လံာ်ယံးရမံယၤ 46:25 - Sgaw Karen Common Bible

²⁵ ယွၤသ့တၢ်လၢာ်, အံၣ်စရ့လးအကစၢ်ယွၤစံးဝဲဒၣ်, ယကစံၣ်ညီၣ်ဝ့ၢ်သံဘံးအကစၢ်ဧၣ်မိၣ်, ဃုာ်ဒီး ကီၢ်အဲၤကူပတူးဒီး အကစၢ်တဖၣ်ဒီး အစီၤပၤတဖၣ်န့ၣ်လီၤ. ယကဟံးထီၣ်ကွံာ် ကီၢ်အဲၤကူပတူး အစီၤပၤဒီးကယဲၢ်ပှၤခဲ လၢာ်လၢ အပာ်အတၢ်နာ်လၢအပူၤ,

လံာ်ယံးရမံယၤ 46:25 Iomraidhean Croise

လံာ်တၢ်ဟးထီၣ်ကွံာ် 12:12

လၢမုၢ်နၤအဝဲန့ၣ်ယကလဲၤခီဂာ်ကီၢ်အဲၤကူပတူးဒီးမၤသံကွံာ် ကယဲၢ်တၢ်အဝဲၢ်ကိအပိာ်ခွါမ့တမ့ၢ်အဖါလၢကီၢ်အဲၤကူပတူးအပူၤ လၢပှၤကညီတုၤလၢဆၣ်ဖိကီၢ်ဖိဒီးစံၣ်ညီၣ်ကီၢ်အဲၤကူပတူး အကစၢ်ခဲလၢာ်န့ၣ်လီၤ. ယဲဒၣ်အံၤယမ့ၢ်ယွၤလီၤ.

လံာ်ယၡါယၤ 19:1

အအံၤမ့ၢ်တၢ်ကစီၣ်ဘၣ်ဃးကီၢ်အဲၤကူပတူးအဂ့ၢ်န့ၣ်လီၤ. ယွၤဟဲဆူကီၢ်အဲၤကူပတူး, ဒိးတၢ်ချ့မးလၢတၢ်အၢၣ်တလိၣ် အလိၤလီၤ. ကီၢ်အဲၤကူပတူးအတၢ်ဂီၤတၢ်ဖီၣ်တဖၣ်ကနိး ကစုာ်လၢအမဲာ်ညါ, ဒီးပှၤအဲၤကူပတူးဖိတဖၣ် အသးပှံၢ်လီၤဝဲဒၣ်လီၤ.

လံာ်ယံးရမံယၤ 44:30

ယကဟ့ၣ်လီၤကီၢ်အဲၤကူပတူးအစီၤပၤ ဖၤရိၤ ဃါပြိၤ ဆူအဒုၣ်အဒါတဖၣ်လၢ အသးအိၣ်မၤသံအီၤအစုပူၤ, ဒ်ယဟ့ၣ်လီၤတ့ၢ်လံ ကီၢ်ယူဒၤအစီၤပၤစံးဒကံယၤဆူ ကီၢ်ဘၤဘူၤလိၣ် အစီၤပၤနဘူၤကးန့စၢ်, လၢအမ့ၢ်အဒုၣ်အဒါဒီး သးအိၣ်မၤသံကွံာ်အီၤတဂၤအစုပူၤ, အသိးန့ၣ်လီၤ.”

လံာ်ယံးရမံယၤ 49:3

ဝ့ၢ်ဃ့ၡဘိၣ်အပှၤဂီၢ်မုၢ်သ့ၣ်ဧၢ, ကိးပသူထီၣ်တက့ၢ်. ဝ့ၢ်ဂဲဘၣ်တၢ်မၤဟးဂီၤကွံာ်အီၤလံ. ဝ့ၢ်ရးဘးအပိာ် မုၣ်သ့ၣ်ဧၢ, ဟီၣ်တၢ်ယၢၤတၢ်တက့ၢ်. ကူထီၣ်သိးထီၣ်ထၢၣ်တၢ် ကံးယာ်ဒီးဘၣ်မိၢ်ဘၣ်မး သုဝဲတက့ၢ်. ဃ့ၢ်ဝ့ၤဝီၤလၢ တၢ်သဘံၣ်ဘုၣ်အပူၤတက့ၢ်. သုကစၢ်မိလးကဘၣ်တၢ်စိာ် မၢကဲကုၢ်အီၤဃုာ်ဒီးအပှၤလုၢ်တၢ်ခိၣ်တဖၣ်ဒီး အပဒိၣ်ပပှၢ်တဖၣ်န့ၣ်လီၤ.

လံာ်ယဃ့းစက့လး 30:22

အန့ၣ်ဝံၤဒီး, အအံၤမ့ၢ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ် စံးဝဲန့ၣ်လီၤ. ယမ့ၢ်ကီၢ်အဲၤကူပတူးအစီၤပၤအဒုၣ်အဒါန့ၣ်လီၤ. ယကမၤကၢ်ကွံာ်အစုခံခီလၢာ်, လၢအဂ့ၤဒံးမ့ၢ်ဂ့ၤ, လၢအကၢ်ကွံာ် တ့ၢ်လံတခီမ့ၢ်ဂ့ၤဒီးနးကလီၤတဲာ်ကွံာ်လၢအစုပူၤန့ၣ်လီၤ.

လံာ်စဖါနယၤ 2:11

ယွၤကမၤပျံၤမၤဖုးအဝဲသ့ၣ်လီၤ. အဝဲကမၤဆံးလီၤစှၤလီၤကစၢ်တဖၣ်လၢဟီၣ်ခိၣ်ချၢဒီဘ့ၣ်ဆူတၢ် နီတမံၤအပူၤန့ၣ်လီၤ. တုၤနုၤတစုပှၤကလုာ်ခဲလၢာ်ကဘူၣ်ထီၣ်ဘါထီၣ်အီၤလၢအထံအကီၢ် ဒၣ်ဝဲအပူၤန့ၣ်လီၤ.