢယွၤတူၢ်သု တၢ်မၤအအၢအသီဒီး တၢ်မၤလၢ အလီၤသးဘၣ်အၢတဖၣ် တကဲလၢၤဘၣ်အဃိန့ၣ်လီၤ.

လံာ်ယံးရမံယၤ 46:19

သုဝဲကီၢ်အဲၤကူပတူးအပှၤဂီၢ်မုၢ်သ့ၣ်ဧၢ, အိၣ်ကတဲာ်ကတီၤသုသးလၢ သုကလဲၤကဲ ကုၢ်အဂီၢ်တက့ၢ်. ဝ့ၢ်မဲဖံးကဘၣ်တၢ်ဒုးကဲထီၣ်အီၤဆူ မဲးမုၢ်ခိၣ်တတီၤ, တၢ်ဟးဂီၤအလီၢ်တပူၤဖဲ ပှၤတအိၣ်တဆိးနီတဂၤ ဘၣ်န့ၣ်လီၤ.

လံာ်ယံးရမံယၤ 48:28

သုဝဲပှၤဂီၢ်မုၢ်လၢ အအိၣ်ဆိးလၢ ကီၢ်မိၤအးအပူၤ သ့ၣ်ဧၢ, ဟးထီၣ်လၢသုဝ့ၢ်တဖၣ်အပူၤတက့ၢ်. လဲၤဒီးအိၣ်ဆိးလၢ လ့ကဘျၣ်ဖးထီတဖၣ်အလိၤတက့ၢ်. မၤသုသးဒ် ထိၣ်လွံၢ်လၢ အမၤအသွံလၢ တၢ်တြိအကပၤ အသိးန့ၣ်တက့ၢ်.

လံာ်စဖါနယၤ 2:9

ဒ်ယမ့ၢ်နီၢ်နီၢ်ယွၤလၢအမူဝဲ, ပှၤအံၣ်စရ့လးဖိအကစၢ်ယွၤအသိးန့ၣ်ယဆိၣ်တၢ်လၢကီၢ်မိၤအးဒီး ကီၢ်ဧၣ်မိၣ်ကဘၣ်တၢ်မၤဟးဂီၤကွံာ်အီၤဒ်ဝ့ၢ်စဒိၣ်ဒီးဝ့ၢ်ဂမိၤရၤ အသိးန့ၣ်လီၤ. အဝဲသ့ၣ်ကကဲထီၣ်အံသၣ်အပူၤတဖၣ် အလီၢ်တတီၤဒီးတၢ်ဟးဂီၤအထူအယိာ်လၢအဘၣ် တၢ်ခဲဘၢကွံာ်အီၤလၢနီၣ်ဧိၤမံၤဧိၤန့ၣ်လီၤ. ယပှၤဂီၢ်မုၢ်လၢအအိၣ်မူတ့ၢ်တဖၣ်ကဂုာ်န့ၢ်မၤဟးဂီၤဒီးဟံး န့ၢ်အကီၢ်န့ၣ်လီၤ.”

လံာ်လီၣ်ဖျါ 12:14

ဘၣ်ဆၣ်ဒီး, ပိာ်မုၣ်ဘၣ်တၢ်ဟ့ၣ်အီၤလံာ်ကြီကြာ်ဖးဒိၣ် အဒံးဆ့ခံဘ့ၣ်ဒ်သိးအကယူၤကွံာ်ဆူအလီၢ်အိၣ်လီၢ်ဆိးလၢ ပှၢ်မုၢ်ကနၢ, ဖဲအဝဲဒၣ်ကဘၣ်တၢ်အံးထွဲကွၢ်ထွဲအီၤလၢသၢနံၣ် တခီအတီၢ်ပူၤ, ပူၤပူၤဖျဲးဖျဲးဒီးပယိၤန့ၣ်လီၤ.