လံာ်ယံးရမံယၤ 48:38 - Sgaw Karen Common Bible

³⁸ လၢကယဲၢ်ကီၢ်မိၤအးအဟံၣ်ခိၣ်ခဲလၢာ်အလိၤဒီးလၢကမျၢၢ် အတၢ်လီၢ်လီၤပျီဖးလဲၢ်ခဲလၢာ်အပူၤန့ၣ်အိၣ်ဒၣ်ထဲ တၢ်ဟီၣ်တၢ်ယၢၤန့ၣ်လီၤ. အဂ့ၢ်ဒ်အံၤ, ယမၤသ့ၣ်ဖးကွံာ်ကီၢ်မိၤအး ဒ်ကတံၤတဖျၢၣ်လၢ ပှၤတသးလီအီၤနီတဂၤဘၣ်အသိးန့ၣ်လီၤ.

လံာ်ယံးရမံယၤ 48:38 Iomraidhean Croise

စံးထီၣ်ပတြၢၤ 2:9

နကတီၢ်ကၢ်အဝဲသ့ၣ်လၢနီၣ်တီၢ်ထး, နကမၤသ့ၣ်ဖးအဝဲသ့ၣ်ဒ် သပၢၤဟီၣ်ခိၣ်အက့အခီအသိးန့ၣ်လီၤ.”

လံာ်ယၡါယၤ 15:3

ပှၤဂီၢ်မုၢ်လၢကျဲတဖၣ်အပူၤန့ၣ်ကူကၤထၢၣ်တၢ်ကံးယာ်တဖၣ်ဒီးလၢ ဝ့ၢ်အတၢ်လီၢ်ဖးလဲၢ်အပူၤဒီးလၢဟံၣ်ခိၣ်ဒုးတဖၣ်အဖီခိၣ်န့ၣ် ပှၤဂီၢ်မုၢ်ကအုကစွါဒီးဟီၣ်ဝဲယၢၤဝဲလီၤ.

လံာ်ယၡါယၤ 22:1

အအံၤမ့ၢ်တၢ်ကစီၣ်တခါဘၣ်ဃးဒီးတၢ်ထံၣ်လၢညါခီ အကစၢၢ်ကဆူးအဂ့ၢ်န့ၣ်လီၤ. တၢ်မနုၤမၤအသးန့ၣ်လဲၣ်. ဘၣ်မနုၤအဃိပှၤလၢဝ့ၢ်ပူၤတဖၣ် မၤမူးသးခုလၢအဟံၣ်တဖၣ်အခိၣ်ဒုးအဖီခိၣ်န့ၣ်လဲၣ်.

လံာ်ယၡါယၤ 30:14

သုကလီၤကလဲဝဲဒ်သပၢၤဟီၣ်ခိၣ်အသိး, ကၢ်လီၤကလဲဝဲတုၤ ဒၣ်လဲာ်သပၢၤက့အဒိၣ်လၢပကထၢထီၣ်သွဲၣ်လးကိၢ်မ့ၢ်ဂ့ၤ, ပကဒၢၣ်ထီၣ်ထံလၢထံဒၢဖးဒိၣ် အပူၤမ့ၢ်ဂ့ၤအဂီၢ်တအိၣ်လၢၤဘၣ်န့ၣ်လီၤ.”

လံာ်ယံးရမံယၤ 19:10

အန့ၣ်ဒီး, ယွၤတဲဘၣ်ယၤလၢယကမၤသ့ၣ်ဖးသပၢၤဟီၣ်ခိၣ်လၢ ပှၤလၢအလဲၤဃုာ်တၢ်ဒီးယၤတဖၣ်အမဲာ်ညါလီၤ.

လံာ်ယံးရမံယၤ 19:11

ဒီးယွၤမၢယတဲဘၣ်အဝဲသ့ၣ်လၢယွၤသ့တၢ်လၢာ်စံးတ့ၢ်ဝဲဒၣ်, “ယကမၤတၢ်မၤဟးဂီၤပှၤဂီၢ်မုၢ်အံၤဒီးဝ့ၢ်အံၤ, ဒီးတၢ်န့ၣ် ကလီၤဂာ်ဒီးသပၢၤဟီၣ်ခိၣ်လၢအသ့ၣ်ဖးအံၤလၢတၢ်မၤက့ၤ ကဒီးအီၤဒ်အလီၢ်လီၢ်အသိးတသ့ဝဲဘၣ်န့ၣ်လီၤ. လၢတိဖ့းအပူၤ ဒၣ်လဲာ်ပှၤဂီၢ်မုၢ်ကခူၣ်လီၤအပှၤသံတဖၣ်, မ့ၢ်လၢတၢ်လီၢ်အဂၤ လၢကခူၣ်လီၤအဝဲသ့ၣ်တအိၣ်ဘၣ်အဃိန့ၣ်လီၤ.

လံာ်ယံးရမံယၤ 22:28

ယစံးယဲ, “မ့ၢ်စီၤပၤယဟိၤယါခံၣ်ကဲထီၣ်ဒ်သပၢၤသ့ၣ်ဖး တဖျၢၣ်အသိးလၢအဘၣ်တၢ်စူးကွံာ်အီၤဒီးပှၤတသးလီအီၤ နီတဂၤဘၣ်န့ၣ်ဧါ. လၢတၢ်န့ၣ်အဃိ, မ့ၢ်အဝဲဒီးအဖိတဖၣ်ဘၣ်တၢ်စိာ်ကွံာ်အီၤဆူတၢ်မၢကဲကုၢ်အလီၢ်, တၢ်လီၢ်လၢအဝဲသ့ၣ်တသ့ၣ်ညါဝဲလၢအဂ့ၢ်နီတမံၤန့ၣ်ဧါ.”

လံာ်ယံးရမံယၤ 25:34

သုဝဲပှၤခိၣ်ပှၤနၢ်သ့ၣ်ဧၢ, ဟီၣ်ပသူထီၣ်တက့ၢ်. သုဝဲယပှၤဂီၢ်မုၢ် အပှၤ ကွၢ်သိသ့ၣ်ဧၢ, ကိးပသူထီၣ်ဖးဒိၣ်တက့ၢ်. ဟီၣ်တၢ်ယၢၤတၢ်ဒီး က လိာ်ကနွၢ်သုသးလၢ ဖၣ်ဆါကျါတက့ၢ်. တၢ်ဆၢကတီၢ်တုၤလံဝဲလၢ တၢ်ကမၤသံသုအဂီၢ်ဒီး သုကဘၣ်တၢ်ကျီသု တကူာ်တကူာ်ဒ် တၢ်ကျီသိဖါတဖၣ်အသိးဒီး သ့ၣ်ဖးကွံာ်ဒ်သပၢၤ ဟီၣ်ခိၣ်လၢ အဂ့ၤအသိးန့ၣ်လီၤ.

လံာ်ဟိၤၡ့ 8:8

ကီၢ်အံၣ်စရ့လးကဲထီၣ်ဒ်ပှၤကလုာ်ဂၤတဖၣ်ဒီးအဘျုး တအိၣ်ဘၣ်ဒ်သိးဒၣ်သပၢၤလၢအသ့ၣ်ဖးတဖျၢၣ်န့ၣ်လီၤ.

လံာ်မးသဲ 10:27

တၢ်လၢယတဲဘၣ်သုလၢတၢ်ခံးကျါန့ၣ်, သုကဘၣ်ကတိၤဖျါထီၣ်အီၤ လၢတၢ်ကပီၤအကျါဒီးတၢ်လၢသုနၢ်ဟူကသွံဒံန့ၣ်, သုကဘၣ်ကိးသတြီထီၣ်အီၤလၢဟံၣ်ခိၣ်အဖီခိၣ်ဒ်သိးပှၤဂၤကနၢ်ဟူ အဂီၢ်လီၤ.

လံာ်လီၣ်ဖျါ 2:27

ယကဟ့ၣ်လီၤတၢ်စိတၢ်ကမီၤတမံၤဃီလၢယဒိးန့ၢ်တ့ၢ်ယဲလၢ ယပၢ်အအိၣ်န့ၣ်လီၤ.