လံာ်ယံးရမံယၤ 46:21 - Sgaw Karen Common Bible

²¹ အသုးဖိတဖၣ်လၢ အဒိးလဲန့ၢ်ဝဲဒၣ်လဲာ် မၤစၢၤလီၤက့ၤအသးတသ့ဘၣ်ဒ် ဂီၤဖံးဖိတဖၣ်အသိးန့ၣ်လီၤ. အဝဲသ့ၣ် တဆၢထၢၣ်ဒီး ဒုးတၢ်ဘၣ်. အဝဲသ့ၣ်ခဲလၢာ်ဃၣ်အသးဒီး ဃ့ၢ်ကွံာ်ဝဲလီၤ. တၢ်စံၣ်ညီၣ်ဃါမနၤအမုၢ်တနံၤတုၤ အိၣ်အဝဲသ့ၣ်လံ. မ့ၢ်အဝဲသ့ၣ်အတၢ်ဟးဂီၤအဆၢကတီၢ်န့ၣ်လီၤ.

လံာ်ယံးရမံယၤ 46:21 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 10:6

ပှၤဧၣ်မိၣ်ဖိတဖၣ်ထံၣ်သ့ၣ်ညါဝဲလၢအဝဲသ့ၣ်ဒုးကဲထီၣ်စီၤဒၤ ဝံးလၢအဝဲသ့ၣ်အဒုၣ်အဒါလံ, သတးဒီးအဝဲသ့ၣ်ဒိးလဲန့ၢ်ဝဲ ပှၤစူၤရံအသုးဖိအဂၤခံကလးလၢဝ့ၢ်ဘ့ၤသရဃိာ်ဒီးဝ့ၢ်စိဘၤ, ပှၤအဂၤတကလးခံကထိလၢဝ့ၢ်တိာ်ဒီးကိးဝ့ၢ်မကၤအစီၤပၤဃုာ် ဒီးအပှၤတကထိဂၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 7:6

ယွၤဒုးနၢ်ဟူတ့ၢ်ပှၤစူၤရံဖိတဖၣ်လၢတၢ်အသီၣ်လၢအလီၤဂာ်ဒီး သုးမုၢ်ဖးဒိၣ်ဟဲထီၣ်ဝဲတဖုလၢအအိၣ်ဒီးကသ့ၣ်တဖၣ်ဒီးလ့ၣ် ကဟၣ်တဖၣ်န့ၣ်လီၤ. ပှၤစူၤရံဖိတဖၣ်ဆိကမိၣ်ဝဲလၢကီၢ်အံၣ်စရ့လးအစီၤပၤဒိးလဲ ပှၤဃ့ၤသးဖိဒီးပှၤအဲၤကူပတူးဖိအစီၤပၤတဖၣ်ဒီးအဝဲသ့ၣ် အသုးမုၢ်တဖၣ်လၢကဟဲထီၣ်ဒုးအဝဲသ့ၣ်န့ၣ်လီၤ.

စံးထီၣ်ပတြၢၤ 37:13

ဘၣ်ဆၣ်ယွၤနံၤဘၣ်ပှၤအၢပှၤသီ, အဂ့ၢ်မ့ၢ်လၢအဝဲထံၣ်သ့ၣ်ညါဝဲလၢ အမုၢ်နံၤဟဲလံလီၤ.

တၢ်ကတိၤဒိ. 15:17

ဂ့ၤတက့ၢ်လၢတၢ်အီၣ်တၢ်ဒိးတၢ်လၣ်တဖၣ်ဃုာ်ဒီးပှၤလၢနအဲၣ်အီၤ တဖၣ်ဒိၣ်န့ၢ်တၢ်အီၣ်တၢ်ဖံးတၢ်ညၣ်အဂ့ၤကတၢၢ်ဖဲတၢ်သးဟ့အိၣ်ဝဲ န့ၣ်လီၤ.

လံာ်ယၡါယၤ 10:3

ယွၤမ့ၢ်စံၣ်ညီၣ်သုဒီးသုကမၤဒ်လဲၣ်. ယွၤမ့ၢ်ဒုးဘၣ်သုလၢတၢ် နးတၢ်ဖှီၣ်ဖးဒိၣ်လၢအဟဲလၢထံကီၢ်လၢအယံၤတဘ့ၣ်ဒီး, သုကမၤဒ်လဲၣ်. လၢတၢ်မၤစၢၤအဂီၢ်, သုကဃ့ၢ်ဆူ လဲၣ်ခီလဲၣ်. သုတၢ်ထူးတၢ်တီၤတဖၣ်, သုကပာ်ခူသူၣ်အီၤဖဲလဲၣ်.

လံာ်ယၡါယၤ 34:7

ပှၤဂီၢ်မုၢ်တဖၣ်ကလီၤဃံၤသံဝဲဒ်ကျီၢ်ဖါမံၤတဖၣ်ဒီးဂီၤဖံးဖါဖိ တဖၣ်အသိး, ဒီးဟီၣ်ခိၣ်ကဂီၤဝဲဒီးတၢ်သွံၣ်ဒီးဘၣ်အၢပှဲၤဒီး တၢ်အသိလီၤ.

လံာ်ယံးရမံယၤ 18:17

ယကမၤပြံမၤပြါယပှၤဂီၢ်မုၢ်လၢအဝဲသ့ၣ်အဒုၣ်အဒါတဖၣ်အမဲာ်ညါ, လီၤဂာ်ဒ်ဟီၣ်ခိၣ်ကမူၣ်လၢမုၢ်ထီၣ်ကလံၤအူဒံကွံာ်အီၤအသိးန့ၣ်လီၤ. ယကဒီအဝဲသ့ၣ်လၢယချၢဃံလီၤ. ဒီးဖဲတၢ်တတၢးတနါဟဲဝဲန့ၣ်, ယတမၤစၢၤအဝဲသ့ၣ်ဘၣ်.”

လံာ်ယံးရမံယၤ 46:22

ဖဲဒုၣ်ဒါအသုးမုၢ်သုးဘူးအသးအခါန့ၣ် ကီၢ်အဲၤကူပတူး ဃ့ၢ်ကွံာ်ဝဲသီၣ်ဒ်ဂုၢ်တဘိဃ့ၢ်ပူၤဖျဲးကွံာ် အသိးန့ၣ်လီၤ. အဝဲသ့ၣ်ဒုးပှၤအဲၤကူပတူးဖိတဖၣ်လၢ ကွါတဖၣ် ဒ်ပှၤပိာ်ခွါတဖၣ်ကူာ်လီၤသ့ၣ်တဖၣ်,

လံာ်ယံးရမံယၤ 46:5

ယွၤသံကွၢ်ဝဲ, ဘၣ်ဆၣ်ဒီး ယထံၣ်ဘၣ်တၢ်မနုၤလဲၣ်. အဝဲသ့ၣ် ဃၣ်ကဒါက့ၤအသးလၢ တၢ်ပျံၤတၢ်ဖုးအပူၤလီၤ. အသုးဖိတဖၣ် ဘၣ်တၢ်မၤဃၣ်ကွံာ်အီၤ, တၢ်ပျံၤတၢ်ဖုးလုၣ်ဘၢကွံာ်အီၤလီၤ. အဝဲသ့ၣ်ဃ့ၢ်တချ့ဖဲအချ့ ဒီးတကွၢ်ကဒါက့ၤအလီၢ်ခံလၢၤဘၣ်.

လံာ်ယံးရမံယၤ 46:9

ဟ့ၣ်လီၤတၢ်ကလုၢ်လၢ ကသ့ၣ်တဖၣ်လၢ ကလဲၤတၢ်ဒီး ပှၤနီၣ်လ့ၣ်ကဟၣ်ကနီၣ်တၢ်ဆူၣ်ဆူၣ် အဂီၢ်တက့ၢ်. ဆှၢထီၣ်သုးဖိတဖၣ် လၢအစိာ်ကတီၤတဖၣ်လၢ ကီၢ်ကူၤၡးဒီး လံးဘယၢ် ဃုာ်ဒီး ပှၤခးချံၣ်စဲၣ်နီးတဖၣ်လၢ ကီၢ်လူၤဒံန့ၣ်တက့ၢ်.’ ”

လံာ်ယံးရမံယၤ 48:44

ပှၤတဂၤဂ့ၤတဂၤဂ့ၤလၢ အကျဲးစၢးဃ့ၢ်ပူၤဖျဲးကွံာ်လၢ တၢ်မၤပျံၤမၤဖုးအံၤန့ၣ်, ကလီၤတဲာ်နုာ်ဆူတၢ်ပူၤတဖၣ်, ဒီးပှၤတဂၤဂ့ၤတဂၤဂ့ၤလၢ အပှာ်ထီၣ်က့ၤလၢ တၢ်ပူၤန့ၣ်, ကဘၣ်တၢ်ဖီၣ်န့ၢ်အီၤလၢ ပျံၤသကွီၤတဖၣ်န့ၣ်လီၤ. အဂ့ၢ်ဒ်အံၤ, ယွၤပာ်လီၤတၢ်ဆၢကတီၢ်လၢ ကီၢ်မိၤအးအတၢ်ဟးဂီၤအဂီၢ်လီၤ.

လံာ်ယံးရမံယၤ 49:8

ဝ့ၢ်ဒ့ဒၢ်အပှၤဂီၢ်မုၢ်သ့ၣ်ဧၢ, ဃၣ်သုသးဒီးဃ့ၢ်တက့ၢ်. အိၣ်ခူသူၣ်တက့ၢ်. ယကမၤဟးဂီၤစီၤဧ့ၡီၤအစၢၤအသွဲၣ်တဖၣ်န့ၣ်လီၤ. အဂ့ၢ်ဒ်အံၤ, တၢ်ဆၢကတီၢ်ဟဲလံဝဲလၢ ယဂီၢ်လၢ ယကစံၣ် ညီၣ်အဝဲသ့ၣ်လံ.

လံာ်ယံးရမံယၤ 50:11

ယွၤစံးဝဲဒၣ်, “ကီၢ်ဘၤဘူၤလိၣ်အပှၤဂီၢ်မုၢ်သ့ၣ်ဧၢ, သုဂုာ်ဆူၣ်ပျီဆူၣ်တ့ၢ်ယပှၤကလုာ်န့ၣ်လီၤ. သုသူၣ်ဖှံသးညီဒီး သူၣ်ခုသးခုဒီး သုဝ့ၤဝီၤသုသးဒ်ဂီၤဖံးမိၢ်တဒုလၢ အယီၢ်ဘုအသိးမ့ၢ်ဂ့ၤ, ကသ့ၣ်လၢအကဟဲးမ့ၢ်ဂ့ၤ

လံာ်ယံးရမံယၤ 50:27

မၤသံအဝဲသ့ၣ်အသုးဖိလၢ အလီၤဂာ်ဒ် ကျီၢ်ဖါဖိခဲလၢာ် တက့ၢ်. မၤသံမၤဝီအဝဲသ့ၣ်တက့ၢ်. ကီၢ်ဘၤဘူၤလိၣ်အပှၤ ဂီၢ်မုၢ်ဘၣ် တၢ်စံၣ်ညီၣ်ဃါမနၤလီၤ. တၢ်ဆၢကတီၢ်ဟဲတုၤလံ ဝဲလၢအဝဲသ့ၣ်အဂီၢ်လၢ ကဘၣ်တၢ်စံၣ်ညီၣ်အီၤန့ၣ်လီၤ.”

လံာ်ယဃ့းစက့လး 30:22

အန့ၣ်ဝံၤဒီး, အအံၤမ့ၢ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ် စံးဝဲန့ၣ်လီၤ. ယမ့ၢ်ကီၢ်အဲၤကူပတူးအစီၤပၤအဒုၣ်အဒါန့ၣ်လီၤ. ယကမၤကၢ်ကွံာ်အစုခံခီလၢာ်, လၢအဂ့ၤဒံးမ့ၢ်ဂ့ၤ, လၢအကၢ်ကွံာ် တ့ၢ်လံတခီမ့ၢ်ဂ့ၤဒီးနးကလီၤတဲာ်ကွံာ်လၢအစုပူၤန့ၣ်လီၤ.

လံာ်ယဃ့းစက့လး 35:5

သုမ့ၢ်တ့ၢ်ကီၢ်အံၣ်စရ့လးအဒုၣ်အဒါတပယူာ်ဃီဒီးပျဲအပှၤဂီၢ်မုၢ် ဘၣ်တၢ်မၤသံမၤဝီအီၤလၢတၢ်ဟးဂီၤအမုၢ်တနံၤ, လၢတၢ်တတၢးတနါအဆၢကတီၢ်, တၢ်ဆၢကတီၢ်ဖဲတၢ်စံၣ်ညီၣ်လၢ ခံကတၢၢ်လၢအဝဲအတၢ်ဒဲးဘးတဖၣ်အဂီၢ်န့ၣ်လီၤ.

လံာ်ဟိၤၡ့ 9:7

တၢ်ဆၢကတီၢ်လၢတၢ်စံၣ်ညီၣ်အဂီၢ်, တၢ်ဆၢကတီၢ်လၢပှၤဂီၢ်မုၢ်တဖၣ်ကဒိးန့ၢ်တၢ်လၢအကြၢးဒိးန့ၢ်ဘၣ် ဝဲန့ၣ်ဟဲတုၤလံ. ဖဲတၢ်န့ၣ်မၤအသးဒီးကီၢ်အံၣ်စရ့လးကသ့ၣ်ညါအီၤလီၤ. သုစံးလၢဝံတဂၤအံၤမ့ၢ်ပှၤဟးဂီၤဖိန့ၣ်လီၤ. ပှၤလၢယွၤဟ့ၣ်စိဟ့ၣ်ကမီၤအီၤတဂၤအံၤပျုၢ်လီၤ. သုပှၤဂီၢ်မုၢ်တဖၣ်သးဟ့ယၤနးနးကလဲာ်မ့ၢ်လၢသုတၢ်ဒဲးဘး န့ၣ်အါဝဲအဃိလီၤ.

လံာ်ဧၤမိၣ် 6:4

ပှၤလၢအမံလီၤလၢလီၢ်မံခးကဆီမဲတဖၣ်ဒီးစူၣ်လီၤအသးလၢ အလီၢ်ဖူကပုာ်တဖၣ်အဖီခိၣ်, ဒီးအီၣ်သိဖိအဘီၣ်ကတၢၢ်တဖၣ်လၢသိကရၢ, ဂီၤဖံးအဘီၣ်တဖၣ်လၢအကရၢၢ်ပူၤသ့ၣ်ဧၢ, သုဘၣ်အဖှီၣ်လီၤ.

လံာ်ဧိၤဘါဒယၤ 1:13

နတကြၢးလဲၤနုာ်ဆူဝ့ၢ်အပူၤလၢယပှၤဂီၢ်မုၢ်အတၢ်ဘၣ်ကီဘၣ်ခဲ အမုၢ်နံၤန့ၣ်ဘၣ်. နတကြၢးဂုာ်န့ၢ်အဝဲသ့ၣ်အတၢ်ထူးတၢ်တီၤလၢအတၢ်ဘၣ်ကီဘၣ်ခဲ အမုၢ်နံၤန့ၣ်ဘၣ်.

လံာ်မံကၤ 7:4

ပှၤအဂ့ၤကတၢၢ်ဒီးပှၤအသူၣ်လိၤသးဘျၢကတၢၢ်လၢအဝဲသ့ၣ်အကျါဒၣ် လဲာ်အလုၢ်အပှ့ၤတအိၣ်ဘၣ်ဒ်သိးဒၣ်နီၣ်ဧိၤမံၤဧိၤတဖၣ်လီၤ. မုၢ်နံၤလၢကစၢ်ယွၤကစံၣ်ညီၣ်အပှၤဂီၢ်မုၢ်ဒ်အဟ့ၣ်ပလီၢ်ပာ်တ့ၢ် ဝဲခီဖျိအပှၤပၢၤတၢ်, ဝံတဖၣ်န့ၣ်ဟဲတုၤဝဲလံ. ခဲကနံၣ်အံၤအဝဲသ့ၣ်အိၣ်လၢတၢ်သဘံၣ်ဘုၣ်အပူၤလီၤ.

လံာ်မးသဲ 22:4

မၤကဒီးတစု, အဝဲဆှၢလီၤအခ့အပှၤအဂၤတဖၣ်ဒီးစံးဝဲ, ‘လဲၤဒီးစံးဘၣ်တဲဘၣ်ပှၤလၢအဘၣ်တၢ်ကွဲမုာ်အီၤတဖၣ် လၢယကတဲာ်ကတီၤမူးအတၢ်အီၣ်တၢ်အီဝံၤလံ. ယဂီၤဖံးဖါဒီးဂီၤဖံးဖိလၢအဘီၣ်တဖၣ်ဘၣ်တၢ်မၤသံအီၤလံ. ဒီးတၢ်ခဲလၢာ်အိၣ်ကတဲာ်ကတီၤအသးလံ. ဟဲဆူတၢ်ဖျီအမူးတက့ၢ်.’

လံာ်သိၣ်လီၤသီလီၤတၢ် 32:15

ယွၤအပှၤဂီၢ်မုၢ်ထူးထီၣ်တီၤထီၣ်ဝဲ, ဘၣ်ဆၣ်ထီဒုၣ်ထီဒါတၢ်, အဝဲသ့ၣ်ဘီၣ်ထီၣ်သိထီၣ်ဒီးပှဲၤလုာ်ကွံာ်ဒီးတၢ်အီၣ်တၢ်အီ လီၤ. အဝဲသ့ၣ်လဲၤသဒၣ်ကွံာ်ကစၢ်ယွၤအဝဲသ့ၣ်အတၢ်ဘၣ်တ့အကစၢ် ဒီးစူးကွံာ်ညိကွံာ်အတၢ်အုၣ်က့ၤခီၣ်က့ၤကစၢ်လၢအဒိၣ်ဝဲမုၢ်ဝဲန့ၣ်လီၤ.