လံာ်ယံးရမံယၤ 46:3 - Sgaw Karen Common Bible

³ “ကီၢ်အဲၤကူပတူး အသုးခိၣ်တဖၣ်ကိးထီၣ်ဝဲ, ‘ကတဲာ်ကတီၤသုကတီၤတဖၣ် ဒီးလဲၤထီၣ်ဆူတၢ်ဒုးအပူၤတက့ၢ်.

လံာ်ယံးရမံယၤ 46:3 Iomraidhean Croise

လံာ်ယၡါယၤ 21:5

လၢတၢ်ထံၣ်လၢညါခီအပူၤန့ၣ်ယထံၣ်ဘၣ်တၢ်အီၣ်အစီၢ်နီၤခိၣ် အိၣ်ကတဲာ်ကတီၤအသးဒီးလီၢ်ဒါတဖၣ်သလၣ်လီၤအသး လၢသမှံၤတဖၣ်ကဆ့ၣ်နီၤလၢအဖီခိၣ်အဂီၢ်လီၤ. အဝဲသ့ၣ်အီၣ်တၢ်ဒီးအီတၢ်လီၤ. သတူၢ်ကလာ်န့ၣ်တၢ်ကိးသတြီထီၣ်ဝဲ, “သုးခိၣ်သုးနၢ်တဖၣ်ဧၢ, ကတဲာ်ကတီၤထီၣ်သုကတီၤတဖၣ်တက့ၢ်.”

လံာ်ယံးရမံယၤ 46:14

“တဲဖျါထီၣ်တၢ်အံၤ လၢကီၢ်အဲၤကူပတူးအဝ့ၢ်တဖၣ်လၢ အမ့ၢ်မံးကဒိးလး, မဲဖံး, ဒီးဝ့ၢ်တၤပါန့ၤအပူၤတက့ၢ်. ကတဲာ်ကတီၤထီၣ်သုသးလၢ နကဒီဒၣ်လီၤသုသးအဂီၢ်တက့ၢ်. တၢ်လၢအအိၣ်ဒီး သုခဲလၢာ်န့ၣ် ကဘၣ်တၢ်မၤဟးဂီၤကွံာ်အီၤလၢ တၢ်ဒုးတၢ်ယၤအပူၤန့ၣ်လီၤ.

လံာ်ယိၤအ့လး 3:9

ဘိးဘၣ်သ့ၣ်ညါတၢ်အံၤဆူပှၤကလုာ်တဖၣ်အကျါ, ကတဲာ်ကတီၤတၢ်လၢတၢ်ဒုးတၢ်ယၤအဂီၢ်, ကိးထီၣ်သုပှၤသုးဖိအဆူၣ်တဖၣ်, ကရၢကရိထီၣ်သုသုးဖိသံၣ်ဖိခဲလၢာ်ဒီးလဲၤထီၣ်ဒုးတၢ်တက့ၢ်.

လံာ်နၤဃူၣ် 2:1

ဝ့ၢ်နံၤနဝ့ဧၢ, နလီၤဘၣ်လၢတၢ်ဒုးတၢ်ယၤအဖီလာ်လံ. တၢ်စိတၢ်ကမီၤလၢကမၤလီၤသဘှံးနၤန့ၣ်ဟဲလံဝဲလံ. ကျဲၤလီၤပာ်လီၤနပှၤခိးတိာ်ဧိၤတာ်ဧိၤ, ပၢၤဃာ်နကျဲဧိၤကပူၤဧိၤ ဒီးအိၣ်ကတဲာ်ကတီၤနသးလၢတၢ်ဒုးအဂီၢ် န့ၣ်တက့ၢ်.

လံာ်နၤဃူၣ် 3:14

ဒၢၣ်ဃာ်ထံဒီးအိၣ်ကတဲာ်ကတီၤနသးလၢဒုၣ်ဒါအတၢ်ကဝီၤ တံၢ်ဃာ်နၤအဂီၢ်, ဒီးမၤခၢၣ်သနၢၣ်နတိာ်နတာ်တက့ၢ်. ယီၢ်ကပံာ်လၢတၢ်မၤဒၢးခီတဖၣ်အဂီၢ်ဒီးကတဲာ်ကတီၤထီၣ် တၢ်သိဒၢးခီတဖၣ်တက့ၢ်.