လံာ်ယံးရမံယၤ 48:20 - Sgaw Karen Common Bible

²⁰ အဝဲသ့ၣ်ကစံးဆၢဝဲ, ‘ကီၢ်မိၤအးလီၤပှီၢ်လံ. ဟီၣ်တၢ်ယၢၤတၢ်လၢအဃိတက့ၢ်. ဘၣ်တၢ်မၤမဲာ်ဆှးအီၤလံ. ဘိးဘၣ်သ့ၣ်ညါလၢ ထံကျိအၢ်နိၢ်ဒီဘိညါ လၢကီၢ်မိၤအးဘၣ်တၢ်မၤဟးဂီၤကွံာ်အီၤ လံန့ၣ်တက့ၢ်.’

လံာ်ယံးရမံယၤ 48:20 Iomraidhean Croise

လံာ်ယၡါယၤ 15:8

ဖဲမိၤအးအကီၢ်ဆၢတၢ်လီၢ်ကိးပူၤဒဲးန့ၣ်, တၢ်နၢ်ဟူဘၣ်တၢ် ဟီၣ်တၢ်ယၢၤအသီၣ်လီၤ. တၢ်နၢ်ဟူအီၤလၢဝ့ၢ်အ့ကလံၣ် ဒီးဝ့ၢ်ဘ့ၣ်အ့လံၣ်တဖၣ်လီၤ.

လံာ်ယၡါယၤ 16:2

အဝဲသ့ၣ်အိၣ်ခိးတၢ်ဖဲထံကျိအၤနိၣ် အကၢၢ်ခိၣ်ဒီးသုးအသးဖဲအံၤဖဲနုၤ လၢတၢ်တိာ်တအိၣ်ဘၣ်အပူၤ, ဒ်ထိၣ်တဖၣ်လၢအဘၣ် တၢ်နီၣ်ထီၣ်ကွံာ်အီၤလၢအသွံပူၤအသိးန့ၣ်လီၤ.

လံာ်သိၣ်လီၤသီလီၤတၢ် 2:36

ယွၤပကစၢ်ယွၤပျဲပမၤန့ၢ်ကွံာ်ဝ့ၢ်ခဲလၢာ်စးထီၣ်လၢ ဧရိၤဧ့ၢ်လၢ အအိၣ်လၢအၤနိၣ်အတၢ်တြီၤအကၢၢ်ခိၣ်, ဒီးဝ့ၢ်အိၣ် လၢတၢ်တြီၤန့ၣ်အခၢၣ်သး, ဒီတကျဲညါတုၤလၢ ဝ့ၢ်ကံးလဧးန့ၣ်လီၤ. ဝ့ၢ်လၢအခိၣ်ဒူ ကကျၢၤကဲာ်ဆိးလၢပဂီၢ် တအိၣ်ဘၣ်လီၤ.

လံာ်စီၤယိၤၡူ 13:9

အဝဲသ့ၣ်အကီၢ်လဲၤတုၤလၢဝ့ၢ်ဧရိၤဧ့ၢ် (လၢအၢ်နိၣ်တၢ်ပၢၤခိၣ် အထိးနါ) ဒီးဝ့ၢ်လၢအအိၣ်လၢတၢ်ပၢၤခိၣ်န့ၣ်အခၢၣ်သးပၣ်ဃုာ်ဒီး မ့ဒဘၤအတၢ်ပၢၤခိၣ်ထီၣ်ထီတုၤလၢဒံဘိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 11:18

တုၤနုၤတစု, အဝဲသ့ၣ်လဲၤခီဖျိမဲးမုၢ်ခိၣ်ဒီးလဲၤတရံးကီၢ်အဒိၣ်ဒီးကီၢ်မိၤအး တုၤအတုၤလၢကီၢ်မိၤအးအမုၢ်ထီၣ်ဖဲထံကျိအၢ်နိၣ်အဘးခီန့ၣ်လီၤ. အဝဲသ့ၣ်သူၣ်အဒဲဖဲန့ၣ်ဘၣ်ဆၣ်ဒီးတလဲၤခီဂာ်ထံကျိအၢ်နိၣ်ဘၣ်. အဂ့ၢ်ဒ်အံၤ, မ့ၢ်ဝဲကီၢ်မိၤအးအထံဆၢကီၢ်ဆၢန့ၣ်လီၤ.