လံာ်ယံးရမံယၤ 46:10 - Sgaw Karen Common Bible

¹⁰ အအံၤတနံၤအံၤ မ့ၢ်ယွၤသ့တၢ်လၢာ်ဒီး ပၢဘၣ် တၢ်ခဲလၢာ်ကစၢ် တဂၤအမုၢ်နံၤလီၤ. တနံၤအံၤ အဝဲကဟ့ၣ်ကၣ်တၢ်န့ၣ်လီၤ. တနံၤအံၤ အဝဲကစံၣ်ညီၣ်အဒုၣ်အဒါတဖၣ်န့ၣ်လီၤ. အနးကအီၣ် အဝဲသ့ၣ် တုၤအီၣ်ဘျဲးအီၣ်ဒီး အီအဝဲသ့ၣ် အသွံၣ်တုၤအသးမံဝဲတစုလီၤ. တနံၤအံၤ, ယွၤသ့တၢ်လၢာ်လုၢ်ထီၣ်ပာ်ထီၣ်ပှၤလၢ အမၤနၢၤဝဲတဖၣ် ဖဲထံကျိဖရၤသးအနံၤလၢ ကီၢ်ကလံၤစိးန့ၣ်လီၤ.

လံာ်ယံးရမံယၤ 46:10 Iomraidhean Croise

လံာ်စီၤပၤခံဘ့ၣ်တဘ့ၣ် 24:7

ကီၢ်အဲၤကူပတူးအစီၤပၤဒီးအဝဲအသုးမုၢ်တဟးထီၣ်ကဒီးလၢၤလၢ ကီၢ်အဲၤကူပတူးအပူၤနီတစုလၢၤဘၣ်. မ့ၢ်လၢခဲအံၤကီၢ်ဘၤဘူၤလိၣ်အစီၤပၤပၢကယဲၢ်လီၢ်ကဝီၤလၢအဘၣ် ဃးဒီးကီၢ်အဲၤကူပတူး, စးထီၣ်လၢထံကျိဖရၤသး, တုၤလီၤလၢကီၢ်အဲၤကူပတူးအကလံၤစိးကီၢ်ဆၢဒၣ်လဲာ်အ ဃိန့ၣ်လီၤ.

လံာ်စီၤယိၤဘး 24:1

ဘၣ်မနုၤလၢသ့တၢ်လၢာ်ကစၢ်ယွၤတပာ်လီၤတၢ်ဆၢကတီၢ် တဘျီလၢကစံၣ်ညီၣ်တၢ်, တၢ်တီတၢ်လိၤအမုၢ်တနံၤလၢပှၤလၢ အမၤအတၢ်တဖၣ်အဂီၢ်န့ၣ်လဲၣ်.

လံာ်ယၡါယၤ 13:6

ဟီၣ်အိၣ်ယူၤလၢတၢ်ဆါအ့ၣ်ထုးအ့ၣ်စိၢ်အဃိတက့ၢ်. ယွၤအမုၢ်တနံၤန့ၣ်အိၣ်ဘူးဝဲ, မုၢ်တနံၤဖဲသ့တၢ်လၢာ်, ဟဲစိာ်တၢ်ဟးဂီၤန့ၣ်လီၤ.

လံာ်ယၡါယၤ 2:12

လၢနံၤအဝဲန့ၣ်န့ၣ်, ယွၤသ့တၢ်လၢာ်ကဆီၣ် လီၤပှၤကိးဂၤဒဲးလၢအဂံၢ်ဆူၣ်ဘါဆူၣ်, ပှၤကိးဂၤဒဲးလၢအပာ် ထီၣ်ထီအသးဒီးပာ်ကဖၢလၢအသးလီၤ.

လံာ်ယၡါယၤ 31:8

ကီၢ်အၤၡူၢ်ကဘၣ်တၢ်မၤဟးဂီၤအီၤလၢတၢ်ဒုးအပူၤ, ဘၣ်ဆၣ်တမ့ၢ်လၢပှၤကညီအတၢ်စိကမီၤဘၣ်. ပှၤအၤၡူၢ်ဖိတဖၣ်ကထွးထီၣ်ဃ့ၢ်ကွံာ်လၢတၢ်ဒုးဒီးအဝဲသ့ၣ် အပှၤသးစၢ်တဖၣ်ကဘၣ်တၢ်ဒုးကဲထီၣ်အီၤလၢကုၢ်တဖၣ်န့ၣ်လီၤ.

လံာ်ယၡါယၤ 61:2

အဝဲမၢလီၤတ့ၢ်ယၤဒ်သိးယကဒုးဟူထီသါလီၤတၢ်လၢ တၢ်ဆၢကတီၢ်ဟဲတုၤလံလၢယွၤကအုၣ်က့ၤခီၣ်က့ၤအပှၤဂီၢ်မုၢ် ဒီးမၤနၢၤကွံာ်အဝဲသ့ၣ်အဒုၣ်အဒါတဖၣ်န့ၣ်လီၤ. အဝဲမၢလီၤတ့ၢ်ယၤဒ်သိးယကမၤမုာ်ပှၤလၢ အသူၣ်အုးသးအုးခဲလၢာ်,

လံာ်ယၡါယၤ 63:4

ယစံၣ်ညီၣ်တဲာ်လၢတၢ်ဆၢကတီၢ်လၢယကအုၣ်က့ၤခီၣ်က့ၤယပှၤ ဂီၢ်မုၢ်ဟဲတုၤဝဲ, ဒီးတၢ်အံၤမ့ၢ်တၢ်ဆၢကတီၢ်လၢတၢ်စံၣ်ညီၣ် အဝဲသ့ၣ်အဒုၣ်အဒါတဖၣ်အဂီၢ်လီၤ.

လံာ်ယံးရမံယၤ 12:12

ပှၤတဖၣ်ဟဲခီဂာ်ကယဲၢ်မဲးမုၢ်ခိၣ်အလီၢ်ထီၣ်ထီတဖၣ် လၢကဂုာ်ဆူၣ်ပျိဆူၣ်တၢ်အဂီၢ်လီၤ. ယမၢလီၤတၢ်ဒုးတၢ်ယၤလၢကမၤဟးဂီၤ ထံကီၢ်ဒီဘ့ၣ်ညါအဂီၢ်န့ၣ်လီၤ. ပှၤအိၣ်မူလၢတၢ်မုာ်တၢ်ခုာ်အပူၤတသ့ဝဲ နီတဂၤဘၣ်လီၤ.

လံာ်ယံးရမံယၤ 46:14

“တဲဖျါထီၣ်တၢ်အံၤ လၢကီၢ်အဲၤကူပတူးအဝ့ၢ်တဖၣ်လၢ အမ့ၢ်မံးကဒိးလး, မဲဖံး, ဒီးဝ့ၢ်တၤပါန့ၤအပူၤတက့ၢ်. ကတဲာ်ကတီၤထီၣ်သုသးလၢ နကဒီဒၣ်လီၤသုသးအဂီၢ်တက့ၢ်. တၢ်လၢအအိၣ်ဒီး သုခဲလၢာ်န့ၣ် ကဘၣ်တၢ်မၤဟးဂီၤကွံာ်အီၤလၢ တၢ်ဒုးတၢ်ယၤအပူၤန့ၣ်လီၤ.

လံာ်ယံးရမံယၤ 46:2

စးထီၣ်ဝဲဒီး ကီၢ်အဲၤကူပတူးအဂ့ၢ်န့ၣ်လီၤ. တၢ်အံၤမ့ၢ် တၢ်လၢအဝဲစံးဝဲဘၣ်ဃးဒီးကီၢ်အဲၤကူပတူးအစီၤပၤ နကိၤအသုးမုၢ်လၢ ကီၢ်ဘၤဘူၤလိၣ် အစီၤပၤနဘူၤကးန့စၢ် မၤနၢၤမၤဃၣ်အီၤဖဲ ဝ့ၢ်ကၢ်ကမံၣ်ဘူးဒီး ထံကျိဖရၤသး, ဖဲကီၢ်ယူဒၤအစီၤပၤ ယဟိၤယါကံၣ်ပၢတၢ်လွံၢ်နံၣ်တနံၣ် အပူၤန့ၣ်လီၤ.

လံာ်ယံးရမံယၤ 46:6

ပှၤလၢအဃ့ၢ်ချ့တဖၣ်, ဃ့ၢ်တပူၤဘၣ်. ပှၤသုးဖိတဖၣ် ဃ့ၢ်ပူၤဖျဲးဝဲတသ့ၣ်ဘၣ်. လၢကလံၤစိးတကပၤ, လၢထံကျိဖရၤသးအဃၢၤန့ၣ် အဝဲသ့ၣ် အခီၣ်ဘၣ်တိၢ်ဒီး လီၤဃံၤဝဲလီၤ.

လံာ်ယံးရမံယၤ 50:15

ကိးပသူထီၣ်တၢ်ဒုးအတၢ်ကိးဝးတရံးန့ၣ်တက့ၢ်. ခဲကနံၣ်အံၤ, ကီၢ်ဘၤဘူၤလိၣ်ပာ်လီၤအစုကဝဲၤလံ. အဝ့ၢ်ခိၣ်ဒူတဖၣ်ဘၣ်တၢ်မၤဟးဂီၤအီၤဒီး ဘၣ်တၢ်မၤလီၤပှီၢ်အီၤလံ. သုဝဲစ့ၢ်ကီးဟ့ၣ်ကၣ်ဆၢက့ၤတၢ်အၢလၢ အဝဲသ့ၣ်အလိၤတက့ၢ်. မၤအဝဲသ့ၣ် ဒ်အဝဲသ့ၣ်မၤဘၣ်တ့ၢ်ပှၤအဂၤတဖၣ်အသိးန့ၣ်တက့ၢ်.

လံာ်ယံးရမံယၤ 50:18

လၢတၢ်အံၤအဃိ, ယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ကစံၣ်ညီၣ်စီၤပၤနဘူၤကးန့စၢ်ဒီး အထံအကီၢ်, ဒ်ယစံၣ်ညီၣ်တ့ၢ်ကီၢ် အၤၡူၢ်အစီၤပၤဖးဒိၣ်အသိးန့ၣ်လီၤ.

လံာ်ယံးရမံယၤ 51:6

ထွးထီၣ်ဃ့ၢ်ကွံာ်လၢကီၢ်ဘၤဘူၤလိၣ်တက့ၢ်. လၢကီၢ်ဘၤဘူၤလိၣ်အတၢ်ဒဲးဘးအဃိန့ၣ်, ခီၣ်သံသုသးတဂ့ၤ. ခဲကနံၣ်အံၤ, ယဟ့ၣ်ကၣ်တၢ်ဒီး စံၣ်ညီၣ်အီၤဒ်အကြၢးဘၣ်တၢ်စံၣ် ညီၣ်အီၤအသိးန့ၣ်လီၤ.

လံာ်ယဃ့းစက့လး 21:28

ပှၤကညီလၢအသံသ့ဧၢ, ကတိၤတၢ်လၢဝံအကျိာ်တက့ၢ်. ဘိးဘၣ်သ့ၣ်ညါတၢ်လၢယၤ, ယွၤပၢဘၣ်တၢ်ခဲလၢာ်ကစၢ်ယွၤကစံးဘၣ် ပှၤဧၤမိၣ်ဖိတဖၣ်, ပှၤတဖၣ်လၢအကတိၤဒုၣ်ဒွဲၣ်ပှၤအံၣ်စရ့လးဖိန့ၣ် တက့ၢ်. စံးဘၣ်အဝဲသ့ၣ်ဒ်အံၤတက့ၢ်. နးတဘ့ၣ်အိၣ်ကတဲာ်ကတီၤလံအသးလၢကမၤဟးဂီၤကွံာ်တၢ် အဂီၢ်လံ. ဘၣ်တၢ်ထူးကတြ့ၣ်ထီၣ်အီၤလၢမၤသံတၢ်အဂီၢ်, လၢကကပြုၢ်ထီၣ်ဒ်လီဝၢ်ဒံးအသိးအဂီၢ်န့ၣ်လီၤ.

လံာ်ယိၤအ့လး 1:15

ကစၢ်အမုၢ်နံၤ, မုၢ်တနံၤလၢသ့တၢ်လၢာ်ကစၢ်ကဟဲမၤဟးဂူာ်ဟးဂီၤတၢ်န့ၣ်ဘူး ထီၣ်လံ. မုၢ်နံၤအဝဲန့ၣ်မ့ၢ်တၢ်လီၤပျံၤလီၤဖုးအမုၢ်နံၤလီၤ.

လံာ်ယိၤအ့လး 2:1

အူထီၣ်ကွဲၤဒီးဒုးသီၣ်ထီၣ်တၢ်ဟ့ၣ်ပလီၢ်လၢကစၢ်ယွၤ အကစၢၢ်စီဆှံစံယိၣ်အလိၤန့ၣ်တက့ၢ်. ယူဒၤအပှၤဂီၢ်မုၢ်သ့ၣ်ဧၢ, ကနိးကစုာ်ဒီးပျံၤတၢ်တက့ၢ်. အဂ့ၢ်ဒ်အံၤ, ကစၢ်အမုၢ်နံၤကဟဲဘူးထီၣ်လံ.

လံာ်စကၤရယၤ 6:6

လ့ၣ်ကဟၣ်လၢအဘၣ်တၢ်တွံၢ်အီၤလၢကသ့ၣ်သူ တဖၣ်န့ၣ်လဲၤဝဲဒၣ်ဆူကလံၤစိးတကပၤဆူကီၢ်ဘၤဘူၤလိၣ်, လၢအဘၣ်တၢ်တွံၢ်အီၤလၢကသ့ၣ်ဝါတဖၣ်န့ၣ်လဲၤ ဝဲဒၣ်ဆူမုၢ်နုာ်တကပၤ, ဒီးလၢအဘၣ်တၢ်တွံၢ်အီၤလၢကသ့ၣ်ဂီၤဃ့ တဖၣ်န့ၣ်လဲၤဝဲဒၣ်ဆူကီၢ်လၢအအိၣ်လၢကလံၤထံးတကပၤန့ၣ်လီၤ.

လံာ်လူၤကၣ် 21:22

အဂ့ၢ်ဒ်အံၤ, တၢ်အံၤတဖၣ်မ့ၢ်ဝဲတၢ်စံၣ်ညီၣ်အမုၢ်နံၤမုၢ်သီတဖၣ် လၢအကမၤလၢထီၣ်ပှဲၤထီၣ်တၢ်ခဲလၢာ်ခဲဆ့လၢတၢ်ကွဲး အသးစီဆှံစံးဝဲလၢအဂ့ၢ်န့ၣ်လီၤ.

လံာ်သိၣ်လီၤသီလီၤတၢ် 32:42

ယပျၢ်တဖၣ်လီၤစီၤဒီးအဝဲသ့ၣ်အသွံၣ်, ဒီးယနးကမၤသံကယဲၢ်ပှၤလၢအထီဒါယၤန့ၣ်လီၤ. ပှၤလၢအဒုးတၢ်ထီဒါယၤန့ၣ်, ယတပျၢ်ဖျဲးဘၣ်အီၤနီတဂၤဘၣ်, ပှၤဘၣ်ဒိဘၣ်ထံးဒီးပှၤဘၣ်စၢဃာ်တဖၣ်ဒၣ်လဲာ် ကသံဝဲလီၤ.