လံာ်ယံးရမံယၤ 48:17 - Sgaw Karen Common Bible

¹⁷ သုဝဲလၢအအိၣ်ဘူးဒီးအီၤခဲလၢာ်, သုဝဲခဲလၢာ်လၢ အသ့ၣ်ညါအတၢ်မံၤဟူသၣ်ဖျါသ့ၣ်ဧၢ, ဟီၣ်တၢ်ယၢၤတၢ်လၢပှၤကလုာ်အဃိန့ၣ်တက့ၢ်. စံးသုဝဲဒၣ်လၢ အတၢ်ပၢတၢ်လၢ တၢ်စိကမီၤအပူၤ ဆိကတီၢ်အသးလံ. အလၤကပီၤဒီး အဂံၢ်ဆူၣ်ဘါဆူၣ်တဖၣ် တအိၣ် လၢၤဘၣ်န့ၣ်တက့ၢ်.

လံာ်ယံးရမံယၤ 48:17 Iomraidhean Croise

စံးထီၣ်ပတြၢၤ 110:2

ယွၤကမၤလဲၢ်ထီၣ်နစီၤပၤအစိကမီၤ စးထီၣ်လၢစံယိၣ်န့ၣ်လီၤ. အဝဲစံးဝဲ, “ပၢတၢ်လၢနဒုၣ်နဒါတဖၣ်အဖီခိၣ်တက့ၢ်.”

လံာ်ယၡါယၤ 10:5

ယွၤစံးဝဲဒၣ်, “ကီၢ်အၤၡူၢ်ဧၢ, ယသူကီၢ်အၤၡူၢ်ဒ်နီၣ်တီၢ် တဘိးအသိးလၢယကစံၣ်ညီၣ်ပှၤလၢယသးကဲၤထီၣ် ဘၣ်အီၤတဖၣ်အဂီၢ်လီၤ.”

လံာ်ယၡါယၤ 14:6

ပှၤလၢအမၤနၢၤမၤဃၣ်ပှၤဂီၢ်မုၢ်လၢတၢ်သးဒိၣ်ဒီးတဆိကတီၢ် လၢအတၢ်မၤနးမၤဖှီၣ်ပှၤကလုာ်တဖၣ်လၢအဝဲသ့ၣ်ဒုးန့ၢ်ဒီးမၤ နၢၤအီၤတဖၣ်န့ၣ်ယွၤဆိကတီၢ်ကွံာ်အီၤလံ.

လံာ်ယၡါယၤ 16:8

စံာ်ပျီဘူးဒီးဝ့ၢ်ဃ့ၡဘိၣ်တဖၣ်ဒီးစံးဘမၤအစပံးလီၢ်တဖၣ်ဘၣ် တၢ်မၤဟးဂီၤအီၤလံ. စပံးထံလၢစပံးလီၢ်တဖၣ်အံၤန့ၣ်ညီနုၢ်မၤ မူၤမၤဘှီးပှၤကလုာ်အစီၤပၤတဖၣ်, ဒီးလၢတဘျီန့ၣ်, စပံးမုၢ်တဖၣ်အံၤသလၣ်လီၤအသးတုၤလၢဝ့ၢ်ယၤစ့ၢ်, ဒီးဆူမုၢ်ထီၣ်တကပၤတုၤလၢပှၢ်မုၢ်ကနၢ, ဒီးဆူမုၢ်နုာ်တကပၤတုၤဆူပီၣ်လဲၣ်သံအဘးခီတခီန့ၣ်လီၤ.

လံာ်ယၡါယၤ 9:4

အဂ့ၢ်ဒ်အံၤ, နမၤကၢ်တ့ၢ်နီၣ်ယိးဘိလၢအမၤဃၢမၤစံာ်အီၤ ဒီးနီၣ်တီၢ်လၢအတီၢ်အဝဲသ့ၣ်အဖံဘၣ်ခိၣ် တဖၣ်န့ၣ်လီၤ. နမၤနၢၤကွံာ်ပှၤကလုာ်လၢအမၤအၢမၤ နးဒီးဃုအဘျုးလၢနပှၤဂီၢ်မုၢ်အဖီခိၣ်, ဒ်နမၤနၢၤကွံာ်ကီၢ်မံးဒယၣ်အသုးမုၢ်လၢပျၢၤ အသိးန့ၣ်လီၤ.

လံာ်ယံးရမံယၤ 48:39

ဟီၣ်တၢ်ယၢၤတၢ်တက့ၢ်. ကီၢ်မိၤအးဘၣ်တၢ်မၤလီၤ ကလဲကွံာ်အီၤလံ. အိၣ်လၢတၢ်ဟးဂီၤအပူၤလံ. ဒီးပှၤ ကလုာ်အိၣ်ဝးတရံးအီၤတဖၣ် ကတိၤဒုၣ်ဒွဲၣ်အီၤလီၤ. ယၤ, ယွၤအံၤ, ကတိၤလံတၢ်လံ.”