လံာ်ယံးရမံယၤ 48:10 - Sgaw Karen Common Bible

¹⁰ (ပှၤတဂၤလၢအတမၤယွၤအတၢ်မၤ လၢအသးဒီ ဖျၢၣ်ညါန့ၣ်, မ်အဘၣ်တၢ်ဆိၣ်အၢတက့ၢ်. ပှၤတဂၤလၢ အတကျီဒီး မၤသံတၢ်ဘၣ်န့ၣ်, မ်အဘၣ်တၢ်ဆိၣ်အၢတက့ၢ်.)

လံာ်ယံးရမံယၤ 48:10 Iomraidhean Croise

လံာ်စီၤပၤအခီၣ်ထံးတဘ့ၣ် 20:39

ဖဲစီၤပၤလဲၤခီဂာ်တၢ်န့ၣ်, ဝံန့ၣ်ကိးဃီၤအီၤဒီးစံးဝဲ, “တၢ်ဒိၣ်ကစၢ်စီၤပၤဧၢ, ယဒုးတၢ်လၢတၢ်ဒုးအပူၤ, ဖဲပှၤသုးဖိတဂၤဟဲစိာ်ဒုၣ်ဒါလၢအဖီၣ်န့ၢ်ဝဲတဂၤဆူယအိၣ် ဒီးစံးဝဲ, ကွၢ်ဟုၣ်ပှၤတဂၤအံၤတက့ၢ်. အဝဲမ့ၢ်ထူၣ်ဖျဲးကွံာ်န့ၣ်, နကဘၣ်ဟ့ၣ်တၢ်အပှ့ၤလၢနသးသမူဒၣ်နဲမ့တမ့ၢ်, နကဘၣ်ဟ့ၣ်စ့အဘ့ၣ်သၢကထိဒ်တၢ်အပှ့ၤအသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:40

ဘၣ်ဆၣ်လၢယတၢ်မၤအါတ့ၢ်လၢတၢ်အဂၤတဖၣ်အဃိဒီးပှၤတဂၤ န့ၣ်ထူၣ်ဖျဲးကွံာ်ဝဲန့ၣ်လီၤ.” စီၤပၤစံးဆၢအီၤ, “နစံၣ်ညီၣ်လီၤနသးဒၣ်နဲ, ဒီးနကဘၣ်ဟ့ၣ်နတၢ်ကမၣ်အပှ့ၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 20:42

အန့ၣ်ဒီး, ဝံန့ၣ်စံးဘၣ်စီၤပၤ, “အအံၤမ့ၢ်ယွၤအတၢ်ကတိၤန့ၣ် လီၤ. မ့ၢ်လၢနပျဲပူၤဖျဲးကွံာ်ပှၤတဂၤလၢယမၤလိာ်လၢကဘၣ်တၢ်မၤသံ ကွံာ်အီၤအသးသမူအဃိန့ၣ်, နကဘၣ်ဟ့ၣ်က့ၤတၢ်အံၤအပှ့ၤလၢနသးသမူဒၣ်နဲ, ဒီးနသုးမုၢ်ကဘၣ်တၢ်မၤဟးဂီၤကွံာ်အီၤလၢနပျဲအဝဲအသုးမုၢ် ပူၤဖျဲးကွံာ်အဃိန့ၣ်လီၤ.”

လံာ်စီၤပၤခံဘ့ၣ်တဘ့ၣ် 13:19

တၢ်အံၤမၤသးဒိၣ်ထီၣ်စီၤအလံၤၡါ, ဒီးအဝဲစံးဘၣ်စီၤပၤ, “နကြၢးတီၢ်တၢ်ယဲၢ်ဘျီမ့တမ့ၢ်ဃုဘျီဒီးနကအိၣ်ဒီးတၢ်မၤ နၢၤတၢ်လၢာ်လၢာ်ဆ့ဆ့လၢပှၤစူၤရံတဖၣ်အဖီခိၣ်န့ၣ်လီၤ. မ့မ့ၢ်ခဲကနံၣ်အံၤနကမၤနၢၤအဝဲသ့ၣ်ထဲသၢဘျီဧိၤန့ၣ်လီၤ.”

လံာ်ယံးရမံယၤ 11:3

လၢယၤ, ယွၤ, အံၣ်စရ့လးအကစၢ်ယွၤပာ်လီၤ တ့ၢ်တၢ်ဆိၣ်အၢတမံၤလၢကလီၤဘၣ်လၢ ကယဲၢ်ပှၤတဂၤလၢ်လၢ်လၢအတစူၢ်ဘၣ် တၢ်အဂ့ၢ်တဖၣ်လၢတၢ်ပာ်လီၤအီၤလၢ တၢ်အၢၣ်လီၤအီလီၤအဂီၢ်, အဖီခိၣ်န့ၣ်လီၤ.

လံာ်ယံးရမံယၤ 47:6

သုကိးထီၣ်ဝဲ, ယွၤအနးတဘ့ၣ်ဧၢ, နကကျီဒံးတၢ်ဆံးယံာ်လဲၣ်. ဖျီၣ်နုာ်က့ၤနသးလၢ နတြိးပူၤ, အိၣ်ဖဲန့ၣ်ဒီး အိၣ်ဘှံးတက့ၢ်’ န့ၣ်လီၤ.

လံာ်ယံးရမံယၤ 47:7

ဘၣ်ဆၣ် ဖဲယဟ့ၣ်အီၤတၢ်မၤလၢ ကဘၣ်မၤဒံးဝဲန့ၣ်, အိၣ်ဘှံးဝဲ ကသ့ဒ်လဲၣ်. ယဟ့ၣ်တ့ၢ်အီၤ ယကလုၢ်လၢ ကလဲၤဒုး ဝ့ၢ်အၤၡကလိၣ်ဒီး ပှၤဂီၢ်မုၢ်လၢ အအိၣ်ဆိးလၢပီၣ်လဲၣ်ကၢၢ်နံၤန့ၣ်လီၤ.”

လံာ်ယံးရမံယၤ 50:25

ယအိးထီၣ်တ့ၢ်တၢ်လီၢ်ဖဲ ယတၢ်စုကဝဲၤတဖၣ်ဘၣ်တၢ်ပာ်ဖှိၣ်တ့ၢ်အီၤ, ဒီးလၢယတၢ်သးဒိၣ်ထီၣ်အပူၤန့ၣ်ယထုးထီၣ်က့ၤအီၤ ခဲလၢာ်လီၤ. အဂ့ၢ်ဒ်အံၤ, ယၤ, ယွၤပၢဘၣ်တၢ်ခဲလၢာ်ကစၢ်ယွၤသ့တၢ်လၢာ်အိၣ်ဒီး အတၢ်မၤလၢကဘၣ်မၤဝဲလၢ ကီၢ်ဘၤဘူၤလိၣ်အပူၤအဃိန့ၣ်လီၤ.

လံာ်ယံးရမံယၤ 50:27

မၤသံအဝဲသ့ၣ်အသုးဖိလၢ အလီၤဂာ်ဒ် ကျီၢ်ဖါဖိခဲလၢာ် တက့ၢ်. မၤသံမၤဝီအဝဲသ့ၣ်တက့ၢ်. ကီၢ်ဘၤဘူၤလိၣ်အပှၤ ဂီၢ်မုၢ်ဘၣ် တၢ်စံၣ်ညီၣ်ဃါမနၤလီၤ. တၢ်ဆၢကတီၢ်ဟဲတုၤလံ ဝဲလၢအဝဲသ့ၣ်အဂီၢ်လၢ ကဘၣ်တၢ်စံၣ်ညီၣ်အီၤန့ၣ်လီၤ.”

လံာ်စီၤယိၤၡူ 10:19

ဘၣ်ဆၣ်ဒီးအိၣ်သုဝဲဖဲန့ၣ်တဂ့ၤ. လူၤထွဲသုဒုၣ်သုဒါတဖၣ်ဒီးဒုးအဝဲသ့ၣ်လၢအလီၢ်ခံတက့ၢ်. တဘၣ်ပျဲအဝဲသ့ၣ်က့ၤဆူအဝ့ၢ်တဖၣ်တဂ့ၤ. ယွၤသုကစၢ်ဟ့ၣ်လီၤသုလၢတၢ်မၤနၢၤအဝဲသ့ၣ်လံ.”

လံာ်ပှၤစံၣ်ညီၣ်ကွီၢ် 5:23

ယွၤအကလူးစံးဝဲ, “ပာ်တၢ်ဆိၣ်အၢလၢဝ့ၢ်မ့ရိးအဖီခိၣ်တက့ၢ်. တၢ်ဆိၣ်အၢတမံၤ, တၢ်ဆိၣ်အၢတမံၤလၢပှၤအိၣ်ဖဲန့ၣ်တဖၣ်အလိၤတက့ၢ်. အဝဲသ့ၣ်တဟဲဘၣ်ဝဲလၢကမၤစၢၤယွၤအဂီၢ်ဘၣ်. တဟဲဘၣ်ဝဲဒ်သုးဖိတဖၣ်အသိးလၢကဒုးတၢ်အဂီၢ်ဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 15:3

လဲၤဒီးဒုးပှၤဧမၤလ့းဖိတဖၣ်ဒီးမၤဟးဂီၤကွံာ်ကယဲၢ်အတၢ် ကိးမံၤလၢအအိၣ်ဒီးအဝဲသ့ၣ်တဖၣ်န့ၣ်တက့ၢ်. ပာ်တ့ၢ်တၢ်နီတမံၤတဂ့ၤ. မၤသံကွံာ်ကယဲၢ်ပှၤပိာ်ခွါကိးဂၤဒဲး, ပိာ်မုၣ်တဖၣ်, ဖိသၣ်တဖၣ်ဒီးဖိသၣ်ဆံးတဖၣ်, ဂီၤဘုၣ်ဂီၤဖံးတဖၣ်, သိတဖၣ်, ကီၤလၤအူးတဖၣ်ဒီးကသ့ၣ်ယီၤတဖၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 15:9

ဘၣ်ဆၣ်ဒီးစီၤစီလူးဒီးအပှၤတဖၣ်ပျဲပူၤစီၤအၤကးအသးသမူ ဒီးတမၤသံဘၣ်, သိ, ဂီၤဘုၣ်ဂီၤဖံး, ကျီၢ်သးစၢ်ဒီးသိဖိ သးစၢ်အဂ့ၤကတၢၢ်တဖၣ်မ့ၢ်ဂ့ၤ, တၢ်တမံၤလၢ်လၢ်လၢအဂ့ၤတဖၣ်မ့ၢ်ဂ့ၤန့ၣ်ဘၣ်. အဝဲသ့ၣ်မၤဟးဂီၤကွံာ်ဒၣ်ထဲတၢ်လၢတဂိာ်တသီၣ်ဘၣ်ဒီးအလုၢ် အပှ့ၤတအိၣ်ဘၣ်တဖၣ်န့ၣ်လီၤ.