လံာ်ယံးရမံယၤ 46:6 - Sgaw Karen Common Bible

⁶ ပှၤလၢအဃ့ၢ်ချ့တဖၣ်, ဃ့ၢ်တပူၤဘၣ်. ပှၤသုးဖိတဖၣ် ဃ့ၢ်ပူၤဖျဲးဝဲတသ့ၣ်ဘၣ်. လၢကလံၤစိးတကပၤ, လၢထံကျိဖရၤသးအဃၢၤန့ၣ် အဝဲသ့ၣ် အခီၣ်ဘၣ်တိၢ်ဒီး လီၤဃံၤဝဲလီၤ.

လံာ်ယံးရမံယၤ 46:6 Iomraidhean Croise

လံာ်စီၤပၤခံဘ့ၣ်တဘ့ၣ် 23:29

ဖဲစီၤယိၤၡံယၤမ့ၢ်စီၤပၤအခါန့ၣ်, ကီၢ်အဲၤကူပတူးအစီၤပၤ နကိၤဆှၢဃီၤသုးမုၢ်တဖုဆူထံကျိဖရၤသးလၢကမၤစၢၤကီၢ်အၤ ၡူၢ်အစီၤပၤအဂီၢ်န့ၣ်လီၤ. စီၤယိၤၡံယၤဂုာ်ကျဲးစၢးတြီပှၤအဲၤကူပတူးဖိအသုးမုၢ်ဖဲ ဝ့ၢ်မကံးဒိၤဒီးဘၣ်တၢ်မၤသံကွံာ်အီၤလၢတၢ်ဒုးအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 24:7

ကီၢ်အဲၤကူပတူးအစီၤပၤဒီးအဝဲအသုးမုၢ်တဟးထီၣ်ကဒီးလၢၤလၢ ကီၢ်အဲၤကူပတူးအပူၤနီတစုလၢၤဘၣ်. မ့ၢ်လၢခဲအံၤကီၢ်ဘၤဘူၤလိၣ်အစီၤပၤပၢကယဲၢ်လီၢ်ကဝီၤလၢအဘၣ် ဃးဒီးကီၢ်အဲၤကူပတူး, စးထီၣ်လၢထံကျိဖရၤသး, တုၤလီၤလၢကီၢ်အဲၤကူပတူးအကလံၤစိးကီၢ်ဆၢဒၣ်လဲာ်အ ဃိန့ၣ်လီၤ.

စံးထီၣ်ပတြၢၤ 27:2

တုၤပှၤအၢပှၤသီတဖၣ်ထီဒါယၤဒ်သိး အကအီၣ်ကွံာ်ယဖံးယညၣ်န့ၣ်ဒီး, အဝဲသ့ၣ်အခီၣ်ဘၣ်တိၢ်ဒီးလီၤဃံၤဝဲန့ၣ်လီၤ.

လံာ်ပှၤစံၣ်တဲၤတဲလီၤတၢ် 9:11

ယသ့ၣ်ညါလီၤတံၢ်တၢ်အဂၤတမံၤလၢ, ဟီၣ်ခိၣ်အံၤပှၤဃ့ၢ် သတြီၤတၢ်ချ့တဖၣ်တမၤနၢၤတၢ်ပြၢထီဘိဘၣ်ဒီးပှၤအဒူတဖၣ် တမၤနၢၤတၢ်ဒုးထီဘိဘၣ်. ပှၤကူၣ်တၢ်သ့တဖၣ်မၤအီၣ်မၤအီ တကဲထီၣ်လိၣ်ထီၣ်ဘၣ်ထီဘိဘၣ်. ပှၤလၢအအိၣ်ဒီးတၢ်ကူၣ်တၢ်ဆးတဖၣ် တထူးထီၣ်တီၤထီၣ်တဘိယူၢ်ဃီဘၣ်. ဒီးပှၤလၢအမၤတၢ်သ့တဖၣ်တမၤန့ၢ်လီၢ်ဒိၣ်လၤထီထီဘိဘၣ်. ဘူၣ်တီၢ်အၢသီမၤအသးလၢပှၤကိးဂၤဒဲးလီၤ.

လံာ်ယၡါယၤ 8:15

ပှၤအါဂၤကဘၣ်တိၢ်ဘၣ်ထံး, ကလီၤဃံၤဝဲဒီးကဘၣ်တၢ်မၤ ကၢ်မၤလီၤကလဲအီၤလီၤ. အဝဲသ့ၣ်ကဘၣ်တၢ်ဖီၣ်န့ၢ်အီၤလၢ ထုအပူၤလီၤ.”

လံာ်ယံးရမံယၤ 1:14

အဝဲစံးဘၣ်ယၤ, “တၢ်မၤဟးဂီၤကကလာ်ထီၣ် လၢကလံၤစိးတခီဒီးပုာ်ထီၣ်ယွၤလီၤဘၣ်ပှၤလၢအအိၣ်လၢ ထံကီၢ်တဘ့ၣ်အပူၤခဲလၢာ်လီၤ.

လံာ်ယံးရမံယၤ 20:11

ဘၣ်ဆၣ်ဒီးနဲဒၣ်ယွၤဧၢ, နအိၣ်လၢယအိၣ်တခီ, ဂံၢ်ဆူၣ်ဘါဆူၣ် ဒီးစိဒိၣ်ကမီၤထီ, ဒီးပှၤလၢအမၤအၢမၤနးယၤတဖၣ်ကဃၣ်ကွံာ် ဝဲန့ၣ်လီၤ. အဝဲသ့ၣ်ကဘၣ်တၢ်မၤမဲာ်ဆှးအီၤလီၤထူလီၤယိာ်, မ့ၢ်လၢအဝဲသ့ၣ်မၤန့ၢ်မၤနၢၤတၢ်တသ့ဘၣ်အဃိန့ၣ်လီၤ.

လံာ်ယံးရမံယၤ 25:9

“ယကမၤလိာ်ကယဲၢ်ပှၤဂီၢ်မုၢ်လၢ ကလံၤစိးတခီ, ဒီးယခ့ယပှၤ ကီၢ် ဘၤဘူၤလိၣ်အစီၤပၤနဘူၤကးန့စၢ်န့ၣ်လီၤ. ယကမၢအဝဲသ့ၣ် ဟဲထီၣ်ဒီးဒုးတၢ်ထီဒါကီၢ်ယူဒၤဒီး ပှၤအိၣ်ဆိးလၢအပူၤတဖၣ်, ဒီးထီဒါစ့ၢ်ကီးပှၤကလုာ်ခဲလၢာ်လၢ အအိၣ်ဘူးအိၣ်တံၢ်ဒီးအီၤန့ၣ်လီၤ. ယကမၤဟးဂီၤကွံာ်ပှၤတကလုာ်အံၤဒီး ပှၤအိၣ်လၢ အဃၢၤတဖၣ် ဒီးပာ်တ့ၢ်အဝဲသ့ၣ်လၢတၢ်ဟးဂီၤအပူၤအစိၤစိၤ အဃၣ်ဃၣ်, ဒီးကကဲထီၣ်တၢ်ထံၣ်ဘၣ်တမံၤဘၣ်တမံၤလၢ အလီၤပျံၤလီၤဖုးဒီး လီၤကမၢကမၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 4:6

နဲၣ်ဃီၤကျဲဆူဝ့ၢ်စံယိၣ်တက့ၢ်. ဃ့ၢ်ထီၣ်လၢတၢ်ပူၤဖျဲးအဂီၢ်တက့ၢ်. သုးဆၢသုးကတီၢ်တဂ့ၤ. အဂ့ၢ်ဒ်အံၤ, ယွၤဟဲစိာ်တၢ်တတၢးတနါ ဒီးတၢ်ဟးဂီၤဖးဒိၣ်လၢကလံၤစိးတခီလီၤ.

လံာ်ယံးရမံယၤ 46:10

အအံၤတနံၤအံၤ မ့ၢ်ယွၤသ့တၢ်လၢာ်ဒီး ပၢဘၣ် တၢ်ခဲလၢာ်ကစၢ် တဂၤအမုၢ်နံၤလီၤ. တနံၤအံၤ အဝဲကဟ့ၣ်ကၣ်တၢ်န့ၣ်လီၤ. တနံၤအံၤ အဝဲကစံၣ်ညီၣ်အဒုၣ်အဒါတဖၣ်န့ၣ်လီၤ. အနးကအီၣ် အဝဲသ့ၣ် တုၤအီၣ်ဘျဲးအီၣ်ဒီး အီအဝဲသ့ၣ် အသွံၣ်တုၤအသးမံဝဲတစုလီၤ. တနံၤအံၤ, ယွၤသ့တၢ်လၢာ်လုၢ်ထီၣ်ပာ်ထီၣ်ပှၤလၢ အမၤနၢၤဝဲတဖၣ် ဖဲထံကျိဖရၤသးအနံၤလၢ ကီၢ်ကလံၤစိးန့ၣ်လီၤ.

လံာ်ယံးရမံယၤ 46:12

ပှၤကလုာ်တဖၣ် နၢ်ဟူဘၣ်သုတၢ်ဘၣ်မဲာ်ဆှးအဂ့ၢ်ဒီး ပှၤကိးဂၤဒဲးနၢ်ဟူဘၣ်သုတၢ်ဟီၣ်တၢ်ယၢၤန့ၣ်လီၤ. သုးဖိတဂၤထွဲဘၣ်အဂၤဂၤ, ဒီးခံဂၤလိာ်လီၤဃံၤဝဲလၢ ဟီၣ်ခိၣ်လိၤန့ၣ်လီၤ.

လံာ်ယံးရမံယၤ 46:16

သုသုးဖိတဖၣ်အခီၣ်ဘၣ်တိၢ်ဒီး လီၤဃံၤဝဲလံ. တဂၤစံးဘၣ်အဂၤတဂၤ, မၤချ့ချ့, ပကက့ၤဆူဟံၣ်ဆူပပှၤဂီၢ်မုၢ်အအိၣ်ဒ်သိး ကပူၤဖျဲးထီၣ်ကွံာ်လၢ ဒုၣ်ဒါအနးအဂီၢ်န့ၣ်တက့ၢ်.’

လံာ်ယံးရမံယၤ 50:32

နပှၤကလုာ်လၢ အပာ်ထီၣ်ထီအသးန့ၣ် အခီၣ်ကဘၣ်တိၢ်ဒီး ကလီၤဃံၤဝဲလီၤ. ဒီးပှၤလၢကဝံၣ်ဆၢထၢၣ်က့ၤအီၤတအိၣ် နီတဂၤဘၣ်. ယကဒွဲၣ်အူထီၣ်နဝ့ၢ်တဖၣ်လၢ မ့ၣ်အူဒီး တၢ်အိၣ်ဝးတရံးနၤခဲလၢာ်ကဘၣ်တၢ်မၤဟးဂီၤအီၤန့ၣ်လီၤ.”

လံာ်ယံးရမံယၤ 6:1

ဘံၣ်ယၤမံၣ်အပှၤဂီၢ်မုၢ်သ့ၣ်ဧၢ, ဃ့ၢ်ကွံာ်လၢတၢ်ဘံၣ်တၢ်ဘၢ အဂီၢ်တက့ၢ်. ဃ့ၢ်ပူၤဖျဲးကွံာ်သုသးလၢဝ့ၢ်ယရူၤရှလ့ၣ်တက့ၢ်. အူထီၣ်ကွဲၤလၢဝ့ၢ်တကိၤအပူၤဒီး မၤထီၣ်တၢ်ပနီၣ်မ့ၣ်အူတမံၤ လၢဝ့ၢ်ဘ့ၤသဟးကၤရ့ၣ်အပူၤတက့ၢ်. အဂ့ၢ်ဒ်အံၤ, တၢ်တတၢး တနါဒီးတၢ်မၤဟးဂီၤတဖၣ်ဘူးထီၣ်ကဟဲဝဲလၢကလံၤစိးတခီန့ၣ်လီၤ.

လံာ်ဒၤနံးယ့လး 11:19

ဒီးကက့ၤကဒါက့ၤဆူတိာ်တဖၣ်လၢအကီၢ်ဒၣ်ဝဲအပူၤ, ဘၣ်ဆၣ်ဒီးကဘၣ်တၢ်မၤနၢၤကွံာ်အီၤဒီးတၢ်န့ၣ်ကမ့ၢ်အတၢ် ကတၢၢ်န့ၣ်လီၤ.

လံာ်ဒၤနံးယ့လး 11:22

ပှၤတဂၤလၢ်လၢ်လၢအထီဒါအီၤ, ကစၢ်ယွၤအပှၤလုၢ်တၢ် အခိၣ်အဒိၣ်ဒၣ်လဲာ်ကဘၣ်တၢ်တၢၤကွံာ်အီၤန့ၣ်လီၤ.