လံာ်ယံးရမံယၤ 48:44 - Sgaw Karen Common Bible

⁴⁴ ပှၤတဂၤဂ့ၤတဂၤဂ့ၤလၢ အကျဲးစၢးဃ့ၢ်ပူၤဖျဲးကွံာ်လၢ တၢ်မၤပျံၤမၤဖုးအံၤန့ၣ်, ကလီၤတဲာ်နုာ်ဆူတၢ်ပူၤတဖၣ်, ဒီးပှၤတဂၤဂ့ၤတဂၤဂ့ၤလၢ အပှာ်ထီၣ်က့ၤလၢ တၢ်ပူၤန့ၣ်, ကဘၣ်တၢ်ဖီၣ်န့ၢ်အီၤလၢ ပျံၤသကွီၤတဖၣ်န့ၣ်လီၤ. အဂ့ၢ်ဒ်အံၤ, ယွၤပာ်လီၤတၢ်ဆၢကတီၢ်လၢ ကီၢ်မိၤအးအတၢ်ဟးဂီၤအဂီၢ်လီၤ.

လံာ်ယံးရမံယၤ 48:44 Iomraidhean Croise

လံာ်စီၤပၤအခီၣ်ထံးတဘ့ၣ် 19:17

ပှၤတဂၤလၢ်လၢ်လၢအပူၤဖျဲးဒီးစီၤဃစ့လးအတၢ်မၤသံန့ၣ်စီၤ ယ့ၤဟူကမၤသံအီၤ, ဒီးပှၤတဂၤလၢ်လၢ်လၢအပူၤဖျဲးဒီးစီၤယ့ၤဟူအတၢ်မၤသံန့ၣ်, စီၤအလံၤၡါကမၤသံအီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:30

ပှၤအိၣ်မူလီၤတဲာ်ဒံးတဖၣ်ဃ့ၢ်ပူၤဖျဲးဝဲဆူဝ့ၢ်အဖ့းအပူၤ ဒီးဖဲန့ၣ်ဝ့ၢ်ခိၣ်ဒူတဖၣ်လီၤပှီၢ်ဝဲလၢပှၤခံကလးနွံကထိဂၤ အလိၤန့ၣ်လီၤ. စီၤဘ့ၣ်ဟဒးစ့ၢ်ကီးဃ့ၢ်ပူၤဖျဲးဝဲဆူဝ့ၢ်ပူၤဒီးလဲၤအိၣ် သဒၢအသးဖဲဟံၣ်တဟံၣ်အဒၢးလၢတၢ်သးကံၢ်ပူၤန့ၣ်လီၤ.

လံာ်ယၡါယၤ 10:3

ယွၤမ့ၢ်စံၣ်ညီၣ်သုဒီးသုကမၤဒ်လဲၣ်. ယွၤမ့ၢ်ဒုးဘၣ်သုလၢတၢ် နးတၢ်ဖှီၣ်ဖးဒိၣ်လၢအဟဲလၢထံကီၢ်လၢအယံၤတဘ့ၣ်ဒီး, သုကမၤဒ်လဲၣ်. လၢတၢ်မၤစၢၤအဂီၢ်, သုကဃ့ၢ်ဆူ လဲၣ်ခီလဲၣ်. သုတၢ်ထူးတၢ်တီၤတဖၣ်, သုကပာ်ခူသူၣ်အီၤဖဲလဲၣ်.

လံာ်ယၡါယၤ 24:17

ပှၤခဲလၢာ်သ့ၣ်ဧၢ, ဒိကနၣ်လၢ်ယၤတက့ၢ်. တၢ်လီၤပျံၤလီၤဖုးတဖၣ်, မၢဧိၤပျၢ်ဧိၤအပူၤတဖၣ်ဒီးထုတဖၣ်အိၣ်ခိးသုလီၤ.

လံာ်ယၡါယၤ 24:18

ပှၤတဂၤဂ့ၤတဂၤဂ့ၤလၢအကျဲးစၢးဃ့ၢ်ထူၣ်ဖျဲးထီၣ်လၢတၢ် ပျံၤတၢ်ဖုးန့ၣ်ကလီၤတဲာ်ဝဲလၢမၢဧိၤပျၢ်ဧိၤအပူၤ, ဒီးပှၤတဂၤ ဂ့ၤတဂၤဂ့ၤလၢအထူၣ်ဖျဲးထီၣ်လၢမၢဧိၤပျၢ်ဧိၤအပူၤ န့ၣ်ကဘၣ်တၢ်ဖီၣ်န့ၢ်အီၤလၢထုလီၤ. တၢ်စူၤထံကဟဲယွၤလီၤ သဖူးလၢမူကပိာ်လိၤဒီးဟီၣ်ခိၣ်အခီၣ်ထံးတဖၣ်ကဟူးဝးဆှဲးဆှိး ဝဲလီၤ.

လံာ်ယံးရမံယၤ 10:15

အဝဲသ့ၣ်အလုၢ်အပှ့ၤတအိၣ်ဘၣ်ဒီးကြၢးဘၣ် တၢ်သးဘၣ်အၢအီၤလီၤ. ဖဲကစၢ်ဟဲလၢကသဂၢၢ်လိာ်အသးဒီးအဝဲသ့ၣ်န့ၣ်, အဝဲသ့ၣ်ကဘၣ်တၢ်မၤဟးဂီၤကွံာ်အီၤန့ၣ်လီၤ.

လံာ်ယံးရမံယၤ 11:23

ယပာ်လီၤတၢ်ဆၢကတီၢ်အကတီၢ်လၢယကဟဲစိာ်တၢ်တတၢးတနါ လၢဧၤနသိးအပှၤဂီၢ်မုၢ်အဖီခိၣ်, ဒီးဖဲတၢ်ဆၢကတီၢ်န့ၣ်ဟဲတုၤ ဝဲဒီး, အဝဲသ့ၣ်တအိၣ်လီၤတဲာ်နီတဂၤဘၣ်.”

လံာ်ယံးရမံယၤ 16:16

ယွၤစံးဝဲဒၣ်, “ယမၤလိာ်လံပှၤမၤညၣ်ဖိအါဂၤလၢ ကဟဲဒီးမၤန့ၢ်ပှၤဂီၢ်မုၢ်သ့ၣ်တဖၣ်အံၤန့ၣ်လီၤ. အန့ၣ်ဝံၤဒီးယ ကမၤလိာ်ပှၤဟးခးအီၣ်တၢ်ဖိအါဂၤလၢကလူၤခးအဝဲသ့ၣ်လၢက စၢၢ်ဒီးတၢ်လူၢ်ကိးဖျၢၣ်ဒဲးအဒီခိၣ်ဒီးလၢတၢ်ကအိပူၤတဖၣ်လၢလၢၢ် ဧိၤလ့ဧိၤအကျါန့ၣ်လီၤ.

လံာ်ယံးရမံယၤ 23:12

ကျဲတဖၣ်လၢအဝဲသ့ၣ်ပိာ်ဝဲန့ၣ်ကဒုးလီၤတလံာ်တၢ်ဒီးကခံးဝဲလီၤ. ယကဒုးဘၣ်တိၢ်အဝဲသ့ၣ်အခီၣ်ဒီးကလီၤဃံၤဝဲလီၤ. ယကဟဲစိာ်တၢ်တတၢးတနါလၢအဝဲသ့ၣ်အဖီခိၣ်ဒီးတၢ်စံၣ်ညီၣ် အဝဲသ့ၣ်အဆၢကတီၢ်ဟဲဝဲလံ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 46:21

အသုးဖိတဖၣ်လၢ အဒိးလဲန့ၢ်ဝဲဒၣ်လဲာ် မၤစၢၤလီၤက့ၤအသးတသ့ဘၣ်ဒ် ဂီၤဖံးဖိတဖၣ်အသိးန့ၣ်လီၤ. အဝဲသ့ၣ် တဆၢထၢၣ်ဒီး ဒုးတၢ်ဘၣ်. အဝဲသ့ၣ်ခဲလၢာ်ဃၣ်အသးဒီး ဃ့ၢ်ကွံာ်ဝဲလီၤ. တၢ်စံၣ်ညီၣ်ဃါမနၤအမုၢ်တနံၤတုၤ အိၣ်အဝဲသ့ၣ်လံ. မ့ၢ်အဝဲသ့ၣ်အတၢ်ဟးဂီၤအဆၢကတီၢ်န့ၣ်လီၤ.

လံာ်ယံးရမံယၤ 49:8

ဝ့ၢ်ဒ့ဒၢ်အပှၤဂီၢ်မုၢ်သ့ၣ်ဧၢ, ဃၣ်သုသးဒီးဃ့ၢ်တက့ၢ်. အိၣ်ခူသူၣ်တက့ၢ်. ယကမၤဟးဂီၤစီၤဧ့ၡီၤအစၢၤအသွဲၣ်တဖၣ်န့ၣ်လီၤ. အဂ့ၢ်ဒ်အံၤ, တၢ်ဆၢကတီၢ်ဟဲလံဝဲလၢ ယဂီၢ်လၢ ယကစံၣ် ညီၣ်အဝဲသ့ၣ်လံ.

လံာ်ယံးရမံယၤ 50:24

ကီၢ်ဘၤဘူၤလိၣ်ဧၢ, နဒုးတၢ်ထီဒါတ့ၢ်ယၤဒီးနဘၣ်တၢ်ဖီၣ်န့ၢ် နၤလၢထုလၢယပာ်လီၤအီၤလၢနဂီၢ်အပူၤ, တချုးလၢနသ့ၣ်ညါဒံးဒၣ်လဲာ်န့ၣ်လီၤ.

လံာ်ယံးရမံယၤ 50:27

မၤသံအဝဲသ့ၣ်အသုးဖိလၢ အလီၤဂာ်ဒ် ကျီၢ်ဖါဖိခဲလၢာ် တက့ၢ်. မၤသံမၤဝီအဝဲသ့ၣ်တက့ၢ်. ကီၢ်ဘၤဘူၤလိၣ်အပှၤ ဂီၢ်မုၢ်ဘၣ် တၢ်စံၣ်ညီၣ်ဃါမနၤလီၤ. တၢ်ဆၢကတီၢ်ဟဲတုၤလံ ဝဲလၢအဝဲသ့ၣ်အဂီၢ်လၢ ကဘၣ်တၢ်စံၣ်ညီၣ်အီၤန့ၣ်လီၤ.”

လံာ်ယံးရမံယၤ 51:18

အဝဲသ့ၣ်အလုၢ်အပှ့ၤတအိၣ်ဘၣ် ဒီးကြၢးဘၣ်တၢ်သး ဘၣ်အၢအီၤန့ၣ်လီၤ. အဝဲသ့ၣ်ကဘၣ်တၢ်မၤဟးဂီၤအီၤဖဲ ယွၤဟဲဝဲဒ်သိးကမၤဘၣ်အဝဲသ့ၣ်န့ၣ်လီၤ.

လံာ်ယံးရမံယၤ 8:12

ယပှၤဂီၢ်မုၢ်သ့ၣ်ဧၢ, လၢသုမၤတ့ၢ်တၢ်လီၤသးဘၣ်အၢဒ်သိးအံၤ တဖၣ်အဃိ, မ့ၢ်သုတမဲာ်ဆှးတ့ၢ်ဘၣ်ဧါ. သုတမဲာ်ဆှး လ့ၤတက့ၤဘၣ်. သုတသ့ၣ်ညါဘၣ်ဒၣ်လဲာ်လၢသုကဘၣ်မဲာ်ကိၢ်နါကိၢ်ဒ်လဲၣ်န့ၣ်ဘၣ်. လၢတၢ်န့ၣ်အဃိသုကလီၤဃံၤဝဲဒ်ပှၤဂၤတဖၣ် လီၤဃံၤဝဲအသိးန့ၣ်လီၤ. ဖဲယစံၣ်ညီၣ်သုန့ၣ်, အဝဲန့ၣ်ကမ့ၢ်တၢ်အကတၢၢ်လၢသုဂီၢ်လီၤ. ယၤ, ယွၤအံၤ, ကတိၤလံတၢ်လံ.”

လံာ်သးသယုၢ်တၢ် 3:47

ပဟဲခီဖျိလံတၢ်နးတၢ်ဖှီၣ်ဒီးတၢ်ဟးဂူာ်ဟးဂီၤ, ပအိၣ်မူလၢတၢ်လီၤပျံၤဒီးတၢ်သူၣ်ပျံၤသးဖုးအပူၤလီၤ.

လံာ်ဟိၤၡ့ 9:7

တၢ်ဆၢကတီၢ်လၢတၢ်စံၣ်ညီၣ်အဂီၢ်, တၢ်ဆၢကတီၢ်လၢပှၤဂီၢ်မုၢ်တဖၣ်ကဒိးန့ၢ်တၢ်လၢအကြၢးဒိးန့ၢ်ဘၣ် ဝဲန့ၣ်ဟဲတုၤလံ. ဖဲတၢ်န့ၣ်မၤအသးဒီးကီၢ်အံၣ်စရ့လးကသ့ၣ်ညါအီၤလီၤ. သုစံးလၢဝံတဂၤအံၤမ့ၢ်ပှၤဟးဂီၤဖိန့ၣ်လီၤ. ပှၤလၢယွၤဟ့ၣ်စိဟ့ၣ်ကမီၤအီၤတဂၤအံၤပျုၢ်လီၤ. သုပှၤဂီၢ်မုၢ်တဖၣ်သးဟ့ယၤနးနးကလဲာ်မ့ၢ်လၢသုတၢ်ဒဲးဘး န့ၣ်အါဝဲအဃိလီၤ.

လံာ်ဧၤမိၣ် 5:19

ကမၤအသးဒ်ပှၤတဂၤဃ့ၢ်ကွံာ်လၢခ့ယုၢ်တဒုအအိၣ်, ဒီးဘၣ်သဂၢၢ်လိာ်အသးဒီးတၤသူတဒုအသိး, မ့တမ့ၢ်ဘၣ်ဒီးဒ်ပှၤတဂၤက့ၤနုာ်လၢဟံၣ်ပူၤ, ဒီးပာ်ထီၣ်အစုလၢတၢ်ဒူၣ် အလိၤအသိးလၢဂုၢ်တဘိကဖျးအီၤအဂီၢ်ဧိၤန့ၣ်လီၤ.

လံာ်မံကၤ 7:4

ပှၤအဂ့ၤကတၢၢ်ဒီးပှၤအသူၣ်လိၤသးဘျၢကတၢၢ်လၢအဝဲသ့ၣ်အကျါဒၣ် လဲာ်အလုၢ်အပှ့ၤတအိၣ်ဘၣ်ဒ်သိးဒၣ်နီၣ်ဧိၤမံၤဧိၤတဖၣ်လီၤ. မုၢ်နံၤလၢကစၢ်ယွၤကစံၣ်ညီၣ်အပှၤဂီၢ်မုၢ်ဒ်အဟ့ၣ်ပလီၢ်ပာ်တ့ၢ် ဝဲခီဖျိအပှၤပၢၤတၢ်, ဝံတဖၣ်န့ၣ်ဟဲတုၤဝဲလံ. ခဲကနံၣ်အံၤအဝဲသ့ၣ်အိၣ်လၢတၢ်သဘံၣ်ဘုၣ်အပူၤလီၤ.