လံာ်ယံးရမံယၤ 46:22 - Sgaw Karen Common Bible

²² ဖဲဒုၣ်ဒါအသုးမုၢ်သုးဘူးအသးအခါန့ၣ် ကီၢ်အဲၤကူပတူး ဃ့ၢ်ကွံာ်ဝဲသီၣ်ဒ်ဂုၢ်တဘိဃ့ၢ်ပူၤဖျဲးကွံာ် အသိးန့ၣ်လီၤ. အဝဲသ့ၣ်ဒုးပှၤအဲၤကူပတူးဖိတဖၣ်လၢ ကွါတဖၣ် ဒ်ပှၤပိာ်ခွါတဖၣ်ကူာ်လီၤသ့ၣ်တဖၣ်,

လံာ်ယံးရမံယၤ 46:22 Iomraidhean Croise

စံးထီၣ်ပတြၢၤ 74:5

အဝဲသ့ၣ်လီၤဂာ်ဒီးပှၤကျီသ့ၣ်လၢ အကျီလီၤကွံာ်သ့ၣ်တဖၣ်လၢအကွါန့ၣ်လီၤ.

လံာ်ယၡါယၤ 10:15

ဘၣ်ဆၣ်ဒီးယွၤစံးဝဲဒၣ်, “ကွါတဘ့ၣ်စံးလီၤအသးလၢအ ဒိၣ်န့ၣ်ဒံးပှၤလၢအသူအီၤတဂၤန့ၣ်ကသ့ဧါ. ထးဘူးတဲာ်မ့ၢ် အကါဒိၣ်န့ၣ်ဒံးပှၤလၢအဘူးတဲာ်တၢ်လၢအီၤတဂၤန့ၣ်ဧါ. နီၣ်တီၢ်တယၤထီၣ်ပှၤကညီတဂၤန့ၣ်ဘၣ်. မ့မ့ၢ်, ပှၤကညီယၤထီၣ်နီၣ်တီၢ်တခီန့ၣ်လီၤ.”

လံာ်ယၡါယၤ 14:8

လဘၤနိၣ်အသ့ၣ်ဆှိဒီးအသ့ၣ်ဆှိအ့ရ့းတဖၣ်သူၣ်ခုသးခုလၢ စီၤပၤလၢအလီၤဝဲတဂၤအဃိလီၤ. အဂ့ၢ်ဒ်အံၤ, အဝဲတအိၣ်လၢၤ ဘၣ်အဃိဒီး, ပှၤကကူာ်လီၤအဝဲသ့ၣ်တအိၣ်ဘၣ်နီတဂၤလၢၤဘၣ်.

လံာ်ယၡါယၤ 29:4

ဝ့ၢ်ယရူၤၡလ့ၣ်ကလီၤဂာ်ဒီးတၢ်တဃၣ်တဒုလၢအဂဲၤပျူၢ်ကတိၤ တၢ်လၢဟီၣ်ခိၣ်အဖီလာ်, အကလုၢ်သီၣ်ဧိၤဧိၤဧၤဧၤဟဲထီၣ်လၢ ဖၣ်ဆါကျါန့ၣ်လီၤ.

လံာ်ယၡါယၤ 37:24

နမၢလီၤနခ့နပှၤတဖၣ်လၢက, ကတိၤဒိၣ်အကိာ်လၢယမဲာ်ညါဒီးစံးဝဲ လၢနမၤန့ၢ်မၤနၢၤကစၢၢ်အထီကတၢၢ်တဖၣ်လၢကီၢ်လဘၤနိၣ်အပူၤန့ၣ် လၢနလ့ၣ်ကဟၣ်ခဲလၢာ်န့ၣ်လီၤ. နကတိၤဒိၣ်လီၤနသးလၢ, ဖဲန့ၣ်, နကူာ်လီၤကွံာ်သ့ၣ်ဆှိအ့ရ့းအထီကတၢၢ်တဖၣ်ဒီးသ့ၣ်ဆှိအဂ့ၤ ကတၢၢ်တဖၣ်, ဒီးနလဲၤတုၤတ့ၢ်လံလၢသ့ၣ်ဒိၣ်ပှၢ်တီၢ်အယိာ် ကတၢၢ်တတီၤလံန့ၣ်လီၤ.

လံာ်ယံးရမံယၤ 46:21

အသုးဖိတဖၣ်လၢ အဒိးလဲန့ၢ်ဝဲဒၣ်လဲာ် မၤစၢၤလီၤက့ၤအသးတသ့ဘၣ်ဒ် ဂီၤဖံးဖိတဖၣ်အသိးန့ၣ်လီၤ. အဝဲသ့ၣ် တဆၢထၢၣ်ဒီး ဒုးတၢ်ဘၣ်. အဝဲသ့ၣ်ခဲလၢာ်ဃၣ်အသးဒီး ဃ့ၢ်ကွံာ်ဝဲလီၤ. တၢ်စံၣ်ညီၣ်ဃါမနၤအမုၢ်တနံၤတုၤ အိၣ်အဝဲသ့ၣ်လံ. မ့ၢ်အဝဲသ့ၣ်အတၢ်ဟးဂီၤအဆၢကတီၢ်န့ၣ်လီၤ.

လံာ်ယံးရမံယၤ 46:23

ဒီးမၤဟးဂီၤကွံာ်သ့ၣ် ပှၢ်တပှၢ်လၢ အတီၣ်အသိးန့ၣ်လီၤ. အဝဲသ့ၣ်အပှၤပိာ်ခွါတဖၣ် အါကဲၣ်ဆိးလၢ နကဂံၢ်အီၤအဂီၢ်ဒီး အသုးဖိတဖၣ် အနီၣ်ဂံၢ်အါန့ၢ်ဒံး ဒွဲၣ်ဧိၤတကံၤဧိၤတက့ၢ်န့ၣ် လီၤ.

လံာ်မံကၤ 1:8

တုၤနုၤတစု, ဝံမံကၤစံးဝဲ, “ယကဟီၣ်တၢ်ယၢၤတၢ်ဒီးဘၣ်မိၢ်ဘၣ်မးလၢတၢ်တဖၣ်အံၤအဃိလီၤ. ူလၢတၢ်ဒုးနဲၣ်ဖျါယတၢ်သးအုးအဂီၢ်န့ၣ်ယကလဲၤတၢ်ထဲယခီၣ်ညါသး ဒီးအိၣ်ဘ့ၣ်ဆ့လီၤ. ယကအိၣ်ယူၤဒ်ထွံၣ်ဟီၣ်ခိၣ်အသိးဒီးယ ကဟီၣ်ကအုဒ်ထိၣ်ကီၤလၤအူးအသိးန့ၣ်လီၤ.

လံာ်မံကၤ 7:16

ပှၤကလုာ်တဖၣ်ကထံၣ်တၢ်အံၤဒီးလၢအတၢ်ဂံၢ်ဆူၣ်ဘါဆူၣ်အပူၤဒၣ် လဲာ်အသးကဘၣ်တံာ်တာ်လီၤ. လၢတၢ်သးဟးဂီၤအပူၤန့ၣ်ကကးတံာ်ဃးအထးခိၣ်တဖၣ်ဒီးမၤဘၢ အနၢ်တဖၣ်လီၤ.

လံာ်စကၤရယၤ 11:2

သ့ၣ်ဆှိသ့ၣ်ဧၢ, ဟီၣ်တၢ်ယၢၤတၢ်ဒီးဟီၣ်ပသူဟီၣ်ပသီတက့ၢ်. အဂ့ၢ်ဒ်အံၤ, သ့ၣ်ဆှိအ့ရ့းတဖၣ်လီၤဃံၤလံ ဒီးသ့ၣ်လၢအအိၣ်ဒီးအလၤကပီၤတဖၣ်န့ၣ် ဘၣ်တၢ်မၤဟးဂီၤကွံာ်အီၤလံ. ကီၢ်ဘၤၡၣ်အသ့ထိးဖၣ်သ့ၣ်ဧၢ, ဟီၣ်တၢ်ယၢၤတၢ်ဒီးဟီၣ်ပသူ ဟီၣ်ပသီတက့ၢ်. အဂ့ၢ်ဒ်အံၤ, သ့ၣ်ပှၢ်လၢအတီၣ်ဘၣ်တၢ်ကူာ်လီၤကွံာ်အီၤလံ.

လံာ်စီၤယိၤၡူ 9:21

ဒီးပှၤခိၣ်ပှၤနၢ်တဖၣ်စံးဘၣ်အဝဲသ့ၣ်, “ပျဲအဝဲသ့ၣ်အိၣ်မူတက့ၢ်. ဘၣ်ဆၣ်ဒီးအဝဲသ့ၣ်ကဘၣ်ကျီသ့ၣ်မုၣ်ဒီးကဘၣ်ဒၢၣ်ထံလၢပဝဲ ခဲလၢာ်အဂီၢ်န့ၣ်လီၤ.” အဝဲအံၤမ့ၢ်တၢ်လၢပှၤခိၣ်ပှၤနၢ်တဖၣ်ဟ့ၣ်ကူၣ်ဝဲန့ၣ်လီၤ.