လံာ်ယံးရမံယၤ 48:46 - Sgaw Karen Common Bible

⁴⁶ သူၣ်ကညီၤသးကညီၤဘၣ် ကီၢ်မိၤအးအပှၤဂီၢ်မုၢ်တက့ၢ်. ပှၤဂီၢ်မုၢ်လၢ အဘူၣ်ထီၣ်ဘါထီၣ်ကမိၣ်ဘၣ်တၢ်မၤဟးဂီၤအီၤလံ. ဒီးအဖိခွါတဖၣ်ဒီး အဖိမုၣ်တဖၣ်ဘၣ်တၢ်စိာ်မၢကဲကုၢ်အီၤလံ.

လံာ်ယံးရမံယၤ 48:46 Iomraidhean Croise

လံာ်စီၤပၤအခီၣ်ထံးတဘ့ၣ် 11:7

လၢဝ့ၢ်ယရူၤၡလ့ၣ်မုၢ်ထီၣ်အကစၢၢ်ဒီခိၣ်န့ၣ်အဝဲမၤထီၣ်တၢ်လီၢ် တတီၤလၢကဘူၣ်ထီၣ်ဘါထီၣ်ကီၢ်မိၤအးအကစၢ်တဖၣ်လၢအလီၤသးဘၣ် အၢ, ကမိၣ်အဂီၢ်, ဒီးတၢ်လီၢ်တတီၤလၢကဘူၣ်ထီၣ်ဘါထီၣ်ကီၢ်ဧၣ်မိၣ်အကစၢ်လၢတၢ်လီၤ သးဘၣ်အၢမိလးအဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:13

စီၤယိၤၡံယၤမၤဘၣ်အၢဘၣ်သီကွံာ်တၢ်လုၢ်လီၢ်တဖၣ်လၢစီၤပၤ စီၤၡလိၤမိၤဘှီထီၣ်တ့ၢ်ဝဲလၢအအိၣ်လၢဝ့ၢ်ယရူၤၡလ့ၣ်အမုၢ်ထီၣ်, ဒီးကစၢၢ်သ့ၣ်စၤယံးအကလံၤထံးလၢတၢ်ကဘူၣ်ထီၣ်ဘါထီၣ်တၢ်ဂီၤ တၢ်ဖီၣ်လီၤသးဘၣ်အၢတဖၣ်လၢအမ့ၢ်ပှၤစံဒိၣ်ဖိအကစၢ်မုၣ်ဧၤၡ တြိး, ပှၤမိၤအးဖိအကစၢ်ကမိၣ်, ဒီးပှၤဧၣ်မိၣ်ဖိအကစၢ်မိလးအဂီၢ်န့ၣ်လီၤ.

လံာ်ယၡါယၤ 16:2

အဝဲသ့ၣ်အိၣ်ခိးတၢ်ဖဲထံကျိအၤနိၣ် အကၢၢ်ခိၣ်ဒီးသုးအသးဖဲအံၤဖဲနုၤ လၢတၢ်တိာ်တအိၣ်ဘၣ်အပူၤ, ဒ်ထိၣ်တဖၣ်လၢအဘၣ် တၢ်နီၣ်ထီၣ်ကွံာ်အီၤလၢအသွံပူၤအသိးန့ၣ်လီၤ.

လံာ်ယံးရမံယၤ 48:13

အန့ၣ်ဒီး, ပှၤမိၤအးဖိတဖၣ် ကဘၣ်တၢ်မဲာ်ဆှးလၢ အတၢ်နာ်ကမၣ်အကစၢ်ကမိၣ်အဃိ, ဒ်ပှၤအံၣ်စရ့လးဖိတဖၣ် ဘၣ်မဲာ်ဆှးလၢ ဘ့ၤသ့လး, ကစၢ်တဂၤလၢ အဝဲသ့ၣ်နာ်ဝဲအဃိ, အသိးန့ၣ်လီၤ.

လံာ်ယံးရမံယၤ 48:7

ကီၢ်မိၤအးဧၢ, နနာ်လီၤန့ၢ်နဂံၢ်နဘါဒီးနတၢ်ထူးတၢ်တီၤန့ၣ်လီၤ. ဘၣ်ဆၣ်ဒီး အခဲအံၤ, နၤဒၣ်လဲာ်နကဘၣ် တၢ်မၤနၢၤမၤန့ၢ်ကွံာ်နၤန့ၣ်လီၤ. နကစၢ်ကမိၣ်ကဘၣ်လဲၤဆူ တၢ်မၢကဲကုၢ်အလီၢ် ဃုာ်ဒီးပဒိၣ်ပပှၢ်တဖၣ်ဒီး အပှၤလုၢ်တၢ်အခိၣ်တဖၣ်န့ၣ်လီၤ.

လံာ်တၢ်ဂံၢ် 21:29

ကီၢ်မိၤအးအပှၤဂီၢ်မုၢ်ဧၢ, တၢ်လီၤပျံၤလၢနဂီၢ်ဒိၣ်မးလဲၣ်. သုဝဲ, ပှၤတဖၣ်လၢအဘါထီၣ်ကမိၣ်ဘၣ်တၢ်စိာ်ကွံာ်သုဆူတၢ်ဟးဂီၤ တဖၣ်အပူၤန့ၣ်လီၤ. သုကစၢ်ဒုးကဲထီၣ်ပှၤအါဂၤလၢပှၤဃ့ၢ်ပူၤဖျဲးအသးဆူတၢ်လီၢ် အဂၤတဖၣ်, ဒီးပိာ်မုၣ်တဖၣ်ကဲထီၣ်ပှၤဘၣ်တၢ်စိာ်မၢကဲကုၢ်အီၤတဖၣ်လၢပှၤ အမိၢ်ဖိအစီၤပၤလံ.

လံာ်ပှၤစံၣ်ညီၣ်ကွီၢ် 11:24

မ့ၢ်နအဲၣ်ဒိးမၤန့ၢ်က့ၤအီၤဧါ. တၢ်လၢနကစၢ် “ကမိၣ်” ဟ့ၣ်နၤန့ၣ်နဟံးဃာ်အီၤသ့လီၤ. မ့မ့ၢ်ပဝဲဒၣ်အံၤပကဟံးဃာ် တၢ်ကိးမံၤဒဲးလၢယွၤ, ပကစၢ်ဟ့ၣ်လီၤပှၤန့ၣ်လီၤ.