လံာ်ယံးရမံယၤ 48:13 - Sgaw Karen Common Bible

¹³ အန့ၣ်ဒီး, ပှၤမိၤအးဖိတဖၣ် ကဘၣ်တၢ်မဲာ်ဆှးလၢ အတၢ်နာ်ကမၣ်အကစၢ်ကမိၣ်အဃိ, ဒ်ပှၤအံၣ်စရ့လးဖိတဖၣ် ဘၣ်မဲာ်ဆှးလၢ ဘ့ၤသ့လး, ကစၢ်တဂၤလၢ အဝဲသ့ၣ်နာ်ဝဲအဃိ, အသိးန့ၣ်လီၤ.

လံာ်ယံးရမံယၤ 48:13 Iomraidhean Croise

လံာ်စီၤပၤအခီၣ်ထံးတဘ့ၣ် 11:33

ယကမၤတၢ်အံၤမ့ၢ်လၢစီၤၡလိၤမိၤညိကွံာ်လံယၤဒီးဘူၣ်ထီၣ်ဘါ ထီၣ်ပှၤတခီဘီမုၢ်ဖိအကစၢ်တဖၣ်လၢအမ့ၢ်ဝဲ, ကီၢ်စံဒိၣ်အကစၢ်မုၣ်ဧၤၡတြိး, ကီၢ်မိၤအးအကစၢ်ကမိၣ်, ဒီးကီၢ်ဧၣ်မိၣ်အကစၢ်မိလးအဃိန့ၣ်လီၤ. စီၤၡလိၤမိၤတစူၢ်တ့ၢ်ယၤလၢၤဘၣ်. အဝဲမၤကမၣ်တ့ၢ်တၢ်ဒီးတတိၢ် န့ၢ်ဖံးဃာ်ယတၢ်သိၣ်တၢ်သီတဖၣ်ဒီးယတၢ်မၤလိာ်တဖၣ်ဒ်အပၢ်စီၤဒၤ ဝံးမၤတ့ၢ်ဝဲအသိးန့ၣ်ဘၣ်.

လံာ်စီၤပၤအခီၣ်ထံးတဘ့ၣ် 11:7

လၢဝ့ၢ်ယရူၤၡလ့ၣ်မုၢ်ထီၣ်အကစၢၢ်ဒီခိၣ်န့ၣ်အဝဲမၤထီၣ်တၢ်လီၢ် တတီၤလၢကဘူၣ်ထီၣ်ဘါထီၣ်ကီၢ်မိၤအးအကစၢ်တဖၣ်လၢအလီၤသးဘၣ် အၢ, ကမိၣ်အဂီၢ်, ဒီးတၢ်လီၢ်တတီၤလၢကဘူၣ်ထီၣ်ဘါထီၣ်ကီၢ်ဧၣ်မိၣ်အကစၢ်လၢတၢ်လီၤ သးဘၣ်အၢမိလးအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 18:40

စီၤအ့ၤလံယၤမၤလိာ်ပှၤဂီၢ်မုၢ်စံးဝဲ, “ဖီၣ်ဃာ်ဘဧၤလးအ ဝံတဖၣ်တက့ၢ်. ပျဲပူၤဖျဲးအဝဲသ့ၣ်နီတဂၤတဂ့ၤ.” ပှၤဂီၢ်မုၢ်ဖီၣ်ဃာ်အဝဲသ့ၣ်ခဲလၢာ်ဒီးစီၤအ့ၤလံယၤဆှၢဃီၤ အဝဲသ့ၣ်ဆူထံကျိဖိကံၡိၣ်ဒီးမၤသံကွံာ်အဝဲသ့ၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 25:15

တၢ်အံၤမၤသးဒိၣ်ထီၣ်ယွၤအဃိအဝဲဆှၢလီၤဝံတဂၤဆူ စီၤအမၤစယါအအိၣ်န့ၣ်လီၤ. ဝံန့ၣ်သံကွၢ်ဆူၣ်အီၤ, “နဘၣ်ဘူၣ်ထီၣ်ဘါထီၣ်ပှၤတခီဘီမုၢ်အကစၢ်တဖၣ်လၢ အအုၣ်က့ၤခီၣ်က့ၤဒၣ်လဲာ်အပှၤဂီၢ်မုၢ်ဒၣ်ဝဲလၢ နတၢ်စိတၢ်ကမီၤအပူၤတသ့န့ၣ်ဘၣ်မနုၤလဲၣ်.”

လံာ်ယၡါယၤ 16:12

ပှၤမိၤအးဖိတဖၣ်မၤလီၤဘှံးလီၤတီၤအသးခီဖျိအတၢ်လဲၤ ဆူအတၢ်ဘူၣ်တၢ်ဘါအလီၢ်တဖၣ်လၢကစၢၢ်အလိၤဒီးဆူ အတၢ်လုၢ်ဟံၣ်တဖၣ်လၢကဘါထုကဖၣ်တၢ်အဂီၢ်လီၤ. ဘၣ်ဆၣ်ဒီး, တၢ်သ့ၣ်တဖၣ်အံၤတမၤဂ့ၤအဝဲသ့ၣ်နီတမံၤဘၣ်.

လံာ်ယၡါယၤ 2:20

ဖဲမုၢ်နံၤအဝဲန့ၣ်ဟဲလံဒီး, အဝဲသ့ၣ်ကစူးကွံာ်တၢ်ဂီၤထူတၢ် ဂီၤစ့တဖၣ်လၢအတ့တ့ၢ်ဝဲ, ဒီးပာ်လီၤတဲာ်ကွံာ်အီၤလၢဝံၤဒီးဘျါတဖၣ်အဂီၢ်လီၤ.

လံာ်ယၡါယၤ 45:16

ပှၤလၢအတ့တၢ်ဂီၤတၢ်ဖီၣ်တဖၣ်ကမဲာ်ဆှးခဲလၢာ်လီၤ. အဝဲသ့ၣ်ခဲလၢာ်ကဘၣ်တၢ်မၤမဲာ်ဆှးအီၤလီၤ.

လံာ်ယၡါယၤ 45:20

ယွၤစံးဝဲ, “ပှၤကလုာ်တဖၣ်အပှၤဂီၢ်မုၢ်သ့ၣ်ဧၢ, ဟဲပာ်ဖှိၣ်ထီၣ်သုသး, ပှၤလၢအအိၣ်မူတ့ၢ်လၢဘီမုၢ် အတၢ်လီၤပှီၢ်အပူၤသ့ၣ်ဧၢ, ဟဲပာ်ဖျါထီၣ်သုသးလၢတၢ်သမံသမိးအဂီၢ်တက့ၢ်. ပှၤဂီၢ်မုၢ်လၢအလဲၤထီၣ်က့ၤလီၤဃုာ်ဒီး အတၢ်ဂီၤတၢ်ဖီၣ်တဖၣ် ဒီးဃ့ထုကဖၣ်ဆူကစၢ်တဖၣ်လၢအအုၣ်က့ၤခီၣ်က့ၤအဝဲ သ့ၣ်တသ့ဘၣ်တဖၣ်, ပှၤတဖၣ်အံၤတသ့ၣ်ညါတၢ်နီတမံၤဘၣ်.

လံာ်ယံးရမံယၤ 48:12

လၢတၢ်န့ၣ်အဃိဒီး, အခဲအံၤ, တၢ်ဆၢကတီၢ်ဟဲလံဝဲလံလၢ ယကမၢလီၤပှၤဂီၢ်မုၢ်လၢ ကလူလီၤကီၢ်မိၤအးဒ်စပံးထံအသိးန့ၣ်လီၤ. အဝဲသ့ၣ်ကလူလၢာ် စီကွံာ်စပံးထံအကတံၤတဖၣ်ဒီး မၤသ့ၣ်ဖးကွံာ်အီၤဆူ အက့အခီတဖၣ်န့ၣ်လီၤ.

လံာ်ယံးရမံယၤ 48:39

ဟီၣ်တၢ်ယၢၤတၢ်တက့ၢ်. ကီၢ်မိၤအးဘၣ်တၢ်မၤလီၤ ကလဲကွံာ်အီၤလံ. အိၣ်လၢတၢ်ဟးဂီၤအပူၤလံ. ဒီးပှၤ ကလုာ်အိၣ်ဝးတရံးအီၤတဖၣ် ကတိၤဒုၣ်ဒွဲၣ်အီၤလီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 48:46

သူၣ်ကညီၤသးကညီၤဘၣ် ကီၢ်မိၤအးအပှၤဂီၢ်မုၢ်တက့ၢ်. ပှၤဂီၢ်မုၢ်လၢ အဘူၣ်ထီၣ်ဘါထီၣ်ကမိၣ်ဘၣ်တၢ်မၤဟးဂီၤအီၤလံ. ဒီးအဖိခွါတဖၣ်ဒီး အဖိမုၣ်တဖၣ်ဘၣ်တၢ်စိာ်မၢကဲကုၢ်အီၤလံ.

လံာ်ယံးရမံယၤ 48:7

ကီၢ်မိၤအးဧၢ, နနာ်လီၤန့ၢ်နဂံၢ်နဘါဒီးနတၢ်ထူးတၢ်တီၤန့ၣ်လီၤ. ဘၣ်ဆၣ်ဒီး အခဲအံၤ, နၤဒၣ်လဲာ်နကဘၣ် တၢ်မၤနၢၤမၤန့ၢ်ကွံာ်နၤန့ၣ်လီၤ. နကစၢ်ကမိၣ်ကဘၣ်လဲၤဆူ တၢ်မၢကဲကုၢ်အလီၢ် ဃုာ်ဒီးပဒိၣ်ပပှၢ်တဖၣ်ဒီး အပှၤလုၢ်တၢ်အခိၣ်တဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 11:24

မ့ၢ်နအဲၣ်ဒိးမၤန့ၢ်က့ၤအီၤဧါ. တၢ်လၢနကစၢ် “ကမိၣ်” ဟ့ၣ်နၤန့ၣ်နဟံးဃာ်အီၤသ့လီၤ. မ့မ့ၢ်ပဝဲဒၣ်အံၤပကဟံးဃာ် တၢ်ကိးမံၤဒဲးလၢယွၤ, ပကစၢ်ဟ့ၣ်လီၤပှၤန့ၣ်လီၤ.