လံာ်ယံးရမံယၤ 48:45 - Sgaw Karen Common Bible

⁴⁵ ပှၤဃ့ၢ်ပူၤဖျဲးအသးလၢအမၤစၢၤလီၤအသးတသ့တဖၣ် ကျဲးစၢးဃုထံၣ်န့ၢ်တၢ်အိၣ်ပှိၤမၤစၢၤလၢဝ့ၢ်ဃ့ၡဘိၣ်အပူၤ, ဝ့ၢ်တဝ့ၢ်လၢ တဘျီစီၤပၤစံဃိၣ်ပၢတ့ၢ်ဝဲအပူၤ, ဘၣ်ဆၣ် ဝ့ၢ်န့ၣ်မ့ၣ်အူကဲၤထီၣ်အီၣ်ကွံာ်အီၤလံ. မ့ၣ်အူအီၣ်ကွံာ်ကီၢ် မိၤအးအပှၤဂီၢ်မုၢ်လၢ အအဲၣ်ဒုးတၢ်တဖၣ် အထံဆၢကီၢ်ဆၢဒီး အကစၢၢ်ကလိအထီၣ်ထီတဖၣ်လံ.

လံာ်ယံးရမံယၤ 48:45 Iomraidhean Croise

စံးထီၣ်ပတြၢၤ 135:11

ပှၤအမိၢ်ဖိအစီၤပၤစံဃိၣ်, ဒီးဘၤၡၣ်အစီၤပၤဧိာ်, ဒီးကနၤဧၣ်စီၤပၤတဖၣ်ခဲလၢာ်န့ၣ်လီၤ.

စံးထီၣ်ပတြၢၤ 78:63

ပှၤဖိၣ်သၣ်ခွါတဖၣ်ဘၣ်တၢ်မၤသံကွံာ်အီၤ လၢတၢ်ဒုးအပူၤ, ဒီးပိာ်မုၣ်သးစၢ်သ့ၣ်တဖၣ်ကဖျီအသးဒီး ပှၤတအိၣ်နီတဂၤလၢၤဘၣ်.

လံာ်ယံးရမံယၤ 2:16

မ့ၢ်လီၤ. ပှၤတဖၣ်လၢဝ့ၢ်မဲဖံးဒီးပှၤတၤပါန့ၤဖိ မၤသ့ၣ်ဖးတ့ၢ်အခိၣ်ကုန့ၣ်လီၤ.

လံာ်ယံးရမံယၤ 48:2

ကီၢ်မိၤအးအတၢ်လီၤဘီလီၤမုၢ်တအိၣ်ဘၢၤဘၣ်. ဒုၣ်ဒါဒုးန့ၢ်ကွံာ်လံ ဝ့ၢ်ဃ့ၡဘိၣ် ဒီးကူၣ်ထီၣ်ဝဲလၢ ကမၤဟးဂီၤကွံာ် ကီၢ်မိၤအးအပှၤကလုာ်န့ၣ်လီၤ. ဝ့ၢ်မးဒမၣ်ကဘၣ်တၢ်မၤဘှ့ၣ်ဘှီၣ်ကွံာ်အီၤ, သုးမုၢ်တဖၣ်ကလဲၤထီၣ်ဒုးတၢ်ထီဒါအီၤလီၤ.

လံာ်ဧၤမိၣ် 2:2

ယကဆှၢလီၤမ့ၣ်အူဆူပှၤမိၤအးဖိအကီၢ်ဒီးဒွဲၣ်အူကွံာ်ဝ့ၢ်ကရံ ယိးအတိာ်ဧိၤတာ်ဧိၤတဖၣ်န့ၣ်လီၤ. ပှၤကီၢ်မိၤအးဖိတဖၣ်ကသံကွံာ်ဝဲလၢတၢ်ဒုး တၢ်ယၤအတၢ်သီၣ်အပူၤဖဲပှၤသုးဖိသ့ၣ်တဖၣ်ကိးပသူထီၣ်ဒီးကွဲၤ တဖၣ်ဘၣ်တၢ်အူထီၣ်အီၤအခါန့ၣ်လီၤ.”

လံာ်စကၤရယၤ 10:4

လၢအဝဲသ့ၣ်အကျါန့ၣ်ပဒိၣ်ပပှၢ်တဖၣ်, ပှၤခိၣ်ပှၤနၢ်တဖၣ်, ဒီးသုးခိၣ်သုးနၢ်တဖၣ်ကအိၣ်ထီၣ်ဝဲလၢကပၢ ယပှၤဂီၢ်မုၢ်န့ၣ်လီၤ.

လံာ်တၢ်ဂံၢ် 21:21

ဝံၤဒီးကီၢ်အံၣ်စရ့လးအပှၤဂီၢ်မုၢ်ဆှၢလီၤပှၤစိာ်တၢ်ကစီၣ် တဖၣ်ဆူပှၤအမိၢ်ဖိအစီၤပၤစံဃိၣ်အအိၣ်ဒ်သိးကစံးဘၣ်အီၤ,

လံာ်တၢ်ဂံၢ် 21:26

ဝ့ၢ်ဃ့ၡဘိၣ်မ့ၢ်ဝဲပှၤအမိၢ်ဖိအစီၤပၤစံဃိၣ်အဝ့ၢ်ခိၣ်, စီၤပၤစံဃိၣ်လၢအဒုးတ့ၢ်တၢ်ထီဒါကီၢ်မိၤအးအစီၤပၤလၢညါ ဒီးမၤန့ၢ်ကယဲၢ်အကီၢ်ခဲလၢာ်ယံၤတုၤဒၣ်လဲာ်လၢထံကျိအၢ်နိၣ်, န့ၣ်လီၤ.

လံာ်တၢ်ဂံၢ် 21:28

တဘျီလၢဝ့ၢ်ဃ့ၡဘိၣ်အံၤအပူၤန့ၣ်, စီၤပၤစံဃိၣ်အသုးမုၢ်ဟး ထီၣ်ဝဲဒ်မ့ၣ်အူအသိးလီၤ. သုးမုၢ်န့ၣ်မၤဟးဂီၤတ့ၢ်ကီၢ်မိၤအးအဝ့ၢ်ဧၢ်, ဒီးမၤလီၤကလဲ ကွံာ်တၢ်လုၢ်လီၢ်တဖၣ်လၢဝ့ၢ်အၤနိၣ်အထးခီန့ၣ်လီၤ.

လံာ်တၢ်ဂံၢ် 21:29

ကီၢ်မိၤအးအပှၤဂီၢ်မုၢ်ဧၢ, တၢ်လီၤပျံၤလၢနဂီၢ်ဒိၣ်မးလဲၣ်. သုဝဲ, ပှၤတဖၣ်လၢအဘါထီၣ်ကမိၣ်ဘၣ်တၢ်စိာ်ကွံာ်သုဆူတၢ်ဟးဂီၤ တဖၣ်အပူၤန့ၣ်လီၤ. သုကစၢ်ဒုးကဲထီၣ်ပှၤအါဂၤလၢပှၤဃ့ၢ်ပူၤဖျဲးအသးဆူတၢ်လီၢ် အဂၤတဖၣ်, ဒီးပိာ်မုၣ်တဖၣ်ကဲထီၣ်ပှၤဘၣ်တၢ်စိာ်မၢကဲကုၢ်အီၤတဖၣ်လၢပှၤ အမိၢ်ဖိအစီၤပၤလံ.

လံာ်တၢ်ဂံၢ် 24:17

ယကွၢ်တၢ်ဆူခါဆူညါအပူၤ, ဒီးယထံၣ်အံၣ်စရ့လးအပှၤကလုာ်, စီၤပၤတဂၤ, လီၤဂာ်ဒီးဆၣ်လၢအကပီၤတဖျၢၣ်ကဟဲထီၣ်လၢပှၤကလုာ် န့ၣ်အပူၤလီၤ. ဒ်ဆၣ်မဲၢ်ထီၣ်တဖျၢၣ်အသိးန့ၣ်အဝဲကဟဲထီၣ်လၢကီၢ်အံၣ်စရ့လး အပူၤလီၤ. အဝဲကတီၢ်ကီၢ်မိၤအးအခိၣ်အနၢ်တဖၣ်, ဒီးဒိလီၤပှီၢ်ကယဲၢ်စ့ဧၢ်အပှၤဂီၢ်မုၢ်န့ၣ်လီၤ.

လံာ်မးသဲ 21:42

ယ့ၣ်ၡူးစံးဘၣ်အဝဲသ့ၣ်, “တၢ်ကွဲးအသးစီဆှံလၢအစံး, ‘လၢၢ်တဖျၢၣ်လၢပှၤသူၣ်ထီၣ်ဟံၣ်တဖၣ်ညိကွံာ်အီၤဒ် တၢ်လၢအလုၢ်အပှ့ၤတအိၣ်ဘၣ်အသိးန့ၣ်, ကဲထီၣ်က့ၤလၢၢ်ခိၣ်စိလၢ အကါဒိၣ်ကတၢၢ်တဖျၢၣ်လီၤ. အအံၤမ့ၢ်ကစၢ်အတၢ်မၤ, ဒီးမ့ၢ်တၢ်လီၤလးဒိၣ်မးလၢပမဲာ်ညါလီၤ’ န့ၣ်, မ့ၢ်သုတဖးဘၣ်ဘၣ်ဧါ” (စံး. ၁၁၈:၂၂-၂၃).