လံာ်ယံးရမံယၤ 48:14 - Sgaw Karen Common Bible

¹⁴ ကီၢ်မိၤအးအပှၤပိာ်ခွါသ့ၣ်ဧၢ, ဘၣ်မနုၤအဃိသုစံးလီၤသုသးလၢ သုမ့ၢ်ပှၤဒူပှၤဃိၤတဖၣ်, ပှၤသုးဖိအဒူတဖၣ်လၢ အဘၣ်တၢ်မၤကွၢ်တ့ၢ်လံ အီၤလၢ တၢ်ဒုးတၢ်ယၤအပူၤလံ, န့ၣ်လဲၣ်.

လံာ်ယံးရမံယၤ 48:14 Iomraidhean Croise

စံးထီၣ်ပတြၢၤ 11:1

ယသန့ၤယသးလၢယွၤလၢတၢ်ပူၤဖျဲးအဂီၢ်န့ၣ်လီၤ. နမ့ၢ်မးပှၤဟးဂီၤဖိဖဲနစံးဘၣ်ယၤ, “ယူၤကွံာ်ဒ်ထိၣ်တဘ့ၣ်အသိးဆူကစၢၢ်န့ၣ်တက့ၢ်.

စံးထီၣ်ပတြၢၤ 33:16

စီၤပၤတဘၣ်တၢ်မၤပူၤဖျဲးအီၤလၢ အသုးမုၢ်ဂီၢ်မုၢ်ဖးဒိၣ်အဃိဘၣ်. ပှၤသုးဖိတဘၣ်တၢ်မၤပူၤဖျဲးအီၤလၢ အဂံၢ်ဆူၣ်ဘါဆူၣ်အဃိဘၣ်.

လံာ်ပှၤစံၣ်တဲၤတဲလီၤတၢ် 9:11

ယသ့ၣ်ညါလီၤတံၢ်တၢ်အဂၤတမံၤလၢ, ဟီၣ်ခိၣ်အံၤပှၤဃ့ၢ် သတြီၤတၢ်ချ့တဖၣ်တမၤနၢၤတၢ်ပြၢထီဘိဘၣ်ဒီးပှၤအဒူတဖၣ် တမၤနၢၤတၢ်ဒုးထီဘိဘၣ်. ပှၤကူၣ်တၢ်သ့တဖၣ်မၤအီၣ်မၤအီ တကဲထီၣ်လိၣ်ထီၣ်ဘၣ်ထီဘိဘၣ်. ပှၤလၢအအိၣ်ဒီးတၢ်ကူၣ်တၢ်ဆးတဖၣ် တထူးထီၣ်တီၤထီၣ်တဘိယူၢ်ဃီဘၣ်. ဒီးပှၤလၢအမၤတၢ်သ့တဖၣ်တမၤန့ၢ်လီၢ်ဒိၣ်လၤထီထီဘိဘၣ်. ဘူၣ်တီၢ်အၢသီမၤအသးလၢပှၤကိးဂၤဒဲးလီၤ.

လံာ်ယၡါယၤ 10:13

ကီၢ်အၤၡူၢ်အစီၤပၤဖးဒိၣ်ကတိၤဒိၣ်ကတိၤသွါတၢ်ဒီးစံးဝဲ, “ယမၤတ့ၢ်တၢ်ခဲလၢာ်န့ၣ်လၢယကစၢ်ဒၣ်ယဲလီၤ. ယဂံၢ်ဆူၣ်ဘါဆူၣ်, ယကူၣ်တၢ်သ့ဒီးယသ့ယဘၣ်လီၤ. ယတြူာ်ကွံာ်ထံဆၢကီၢ်ဆၢတဖၣ်လၢပှၤကလုာ်တကလုာ်ဒီး တကလုာ်အဘၢၣ်စၢၤ, ဒီးဟံးန့ၢ်တၢ်လုၢ်ဒိၣ်ပှ့ၤဒိၣ်လၢအပာ် ဖှိၣ်ပာ်တံၤဝဲတဖၣ်လီၤ. ဒ်ဂီၤဖံးဖါတဒုအသိး, ယယီၢ်တံၢ်ပှၤ တဖၣ်လၢအအိၣ်ဖဲန့ၣ်န့ၣ်လီၤ.

လံာ်ယၡါယၤ 10:16

ယွၤ, သ့တၢ်လၢာ်ကစၢ်ကမၢလီၤတၢ်ဆူးတၢ်ဆါလၢကစံၣ်ညီၣ် ပှၤတဖၣ်လၢအခဲအံၤအီၣ်ကုးအီပှဲၤန့ၣ်လီၤ. လၢအဝဲသ့ၣ်အနီၢ်ခိတဖၣ်အပူၤန့ၣ်, မ့ၣ်အူကအိၣ်ဝဲလၢအအီၣ် ဝံၤအီၣ်က့ၤတၢ်တနဲးနဲးလီၤ.

လံာ်ယၡါယၤ 16:6

ပှၤယူဒၤဖိတဖၣ်စံးဝဲ, “ပနၢ်ဟူတ့ၢ်ပှၤမိၤအးဖိတဖၣ်ပာ် ထီၣ်ထီအသးထဲလဲၣ်လီၤ. ပသ့ၣ်ညါလၢအဝဲသ့ၣ်ပာ်ကဖၢလၢအ သးဒီးပာ်ထီၣ်ထီအသးလီၤ. ဘၣ်ဆၣ်ဒီး, အတၢ်ကတိၤ ဒိၣ်အကိာ်တဖၣ်န့ၣ်မ့ၢ်တၢ်အိၣ်ကလီလီၤ.”

လံာ်ယံးရမံယၤ 49:16

နတၢ်ပာ်ကဖၢလၢနသးလီန့ၢ်နၤလီၤ. ပှၤတပျံၤဘၣ်နၤနီတဂၤ, ထဲသိးနဆိကမိၣ်လၢ အဝဲသ့ၣ်ကပျံၤဝဲန့ၣ်ဘၣ်. နအိၣ်နဆိးလၢ လ့ကဘျၣ်တဖၣ်အဖီခိၣ်အိၣ်ထီၣ်ထီဝဲလၢ ကစၢၢ်ဒီခိၣ် အလိၤန့ၣ်လီၤ. ဘၣ်ဆၣ်ဒီး, နမ့ၢ်အိၣ်မ့ၢ်ဆိးထီၣ်ထီထဲသိးဒီး လံာ်ကြီကြာ်ဒၣ်လဲာ်န့ၣ်, ယွၤကထုးလီၤကွံာ်နၤလီၤ. ယွၤကတိၤလံတၢ်လံ.”

လံာ်ယံးရမံယၤ 8:8

သုစံးလၢသုကူၣ်တၢ်သ့ဒီးလၢသုသ့ၣ်ညါ ယတၢ်စူၢ်တၢ်နာ်အတၢ်သိၣ်တၢ်သီတဖၣ်သ့ဒ်လဲၣ်. ကွၢ်ကွၢ်, တၢ်စူၢ်တၢ်နာ်အတၢ်သိၣ်တၢ်သီတဖၣ်ဘၣ်တၢ် လဲလိာ်ကွံာ်အီၤလၢပှၤကွဲးလံာ်လၢအတတီတလိၤတဖၣ်န့ၣ်လီၤ.

လံာ်ယံးရမံယၤ 9:23

ယွၤစံးဝဲဒၣ်, “ပှၤကူၣ်တၢ်သ့တဖၣ်တကြၢးပာ်ကဖၢလၢအသးလၢ အတၢ်ကူၣ်သ့ အဃိမ့ၢ်ဂ့ၤ, ပှၤဂံၢ်ဆူၣ်ဘါဆူၣ်တဖၣ်လၢအတၢ်ဂံၢ်တၢ်ဘါအဃိမ့ၢ်ဂ့ၤ, ဒီးပှၤထူးပှၤတီၤတဖၣ်လၢ အတၢ်ထူးတၢ်တီၤအဃိမ့ၢ်ဂ့ၤန့ၣ်ဘၣ်.

လံာ်ယဃ့းစက့လး 30:6

ယွၤစံးဝဲဒၣ်, “စးထီၣ်လၢမံးကဒိးလး, လၢကလံၤစိးတုၤဆူ စဝ့နၤလၢကလံၤထံး, ကယဲၢ်ကီၢ်အဲၤကူပတူးအပှၤတြီဆၢတၢ် ခဲလၢာ်ကဘၣ်တၢ်မၤသံအီၤလၢ တၢ်ဒုးအပူၤန့ၣ်လီၤ. ကီၢ်အဲၤကူပတူးအသုးမုၢ်လၢ အပာ်ကဖၢလၢအသးန့ၣ်ကဘၣ်တၢ်မၤဟးဂီၤကွံာ်အီၤန့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်စဖါနယၤ 2:10

တၢ်န့ၣ်မ့ၢ်ကီၢ်မိၤအးဒီးကီၢ်ဧၣ်မိၣ်အပှၤဂီၢ်မုၢ်တဖၣ်ကဘၣ်တၢ် စံၣ်ညီၣ်လၢအတၢ်ပာ်ထီၣ်ထီအသးဒီးအတၢ်ပာ်ကဖၢလၢ အသးဒီးအတၢ်ဒုၣ်ဒွဲၣ်ယွၤသ့တၢ်လၢာ်အပှၤဂီၢ်မုၢ်အဃိဒ် လဲၣ်ဒ်လဲၣ်န့ၣ်လီၤ.