လံာ်ယံးရမံယၤ 46:14 - Sgaw Karen Common Bible

¹⁴ “တဲဖျါထီၣ်တၢ်အံၤ လၢကီၢ်အဲၤကူပတူးအဝ့ၢ်တဖၣ်လၢ အမ့ၢ်မံးကဒိးလး, မဲဖံး, ဒီးဝ့ၢ်တၤပါန့ၤအပူၤတက့ၢ်. ကတဲာ်ကတီၤထီၣ်သုသးလၢ နကဒီဒၣ်လီၤသုသးအဂီၢ်တက့ၢ်. တၢ်လၢအအိၣ်ဒီး သုခဲလၢာ်န့ၣ် ကဘၣ်တၢ်မၤဟးဂီၤကွံာ်အီၤလၢ တၢ်ဒုးတၢ်ယၤအပူၤန့ၣ်လီၤ.

လံာ်ယံးရမံယၤ 46:14 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 2:26

စီၤအဘံန့ၢ်ကိးထီၣ်ဆူစီၤယိၤအာ်အအိၣ်ဒီးစံးဝဲ, “မ့ၢ်ပကဘၣ်ဒုးတၢ်ဆူညါတဘိယူၢ်ဃီန့ၣ်ဧါ. လၢတၢ်အကတၢၢ်န့ၣ်တၢ်အဂၤတအိၣ်နီတမံၤဘၣ်. မ့မ့ၢ်ကအိၣ်ဒၣ်ထဲတၢ်သူၣ်ခၣ်သးခၣ်ဧိၤန့ၣ်နထံၣ်တသ့ဘၣ်ဧါ. ပမ့ၢ်ဒၣ်နထံဖိကီၢ်ဖိကဒဲကဒဲလီၤ. လၢနကဟ့ၣ်လီၤနကလုၢ်ဒ်သိးနပှၤတဖၣ်ကဆိကတီၢ်ဒုးပှၤအဂီၢ်န့ၣ်, ကယံာ်ဒံးဆံးယံာ်လဲၣ်.”

လံာ်ယၡါယၤ 1:20

ဘၣ်ဆၣ်သုမ့ၢ်ခီၣ်ဆၢယၤဒီး, သုကဘၣ်တၢ်စံၣ်ညီၣ်ဃါမနၤ ဆူတၢ်သံလီၤ. ယၤ, ယွၤန့ၣ်, ကတိၤလံတၢ်လံ.”

လံာ်ယၡါယၤ 19:13

ဝ့ၢ်စိၤဧၣ်ဒီးဝ့ၢ်မဲဖံးအခိၣ်အနၢ်တဖၣ်မ့ၢ်ပှၤဟးဂီၤဖိတဖၣ်လီၤ. အဝဲသ့ၣ်ကဘၣ်ဆှၢအပှၤကလုာ်, ဘၣ်ဆၣ်ဒီး, အဝဲသ့ၣ်ဆှၢကမၣ်အီၤလီၤ.

လံာ်ယၡါယၤ 31:8

ကီၢ်အၤၡူၢ်ကဘၣ်တၢ်မၤဟးဂီၤအီၤလၢတၢ်ဒုးအပူၤ, ဘၣ်ဆၣ်တမ့ၢ်လၢပှၤကညီအတၢ်စိကမီၤဘၣ်. ပှၤအၤၡူၢ်ဖိတဖၣ်ကထွးထီၣ်ဃ့ၢ်ကွံာ်လၢတၢ်ဒုးဒီးအဝဲသ့ၣ် အပှၤသးစၢ်တဖၣ်ကဘၣ်တၢ်ဒုးကဲထီၣ်အီၤလၢကုၢ်တဖၣ်န့ၣ်လီၤ.

လံာ်ယၡါယၤ 34:6

အနးကဘၣ်အၢပှဲၤဒီးအဝဲသ့ၣ်အသွံၣ်ဒီးအသိ, ဒ်သိဖိဒီးမဲာ်တဲးလဲးတဖၣ်အသွံၣ်ဒီးအသိလၢတၢ်လုၢ်ထီၣ် အီၤအသိးလီၤ. ယွၤကလုၢ်ထီၣ်တၢ်လုၢ်အံၤလၢဝ့ၢ်ဘိးစရၤအပူၤလီၤ. အဝဲကဒုးကဲထီၣ်တၢ်အံၤလၢတၢ်မၤသံဖးဒိၣ်လၢကီၢ်အဒိၣ် အပူၤန့ၣ်လီၤ.

လံာ်ယံးရမံယၤ 12:12

ပှၤတဖၣ်ဟဲခီဂာ်ကယဲၢ်မဲးမုၢ်ခိၣ်အလီၢ်ထီၣ်ထီတဖၣ် လၢကဂုာ်ဆူၣ်ပျိဆူၣ်တၢ်အဂီၢ်လီၤ. ယမၢလီၤတၢ်ဒုးတၢ်ယၤလၢကမၤဟးဂီၤ ထံကီၢ်ဒီဘ့ၣ်ညါအဂီၢ်န့ၣ်လီၤ. ပှၤအိၣ်မူလၢတၢ်မုာ်တၢ်ခုာ်အပူၤတသ့ဝဲ နီတဂၤဘၣ်လီၤ.

လံာ်ယံးရမံယၤ 2:16

မ့ၢ်လီၤ. ပှၤတဖၣ်လၢဝ့ၢ်မဲဖံးဒီးပှၤတၤပါန့ၤဖိ မၤသ့ၣ်ဖးတ့ၢ်အခိၣ်ကုန့ၣ်လီၤ.

လံာ်ယံးရမံယၤ 2:30

ယစံၣ်ညီၣ်နၤ, ဘၣ်ဆၣ်တမၤဂ့ၤနၤနီတမံၤဘၣ်. နတပျဲယၤလၢ ယကဘှီဘၣ်က့ၤနၤဘၣ်. ဒ်ခ့ယုၢ်တဒုသးဒိၣ်တပျုာ်တပျီၤအသိးန့ၣ်, နမၤသံတ့ၢ်နဝံတဖၣ်န့ၣ်လီၤ.

လံာ်ယံးရမံယၤ 44:1

ယွၤကတိၤတၢ်ဒီး ယၤဘၣ်ဃးဒီးပှၤအံၣ်စရ့လး ဖိခဲလၢာ်လၢ အအိၣ်အဆိးလၢ ကီၢ်အဲၤကူပတူးအပူၤအဂ့ၢ်, လၢဝ့ၢ်တဖၣ် လၢအမ့ၢ်ဝဲမံးကဒိးလး, တၤပါန့ၤဒီး မဲဖံးအပူၤ, ဒီးလၢကီၢ်အကလံၤထံးတကပၤအဂ့ၢ်န့ၣ်လီၤ.

လံာ်ယံးရမံယၤ 46:10

အအံၤတနံၤအံၤ မ့ၢ်ယွၤသ့တၢ်လၢာ်ဒီး ပၢဘၣ် တၢ်ခဲလၢာ်ကစၢ် တဂၤအမုၢ်နံၤလီၤ. တနံၤအံၤ အဝဲကဟ့ၣ်ကၣ်တၢ်န့ၣ်လီၤ. တနံၤအံၤ အဝဲကစံၣ်ညီၣ်အဒုၣ်အဒါတဖၣ်န့ၣ်လီၤ. အနးကအီၣ် အဝဲသ့ၣ် တုၤအီၣ်ဘျဲးအီၣ်ဒီး အီအဝဲသ့ၣ် အသွံၣ်တုၤအသးမံဝဲတစုလီၤ. တနံၤအံၤ, ယွၤသ့တၢ်လၢာ်လုၢ်ထီၣ်ပာ်ထီၣ်ပှၤလၢ အမၤနၢၤဝဲတဖၣ် ဖဲထံကျိဖရၤသးအနံၤလၢ ကီၢ်ကလံၤစိးန့ၣ်လီၤ.

လံာ်ယံးရမံယၤ 46:19

သုဝဲကီၢ်အဲၤကူပတူးအပှၤဂီၢ်မုၢ်သ့ၣ်ဧၢ, အိၣ်ကတဲာ်ကတီၤသုသးလၢ သုကလဲၤကဲ ကုၢ်အဂီၢ်တက့ၢ်. ဝ့ၢ်မဲဖံးကဘၣ်တၢ်ဒုးကဲထီၣ်အီၤဆူ မဲးမုၢ်ခိၣ်တတီၤ, တၢ်ဟးဂီၤအလီၢ်တပူၤဖဲ ပှၤတအိၣ်တဆိးနီတဂၤ ဘၣ်န့ၣ်လီၤ.

လံာ်ယံးရမံယၤ 46:2

စးထီၣ်ဝဲဒီး ကီၢ်အဲၤကူပတူးအဂ့ၢ်န့ၣ်လီၤ. တၢ်အံၤမ့ၢ် တၢ်လၢအဝဲစံးဝဲဘၣ်ဃးဒီးကီၢ်အဲၤကူပတူးအစီၤပၤ နကိၤအသုးမုၢ်လၢ ကီၢ်ဘၤဘူၤလိၣ် အစီၤပၤနဘူၤကးန့စၢ် မၤနၢၤမၤဃၣ်အီၤဖဲ ဝ့ၢ်ကၢ်ကမံၣ်ဘူးဒီး ထံကျိဖရၤသး, ဖဲကီၢ်ယူဒၤအစီၤပၤ ယဟိၤယါကံၣ်ပၢတၢ်လွံၢ်နံၣ်တနံၣ် အပူၤန့ၣ်လီၤ.

လံာ်ယဃ့းစက့လး 21:28

ပှၤကညီလၢအသံသ့ဧၢ, ကတိၤတၢ်လၢဝံအကျိာ်တက့ၢ်. ဘိးဘၣ်သ့ၣ်ညါတၢ်လၢယၤ, ယွၤပၢဘၣ်တၢ်ခဲလၢာ်ကစၢ်ယွၤကစံးဘၣ် ပှၤဧၤမိၣ်ဖိတဖၣ်, ပှၤတဖၣ်လၢအကတိၤဒုၣ်ဒွဲၣ်ပှၤအံၣ်စရ့လးဖိန့ၣ် တက့ၢ်. စံးဘၣ်အဝဲသ့ၣ်ဒ်အံၤတက့ၢ်. နးတဘ့ၣ်အိၣ်ကတဲာ်ကတီၤလံအသးလၢကမၤဟးဂီၤကွံာ်တၢ် အဂီၢ်လံ. ဘၣ်တၢ်ထူးကတြ့ၣ်ထီၣ်အီၤလၢမၤသံတၢ်အဂီၢ်, လၢကကပြုၢ်ထီၣ်ဒ်လီဝၢ်ဒံးအသိးအဂီၢ်န့ၣ်လီၤ.

လံာ်ယဃ့းစက့လး 30:13

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “ယကမၤဟးဂီၤကွံာ်တၢ်ဂီၤ တၢ်ဖီၣ်တဖၣ်ဒီးယွၤအတမ့ၢ်တတီတဖၣ်လၢဝ့ၢ်မဲဖံးအပူၤန့ၣ်လီၤ. ပှၤလၢအကပၢကီၢ်အဲၤကူပတူး တအိၣ်လၢၤ နီတဂၤဘၣ်ဒီးယကမၤပျံၤမၤဖုးကယဲၢ်ပှၤဂီၢ်မုၢ်ခဲလၢာ်န့ၣ်လီၤ.

လံာ်ဟိၤၡ့ 9:6

ဖဲတၢ်တတၢးတနါဟဲတုၤဃီၤဝဲဒီးပှၤဂီၢ်မုၢ်တဖၣ်လီၤပြံပြါ ကွံာ်ဝဲန့ၣ်, ပှၤအဲၤကူပတူးဖိတဖၣ်ကပာ်ဖှိၣ်အဝဲသ့ၣ်, လၢကခူၣ်လီၤကွံာ်အဝဲသ့ၣ်ဖဲဝ့ၢ်မဲဖ့းအပူၤန့ၣ်လီၤ. အဝဲသ့ၣ်အတၢ်လုၢ်ဒိၣ်ပှ့ၤဒိၣ်တဖၣ်လၢစ့ဒီးတၢ်လီၢ် တၢ်ကျဲတဖၣ်ဖဲတဘျီအဝဲသ့ၣ်အဟံၣ်တဖၣ်သူၣ်ထီၣ်တ့ၢ်အ သးန့ၣ်နီၣ်ဧိၤမံၤဧိၤဒီးတၤဆှူၣ်တပှီာ်တဖၣ်ကဒိၣ်ဘၢကွံာ်အီၤ န့ၣ်လီၤ.

လံာ်နၤဃူၣ် 2:13

ယွၤသ့တၢ်လၢာ်စံးဝဲဒၣ်, “ယမ့ၢ်နဒုၣ်နဒါလီၤ. ယကဒွဲၣ်အူကွံာ်နလ့ၣ်ကဟၣ်ဒုးသုးတဖၣ်လီၤ. နပှၤသုးဖိတဖၣ်ကဘၣ်တၢ်မၤသံကွံာ်အီၤလၢတၢ်ဒုးတၢ်ယၤအပူၤ, ဒီးယကဟံးထီၣ်ကွံာ်ကယဲၢ်တၢ်ခဲလၢာ်လၢန ဟံးန့ၢ်လၢပှၤဂၤတဖၣ်အအိၣ်န့ၣ်လီၤ. ဒီးနပှၤဃ့ၢ်စိာ်ဆှၢတၢ်ကစီၣ်အကလုၢ်န့ၣ်, တၢ်တနၢ်ဟူလၢၤဘၣ်အီၤနီတစုဘၣ်.”

လံာ်သိၣ်လီၤသီလီၤတၢ် 32:42

ယပျၢ်တဖၣ်လီၤစီၤဒီးအဝဲသ့ၣ်အသွံၣ်, ဒီးယနးကမၤသံကယဲၢ်ပှၤလၢအထီဒါယၤန့ၣ်လီၤ. ပှၤလၢအဒုးတၢ်ထီဒါယၤန့ၣ်, ယတပျၢ်ဖျဲးဘၣ်အီၤနီတဂၤဘၣ်, ပှၤဘၣ်ဒိဘၣ်ထံးဒီးပှၤဘၣ်စၢဃာ်တဖၣ်ဒၣ်လဲာ် ကသံဝဲလီၤ.