လံာ်ယံးရမံယၤ 47:2 - Sgaw Karen Common Bible

² အဝဲစံးဝဲဒၣ်, “ကွၢ်တက့ၢ်. ထံဟဲထီၣ်လၢ ကလံၤစိးတခီဒီး ကယွၤသဖှိဝဲဒ် ထံကျိတကျိအထံလုၣ်ဘၢအီၤအသိးန့ၣ်လီၤ. ထံကလုၣ်ဘၢကွံာ်ထံဧိၤဒီး တၢ်ခဲလၢာ်လၢ အအိၣ်လၢအဖီခိၣ်, ဝ့ၢ်တဖၣ်ဒီး ပှၤဂီၢ်မုၢ်လၢ အအိၣ်ဆိးဖဲန့ၣ် ခဲလၢာ်လီၤ. ပှၤဂီၢ်မုၢ်ကကိးထီၣ်လၢ တၢ်မၤစၢၤအဂီၢ်ဒီး ပှၤကိးဂၤဒဲးလၢ ဟီၣ်ခိၣ်ချၢ ကဟီၣ်ဝဲယၢၤဝဲနးနးကျံးကျံးန့ၣ်လီၤ.

လံာ်ယံးရမံယၤ 47:2 Iomraidhean Croise

စံးထီၣ်ပတြၢၤ 24:1

ဟီၣ်ခိၣ်ဒီးတၢ်လၢအအိၣ်လၢအပူၤ ခဲလၢာ်အံၤ မ့ၢ်ယွၤအတၢ်လီၤ. ဟီၣ်ခိၣ်ဒီးပှၤလၢအအိၣ်ဝဲဆိးဝဲလၢအပူၤ ခဲလၢာ်အံၤ မ့ၢ်အတၢ်လီၤ.

စံးထီၣ်ပတြၢၤ 50:12

တၢ်မ့ၢ်သၣ်ဝံၤယသးဒီးယတစံးဘၣ်နၤဘၣ်. အဂ့ၢ်ဒ်အံၤ, ဟီၣ်ခိၣ်ဒီးတၢ်ခဲလၢာ်လၢအပူၤန့ၣ် မ့ၢ်ယတၢ်လီၤ.

စံးထီၣ်ပတြၢၤ 96:11

မ်မူခိၣ်သူၣ်ခုသးခု, ဒီးဟီၣ်ခိၣ်သူၣ်ဖှံသးညီတက့ၢ်. မ်ပီၣ်လဲၣ်ဒီးတၢ်လၢအမၤပှဲၤအီၤခဲလၢာ် သီၣ်ထီၣ်တက့ၢ်.

စံးထီၣ်ပတြၢၤ 98:7

မ်ပီၣ်လဲၣ်ဒီး တၢ်ဘၣ်တ့လၢအပူၤတဖၣ်သီၣ်ထီၣ်, ဟီၣ်ခိၣ်ဒီးပှၤအိၣ်ဝဲဆိးဝဲလၢအပူၤခဲလၢာ် သးဝံၣ်တၢ်တက့ၢ်.

လံာ်ယၡါယၤ 14:31

သုဝဲပှၤဖလ့ၡသးဖိအဝ့ၢ်တဖၣ်ဧၢ, ဟီၣ်အိၣ်ယူၤဒီးကိးထီၣ်လၢ တၢ်မၤစၢၤအဂီၢ်တက့ၢ်. သုဝဲခဲလၢာ်သ့ၣ်ဧၢ, ပျံၤတၢ်ဖုးတၢ်တက့ၢ်. ဖၣ်ကမူၣ်အတၢ်အၢၣ်တကိၢ်လိၣ်ဟဲထီၣ်လၢကလံၤစိးတခီလီၤ. မ့ၢ်သုးမုၢ်တဖုလၢပှၤပျံၤတၢ်တအိၣ်ဘၣ်လၢအသုးမုၢ်အကျါနီ တဂၤဘၣ်န့ၣ်လီၤ.

လံာ်ယၡါယၤ 15:8

ဖဲမိၤအးအကီၢ်ဆၢတၢ်လီၢ်ကိးပူၤဒဲးန့ၣ်, တၢ်နၢ်ဟူဘၣ်တၢ် ဟီၣ်တၢ်ယၢၤအသီၣ်လီၤ. တၢ်နၢ်ဟူအီၤလၢဝ့ၢ်အ့ကလံၣ် ဒီးဝ့ၢ်ဘ့ၣ်အ့လံၣ်တဖၣ်လီၤ.

လံာ်ယၡါယၤ 22:1

အအံၤမ့ၢ်တၢ်ကစီၣ်တခါဘၣ်ဃးဒီးတၢ်ထံၣ်လၢညါခီ အကစၢၢ်ကဆူးအဂ့ၢ်န့ၣ်လီၤ. တၢ်မနုၤမၤအသးန့ၣ်လဲၣ်. ဘၣ်မနုၤအဃိပှၤလၢဝ့ၢ်ပူၤတဖၣ် မၤမူးသးခုလၢအဟံၣ်တဖၣ်အခိၣ်ဒုးအဖီခိၣ်န့ၣ်လဲၣ်.

လံာ်ယၡါယၤ 28:17

တၢ်စံၣ်ညီၣ်တီကမ့ၢ်နီၣ်ထိၣ်အပျံၤတဘိလၢတၢ်အခီၣ်ထံး အဂီၢ်, ဒီးတၢ်သူၣ်လိၤသးဘျၢကမ့ၢ်အနီၣ်ထိၣ်ထံအပျံၤ လၢအလီၤစဲၤဝဲန့ၣ်လီၤ.” ကလံၤမုၢ်အိၣ်ဒီးသူၣ်ကစိာ်ကွံာ် တၢ်လီတၢ်ဝ့ၤခဲလၢာ်လၢသုသန့ၤသုသး, ဒီးထံလုၣ်ဘၢ တၢ်ကမၤဟးဂီၤသုတၢ်ပူၤဖျဲးအလီၢ်န့ၣ်လီၤ.

လံာ်ယၡါယၤ 59:19

လၢမုၢ်ထီၣ်တုၤလၢမုၢ်နုာ်န့ၣ်ပှၤကိးဂၤ ဒဲးကပျံၤအီၤဒီးအတၢ်စိဒိၣ်ကမီၤဒိၣ်န့ၣ်လီၤ. အဝဲကဟဲဝဲဒ်ထံကျိတဘိလၢအယွၤသဖှိလီၤအသိး, ဒ်ကလံၤလၢအဆူၣ်ဝဲအသိးန့ၣ်လီၤ.

လံာ်ယံးရမံယၤ 1:14

အဝဲစံးဘၣ်ယၤ, “တၢ်မၤဟးဂီၤကကလာ်ထီၣ် လၢကလံၤစိးတခီဒီးပုာ်ထီၣ်ယွၤလီၤဘၣ်ပှၤလၢအအိၣ်လၢ ထံကီၢ်တဘ့ၣ်အပူၤခဲလၢာ်လီၤ.

လံာ်ယံးရမံယၤ 46:12

ပှၤကလုာ်တဖၣ် နၢ်ဟူဘၣ်သုတၢ်ဘၣ်မဲာ်ဆှးအဂ့ၢ်ဒီး ပှၤကိးဂၤဒဲးနၢ်ဟူဘၣ်သုတၢ်ဟီၣ်တၢ်ယၢၤန့ၣ်လီၤ. သုးဖိတဂၤထွဲဘၣ်အဂၤဂၤ, ဒီးခံဂၤလိာ်လီၤဃံၤဝဲလၢ ဟီၣ်ခိၣ်လိၤန့ၣ်လီၤ.

လံာ်ယံးရမံယၤ 46:13

ဖဲကီၢ်ဘၤဘူၤလိၣ်အစီၤပၤနဘူၤကးန့စၢ် ဟဲထီၣ်ဒုးကီၢ်အဲၤကူပတူး အခါန့ၣ်, ယွၤကတိၤတၢ်ဒီးယၤလီၤ. အဝဲစံးဝဲဒၣ်,

လံာ်ယံးရမံယၤ 46:20

ကီၢ်အဲၤကူပတူးလီၤဂာ်ဒီး ဂီၤဖံးမိၢ်လၢလီၤကဟု ကညီၣ်ဒိၣ်မးတဒု လၢအဘၣ်တၢ်ဆဲးအီၤလၢ ပကိာ်တဘ့ၣ်လၢ ကလံၤ စိးတခီန့ၣ်လီၤ.

လံာ်ယံးရမံယၤ 46:24

ကီၢ်အဲၤကူပတူး အပှၤဂီၢ်မုၢ်ဘၣ်တၢ်မၤမဲာ်ဆှးအီၤလံ. အဝဲသ့ၣ်ဘၣ်တၢ်မၤနၢၤကွံာ်အီၤလၢ ပှၤဂီၢ်မုၢ်လၢ ကလံစိးတခီန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 48:39

ဟီၣ်တၢ်ယၢၤတၢ်တက့ၢ်. ကီၢ်မိၤအးဘၣ်တၢ်မၤလီၤ ကလဲကွံာ်အီၤလံ. အိၣ်လၢတၢ်ဟးဂီၤအပူၤလံ. ဒီးပှၤ ကလုာ်အိၣ်ဝးတရံးအီၤတဖၣ် ကတိၤဒုၣ်ဒွဲၣ်အီၤလီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 6:22

ယွၤစံးဝဲဒၣ်, “ပှၤဂီၢ်မုၢ်ဟဲလၢထံကီၢ်တဘ့ၣ်လၢ ကလံၤစိးတခီပှၤအဆူၣ်တကလုာ်လၢကီၢ်အယံၤ, ကတဲာ်ကတီၤအသးလၢတၢ်ဒုးအဂီၢ်လီၤ.

လံာ်ယံးရမံယၤ 8:16

ပဒုၣ်ပဒါတဖၣ်အိၣ်လံဝဲလၢဝ့ၢ်ဒၣ်အပူၤလံ. ပနၢ်ဟူဘၣ်အဝဲသ့ၣ်အကသ့ၣ်တဖၣ်သါ သဖှိထီၣ်အသီၣ်လီၤ. ထံကီၢ်ဒီဘ့ၣ်ကနိးကစုာ် ဝဲဖဲအဝဲသ့ၣ်အကသ့ၣ်တဖၣ်ကဟံကဟဲးထီၣ်ဝဲန့ၣ်လီၤ. ပဒုၣ်ပဒါတဖၣ်ဟဲဝဲလၢကမၤဟးဂီၤကွံာ်ပထံပကီၢ်ဒီးက ယဲၢ်တၢ်ခဲလၢာ်လၢအအိၣ်လၢအပူၤ, ပဝ့ၢ်ဒီးပပှၤဂီၢ်မုၢ်ခဲလၢာ် န့ၣ်လီၤ.”

လံာ်ဒၤနံးယ့လး 11:22

ပှၤတဂၤလၢ်လၢ်လၢအထီဒါအီၤ, ကစၢ်ယွၤအပှၤလုၢ်တၢ် အခိၣ်အဒိၣ်ဒၣ်လဲာ်ကဘၣ်တၢ်တၢၤကွံာ်အီၤန့ၣ်လီၤ.

လံာ်နၤဃူၣ် 1:8

ဘၣ်ဆၣ်ဒီးဒ်ထံလုၣ်ဘၢတၢ်ဖးဒိၣ်အသိးန့ၣ်, ကမၤဟးဂီၤကွံာ်အဒုၣ်အဒါတဖၣ်တုၤအလၢာ်လီၤ. အဝဲဆှၢပှၤလၢအထီဒါအီၤတဖၣ်န့ၣ်ဆူအတၢ်သံဒၣ်ဝဲန့ၣ်လီၤ.

1 ကရံၣ်သူး 10:26

အဂ့ၢ်ဒ်အံၤ, ဒ်တၢ်ကွဲးအသးစံးဝဲအသိးန့ၣ်, “ဟီၣ်ခိၣ်ဒီးတၢ်ခဲလၢာ်ခဲဆ့လၢအအိၣ်လၢအပူၤန့ၣ်, ဘၣ်ထွဲလၢကစၢ်လီၤ.”

1 ကရံၣ်သူး 10:28

ဘၣ်ဆၣ်ဒီး, ပှၤတဂၤဂၤမ့ၢ်စံးဘၣ်နၤ, “တၢ်အီၣ်အဝဲအံၤဘၣ်တၢ်လုၢ်ထီၣ်တ့ၢ်အီၤဆူတၢ်ဂီၤ တၢ်ဖီၣ်အအိၣ်” န့ၣ်တဘၣ်အီၣ်တၢ်အီၣ်အဝဲန့ၣ်တဂ့ၤ. မ့ၢ်တၢ်ကွၢ်တၢ်လၢပှၤလၢအစံးဘၣ်တဲဘၣ်နၤတၢ်ဂ့ၢ်တဂၤန့ၣ် အဂီၢ်, ဒီးမ့ၢ်လၢသးလၢအသ့ၣ်ညါဒၣ်တၢ်အဃိ,

ယၤကိာ် 5:1

ဒီးခဲအံၤသုဝဲလၢအထူးအတီၤသ့ၣ်ဧၢ, ကနၣ်တၢ်လၢယကတဲ ဘၣ်သုတက့ၢ်. ဟီၣ်တၢ်ယၢၤတၢ်လၢတၢ်နးတၢ်ဖှီၣ်တဖၣ်လၢအကဟဲ ဘၣ်သုအဃိတက့ၢ်.

လံာ်လီၣ်ဖျါ 17:1

တုၤနုၤတစု, ကလူးနွံဂၤလၢအအိၣ်ဒီးသလၢနွံဖျၢၣ်န့ၣ် အကျါတဂၤဟဲဆူယအိၣ်ဒီးစံးဝဲ, “ဟဲ, ဒီးယကဒုးနဲၣ်နၤလၢဃဲသဲမုၣ်မံၤဟူသၣ်ဖျါတဂၤ, ဝ့ၢ်ဖးဒိၣ်တဖျၢၣ်လၢအဘၣ်တၢ်သူၣ်ထီၣ်အီၤဘူးဒီးထံကျိအါဘိန့ၣ်လီၤ. ကဘၣ်တၢ်စံၣ်ညီၣ်အီၤဒ်လဲၣ်န့ၣ်လီၤ.

လံာ်လီၣ်ဖျါ 17:15

ကလူးန့ၣ်စံးဘၣ်စ့ၢ်ကီးယၤ, “ထံကျိအါဘိလၢနထံၣ်ဘၣ်အီၤ, လၢဃဲသဲမုၣ်ဆ့ၣ်နီၤဝဲလၢအဖီခိၣ်တဖၣ်န့ၣ်မ့ၢ်ဝဲထံကီၢ်တဖၣ်, ပှၤဟီၣ်ခိၣ်ဖိတဖၣ်, ပှၤကလုာ်တဖၣ်, ဒီးကျိာ်လၢအဘၣ်တၢ်ကတိၤအီၤတဖၣ်လီၤ.