လံာ်ယံးရမံယၤ 48:35 - Sgaw Karen Common Bible

³⁵ ယကဆိကတီၢ်ကွံာ်ကီၢ်မိၤအးအပှၤဂီၢ်မုၢ်လၢ အတၢ်ကလုၢ် ထီၣ်တၢ်လုၢ်မ့ၣ်အူလၢ အတၢ်ဘူၣ်ထီၣ်ဘါထီၣ်အလီၢ်တဖၣ်ဒီး လၢတၢ်လုၢ်ထီၣ်တၢ်လုၢ်တၢ်ပာ်တဖၣ် ဆူကစၢ်တဖၣ်အအိၣ် န့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 48:35 Iomraidhean Croise

လံာ်ယၡါယၤ 15:2

ပှၤဒံးဘိၣ်ဖိတဖၣ်လဲၤထီၣ်ကစၢၢ်လၢကဟီၣ်ဝဲယၢၤဝဲဖဲတၢ်ဘူၣ် တၢ်ဘါအလီၢ်အိၣ်ဝဲန့ၣ်လီၤ. ပှၤမိၤအးဖိတဖၣ်ဟီၣ်ဝဲယၢၤဝဲလၢ တၢ်သူၣ်အုးသးအုးအပူၤလၢဝ့ၢ်နဘိဒီးဝ့ၢ်မ့ဒဘၤတဖၣ်အဃိလီၤ. အဝဲသ့ၣ်လူၤကွံာ်အခိၣ်တဖၣ်ဒီးအခၣ်ဆူၣ်တဖၣ်လၢတၢ်သူၣ်အုး သးအုးအပူၤလီၤ.

လံာ်ယၡါယၤ 16:12

ပှၤမိၤအးဖိတဖၣ်မၤလီၤဘှံးလီၤတီၤအသးခီဖျိအတၢ်လဲၤ ဆူအတၢ်ဘူၣ်တၢ်ဘါအလီၢ်တဖၣ်လၢကစၢၢ်အလိၤဒီးဆူ အတၢ်လုၢ်ဟံၣ်တဖၣ်လၢကဘါထုကဖၣ်တၢ်အဂီၢ်လီၤ. ဘၣ်ဆၣ်ဒီး, တၢ်သ့ၣ်တဖၣ်အံၤတမၤဂ့ၤအဝဲသ့ၣ်နီတမံၤဘၣ်.

လံာ်ယံးရမံယၤ 11:13

ကီၢ်ယူဒၤအပှၤဂီၢ်မုၢ်အိၣ်ဒီးအကစၢ်တဖၣ်အါမးဒ်အဝဲသ့ၣ် အိၣ်ဒီးအဝ့ၢ်တဖၣ်အသိး, ဒီးပှၤလၢအအိၣ်ဝဲဆိးဝဲလၢဝ့ၢ်ယရူၤၡလ့ၣ် အပူၤတဖၣ်မၤထီၣ်တၢ်လုၢ်လီၢ်တဖၣ်, လၢတၢ်လုၢ်ထီၣ်ပာ်ထီၣ် တၢ်ဆူအကစၢ်ဘဧၤလးအအိၣ်အဂီၢ်, အါဝဲပှဲၤသိးကျဲအဘိတဖၣ် လၢဝ့ၢ်အပူၤန့ၣ်လီၤ.

လံာ်ယံးရမံယၤ 48:7

ကီၢ်မိၤအးဧၢ, နနာ်လီၤန့ၢ်နဂံၢ်နဘါဒီးနတၢ်ထူးတၢ်တီၤန့ၣ်လီၤ. ဘၣ်ဆၣ်ဒီး အခဲအံၤ, နၤဒၣ်လဲာ်နကဘၣ် တၢ်မၤနၢၤမၤန့ၢ်ကွံာ်နၤန့ၣ်လီၤ. နကစၢ်ကမိၣ်ကဘၣ်လဲၤဆူ တၢ်မၢကဲကုၢ်အလီၢ် ဃုာ်ဒီးပဒိၣ်ပပှၢ်တဖၣ်ဒီး အပှၤလုၢ်တၢ်အခိၣ်တဖၣ်န့ၣ်လီၤ.

လံာ်ယံးရမံယၤ 7:9

သုဟုၣ်တၢ်, မၤသံတၢ်, မၤကမၣ်မုၣ်ကမၣ်ခွါ, သုလီတၢ်လၢတၢ်ဆိၣ်လီၤသးအပူၤ, သုလုၢ်ထီၣ်ပာ်ထီၣ်တၢ်ဆူဘဧၤလး, ဒီးဘူၣ်ထီၣ်ဘါထီၣ်ကစၢ်တဖၣ်လၢ သုတသ့ၣ်ညါတ့ၢ်ဘၣ်အီၤလၢညါန့ၣ်လီၤ.

လံာ်တၢ်ဂံၢ် 28:14

တၢ်လုၢ်စပံးထံအနီၣ်ထိၣ်နီၢ်နီၢ်မ့ၢ်ဝဲကျီၢ်ဖါတဒုစုာ်စုာ် ဃုာ်ဒီးစပံးထံတဟံၣ်ခံပူတပူ, သိဖါတဒုစုာ်စုာ်ဃုာ်ဒီးစပံးထံတဟံၣ်သၢပူတပူ, ဒီးသိဖါဖိတဒုစုာ်စုာ်ဃုာ်ဒီးစပံးထံတဟံၣ်လွံၢ်ပူတပူ န့ၣ်လီၤ. တၢ်သိၣ်တၢ်သီအံၤမ့ၢ်လၢတၢ်လုၢ်မ့ၣ် အူလၢလါကိးဘ့ၣ်ဒဲးအခီၣ်ထံးတသီလၢဒီတနံၣ်ညါ အတီၢ်ပူၤအဂီၢ်န့ၣ်လီၤ.