လံာ်ယံးရမံယၤ 48:19 - Sgaw Karen Common Bible

¹⁹ သုဝဲလၢ အအိၣ်ဝဲဆိးဝဲလၢ ဝ့ၢ်ဧရိၤဧ့ၢ်သ့ၣ်ဧၢ, ဆၢထၢၣ်လၢကျဲကပၤဒီးအိၣ်ခိးတၢ်တက့ၢ်. သံကွၢ်ပှၤတဖၣ်လၢအဃ့ၢ်ကွံာ် ဒီးသုကသ့ၣ် ညါတၢ်လၢ အမၤတ့ၢ်အသးန့ၣ်တက့ၢ်.

လံာ်ယံးရမံယၤ 48:19 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 24:5

အဝဲသ့ၣ်လဲၤခီဂာ်ထံကျိယၢ်ဒ့ၣ်ဒီးသူၣ်ဒဲဖဲဝ့ၢ်ဧရိၤဧ့ၢ်, ဝ့ၢ်တဝ့ၢ်လၢအအိၣ်ဖဲတၢ်တြီၤပူၤအခၢၣ်သးလၢပှၤကးဖိအဒူၣ် အလီၢ်ကဝီၤအပူၤ, အကလံၤထံးန့ၣ်လီၤ. ဖဲန့ၣ်အဝဲသ့ၣ်လဲၤဆူကလံၤစိးဆူဝ့ၢ်ယၤစ့ၢ်,

လံာ်ကွဲးနီၣ်တၢ်အခီၣ်ထံးတဘ့ၣ် 5:8

ဒီးစီၤဘ့လၤလၢအမ့ၢ်စီၤဧၤစးအဖိခွါ, စီၤၡမၤအလံၤလၢစီၤ ယိၤအ့လးအဒူၣ်ထၢန့ၣ်လီၤ. ဒူၣ်ထၢအံၤအိၣ်ဝဲဆိးဝဲဖဲဧရိၤဧ့ၢ်ဒီးလီၢ်ကဝီၤစးထီၣ်ဖဲ န့ၣ်ဆူကလံၤစိး, တုၤလၢဝ့ၢ်နဘိဒီးဝ့ၢ်ဘဧၤလးမဧိၣ်န့ၣ်လီၤ.

လံာ်တၢ်ဂံၢ် 32:34

ကးအဒူၣ်ဘှီထီၣ်က့ၤဝ့ၢ်အိၣ်ဒီးအခိၣ်ဒူတဖၣ်လၢအမ့ၢ်ဒံၤဘိၣ်, ဧးတၤရိး, ဧရိၤဧ့ၢ်,

လံာ်သိၣ်လီၤသီလီၤတၢ် 2:36

ယွၤပကစၢ်ယွၤပျဲပမၤန့ၢ်ကွံာ်ဝ့ၢ်ခဲလၢာ်စးထီၣ်လၢ ဧရိၤဧ့ၢ်လၢ အအိၣ်လၢအၤနိၣ်အတၢ်တြီၤအကၢၢ်ခိၣ်, ဒီးဝ့ၢ်အိၣ် လၢတၢ်တြီၤန့ၣ်အခၢၣ်သး, ဒီတကျဲညါတုၤလၢ ဝ့ၢ်ကံးလဧးန့ၣ်လီၤ. ဝ့ၢ်လၢအခိၣ်ဒူ ကကျၢၤကဲာ်ဆိးလၢပဂီၢ် တအိၣ်ဘၣ်လီၤ.

လံာ်စီၤယိၤၡူ 12:2

တဂၤမ့ၢ်ဝဲစီၤစံဃိၣ်, ပှၤအမိၢ်ဖိအစီၤပၤလၢအပၢတၢ်ဖဲဝ့ၢ်ဃ့ၡဘိၣ်လီၤ. အဘီမုၢ်ပၣ်ဃုာ်ဒီးကီၢ်ကံးလဧးတဝာ်, စးထီၣ်လၢဝ့ၢ်ဧရိၤဧ့ၢ် (လၢအအိၣ်လၢထံကျိအၢ်နိၣ်အတၢ်ပၢၤခိၣ်အထိးနါ) ဒီးလၢဝ့ၢ်လၢအအိၣ်လၢတၢ်ပၢၤခိၣ်န့ၣ်အခၢၣ်သး, ပၢၢ်တုၤလၢထံကျိယးဘိးလၢအအိၣ်လၢဧၣ်မိၣ်အကီၢ်ဆၢ,

လံာ်ပှၤစံၣ်ညီၣ်ကွီၢ် 11:26

ဒီးလၢအနံၣ်သၢကယၤအတီၢ်ပူၤန့ၣ်ပှၤအံၣ်စရ့လးဖိဟံးန့ၢ်ပၢ ဘၣ်ဝ့ၢ်ဃ့ၡဘိၣ်ဒီးဝ့ၢ်ဧရိၤဧ့ၢ်ဒီးဝ့ၢ်ဖိလၢအအိၣ်လၢအခိၣ်အဃၢၤတဖၣ်, ဒီးကယဲၢ်ဝ့ၢ်လၢအအိၣ်လၢထံကျိအၢ်နိၣ်အကၢၢ်ခိၣ်တဖၣ်န့ၣ်လီၤ. ဘၣ်မနုၤသုတဟံးန့ၢ်က့ၤအီၤလၢအခါဖဲန့ၣ်လဲၣ်.

လံာ်စီၤၡမူၤအ့လးအခီၣ်ထံးတဘ့ၣ် 4:16

ပှၤတဂၤန့ၣ်စံးဝဲ, “ယဃ့ၢ်ပူၤဖျဲးလၢတၢ်ဒုးပျီဒီးဟဲက့ၤ ဃ့ၢ်ဆူအံၤကျဲဒီဘိညါတနံၤအံၤလီၤ.” ဒီးစီၤဧ့လံၤသံကွၢ်အီၤ, “ယဖိခွါဧၢ, တၢ်မၤအသးဒ်လဲၣ်.”