လံာ်ယံးရမံယၤ 48:41 - Sgaw Karen Common Bible

⁴¹ ဒီးဝ့ၢ်တဖၣ်ဒီးတိာ်ဧိၤတာ်ဧိၤတဖၣ်ကဘၣ်တၢ်ဒုးန့ၢ်ကွံာ်အီၤန့ၣ်လီၤ. ဒီၤလၢနံၤအဝဲန့ၣ်, ကီၢ်မိၤအးအသုးဖိတဖၣ်ကပျံၤတၢ်ဒ်ပိာ်မုၣ်တဂၤလၢ အဟုးဆါအသိးန့ၣ်လီၤ.

လံာ်ယံးရမံယၤ 48:41 Iomraidhean Croise

လံာ်ယၡါယၤ 13:8

အဝဲသ့ၣ်ခဲလၢာ်ကပျံၤတၢ်ဖုးတၢ်ဒီးတၢ်ဆိးကဲးကလုၣ်ဘၢအီၤ, ဒ်တၢ်ဆိးကဲးအိၣ်ဒီးပိာ်မုၣ်အဟုးဆါတဂၤအသိးန့ၣ်လီၤ. ကကွၢ်လိာ်အသးတဂၤဒီးတဂၤလၢတၢ်ပျံၤတၢ်ဖုးအပူၤ, ဒီးအမဲာ်သၣ်တဖၣ်ကကိၢ်ဝဲဒီးတၢ်မဲာ်ဆှးလီၤ.

လံာ်ယၡါယၤ 21:3

တၢ်လၢယထံၣ်ဒီးနၢ်ဟူတ့ၢ်လၢတၢ်ထံၣ်လၢညါခီအပူၤတဖၣ် မၤပှဲၤယသးဒီးတၢ်ပျံၤတၢ်ဖုးဒီးတၢ်ဆူးတၢ်ဆါ, တၢ်ဆူးတၢ်ဆါလၢအလီၤဂာ်ဒီးပိာ်မုၣ်အဟုးဆါထီၣ်န့ၣ်လီၤ.

လံာ်ယံးရမံယၤ 30:6

ခဲကနံၣ်အံၤဆိကတီၢ်, ဒီးဆိကမိၣ်တၢ်တက့ၢ်. ပှၤပိာ်ခွါတဂၤဆံးစၢ်ထီၣ်ဖိသၣ်တဂၤဘၣ် ကသ့ဧါ. ဘၣ်မနုၤအဃိ, ယထံၣ်ဘၣ်ပိာ်ခွါကိးဂၤဒဲးပာ် အစုလၢ အဟၢဖၢလိၤ, ဒ်ပိာ်မုၣ်တဂၤလၢ အဟုးဆါဝဲအသိးန့ၣ်လဲၣ်. ဘၣ်မနုၤအဃိ ပှၤကိးဂၤဒဲးအမဲာ်လီၤဝါထဲန့ၣ် ညါလဲၣ်.

လံာ်ယံးရမံယၤ 4:31

ယနၢ်ဟူတ့ၢ်တၢ်ကိးအသီၣ်တမံၤလီၤ ဂာ်ဒ်ပိာ်မုၣ်လၢအဟုးဆါတဂၤအသိး, တၢ်ကဲးကဒံကပျီၢ်တမံၤလီၤဂာ်ဒ်ပိာ် မုၣ်တဂၤလၢအဆံးစၢ်ထီၣ်အဖိအဆိ ကတၢၢ်အသိးလီၤ. မ့ၢ်ဝ့ၢ်ယရူၤၡလ့ၣ်အတၢ်ကိးပသူထီၣ်, ခီဖျိအဂုာ်သါထီၣ်ဝဲဒီးယူာ်ထီၣ်အစုဒီးစံးဝဲ, “ယဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်ဟဲဝဲလၢကမၤသံယၤအဂီၢ်လံ.”

လံာ်ယံးရမံယၤ 4:9

ယွၤစံးဝဲဒၣ်, “လၢမုၢ်နံၤအဝဲန့ၣ်, စီၤပၤတဖၣ်ဒီးပဒိၣ် ပပှၢ်တဖၣ်အတၢ်သးဒူကလီၤမၢ်ကွံာ်န့ၢ်အီၤ, ပှၤလုၢ်တၢ်အခိၣ်တဖၣ်အသးကလီၤကတုၤကွံာ်, ဒီးဝံတဖၣ် ကကမၢကမၣ်ဝဲဒၣ်လီၤ.”

လံာ်ယံးရမံယၤ 48:24

ကရံးယိး, ဘိးစရၤန့ၣ်လီၤ. တၢ်စံၣ်ညီၣ်ဟဲ လီၤဘၣ်လၢ ကယဲၢ်ကီၢ်မိၤအးအဝ့ၢ်တဖၣ် လၢ အယံၤမ့ၢ်ဂ့ၤ, အဘူးမ့ၢ်ဂ့ၤ အလိၤန့ၣ်လီၤ.

လံာ်ယံးရမံယၤ 49:22

ဒုၣ်ဒါကထီၣ်ဒုးဝ့ၢ်ဘိးစရၤဒ်လံာ်ကြီကြာ်တဘ့ၣ်သလၣ် ထီၣ် အဒံးဆ့တဖၣ်ဒီး ယူၤသဖှိလီၤဝဲအသိးန့ၣ်လီၤ. လၢမုၢ်နံၤအဝဲန့ၣ်, ကီၢ်အဒိၣ်အသုးဖိတဖၣ် ကပျံၤတၢ်ဖုးတၢ်ဒ်ပိာ်မုၣ်တဂၤလၢအအိၣ်လၢ တၢ်အဟုးဆါထီၣ်အပူၤအသိးန့ၣ်လီၤ.”

လံာ်ယံးရမံယၤ 49:24

ဝ့ၢ်ဒၤမ့ၤစ့းအပှၤဂီၢ်မုၢ်အဂံၢ်အဘါစၢ်ဝဲဒီးထွးထီၣ်ဃ့ၢ်ဝဲလၢ တၢ်ပျံၤတၢ်ဖုးအပူၤန့ၣ်လီၤ. ဒ်ပိာ်မုၣ်တဂၤလၢအဟုးဆါ ဝဲအသိးန့ၣ်, အဝဲသ့ၣ်အိၣ်လၢ တၢ်ဆူးတၢ်ဆါဒီး တၢ်သူၣ်ကိၢ်သးဂီၤအပူၤလီၤ.

လံာ်ယံးရမံယၤ 50:37

မ်တၢ်မၤဟးဂီၤကွံာ်အကသ့ၣ်တဖၣ်ဒီး အလ့ၣ်ကဟၣ်တဖၣ်တက့ၢ်. မ်တၢ်သံကဘၣ်အသုးဖိတဖၣ်လၢ အဒိးလဲဝဲတက့ၢ်. အဝဲသ့ၣ် အဂံၢ်အဘါကစၢ်ဆံးဒိၣ်လဲၣ်. မ်တၢ်မၤဟးဂီၤကွံာ်အတၢ်လုၢ်ဒိၣ်ပှ့ၤဒိၣ်တဖၣ်, ဒီးဂုာ်ဆူၣ်ပျီဆူၣ်ဒီး ဟံးန့ၢ်ဆူၣ်အီၤတက့ၢ်.

လံာ်ယံးရမံယၤ 50:43

ကီၢ်ဘၤဘူၤလိၣ်အစီၤပၤနၢ်ဟူတၢ်ကစီၣ်ဒီးအစုတဖၣ်လီၤစၢ်ဝဲလီၤ. တၢ်သူၣ်ကိၢ်သးဂီၤလုၣ်ဘၢအီၤဒ် ပိာ်မုၣ်တဂၤလၢ အဟုးဆါဝဲအသိးန့ၣ်လီၤ.

လံာ်ယံးရမံယၤ 51:30

ကီၢ်ဘၤဘူၤလိၣ်အသုးဖိတဖၣ် ဆိကတီၢ်ဒုးတၢ်ဒီး အိၣ်ဒၣ်လၢအတိာ်တဖၣ်အပူၤန့ၣ်လီၤ. အဝဲသ့ၣ် အတၢ်သးဒူဟးသဒၣ်ကွံာ်အီၤဒီး ကဲထီၣ်ဒ်ပိာ်မုၣ်တဖၣ် အသိးန့ၣ်လီၤ. ဝ့ၢ်အတြဲၤတဖၣ်ဘၣ်တၢ်မၤလီၤပှီၢ် ကွံာ်အီၤဒီး ဟံၣ်တဖၣ်မ့ၣ်အူအီၣ်ကွံာ်လံ.

လံာ်ယံးရမံယၤ 6:24

ပှၤဂီၢ်မုၢ်လၢဝ့ၢ်ယရူၤရှလ့ၣ်အပူၤစံးဝဲ, “ပနၢ်ဟူတ့ၢ်တၢ်ကစီၣ်န့ၣ်လံ, ဒီးပစုတဖၣ်လီၤစၢ်လီၤစဲၤဝဲလီၤ. ဒ်ပိာ်မုၣ်လၢအဟုးဆါတဂၤအသိးန့ၣ်, တၢ်ကိၢ်တၢ်ဂီၤဒီးတၢ် ဆူးတၢ်ဆါလီၤဘၣ်ပှၤလီၤ.

လံာ်ဧၤမိၣ် 2:2

ယကဆှၢလီၤမ့ၣ်အူဆူပှၤမိၤအးဖိအကီၢ်ဒီးဒွဲၣ်အူကွံာ်ဝ့ၢ်ကရံ ယိးအတိာ်ဧိၤတာ်ဧိၤတဖၣ်န့ၣ်လီၤ. ပှၤကီၢ်မိၤအးဖိတဖၣ်ကသံကွံာ်ဝဲလၢတၢ်ဒုး တၢ်ယၤအတၢ်သီၣ်အပူၤဖဲပှၤသုးဖိသ့ၣ်တဖၣ်ကိးပသူထီၣ်ဒီးကွဲၤ တဖၣ်ဘၣ်တၢ်အူထီၣ်အီၤအခါန့ၣ်လီၤ.”

၁ သ့းစၤလနံ 5:3

ဖဲပှၤစံးဝဲ, “တၢ်ခဲလၢာ်မုာ်ဝဲခုၣ်ဝဲဒီးတၢ်ဘၣ်ယိၣ်အလီၢ် တအိၣ်ဘၣ်” အဆၢကတီၢ်န့ၣ်, သတူၢ်ကလာ်တၢ်ဟးဂူာ်ဟးဂီၤကတုၤအိၣ်အဝဲသ့ၣ် န့ၣ်လီၤ. တၢ်တမံၤအံၤကမၤအသးသတူၢ်ကလာ်ဒ်ပိာ်မုၣ် တဂၤအဟုးဆါထီၣ်အသိး, ဒီးပှၤတပူၤဖျဲးနီတဂၤဘၣ်.