လံာ်ယံးရမံယၤ 46:12 - Sgaw Karen Common Bible

¹² ပှၤကလုာ်တဖၣ် နၢ်ဟူဘၣ်သုတၢ်ဘၣ်မဲာ်ဆှးအဂ့ၢ်ဒီး ပှၤကိးဂၤဒဲးနၢ်ဟူဘၣ်သုတၢ်ဟီၣ်တၢ်ယၢၤန့ၣ်လီၤ. သုးဖိတဂၤထွဲဘၣ်အဂၤဂၤ, ဒီးခံဂၤလိာ်လီၤဃံၤဝဲလၢ ဟီၣ်ခိၣ်လိၤန့ၣ်လီၤ.

လံာ်ယံးရမံယၤ 46:12 Iomraidhean Croise

လံာ်ယၡါယၤ 10:4

သုကဘၣ်တၢ်မၤသံသုလၢတၢ်ဒုးတၢ်ယၤအပူၤ, မ့တမ့ၢ်, တၢ်ကတွံၢ်ထီၣ်ကွံာ်သုဒ်ပှၤဃိာ်ဖိတဖၣ်အသိးလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်ဝဲဘၣ်. အစုယူာ်ထီၣ်ဒံးအသး လၢကစံၣ်ညီၣ်တၢ်အဂီၢ်လီၤ.

လံာ်ယၡါယၤ 19:2

ယွၤစံးဝဲဒၣ်, “ယကထိၣ်ဂဲၤထီၣ်ပှၤအဲၤကူပတူးဖိအတၢ်ဒုး ထီဒါလိာ်သးကဒဲကဒဲလီၤ. ဒီပုၢ်ဝဲၢ်ကထီဒါအဒီပုၢ်ဝဲၢ်, ပှၤအိၣ်ဘူးအိၣ်တံၢ်ကထီဒါလိာ်အသး, ဝ့ၢ်တဖၣ်လၢအဂုာ်မၤနၢၤလိာ်အသးကဒုးတၢ်ယၤတၢ်, ဒီးစီၤပၤတဖၣ်လၢအဂုာ်မၤနၢၤလိာ်အသးကဂဲၤပျုၢ် မၤန့ၢ်တၢ်စိတၢ်ကမီၤလီၤ.

လံာ်ယၡါယၤ 24:11

ပှၤဂီၢ်မုၢ်ကိးသတြီထီၣ်လၢကျဲတဖၣ်အပူၤမ့ၢ်လၢစပံးထံတအိၣ် လၢၤဘၣ်အဃိလီၤ. တၢ်သူၣ်ဖှံသးညီလဲၤပူၤကွံာ်ဝဲလီၤထူလီၤ ယိာ်ဒီးဘၣ်တၢ်နီၣ်ထီၣ်ဟီထီၣ်ကွံာ်အီၤလၢကီၢ်ပူၤလီၤ.

လံာ်ယံးရမံယၤ 14:2

“ကီၢ်ယူဒၤဟီၣ်တၢ်ယၢၤတၢ်လီၤ. အဝ့ၢ်တဖၣ်ဟါမၢ်ကွံာ်လၢာ်လံ. အပှၤဂီၢ်မုၢ်မံလီၤလၢဟီၣ်ခိၣ်လိၤလၢတၢ် သူၣ်အုးသးအုးအပူၤဒီးဝ့ၢ်ယရူၤၡလ့ၣ် ကိးထီၣ်လၢတၢ်မၤစၢၤအဂီၢ်လီၤ.

လံာ်ယံးရမံယၤ 2:36

သုမၤစှၤလီၤသုလုၢ်သုပှ့ၤခီဖျိသုဃၣ်ကွံာ်သုသးဆူပှၤကလုာ်အဂၤ တဖၣ်အကစၢ်တဖၣ်အအိၣ်အဃိန့ၣ်လီၤ. သုကသးဟးဂီၤကွံာ်လၢ ကီၢ်အဲၤကူပတူးအဃိ, ဒ်သုသးဟးဂီၤကွံာ်တ့ၢ်လၢကီၢ်အၤ ၡူၢ်အဃိအသိးန့ၣ်လီၤ.

လံာ်ယံးရမံယၤ 46:6

ပှၤလၢအဃ့ၢ်ချ့တဖၣ်, ဃ့ၢ်တပူၤဘၣ်. ပှၤသုးဖိတဖၣ် ဃ့ၢ်ပူၤဖျဲးဝဲတသ့ၣ်ဘၣ်. လၢကလံၤစိးတကပၤ, လၢထံကျိဖရၤသးအဃၢၤန့ၣ် အဝဲသ့ၣ် အခီၣ်ဘၣ်တိၢ်ဒီး လီၤဃံၤဝဲလီၤ.

လံာ်ယံးရမံယၤ 47:2

အဝဲစံးဝဲဒၣ်, “ကွၢ်တက့ၢ်. ထံဟဲထီၣ်လၢ ကလံၤစိးတခီဒီး ကယွၤသဖှိဝဲဒ် ထံကျိတကျိအထံလုၣ်ဘၢအီၤအသိးန့ၣ်လီၤ. ထံကလုၣ်ဘၢကွံာ်ထံဧိၤဒီး တၢ်ခဲလၢာ်လၢ အအိၣ်လၢအဖီခိၣ်, ဝ့ၢ်တဖၣ်ဒီး ပှၤဂီၢ်မုၢ်လၢ အအိၣ်ဆိးဖဲန့ၣ် ခဲလၢာ်လီၤ. ပှၤဂီၢ်မုၢ်ကကိးထီၣ်လၢ တၢ်မၤစၢၤအဂီၢ်ဒီး ပှၤကိးဂၤဒဲးလၢ ဟီၣ်ခိၣ်ချၢ ကဟီၣ်ဝဲယၢၤဝဲနးနးကျံးကျံးန့ၣ်လီၤ.

လံာ်ယံးရမံယၤ 48:34

ပှၤဂီၢ်မုၢ်လၢဝ့ၢ်ဃ့ၡဘိၣ်ဒီး ဝ့ၢ်အ့လဧၤလ့ၤကိးထီၣ်ဝဲဒီး အဝဲသ့ၣ် အတၢ်ကိးထီၣ်န့ၣ်ဘၣ်တၢ်နၢ်ဟူအီၤသ့ဝဲတုၤလၢ ဝ့ၢ်ယၤစ့ၢ်န့ၣ်လီၤ. တၢ်န့ၣ်ဘၣ်တၢ်နၢ်ဟူစ့ၢ်ကီးအီၤလၢ ပှၤဂီၢ်မုၢ်လၢဝ့ၢ်စိဧၢ်, ဒီးတၢ်န့ၣ်ဘၣ်တၢ်နၢ်ဟူအီၤယံၤဝဲ တုၤလၢ ဝ့ၢ်ဃိရနဲၣ်, ဒီးအဲကလးၡလ့ၡၤန့ၣ်လီၤ. ဝ့ၢ်နံးမရံအထံကျိတဖၣ်ဒၣ်လဲာ်လီၤသံးဝဲလီၤ.

လံာ်ယံးရမံယၤ 49:21

ဖဲကီၢ်အဒိၣ်လီၤပှီၢ်န့ၣ်, တၢ်အသီၣ်ဖးဒိၣ်တမံၤ ကအိၣ်ထီၣ်ဝဲ တုၤဒၣ်လဲာ်ဟီၣ်ခိၣ်ဒီဘ့ၣ်ကဟူးဝဲ ဒီးတၢ်မၤဖုးမၤပျီၢ်အတၢ်ကိးထီၣ်တဖၣ် ကဘၣ်တၢ်နၢ် ဟူအီၤယံၤတုၤဝဲလၢ ပီၣ်လဲၣ်က့ၣ်ကျီၤအကၣ် ဘၣ်ဒၣ်လဲာ်န့ၣ်လီၤ.

လံာ်ယံးရမံယၤ 50:46

ဖဲဝ့ၢ်ဘၤဘူၤလိၣ်လီၤပှီၢ်ကွံာ်ဝဲန့ၣ်, တၢ်အသီၣ်ဖးဒိၣ်တမံၤက ဟူထီၣ်ဝဲတုၤဒၣ်လဲာ်ဟီၣ်ခိၣ်ဒီဘ့ၣ်ကဟူးဝးဝဲ, ဒီးပှၤကလုာ် အဂၤတဖၣ် ကနၢ်ဟူဘၣ်တၢ်ပျံၤတၢ်ဖုးအတၢ်ကိးထီၣ်တဖၣ်န့ၣ်လီၤ.”

လံာ်ယံးရမံယၤ 51:54

ယွၤစံးဝဲဒၣ်, “ဒိကနၣ်တၢ်ဟီၣ်တၢ်ယၢၤအသီၣ်လၢ ကီၢ်ဘၤဘူၤလိၣ်အပူၤ ဒီးတၢ်ဘၣ်မိၢ်ဘၣ်မးလၢ ထံကီၢ်အတၢ်ဟးဂီၤ လၢထံလီၢ်ကီၢ်ပူၤအဃိန့ၣ်တက့ၢ်.

လံာ်နၤဃူၣ် 2:5

သုးခိၣ်သုးနၢ်တဖၣ်ဘၣ်တၢ်ကိးဖှိၣ်အီၤ ဒီးအဝဲသ့ၣ်အခီၣ်ဘၣ်တိၢ်ဖဲအဂုာ်လဲၤထီၣ်ဆူညါ အခါန့ၣ်လီၤ. ပှၤလဲၤထီၣ်ဒုးတၢ်တဖၣ်ဃ့ၢ်သဘျိၣ်ဆူဝ့ၢ်ခိၣ်ဒူ ဒီးဆီလီၤကတီၤဒီသဒၢတၢ်လၢသ့ၣ်ဖူကျီၣ်တိၢ်လီၤ ဝ့ၢ်ခိၣ်ဒူအဂီၢ်လီၤ.

လံာ်စဖါနယၤ 1:10

ဒီးယွၤစံးဝဲဒၣ်, “လၢမုၢ်နံၤအဝဲန့ၣ်တၢ်ကမၤအသးလၢတၢ်ကိးပသူထီၣ်ကသီၣ်ထီၣ် ဝဲလၢဝ့ၢ်ယရူၤၡလ့ၣ်အတြဲၤညၣ်န့ၣ်လီၤ. ဒီးသုကနၢ်ဟူတၢ်ဟီၣ်တၢ်ယၢၤလၢတၢ်လီၢ်အသီတတီၤလၢဝ့ၢ်အပူၤ ဒီးတၢ်လီၤပှီၢ်အသီၣ်ဖးဒိၣ်တမံၤလၢတၢ်လူၢ်ခိၣ်တဖၣ်အဒီခိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:12

ပှၤလၢအတသံဘၣ်တဖၣ်ဒၣ်လဲာ်န့ၣ်, ဒိးဘၣ်တၢ်ဆါအချံထီၣ်ဒီးညိးတဖၣ်ဒီး ပှၤဂီၢ်မုၢ်ကိးပသူထီၣ်ဆူအကစၢ်တဖၣ်အအိၣ်လၢတၢ်မၤစၢၤ အဂီၢ်လီၤ.