လံာ်ယံးရမံယၤ 48:42 - Sgaw Karen Common Bible

⁴² ကီၢ်မိၤအးကဘၣ်တၢ်မၤဟးဂီၤကွံာ်အီၤ ဒီးတမ့ၢ်လၢၤဘၣ်ထံကီၢ်တဘ့ၣ်ဘၣ်န့ၣ်လီၤ. အဂ့ၢ်ဒ်အံၤ, ပူထီၣ်တၢ်ထီဒါယၤအဃိန့ၣ်လီၤ.

လံာ်ယံးရမံယၤ 48:42 Iomraidhean Croise

တၢ်ကတိၤဒိ. 16:18

တၢ်ပာ်ထီၣ်ထီသးန့ၣ်ဆှၢပှၤဆူတၢ်ဟးဂီၤ, ဒီးတၢ်ပာ်ကဖိသးန့ၣ်ဆူတၢ်လီၤပှီၢ်လီၤ.

လံာ်ယၡါယၤ 16:14

ဒီးခဲအံၤယွၤစံးဝဲဒၣ်, “လၢသၢနံၣ်တီတီအပူၤန့ၣ်, ကီၢ်မိၤအးအတၢ်ထူးတၢ်တီၤဖးဒိၣ်ကလီၤမၢ်ကွံာ်ဝဲလီၤ. လၢအပှၤဂီၢ်မုၢ်အါအါဂီၢ်ဂီၢ်အကျါန့ၣ်, ထဲပှၤစှၤဂၤဧိၤက အိၣ်မူတ့ၢ်ဝဲဒီးအဝဲသ့ၣ်အဂံၢ်အဘါကစၢ်ဝဲလီၤ.”

လံာ်ယၡါယၤ 37:23

ပှၤလၢနဒုၣ်ဒွဲၣ်ပယွဲဒီးနနံၤဘၣ်ဖၣ်လဲအီၤန့ၣ်နဆိကမိၣ်အမ့ၢ် မတၤလဲၣ်. နတယူးယီၣ်ပာ်ကဲတ့ၢ်ယၤ, အံၣ်စရ့လးအကစၢ်ယွၤစီဆှံတဂၤန့ၣ်ဘၣ်.

လံာ်ယၡါယၤ 7:8

ဘၣ်မနုၤအဃိလဲၣ်. မ့ၢ်လၢကီၢ်စူၤရံအဂံၢ်အဘါတဆူၣ်ထဲသိး ဒီးအဝ့ၢ်ခိၣ်, ဝ့ၢ်ဒၤမ့ၤစ့းဘၣ်, ဒီးဝ့ၢ်ဒၤမ့ၤစ့းစ့ၢ်ကီးအဂံၢ် အဘါတဆူၣ်ထဲသိးဒီးစီၤပၤရစံၣ်ဘၣ်. မ့မ့ၢ်ကီၢ်အံၣ်စရ့လး န့ၣ်, လၢဃုဆံယဲၢ်နံၣ်အပူၤအတ့ၤကဟးဂီၤဝဲတုၤဒၣ်လဲာ် ကအိၣ်မူဝဲဒ်ပှၤတကလုာ်အသိးန့ၣ်တသ့လၢၤဘၣ်လီၤ.

လံာ်ယံးရမံယၤ 30:11

ယကဟဲဆူသုအိၣ်ဒီး အုၣ်က့ၤခီၣ်က့ၤသုန့ၣ်လီၤ. ယတမၤဟးဂီၤကွံာ်သုဘၣ်. ယတပျဲပူၤသုလၢ တၢ်စံၣ်ညီၣ်ဘၣ်. ဘၣ်ဆၣ်ဖဲယစံၣ်ညီၣ်သုန့ၣ်, ယကမၤအီၤဖဲ အတီအဘၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 48:2

ကီၢ်မိၤအးအတၢ်လီၤဘီလီၤမုၢ်တအိၣ်ဘၢၤဘၣ်. ဒုၣ်ဒါဒုးန့ၢ်ကွံာ်လံ ဝ့ၢ်ဃ့ၡဘိၣ် ဒီးကူၣ်ထီၣ်ဝဲလၢ ကမၤဟးဂီၤကွံာ် ကီၢ်မိၤအးအပှၤကလုာ်န့ၣ်လီၤ. ဝ့ၢ်မးဒမၣ်ကဘၣ်တၢ်မၤဘှ့ၣ်ဘှီၣ်ကွံာ်အီၤ, သုးမုၢ်တဖၣ်ကလဲၤထီၣ်ဒုးတၢ်ထီဒါအီၤလီၤ.

လံာ်ယဃ့းစက့လး 35:13

ယနၢ်ဟူဘၣ်သုတၢ်ကတိၤထီဒါယၤ” အရၢၢ်အစၢၢ်လၢတၢ်ပာ်ကဖၢလၢသးအပူၤန့ၣ်လီၤ.

လံာ်ဒၤနံးယ့လး 11:36

ကီၢ်စူၤရံအစီၤပၤကမၤတၢ်ဒ်အသးအိၣ်မၤဝဲအသိးလီၤ. ကကတိၤတၢ်ကဖၢလၢ, ဒီးစံးဝဲလၢအဝဲမ့ၢ်ပှၤဒိၣ်န့ၢ်ကစၢ်တဂၤလၢ် လၢ်, ဒီးဒိၣ်န့ၢ်ဒံးတၢ်ထီကတၢၢ်ကစၢ်ယွၤဒၣ်လဲာ်န့ၣ်လီၤ. မၤတၢ်အံၤကသ့ဝဲတုၤတၢ်အကတီၢ်ဖဲကစၢ်ယွၤစံၣ်ညီၣ်အီၤန့ၣ် လီၤ. ကစၢ်ယွၤကမၤတၢ်လီၤတံၢ်လီၤဆဲးဒ်တၢ်လၢအကူၣ် ပာ်တ့ၢ်ဝဲအသိးလီၤ.

လံာ်မးသဲ 7:2

အဂ့ၢ်ဒ်အံၤ, ကစၢ်ယွၤကစံၣ်ညီၣ်သုလၢတၢ်စံၣ်ညီၣ်တမံၤဃီလၢသုစံၣ်ညီၣ် ပှၤဂၤဒီး အဝဲကဃီၣ်ဟ့ၣ်သုတၢ်လၢနီၣ်ဃီၣ်တခါဃီလၢသုဃီၣ်ဟ့ၣ်တၢ်န့ၣ် လီၤ.

၂ သ့းစၤလနံ 2:4

အဝဲဒၣ်ကထီဒါကယဲၢ်တၢ်လၢပှၤကိးအီၤလၢယွၤဒီးတၢ်လၢ ပှၤကညီဘါထီၣ်ဝဲဒီးကပာ်ဖျါထီၣ်အသးဒ်အဒိၣ်န့ၢ် အဝဲသ့ၣ်ခဲလၢာ်န့ၣ်လီၤ. အဝဲဒၣ်ကလဲၤနုာ်ဒီးဆ့ၣ်နီၤဒၣ်လဲာ်လၢကစၢ်ယွၤ အတၢ်လုၢ်ဟံၣ်အပူၤဒီးစံးလီၤအသးလၢအမ့ၢ်ကစၢ်ယွၤ န့ၣ်လီၤ.

လံာ်လီၣ်ဖျါ 13:6

အဝဲဒၣ်စးထီၣ်ဆိၣ်အၢကစၢ်ယွၤ, ကစၢ်ယွၤအမံၤ, တၢ်လီၢ်ဖဲအအိၣ်ဝဲဆိးဝဲ, ဒီးပှၤအိၣ်ဝဲဆိးဝဲလၢမူခိၣ် ခဲလၢာ်ခဲဆ့န့ၣ်လီၤ.