လံာ်ယံးရမံယၤ 46:7 - Sgaw Karen Common Bible

⁷ ပှၤလၢအဟဲထီၣ်ဝဲဒ် ထံကျိနံၤလါအသိး, ဒ်ထံကျိတဘိလၢ အလုၣ်ဘၢထံကၢၢ်နံၤအသိးအံၤ, မ့ၢ်မတၤတဂၤလဲၣ်.

လံာ်ယံးရမံယၤ 46:7 Iomraidhean Croise

လံာ်တၢ်သးဝံၣ်တဖၣ်အတၢ်သးဝံၣ် 3:6

တၢ်လၢအဟဲထီၣ်လၢပှၢ်မုၢ်ကနၢလီၤဂာ်ဒ်မ့ၣ်အူလုၣ်အထူၣ်တထူၣ်အ သိး, နၢမူဝဲဒီးမူရၣ်ဒီးလီၢ်ဘၣ်, တၢ်နၢမူလၢပှၤကၤတၢ်ဖိဆါဝဲတဖၣ်န့ၣ်, မ့ၢ်တၢ်မနုၤလဲၣ်.

လံာ်တၢ်သးဝံၣ်တဖၣ်အတၢ်သးဝံၣ် 8:5

ပှၤလၢအဟဲလၢပှၢ်လၢ်ကျါဒီးဟံးဃာ်လိာ်အစုဒီးအတၢ်အဲၣ်န့ၣ် မ့ၢ်မတၤတဂၤလဲၣ်. ယထိၣ်ဂဲၤထၢၣ်နၤလၢသ့ၣ်ဖီသၣ်အဖီလာ်, တၢ်လီၢ်လၢနအိၣ်ဖျဲၣ်တ့ၢ်န့ၣ်လီၤ.

လံာ်ယၡါယၤ 63:1

ပှၤတဂၤလၢအဟဲလၢဝ့ၢ်ဘိးစရၤလၢကီၢ်အဒိၣ်အပူၤအံၤ မ့ၢ်မတၤလဲၣ်. မတၤတဂၤအံၤလၢကူသိးတၢ်အဂီၤလီၤကဟုကညီၢ်, လဲၤတၢ်လၢတၢ်စိကမီၤဒီးတၢ်ဂံၢ်ဆူၣ်ဘါဆူၣ်အပူၤန့ၣ်လဲၣ်. အဝဲမ့ၢ်ယွၤ, အိၣ်ဒီးအစိကမီၤလၢကအုၣ်က့ၤခီၣ်က့ၤတၢ်တဂၤ, ဟဲဝဲလၢကဘိးဘၣ်သ့ၣ်ညါအတၢ်မၤနၢၤအဂီၢ်လီၤ.

လံာ်ယံးရမံယၤ 47:2

အဝဲစံးဝဲဒၣ်, “ကွၢ်တက့ၢ်. ထံဟဲထီၣ်လၢ ကလံၤစိးတခီဒီး ကယွၤသဖှိဝဲဒ် ထံကျိတကျိအထံလုၣ်ဘၢအီၤအသိးန့ၣ်လီၤ. ထံကလုၣ်ဘၢကွံာ်ထံဧိၤဒီး တၢ်ခဲလၢာ်လၢ အအိၣ်လၢအဖီခိၣ်, ဝ့ၢ်တဖၣ်ဒီး ပှၤဂီၢ်မုၢ်လၢ အအိၣ်ဆိးဖဲန့ၣ် ခဲလၢာ်လီၤ. ပှၤဂီၢ်မုၢ်ကကိးထီၣ်လၢ တၢ်မၤစၢၤအဂီၢ်ဒီး ပှၤကိးဂၤဒဲးလၢ ဟီၣ်ခိၣ်ချၢ ကဟီၣ်ဝဲယၢၤဝဲနးနးကျံးကျံးန့ၣ်လီၤ.

လံာ်ယဃ့းစက့လး 32:2

အဝဲစံးဝဲဒၣ်, “ပှၤကညီလၢအသံသ့ဧၢ, ဟ့ၣ်ကီၢ်အဲၤကူပတူး အစီၤပၤလၢတၢ်ဟ့ၣ်ပလီၢ်သမှံၤသပှၢ်တမံၤအံၤတက့ၢ်. ဟ့ၣ်အီၤ လၢယတၢ်ကစီၣ်အံၤန့ၣ်တက့ၢ်. နမၤနသးဒ်ခ့ယုၢ်တဒုလၢပှၤ ကလုာ်တဖၣ်အကျါအသိး, ဘၣ်ဆၣ်နလီၤဂာ်ဒိၣ်ဒၣ်တၢ်တက့ၢ်ဒီး သမၣ်တဘိလၢအလဲၤတၢ်သီၣ်ပြူၤပြူၤလၢထံကျိပူၤအသိး န့ၣ်လီၤ. နမၤဒုထီၣ်ထံလၢနခိၣ်ဒီးမၤဘၣ်အၢထံကျိတဖၣ်န့ၣ်လီၤ.

လံာ်ဒၤနံးယ့လး 11:10

ဒီးကီၢ်စူၤရံအစီၤပၤအဖိခွါတဖၣ်န့ၣ်ကကတဲာ်ကတီၤအသးလၢ တၢ်ဒုးသုးအဂီၢ်ဒီးပာ်ဖှိၣ်ထီၣ်အသုးမုၢ်တဖုလီၤ. လၢအကျါတဂၤန့ၣ် ကတြုာ်ကွံာ်တၢ်ဒ်ထံအါလုၣ်ဘၢတၢ် အသိးဒီးဒုးတၢ်ထီဒါဒုၣ်ဒါအတိာ်တဖျၢၣ်န့ၣ်လီၤ.

လံာ်ဒၤနံးယ့လး 11:22

ပှၤတဂၤလၢ်လၢ်လၢအထီဒါအီၤ, ကစၢ်ယွၤအပှၤလုၢ်တၢ် အခိၣ်အဒိၣ်ဒၣ်လဲာ်ကဘၣ်တၢ်တၢၤကွံာ်အီၤန့ၣ်လီၤ.

လံာ်ဒၤနံးယ့လး 9:26

ဒီးဖဲတၢ်ဆၢကတီၢ်အံၤအကတၢၢ်န့ၣ်, ပှၤခိၣ်ပှၤနၢ်လၢကစၢ်ယွၤဃုထၢအီၤတဂၤန့ၣ်ကဘၣ်တၢ်မၤသံ ကွံာ်အီၤလၢတၢ်တတီတလိၤအပူၤလီၤ. ဝ့ၢ်ဒီးတၢ်လုၢ်ဟံၣ်န့ၣ်ကဘၣ် တၢ်မၤဟးဂီၤကွံာ်အီၤလၢပှၤပၢတၢ်လၢအစိကမီၤဒိၣ် တဂၤအသုးမုၢ်လၢအဟဲနုာ်လီၤဒုးန့ၢ်အီၤန့ၣ်လီၤ. တၢ်အကတၢၢ်ကဟဲဒ်ထံလုၣ်ဘၢတၢ်, ဟဲစိာ်ဝဲတၢ်ဒုးတၢ်ယၤ ဒီးတၢ်မၤဟးဂီၤ, လၢကစၢ်ယွၤကတဲာ်ကတီၤပာ်စၢၤဝဲန့ၣ်လီၤ.

လံာ်ဧၤမိၣ် 8:8

ဒီးဟီၣ်ခိၣ်ကဟူးဝးဆှဲးဆှိးဝဲလၢတၢ်န့ၣ်အဃိဒီးပှၤအိၣ်ဝဲလၢ ကီၢ်ပူၤခဲလၢာ်ကအိၣ်လၢတၢ်မိၣ်တၢ်မးအပူၤလီၤ. ထံကီၢ်ဒီတဘ့ၣ်ကဂံၤဂုၤအသးဒီးကစံၣ်စုးဒီးကလီၤသွီဝဲဒ်ထံကျိ နံၤလါလၢကီၢ်အဲၤကူပတူးအသိးန့ၣ်လီၤ.

လံာ်လီၣ်ဖျါ 12:15

တုၤနုၤတစု, ပယိၤဒုးဟးထီၣ်ထံဒိၣ်ခိၣ်ယွၤလၢအကိာ်ပူၤလၢ အယွၤလီၤဒီးလူၤထွဲပိာ်မုၣ်အခံဒ်သိးအကစိာ်ကွံာ်အီၤအဂီၢ်လီၤ.