လံာ်ယံးရမံယၤ 48:31 - Sgaw Karen Common Bible

³¹ ဒီးလၢတၢ်န့ၣ်အဃိ, ယကဟီၣ်ကယၢၤလၢ ပှၤကိးဂၤ ဒဲးလၢ အအိၣ်လၢကီၢ်မိၤအးပူၤအဃိ ဒီးလၢဝ့ၢ်ကံၢ်ဃ့ရ့း အပှၤဂီၢ်မုၢ်အဃိန့ၣ်လီၤ.

လံာ်ယံးရမံယၤ 48:31 Iomraidhean Croise

လံာ်စီၤပၤခံဘ့ၣ်တဘ့ၣ် 3:25

ဒီးမၤဟးဂီၤကွံာ်အဝဲသ့ၣ်အဝ့ၢ်တဖၣ်န့ၣ်လီၤ. တုၤအဝဲသ့ၣ်လဲၤခီဂာ်စံာ်ဧိၤပျီဧိၤလၢဟီၣ်ခိၣ်ညၣ်ထ့ၣ်ဂ့ၤ ဝဲန့ၣ်, ပှၤအံၣ်စရ့လးဖိကိးဂၤဒဲးကကွံာ်လီၤလၢၢ်တဂၤတဖျၢၣ်လၢအဖီ ခိၣ်, တုၤလၢ, လၢခံကတၢၢ်န့ၣ်, ကယဲၢ်စံာ်ဧိၤပှဲၤဧိၤခဲလၢာ်ဘၣ်တၢ် ကးဘၢကွံာ်အီၤန့ၣ်လီၤ. အဝဲသ့ၣ်ဆွံကတံာ်စ့ၢ်ကီးထံထီၣ်ပၢၢ်တဖၣ်ဒီးကူာ်လီၤကွံာ်သ့ၣ် အထူၣ်တဖၣ်န့ၣ်လီၤ. လၢခံကတၢၢ်ထဲဒၣ်ဝ့ၢ်ခိၣ်ကံၢ်ဃရၤၡ့းတဖျၢၣ်ဧိၤအိၣ်တီၢ်ဝဲ ဒီးပှၤခးနီၣ်ဘျုးတဖၣ်ကဝီၤဃာ်အီၤဒီးဒုးအီၤန့ၣ်လီၤ.

လံာ်ယၡါယၤ 15:5

ယသးကိးပသူထီၣ်လၢကီၢ်မိၤအးအဂီၢ်လီၤ. ပှၤဂီၢ်မုၢ်ဃ့ၢ်ထီၣ်ကွံာ်ဝဲတုၤလၢဝ့ၢ်စိၤဧၢ်, ဒီးဆူအဲးကလးၡဃ့ၡၣ်န့ၣ်လီၤ. တနီၤလဲၤထီၣ်ကျဲဆူဝ့ၢ်လူဃံးဒီး ဟီၣ်ဝဲယၢၤဝဲဖဲအလဲၤတၢ်အဖၢမုၢ်လီၤ. တနီၤဃ့ၢ်ထူၣ်ဖျဲးထီၣ် ဆူဝ့ၢ်ဃိရနဲၣ်, အိၣ်ဒီးတၢ်သူၣ်အုးသးအုးအသီၣ်ဖးဒိၣ်လီၤ.

လံာ်ယံးရမံယၤ 48:36

လၢတၢ်န့ၣ်အဃိ ယသးအတၢ်သးအုးအသီၣ်လၢ ကီၢ်မိၤအးအဂီၢ်ဒီးလၢဝ့ၢ်ကံၢ်ဃ့ရ့းအပှၤဂီၢ်မုၢ်အဃိန့ၣ်, လီၤဂာ်ဒ်ပှၤတဂၤအူတၢ်သံအတၢ်သးဝံၣ်တယုၢ်လၢပံအသိးန့ၣ်လီၤ. အဂ့ၢ်ဒ်အံၤ, တၢ်လၢအမ့ၢ်အဝဲသ့ၣ် အတၢ်ခဲလၢာ်န့ၣ်, လီၤမၢ်ကွံာ်လံ.