လံာ်ယံးရမံယၤ 47:7 - Sgaw Karen Common Bible

⁷ ဘၣ်ဆၣ် ဖဲယဟ့ၣ်အီၤတၢ်မၤလၢ ကဘၣ်မၤဒံးဝဲန့ၣ်, အိၣ်ဘှံးဝဲ ကသ့ဒ်လဲၣ်. ယဟ့ၣ်တ့ၢ်အီၤ ယကလုၢ်လၢ ကလဲၤဒုး ဝ့ၢ်အၤၡကလိၣ်ဒီး ပှၤဂီၢ်မုၢ်လၢ အအိၣ်ဆိးလၢပီၣ်လဲၣ်ကၢၢ်နံၤန့ၣ်လီၤ.”

လံာ်ယံးရမံယၤ 47:7 Iomraidhean Croise

လံာ်ယၡါယၤ 10:6

ယမၢလီၤကီၢ်အၤၡူၢ်လၢကဒုးပှၤကလုာ်လၢအတယူးတယီၣ်ယွၤ, ပှၤလၢအမၤသးဒိၣ်ထီၣ်တ့ၢ်ယၤတဖၣ်လီၤ. ယမၢလီၤအဝဲသ့ၣ်လၢကဂုာ်န့ၢ်ဒီးဟုၣ်တၢ်ဒီးယီၢ်တံၢ်ပှၤတဖၣ် န့ၣ်ဒ်ဖၣ်ကမူၣ်လၢကျဲတဖၣ်အပူၤအသိးန့ၣ်လီၤ.

လံာ်ယၡါယၤ 13:3

ယွၤကိးထီၣ်တ့ၢ်အသုးဖိလၢအပာ်စီဆှံတ့ၢ်ဝဲတဖၣ်ဒီးပှၤလၢ အသးခုလၢယွၤပာ်ထီၣ်ထီအီၤအဃိတဖၣ်လၢကဒုးတၢ်ဒုးစီဆှံဒီးစံၣ် ညီၣ်ပှၤလၢယွၤအသးကဲၤထီၣ်ဘၣ်အီၤတဖၣ်န့ၣ်လီၤ.

လံာ်ယၡါယၤ 37:26

မ့ၢ်နတနၢ်ဟူတ့ၢ်နဲနီတစုလၢယကူၣ်ကျဲၤတၢ်အံၤယံာ်တ့ၢ်လံ န့ၣ်ဘၣ်ဧါ. ဒီးခဲအံၤ, ယမၤထွဲတ့ၢ်အီၤလံ. ယဟ့ၣ်တ့ၢ်နၤတၢ်စိကမီၤလၢနကဒုးကဲထီၣ်ဝ့ၢ်တဖၣ်လၢအအိၣ်ဒီး တိာ်ဧိၤတာ်ဧိၤဆူတၢ်လီၤပှီၢ်ဟးဂီၤအတၢ်ပာ်ဖှိၣ်တဖၣ်န့ၣ်လီၤ.

လံာ်ယံးရမံယၤ 48:10

(ပှၤတဂၤလၢအတမၤယွၤအတၢ်မၤ လၢအသးဒီ ဖျၢၣ်ညါန့ၣ်, မ်အဘၣ်တၢ်ဆိၣ်အၢတက့ၢ်. ပှၤတဂၤလၢ အတကျီဒီး မၤသံတၢ်ဘၣ်န့ၣ်, မ်အဘၣ်တၢ်ဆိၣ်အၢတက့ၢ်.)

လံာ်ယဃ့းစက့လး 14:17

မ့တမ့ၢ်ယကဒုးဘၣ်ထံကီၢ်န့ၣ်လၢတၢ်ဒုးတၢ်ယၤဒီးဆှၢလီၤတၢ် စုကဝဲၤမၤဟးဂီၤတၢ်တဖၣ်လၢကတြူာ်ကွံာ်ပှၤဂီၢ်မုၢ်ဒီးဆၣ်ဖိ ကီၢ်ဖိတဖၣ်ဒ်သိးသိး,

လံာ်ယဃ့းစက့လး 21:14

ခဲကနံၣ်အံၤ, ပှၤကညီလၢအသံသ့ဧၢ, ကတိၤတၢ်လၢဝံအကျိာ်တက့ၢ်. ဒဲနစုတဖၣ်တက့ၢ်. ဒီးနးန့ၣ်ကဆဲးတၢ်တဘျီဝံၤတဘျီန့ၣ်လီၤ. တၢ်အံၤမ့ၢ်နးလၢအမၤသံတၢ်, မ့ၢ်နးလၢအမၤပျံၤမၤဖုးတၢ်, ဒီးမၤသံမၤဝီတၢ်အါအါဂီၢ်ဂီၢ်န့ၣ်လီၤ.

လံာ်ယဃ့းစက့လး 21:30

ဖျီၣ်နုာ်က့ၤနးန့ၣ်တက့ၢ်. ယကစံၣ်ညီၣ်သုလၢတၢ်လီၢ်ဖဲသုဘၣ်တၢ်တ့လီၤပာ်လီၤသု, ကီၢ်ဖဲသုအိၣ်ဖျဲၣ်ထီၣ်အပူၤန့ၣ်လီၤ.

လံာ်ယဃ့းစက့လး 21:9

ပှၤကညီလၢအသံသ့ဧၢ, ကတိၤတၢ်လၢဝံအကျိာ်တက့ၢ်. တဲဘၣ်ပှၤဂီၢ်မုၢ်တၢ်လၢယၤ, ယွၤကစံးဝဲန့ၣ်တက့ၢ်. နးတဘ့ၣ်, နးတဘ့ၣ်, ဘၣ်တၢ်ကျ့အ့ၣ်အီၤဒီးဘၣ်တၢ်ထူး ကတြ့ၣ်အီၤန့ၣ်လီၤ.

လံာ်ယဃ့းစက့လး 25:16

ဒီးလၢတၢ်န့ၣ်အဃိ, ယဘိးဘၣ်သ့ၣ်ညါထီၣ်လၢယကဒုးပှၤဖလ့ၡသး ဖိတဖၣ်ဒီးတြူာ်ကွံာ်အဝဲသ့ၣ်ခဲလၢာ်လီၤ. ယကမၤဟးဂီၤကွံာ်ပှၤကိးဂၤဒဲးလၢအအိၣ်လီၤတဲာ်တ့ၢ်ဖဲန့ၣ်လၢ ပှၤဖလ့ၡသးဖိအတၢ်ပၢၤခိၣ်န့ၣ်လီၤ.

လံာ်ဧၤမိၣ် 3:6

တၢ်ဒုးတၢ်ယၤအကွဲၤမ့ၢ်သီၣ်ထီၣ်လၢဝ့ၢ်ပူၤဒီးပှၤကညီတပျံၤ ဘၣ်တၢ်ဘၣ်ဧါ. ယွၤမ့ၢ်တဆှၢလီၤဘၣ်ဒီး, တၢ်ဟးဂူာ်ဟးဂီၤဖးဒိၣ်ကအိၣ်လၢဝ့ၢ်ပူၤစ့ၢ်ကီးဧါ.

လံာ်မံကၤ 6:9

တၢ်ပျံၤယွၤန့ၣ်မ့ၢ်တၢ်ကူၣ်သ့လီၤ. အဝဲဒၣ်ကိးဝဲဆူဝ့ၢ်ပူၤ, “သုဝဲပှၤဂီၢ်မုၢ်လၢအပာ်ဖှိၣ်ထီၣ်အသးလၢဝ့ၢ်ယရူၤၡလ့ၣ် အပူၤသ့ၣ်ဧၢ, ဒိကနၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 15:3

လဲၤဒီးဒုးပှၤဧမၤလ့းဖိတဖၣ်ဒီးမၤဟးဂီၤကွံာ်ကယဲၢ်အတၢ် ကိးမံၤလၢအအိၣ်ဒီးအဝဲသ့ၣ်တဖၣ်န့ၣ်တက့ၢ်. ပာ်တ့ၢ်တၢ်နီတမံၤတဂ့ၤ. မၤသံကွံာ်ကယဲၢ်ပှၤပိာ်ခွါကိးဂၤဒဲး, ပိာ်မုၣ်တဖၣ်, ဖိသၣ်တဖၣ်ဒီးဖိသၣ်ဆံးတဖၣ်, ဂီၤဘုၣ်ဂီၤဖံးတဖၣ်, သိတဖၣ်, ကီၤလၤအူးတဖၣ်ဒီးကသ့ၣ်ယီၤတဖၣ်တက့ၢ်.”